ضياع في زمن ما يرحم واقعيييه ..

[اكابر]

روايتي الثالثه بعد توقفي بالروايه الثانيه لاسباب خاصه ..


******************************************

اتمنى تعجبكم :yaaaaaarb:.. بس من البدايه بقول شي ..
اذا ما حصلت تفاعل ما راح اكمل .. والروايه فيها احداث وايد يمكن ما تعجب البعض فياليت بدون تجريح لانه الروايه واقعيه 100% واحداثها صارت بالكويت .. ومع انسانه اعرفها عدل وانا استأذنتها اصيغ الروايه باسلوبي... ...........................................................................................................................
البارت الاول ..


شيخه الزينات هلت واقبلت بالهوينا مشيها مشي الضبي .. من حلاها كنها الشمس شرقت .. ..

على انغام اغنيه راشد الماجد .. والاضاءه الخافته .. العيون كلها كانت معلقه على الباب ..

دخلت سلمى بخطوات بطيئه كلها خووف ورهبه .. ونظرات تايهه تدور امها .. والويه قلب الحمر من الحيا ..

الكل انبهر من جمالها ونعومتها ..

سلمى عمرها 17 سنه تزوجت زواج تقليدي .. اهلها ما اغصبوها عالزواج بالعكس اهي اللي وافقت عشان تفتك من تحكم اهلي وشدتهم بالتربيه ... هذا من وجهه نظرها ..

اما الواقع فمن خوف اهلها عليها كان حرصهم زايد .. مع هذا كانوا مومقصرين عليها بشي لا اهيا ولا اخوها ..

اخوها خالد اكبر منها ب 4 سنين بس علاقته حيييل قويه مع اخته بحكم انه ما عنده غيرها .. وايد يحبها واهي وايد تحبه ...

وحيل تضايق وقت زواجها ..

نرجع للعرس .. سلمى كانت جميله وويها بريئ وملامحها طفوليه وبالعرس حرصت انه تسريحتها تكون ناااعمه وميك ابها حييل ناعم .. وهذا اللي زادها حلى ..

الناس كلهم انبهروا بجمالها وبياضيها ونعومتها ..

...: ما شاء الله تبارك الرحمن شحلوها العروس ..

...: أي والله شحلوها اول مره اشوف عروس ناعمه جذي العاده دفاشه ..

...عاد خل نشوف المعرس اكيد احلى منها ..

... : مسكينه يوقف قلبها اذا طلع احلى منها البنات بياكلونه اكل ..

فاطمه خاله سلمى وحيييل كانت معاها لانها قريبه منها بالعمر عمرها 19.. سمعت الحريم واهما يتكلمون وعطتهم ذيج النظره وقالت : الحمدالله بنيتنا حلوه والكل يشهد لها ولا تحاتوون المعرس حلو بس مو احلى منها ..

الحريم تبلعموا واسكتوا .. اما فاطمه فراحت حق سلمى ..

فاطمه : سلومه حبيبتي اشفيج مرتبكه ..

سلمى : وااي فطوم حدي خايفه الناس كلهم يطالعوني وبعد لا دشوا الرياييل يمااا فشله ..

فاطمه : لا ياقلبي ما عليج لا تحاتين الكل يطالعج من حلاتج اسمالله عليج تهبلن صايره زووغه .. والرياييل ما عليج انا اسوي حركات شخلعه واخليهم يصدون عنج ويخزوني وحتى ريلج بخليه يخزني هههههههههه ..

سلمى : ويعه فطوم مو وقت غشمره ..

فاطمه : اشفيج تيك ات ايزي ماما كلها ساعه وتروحين الفندق عاد ها ما اوصييج ثقلي مو تنطين عالريال وتبوسينه .. خلج ثقيله اول يوم اعرفج دفشه ..

سلمى : فطووووووم ..

فاطمه :هههههههه وي يا حلوج وانتي معصبه واي واي ما اقدر بروح ارقص خوش اغنيه ..

راحت فاطمه ترقص وخلت سلمى بروحها عالكوشه حدها خايفه من المستقبل وتفكر بمصيرها المجهول .. سلمى ما كان لها أي تجارب قبل ولا علاقات مع شباب .. فزوجها بيكون اول ريال بحياتها .. فاطمه حاولت تقنعها قبل انها تتعرف على واحد بس سلمى كانت خوافه ..

