ضيق عنق الرحم

[crystal 87]

السلام عليكم يا بنات يا حلوين

منو سمع منكم عن ضيق في عنق الرحم و علاقة بتاخر الحمل؟ لان دكتورتي تقول يمكن معاج ضيق بعنق الرحم يأثر على الحمل ،وشنو علاجة؟

 

[اضوى]

ماعندي حبيبتي خبر ان شالله البنات يفيدونج

 

[WaChoCha]

عزيزتي من بحثي بالانترنت عن هالموضوع اكتشفت ان له علاقة بتاخر الحمل.... وانا بحثت بالموضوع هذا لان اكتشفو ان عندي ضيق بعنق الرحم
بالصدفة الدكتورة اكتشفته واهي قاعدة تسوي لي سونار الماي علشان تشيك على الرحم ... والحمدلله عن طريق السونار الداخلي دخلو فيني قسطرة فيها ماي وسعت لي عنق الرحم ..بس تجربة مؤلمة بصراحة لان ما كان فيها بنج ولان قاعدو يحاولون اكثر من مرة علشان يفتح معاهم... وسويتها بالصباح بمركز اطفال الانابيب

 

[vevo]

انا عندي نفس المشكله بس ما سببت لي تاخر بالحمل بس عشان هالمشكله اوولد قيصريه ما يفتح الرحم عشان اوولد طبيعي

 

[عروسه 99]

ما عندي خبر بس ما حبيت ادخل موضوعج وما ارد والله يرزقج انشالله ويرزق كل محرومه

 

[crystal 87]

جزاكم الله خير خواتي على ردودكم

انا اكتشفت هذي المشكلة لما سويت اشعة الصبغة و ودخلو القسطرة عادي بس لما يو يدخلون الضبغة نفسها كانت ما تدخل كل يصب تحتي قعدوا نص ساعة واهما يعابلون فيني يبونها تدخل كل تطلع و ييو 2 دكاترة " وانا طبعا بجي و الحالة حالة" بس بعدين جربو قسطرة اصغر بالغصب دخلت الصبغة شوية و قالتلي الطبيبة الحمدلله ما فيج شي وما في انسداد بس معاج ضيق بعنق الرحم و ماله علاج الا التلقيح صناعي او اذا تبين اتاكدين ان معاج ضيق سوي منظار وللحين ما سويت شي خايفة
الله كريم

 

[نف نف22]

سوي التلقيح الصناعي انتي تحسييييين بوقت الجماع بالعوار ولا لا crystal87 الان انا احس واااايد بوقت الجماع عوااار وسولي الصبغه عادي ماصار مثلج

 

[crystal 87]

لا الحمدلله ما احس بعوار وقت الجماع والحمدلله كل تحاليلنا انا و ريلي طبيعية بس ما يصير حمل ما ادري ليش

انا لما قالتلي دكتورتي عن التلقيح الصناعي قالت ان نسبة نجاحة اول مرة 15-20% و لما تسوينه 3 مرات توصل النسبة 60-70% عشان جذي ترددت و ريلي ما عجبه الكلام و قال ماراح انسويه بس انا بحاول فيه مرة ثانية وانشالله يرضى

 

[tabola]

انا سسويت تلقيح صناعي 3 مرات ومستمره بالعلاج وماصار حمل وسويت اشعه ملونه ومافيني شي بس وقت التلقيح قالت لي الدكتورة عنق رحمج صغير وماادري شسوي

 

[نف نف22]

لاترددين وسويها وحاولي تقنعينه بالعمليه الان انا ريلي موراضي وقاعده احاول فيه وانشالله يرضوووووووون ونحمل ونيييييب تؤام انشالله

 

[غيـ الناس ـر]

حبوبه في عملية توسعه لعنق الرحم .. سويها مو خسرانه

في دكاتره يسوونها بدون بنج بس مؤلمه واذا ببنج يسوونها لج بالمستشفى