ضيفة من الامارات

[امنه المهيري]

السلام عليكم يا بنات الكويت.. :68_asmilies-com:

اشحالكم؟ ان شاء الله كل شي تمام....

انا عضوة يديده عندكم وحبيت المنتدى لانه يغطي كل المواضيع.. سبشلي :icon30: الازياء والدراعات ( اللي هيه نحن انسميها الجلابيات) طبعا انتوا عندكم موديلات حلوه وغريبه.. فعشان جيه انا بتكون لي زياره ان شاء الله الاسبوع الياي لبلدنا الثاني الكويت.. يا ليت اتساعدوني بالاماكن و الخياييط اللي يبيعون من الدراعات الغريبه حق العيد وحق رمضان اللي اسعارها اتكون مناسبه وبغيت اسال اذا بتكون في معارض من تاريخ 5 لين 7 اغسطس

ادري انكم ما بتقصرون فهمتكم يا بنات

تحياتي .. اختكم من الامارات :33_1185028183:

 

[فـــخـــر]

حياج الله

ان شالله البنات يفيدونج ماعندي خبره بالدراريع والمعارض

 

[ريماس21]

حياج الله في ديرتج الثانيه

وان شاء الله البنات ما راح يقصروون معاج

 

[UNICORNA]

فديت الامارات واهلها

حيابك ياحبوبه بيننا وان شالله البنات يفيدونك (=

 

[am_kshaa]

حياج الله وتنورين الكويت حبوبه
وحق الدراريع عندج مجمع العربيد بالفروانيه خلف الجمعيه كله خياطين وحاطين لج الموديلات وانتى نقى الخام والموديل واذا تبين تغيرين او تضيفين عادى واسعارهم وايد حلوة ومناسبه من 15 دينار لى 45 وعندج مجمع النقرة الشمالى بحولى الدور الاخير كله دراريع ومجمع الحمرا مول بالفروانيه والاوقاف بالديرة هذوله كلهم متخصصين بالدراريع والمجمع الى كل الخليجين يروحون له لما يزورون الكويت سوق السالميه لان الملابس الى فيه اغلبها صناعه كويتيه او دراريع وعبى وملابس البيت وشامل كل شى تحتاجينه......... والاسعار اغلبها زينه ورخيصه
واذا تبين معارض مشكلتهم محد فينا يحفظ مواعيدهم اذا وصلتى الكويت اول شى اشترى جريدة الوطن وعندج ثانى صفحه كلها معارض يكتبون لج وين فى ومتى وفى معارض دايمه الى اهيا بيت ديفا وسدرة عند مستشفى الاميرى هذوله شغالين الحين لى العيد كل اسبوع يكون فى ناس غير
انشالله اكون وفيت بالى تبينه واذا عندج اى استفسار حبوبه دزيلى على الخاص وحياج الله بديرتج الثانيه الكويت

 

[مس فاشن]

حياج الله شوفي ياقلبي من باجر فيمعرض بقرطبه
وبتاريخ 4 في معرض بالموفنبك المنطقه الحره وهناك تلاقين كل اللي تبين انشاء الله

 

[ريـــم إلغـــلآ]

للرفع

 

[زينة الخلايق]

للرفع

حيااج الله ،، ارحبي

 

[عاشقة^زوجها]

للرفع
وحياج الله يالغاليه ..

وتلقين الدراريع بالنقره .. و سوق السالميه .. و العربيد .. والفروانيه عموما مجمعاتها اغلبهم دراريع ..

ونورتي ديرتج الثانيه

 

[الجــادل]

رد : ضيفة من الامارات

حيالله هل الامارات والمهيري كلهم انا صديقتي منكم

برسلج عالخاص موبايلي

واي شي تبينه لا يردج الا لسانج

 

[امنه المهيري]

رد : ضيفة من الامارات

السلام عليكم جميعا...

الصراحه ما قصرتوا والله يعطيكم العافيه كفيتوا ووفيتوا ..

جاااااااااان استاااااااااانس....