مع انه شخصياتهم عكس بعض الا انهم حيل مع بعض .. فاطمه جريئه وسلمى خجوله .. فاطمه متحرره وفري .. سلمى محتشمه وتخاف من كل شي هذا اللي تربت عليه او على كلامها اللي انفرض عليها .. ودها تصير نفس فاطمه بس تخاف من اهلها ..

الدي جي : ياجماعه الكل يلبس حجابه المعرس وصل ..

سلمى تأشر حق فاطمه اتي وفاطمه لاهيه بعمرها تلبس شيلتها وعباتها .. يات ام خالد اللي اهي ام سلمى تلبس بنتها الوشاح ..

سلمى : يما ويينج من اول ما دخلت وانا ادورج ليش ما يتيني ..

ام خالد: يا حياتي انتي كاني ييتج ..

سلمى :يمااا انا احبج وايد .. وعيونها غورقت ..

ام خالد: ها ها ترى بخليج وبروح لا تبجين حبيبتي لا تخربين مكياجج هذي ليله عمرج وعمرها ما راح تتكرر ..
الام كانت تحاول تخش دموعها ماكانت تبي تبجي جدام سلمي ..

لبست بنتها الوشاح وغطتها .. ووقفت يمها ..

ودخل المعرس ..

يا معريس عين الله تراك والقمر والنجووم تمشي وراك ... يا معيرييس ...

دخل بدر وكان على يمينه ابوه وعلى يساره يده اللي سموه على اسمه .. ويم بو بدر وقف بو خالد وخالد ولده وورىكان اخوان المعرس وربعه وباجي الاهل ..

بدر عمره 23 سنه يصير ولد خاله سلمى اسمر مملوح بطوط وطويل .. وسلمى كانت قصيره ..

وصل المعرس لي الكوشه وباس راس زوجته وتم واقف حق التصوير ويسلم عالرياييل ... وكل اللي يسلم وينزل يروح يرقص شباب وشياب العموم كله قام يرقص ..

حست سلمى بأيد رفعت ويها ولا ابوها .. قامت وقفت واحضنت وابوها ونزلت دموعها بس شافت ابوها .. وابوها ما قدر يمسك نفسه وخر عنها على طوول وطلع من الصاله ..

اما خالد فحس انه الوضع متوتر ..

خالد: سلوم طاع ويهج ليش تبجين رايحه تجاهدين بأفغانستان ..

سلمى :هههههههه ..

خالد:يالجلبه صايره حلوه .. شمسويه ..

سلمى : ههه عيونك الحلوه ..

خالد : حبيبتي مشي دموعج لا تصدقين عمرج الله يعافي المكياج اللي محليج .. مشي دموعج كحلتج ساحت يامحكله ..

سلمى : ههههههههه ..

خالد: بس شرايج بأخوج زقرتي ها ..

سلمى : تهبل يا اخووي من عمرك وانت حلو الله يحفظك ..

خالد: فديت نفسي شحلوي خل اروح حق المعجبات ترى البنات اذبحوني كل وحده تبي تصور وياي بس خليتهم عشانج ..

سلمى : خالد امانه روح حق ابوي لا تخليه يسوق امانه .. شكله تعبان

خالد: ان شاااااء الله من عيوني .. اقول بدديير دير بالك على اختي موتزعلها ..

بدر :افا عليك بعيوني ..

سلمى استحت من كلام بدر ونزلت راسها ..

............................................................................................................................

فاطمه: اقول بدوور يقولون الاسمر الحلو اللي قاعد يرقص رفيجك صج .؟

بدر: أي واحد؟؟

فاطمه : الاسمر الطويل شوف هذا هذا اللي طاح شماغه ..

بدر: أي رفيجي ليش اشفيه ..

فاطمه: يمه اشحلوه ظبطه لي..

بدر: اقول قلبي ويهج وعيب هالحجي ..

فاطمه : سلووم شوفي ريلج يزفني ..ما عليه انا ظبطتك وزوجتك هالكيكه اللي يمك بس صج مالك امان تمسكنت لين تمكنت..

بدر: فطووم ذلفي عن ويهي لا اذبحج..
فاطمه: اقول عيب هالحجي ترى انا خالتك ها ..
بدر: خاف صج بس مصدقه عمرج.. انج خالتي .. اشوى اني اكبر منج .. يله تت مناك ..

فاطمه: سلوم شوفي ريلج تبينه ولا اذبحه ..

سلمى : .................

فاطمه : عشتوا يعني مستحيه .. اقول تبين الحين طلع سوالفج .. والله مووقته ولا جان قلت عن خبالجحق بديير ..

بدر: اقول فطووم يله متى نطلع ترى زهقت ..

فاطمه : انزين بس اغنيتين وعقبها تطلعون على ما يجهز الزفه الدي جي ..

...................................................................................................................................

كلمت الدي جي ..وزهب الزفه ..

سلمى قالت حق فاطمه اتي معاها الفندق عشان تساعدها باللبس وعشان تاخذ النفنوف معاها لانه ثانيي يوم بيسافرون ..

بيروح دبي ..

زفوهم وبالاصنصير ركبت فاطمه مع المعاريس وكانت مغطيه ويها عشان الميك اب .. فبدر ما انتبه انه هذي فاطمه عباله المصوره او شي ..

بدر: يعني الحين من صجج فطوم بتي معانا ..

سلمى : أي اشفيك ..

بدر: شكووو انا بس بعرف شكو رازه ويها ريال ومرته رايحين فندق اتيي شكوو..

سلمى: بدر عيب ..

بدر: والله بعد شنو عيب ..

فاطمه: والله بروح غصبن عليك يالبطه ..

بدر: اووه هذي انتي .. بالله اشتبين رازه ويهج ..

فاطمه : هذي يزاتي بييب لكم العشا واسنع لك مرتك ..

بدر: لا مشكوره نعرف نطلب عشا لا اتعنين ..

فاطمه : والله عاد مو بكيفك ..برووح..

بدر:اف شهاللزقه ..

فاطمه تطلع لسانها حق بدر وتحره ..

..


اتمنى تكون البدايه اعجبتكم .... واذا لقيت تشجيع راح اكمل ..

 

[اكابر]

حددكم تشجعون .. خو كلمه لوجبر خاطر .. وحتى لو ما عجبتكم كتبوا ما عجبتكم ليش تطنشون ..

 

[jara7ni 7ubi]

رووووووعه

بس البارت مافهمنا منا عدل ~

كملي ناطرينج​

 

[اكابر]

هذي بس البدايه للتوضيح بس الاحداث يايه بالبارتات اليايه .. على راسي والله شرفني مرورج..

 

[اكابر]

امبيه 45 مشاهده وكومنت واحد حدكم ما تشجعون..

يمكن البدايه عاديه بس بنزل بارت ثاني على ةعسى تعبرونا ..

 

[اكابر]

البارت الثاني ..

......................

بالفندق..
فاطمه: بدير ممكن تعطينا عرض جتافك ..


بدر: نعم!!! وين اولي ؟؟

فاطمه: اطلع برا شوي البنيه بتبدل ملابسها ..

بدر: وشنو يعني خو زوجتي ..سلومه ما اتحجين هذي تطردني برا ..

سلمى: ...........

فاطمه: صج بديير اطلع برا يله ما راح نطول بس تبدل واناديك ..

بدر: لا حول ولا قوه الا بالله انزين ..

طلع بدر وخلاهم عشان العروس تاخذ راحتها ..

راحت سلمى الحمام وانتوا بكرامه تغسل جسمها ..وفاطمه زهبت لها ملابسها وطلعت لها قميص نوم نااعم نفنوف قصير ستان علاق .. وفوقه روب دانتيل قصير في شك ناعم .. شكله وايد ذرب..

بعد ما خلصت سلمى من الحمام ..ولبست ملابسها وبطلت تسريحتها وظبطت شعرها .. ومسحت ميك ابها كله وحطت كحل خفيف داخل عينها وشويه مسكارا .. ولب ستك وردي .. مع بلشر خفيف .. شكلها صار زووغه وجنها بيبي ..

تعطرت ..راحت صوب المنظره .. تطالع روحها ..

سلمى : امبيه فطوم احس فشله وايد قصير هالقميص ..

فاطمه : اقول يمه ... ما تبين اييبلج بجامه احسن لج ..

سلمى :الله صج يصير يعني ..؟

فاطمه: اقول لاتحسسيني انج بريئه واييد ترى خبز ايدي انتي ..

سلمى: لووووول لا والله مو سالفه براءه بس استحي البس جذي جدام بدر ولاتنسين انه بنقعد نتعشى يعني حده فشله

فاطمه: ماعليج ماكو فشله ولا شي خو ريلج ..

سلمى : بيني وبينج لين الحين مو متقبله فكره انه بدر ريلي .. يختج لين الحين اشوفه اخو مو اكثر ..

فاطمه : وبعدين معاج ردينا حق هالحجي ... عيل ليش وافقتي من الاول دامج مو متقبلته ..

سلمى : انتي اكثر وحده تعرفين ليش وافقت عليه ..

فاطمه : لا مو عذر عشان اهلج حيل حجرين توافقين على واحد ما تحبينه ..

سلمى: فطوم انا مو ما احبه بالعكس بدر حبوب وقلبه طيب .. بس يعني احنا تربينا مع بعض ومن كنت صغيره اشوفه جدامي .. فمو متخيله نفسي اعيش معاه افبيت واحد وانام معاه بفراش واحد ووو ....

فاطمه: لي فات الفوت ما ينفع الصوت المفروض هالحجي تفكرين فيه من قبل لا تتزوجين مو ليله دخلتج يايه تقولين هالحجي ..

سلمى: تهقين اقدر اتأقلم .. ؟

فاطمه : كل شي بأيدج شيلي هالافكار من راسج وصدقيني بتتأقلمين معاه .. وبتحبينه مع العشره ...

طاخ طاخ طااخ .. فجوو الباب ما صارت ..

فاطمه : لووول نسيناه برا .. انزين ثواني ..

بدر : لا والله كل هذا تبدل العروس ما صارت .. ..

فاطمه: بعد عروس يحقلها تتدلع وتاخذ راحتها باللبس .. شنو يبت الاكل ..

بدر : اي واانا قاعد تحت وصل المطعم عاد حاسبته وقلت خل اييبه عشان لا يبرد.. وعينه طارت على سلمى وحيل انبهر بنعومتها .. وجمالها ..


فاطمه حست انه وجودها غلط فقالت ..

فاطمه : يله اوكي انا اخليكم تتعشون ..

سلمى: فطوووم وين ؟؟؟

فاطمه: حبيبتي بمشي بعد ما ورى عشان تاخذون راحتكم .. والوقت تأخر ..

سلمى: عفيه فطوم تعشي معانا ..

فاطمه : لا ياقلبي بالعافيه عليكم ..

سلمى : عفيه فطووووم ..

فاطمه : لا اخاف ريلج يكفخني الحين ..

بدر: لا دام سلومه تبيج تقعدين قعدي ..

فاطمه: لا اتغشمر بمشي صج مابي اتأخر اكثر ..

سلمى: فطووم بليييزعشاني قعديي ..

بدر: ترى ذليتي مرتي خوو قعدي تعشي وفكينا ييه ..

فاطمه: انزييين هم عازميني عالعشى وهم يزفوني ..

.........................................................................................................................


قعدوا يتعشون ثلاثتهم .. وبدر وفاطمه طول العشى واهما يطفرون بعض ويتناجرون مع بعض .. وسلمى بس اتطالعهم وتضحك عليهم ..

بدر كانت عينه على سلمى طول الوقت وحتى واهو يسولف .. عينه عليها ..

بس سلمى كانت بعالم ثاني .. كانت ما تبي الوقت يمشي وفاطمه تروح .. .. حتى بفتره الملجه ماكانت تقعد معاه بروحهم كانت تستحي وتحرص انه يكون في احد يكون معاهم ..

خلصوا عشا .. جان تقول فاطمه ..

كثر الله خير من تكلف .. مشكورين وماقصرتوا ..

بدر: بالعافيه يله يله الحين عطينا عرض جتافج ...

فاطمه : اها يعني بتردها لي مثلا ..

بدر: اييي افا عليج ما اخليها بقلبي ..

فاطمه : انزين خل اسلم على العروس ..

راحت باست سلمى واحضنتها ومسكت ايدها واضغطت عليها حيل وهمست بأذونها لا تحاتين كل شي بيكون اوكي ..

وقبل لا تطلع قالت حق بدر ..

بديير تعال وصلني لي الاصنصير ..

بدر: ليش ياهل تخافين ..

فاطمه واهي تطالعه بنظره انه اببييك : ايي اخاف تعال وصلني يله ..

بدر:انزييين .. سلمى اروح اوصلها وارجع ..

سلمى : اوكي ..

طلع بدر مع فاطمه .. برا .. ووصلها لين الاصنصير ..

بدر: وصلتج بعد اشتبين ..

فاطمه: بدور حط سلمى بعيونك ترى سلمى مسكينه ..

بدر: فطوم شكو هالحجي شنو انا بعذبها مثلا ؟؟

فاطمه : لا ما قلت بتعذبها بس حرام سلمى وايد طيبه وتستحي دير بالك عليها .. وترى سلوم ام دميعه بسرعه تبجي مو تزفها ولا تهاوشها ..

بدر: حاظر وبعد ..

فاطمه: سلامتك .. يله مع السلامه ..

بدر : الله يسلمج .. فمان الله ..

رجع بدر حق الغرفه .. لقى سلمى شايله باجي الاكل .. ومنظفه الطاوله .. وقاعده عالكراسي اللي جبال التلفزيون ..

بدر: يعطيج العافيه ..

سلمى : الله يعافيك .. راحت فطوم..

بدر: اي راحت .. انا بروح ابدل وارجع اوكي ..

سلمى : اوكي ..

راح بدر اخذ شور وبدل ملابسه .. طبعا ليش انه معرس كاشخ فبجامه حلوه لونها كحلي ..

طلع من الحمام .. وطالع سلمى ..

بدر: اقول تبين الليتات ولا اطفيهم ..

سلمى: على راحتك ..

بدر : انا اقول انخفف منهم خلينا عالابجورات اشرايج ..

سلمى:مثل ما تشوف ..

راح بدر انسدح عالسرير .. وتمت سلمى فمكانها ..

بدر: ما تبين تنامين ..

سلمى : مو الحين بعد شوي ..

بدر: انزين ليش قاعده هناك تعالي قعدي عندي خل نسولف شوي ..

سلمى : ان شاء الله ..

راحت اقعدت عالسرير بس بعييييد عنه ..

بدر: ترى ما راح اعضج قربي اشفيج ..

سلمى : اضحكت بحيا .. وقربت شوي ..

شعرها كان ناااعم وطويل .. وكانت مخليته مبطل .. حط ايده على شعرها وقال ..

اول مره ادري انه شعرج طويل وحلو .. من خذيتج وانتي كله ترفيعنه ..شنو تخافين من عيني ترى احسدج ..

سلمى: ههههه لا والله مو عن بس انا متعوده ما ابطل شعري ..

بدر: تدرين فطوم مساع توصيني عليج ..

سلمى: يابعد عمري يافطوم اكثر وحده بالدنيا فاهمتني ..

بدر: بس فطوم بعد عمرج ؟؟ وانا ؟؟

سلمى : وانت بعد ..

بدر : انا شنو ؟؟

قطع كلامهم مسج ييه حق بدر .. بال bbm

بدر: اوووه نسيت لا اسكر تليفوني الحين الربع راح يأذوني ..

سلمى: اشدعوى عادي ..

فتح بدر المسج بس ..

على طول سكره وويهه اعتفس ..

سلمى: اشفيك ؟

بدر : لا ماكو شي .. نامي انتي ارتاحي لانه باجر من الصبح ورانا طياره ..

سلمى : ان شاااء الله ..

انسدحت سلمى وغمضت عينها حست انه في شي ... وقامت تفكر بدر ليش اعتفس اول ما بطل المسج ؟؟ ياترى شنو دازين له ..

وشوي شوي حست بحركه .. ولا بدر قاعد يتسحب شوي شوي ..

تمت سلمى مغمضه عيونها لين الصوت راح ..
بطلت عينها وما لقت بدر ..

قلبها قام يرقع وتقول بينها وبين نفسها وين راح وليش تسحب جذي بس نطرني انام .. ويا ترى شنو هالمسج الل اعفسه .. فوووق تحت ..

وحتى ما خلاه يقرب مني ؟؟

اسمعت همس بالحمام قربت ولا تسمع بدر يتحجى ..

بدر: اي المفروض ما تدز لي جذي اشفيك .. يعني افرض زوجتي شافته .. ولك تخسبقت مادري شسوي . من صجك انت .. حده .. لا والله مو سالفه خووف بس يعني الاحترام واجب يعني اهيا توها عروس .. هههههههههه تصدق يبيله .. انزين يله اقلب ويهك بروح انام .. لا والله بروح انام المره نايمه قبلي اصلا .. لا والله ما صار شي من شفت الصوره وانا اعتفست .. اييي انزيين يله ..

سلمى راحت بسرعه الفراش وسوت روحها نايمه ..

وبقلبها تقول .. منو هذا اللي يحاجيه بدر وليش بالحمام وشسالفه الصوره اللي اعفسته ..

رجع بدر وحط راسه ونام ..

طول الليل سلمى ما قدرت تنام وتمت تفكر بالموضوع ..

..........................................................................................................................................


فاطمه : والله يا حبيبي كنت لاهيه بالعرس ..

جاسم: اكيد كنتي احلى وحده بالعرس ..

فاطمه : طبعا ما يبيله حجي ..

جاسم : يعني الله يرضى الناس كلها تشوف جمال حبيبتي وانا انحرم منها ..

فاطمه : شسوي بعد..

جاسم.. دزيلي صورتج يله ..

فاطمه بدلع : مابيي ..

جاسم : يله فطووم بشووفج حدي ولهان عليج ..

فطوم : انزين .. يله ثواني وادزها ..

جاسم فديتج ..

.........................................................................................................................................

خلوني اقولكم عن جاسم .. عمره 30 مطلق وعنده 3 بنتين وولد ..

سلوى 7 سنين

دلال 5 سنين

علي سنتين

اهوا من فئه غير محددي الجنسيه .. يشتغل بشركه مقاولات .. تعرف على فاطمه بالجامعه .. كان رايح مره لصديق له مدرس ..

وشافها .. وعجبته .. ولحقها لي سيارتها وعطاها الرقم ومن يومها واهو يكلمها وصار لهم على هالحال سنه ..

سبب طلاقه كان شكه الزايد بزوجته .. ماكان يثق فيها كلش لدرجه انه كان يراقبها على طوول .. وحاط لها جهاز تسجيل بالبيت ..

لين ازهقت المرا وراحت بيت اهلها وطلبت الطلاق ..


.........................................................................................................................................

جاسم: يمه قلبي شنو هالكيكه هذي ..

فاطمه : اشرايك فيني ..

جاسم: من صجج اتهبلييييييييييين يما يا يما مال اكل والله ..

فاطمه : لوووول اشدعوى عليك ..

جاسم: والله اشحلاتج عسى قريتي على نفسج .. من العين ..

فاطمه : بلى قريت ..

فاطمه كانت لابسه نفنوف كوكتيل بنفسجي .. اللون الكادبيري .. قصير .. وفيه حزام عريض تحت الصدر كله مشكوك شوارفسكي ملون ..

شعرها كان قصير وفيه خصل حمرا .. ومسويته كله كييرلي نفس شعر نوال الكويتيه في اغنيه انت طيب ..

...........................................................................................................................

علاقه فاطمه وجاسم كانت واايد قويه ..وتعدت الصداقه ..

كانت تطلع معاه ومع عياله وتروح معاهم الالعاب .. ويتعشون مع بعض ..

..............................................................................................................................


تتوقعون شنو الصوره اللي وصلت حق بدر وخلته يعتفس مره وحده ؟؟ وهل هالصوره بتأثر على علاقته بزوجته ؟؟وشسالفه جاسم مع فاطمه ؟؟؟

نطروني بالبارت الياي وبتعرفون شبيصير ..

 

[spring]

حلوة القصة بس يا تري شنو المسج اللي يي حق بدر؟ ووين البارت الثاني؟

 

[spring]

اشلون انتقل للبارت مافي صفحات؟؟

 

[اكابر]

تبوني اكمل الروايه ؟؟؟

 

[*მէօ0օომ ~❥]

كمليها كمليها انا توني اطيح عليها

امبيه شنو الصورة الي خلت بدر يعتفس هاااااا

وماظنتي جاسم وفطومة يظلون مع بعض يعني راح يفترقون واشك انه بدر يعرف وحدة مادري جذي حساااااس​

 

[اكابر]

فطوم تدرين انه البارت هذا كان اخر بارت كتبته بس لعيونج بشتغل عالبارت اليديد وانزله اما اليوم او باجر باذن الله بس هااا اذا ماكو تفاعل ماراح انزله...

 

[*მէօ0օომ ~❥]

تصدقين عاد البنات بعدبن يتفاعلون يعني بعد بارت الرابع بعد يعني مايعرفون اشصاير ويتعرفون على الابطال والشخصيات هه هع هع هع بس انا حبيت روايتج وايد واحسها مومألفه يعني اي كلام اكتبه صارت روايه

 

[اكابر]

يمكن ما يندرى .. عالعموم انا كتبت من البدايه انه هالروايه واااااااااااااااااااقعيه وصارت بالكويت مع انسانه قريبه مني وانا استأذنتها اني اصيغها باسلوبي ووالله مابغير شي فيها اللهم الاسماء اما الاحداث فمثل ما اهي ..

 

[اكابر]

البارت الثالث

​

يوم السبت الساعه 9 بالفندق :

بطلت سلمى عيونها ورجعت سكرتها ما ودها تفتحها عشان لا تفكربشي .. تعوذت من بليس وقامت غسلت وبدلت لبست بيجامه بيبي بنك .. وارفعت شعرها سوته عنقوص ونزلت قذله وقذلتها فرنسيه وحطت شوويه ماسكرا وجلووس بنك هادي ..

اطلبت الريوق حق بدر وراحت الحمام واتصلت على امها ..

سلمى :سبحج الله يما ..


الام : صبحج الله بالنور والسرور اهلين يما شلونج ..


سلمى :الحمدالله بخير يمااااااا مشتاقتلج ..


الام: وانا اكثر حبيبتي .. بس ها بشري..؟

سلمى : ابشر عن شنو يما ؟!!

الام : بشري عن بدر ..


سلمى: أي بدر الحمدالله بخير ..


الام: ادري بخير وان شاااء دوم بخير ..بس ماقلتيلي يعني صاار ......................


سلمى واهيا تصطنع الفرحه: يماااا أي أي بس ترى استحي ..


الام واهيا تيبب قللللللوووووش.. بالمبارك حبيبتي


سلمى : الله يبارك فيج ..


الام: ان شاء الله تبشريني يوم تكونين حامل ..


سلمى : الله كريم يما .. انزين يما انا بروح اقعد بدر عشان يتريق تدرين ورانا طياره ..


الام: الله وياج يابنيتي ان شاء الله نشوفكم بالمطار ..


سلمى ان شاء الله


..........................................................................................................................................
سلمى: بدر بدر يله قوم الساعه 9 ونص يله باباتي قوووووووووووم ..

بدر بوت كله نوووم..: انزيييييييييين بقووم اففف..

سلمى انحرجت : انا اسفه ازعجتك بس قلت اقعدك مبجر عشان تتريق..


بدر: يا الله قلت لج انزييييين بقووم كاني قمت قمت اففففففففف ..


سلمى وخرت عنه وبطلت الستاره وخلت شعاع الشمس ينور الغرفه اكثر واكثر ..
وزهبت ملابس بدر اللي بيروح فيهم المطار اللي عباره عن قميص كحلي وبرموده بيج وكاب بيج وطلعت له ساعه ذهبيه وشووز رياضي كحلي ..وعطرتهم بعالعطر اللي كان موجود بجنطته وزهبت له الحمام ..

وراحت تبدل ملابسها ..
طلعت لها جينز وتيشرت بنك عليه رسمه قطوه ولبست شيله كحليه وشووز رياضي وحطت شويه كونسيلر وكثفت المسكرا وكحلت عينها شووي بكحل كحلي وحطت جلووس بنكي ..

وراحت سكرت الجناط ملوتهم .. وقعدت على الكرسي تنطر بدر يخلص من الشور ماله ..

اخذ شوره وبدل وانصدم انها مزهبه له كل شي ..

بدر: صباح الخير ..


سلمى : صباح النور..


بدر: والله طلعتي شاطره متى قعدتي من النوم وزهبتي كل شي ..


سلمى بحيا: مشكوور انا بهالسوالف شاطره واحب ارتب كل شي ..


بدر: اوووو وطاله ريوق بعد ..


سلمى: ههههههه أي توقعت بتقعد يوعان ..


بدر: هذي سوالف فطمووه اكيد اهيا قايله لج اني لما اقعد من النوم اقعد يوعان ..


سلمى: هههههه حرام عليك وانت كله ظالمها وبس ..


بدر: انزين يله خل نتريق عشان يالله يمدينا نسكر جناطنا ونسوي جيك اوت ونروح المطار ..


سلمى: بالعافيه عليك .. انا سبقتك .. والجناط سكرتهم وخلصت ..



طبعا سلمى ما حطت شي بحلجها تضايق من موقف بدر امس ومن موقفه الصبح يوم رد عليها واهي تقعده باسلوب مو حلو ..

بدر: نحيييسه تريقتي بدوني ؟؟

سلمى: شسوي بعد الايام جدامنا وان شاء الله بنتريق مع بعض ..

بدر: بس صج صج وفرتي علي شغل تسكير الجناط احسن شي سويتيه .. تعالي عسى نمتي زين امس ..

سلمى: بضيق: الحمدالله ..

بدر: والله انا قطيت عمري ونمت نوومه عمييقه ولا حسيت الا يوم قعدتيني غصب ..

سلمى : عليك بالعافيه اهم شي تقوم فرش..

بدر: انتي فيج شي ؟؟

سلمى : لا ليش..

بدر ويهج فيه شي مو طبيعي جنه صاير اصفر اخاف حامل لوووووووووووووووووووووول ..

سلمى بابتسامه بارده : يمكن ..

بدر: لا صج اشفيج ؟؟

سلمى: سلامتك ماكو شي بس يله خلص اكلك خل نمشي عشان يمدينا نروح المطار لانه اهلي بيوني هناك ..

بدر: ليش بعد ؟؟

سلمى بيسلمون علي

بدر: فطوم بتي طبعا ؟؟

سلمى: مادري عنها بس اكيد بتيي..

بدر: : وليييييه يله يبا يله شنسوي بعد

سلمى : هههههههههه

.................................................................................................................................

جاسم : فطوم بيي مالي شغل ..

فاطمه : وين اتي انت من صجك اهلي كلهم بيكونون اهناك ..

جاسم: بشوفج يعني ما يصير ..

فاطمه : بتشوفني ان شاء الله بسمو الحين ..

جاسم : فطوووم عن النحاسه والله ما راح اقرب لج بس بشوفج من بعيد وبييب عيالي معاي ..

فاطمه : لااا عيالك لا والله بنفضح جذي هذول يهال وبيووني بس شوفوني حزتها شبرقع جدام اهلي ..

جاسم ماعليج ما اخليهم يشوفونج ..

فاطمه : جسوم واللي يخليك لاا..

جاسم : قتلج خلاص بيي انا واليهال مابي نقاش ..

فاطمه كانت شخصيتها ضعيفه جدام جاسم وماكانت تقدر ترفض له طلب وداااايما كلامه اهو المسموع ..

..........................................................................................................................................

بالمطار ..ام خالد وخالد والابو هناك .. وفاطمه وام بدر واهله كلهم يوو يودعون سلمى وبدر قبل لا يسافروون ..

فاطمه اول ما شافت سلمى راحت ركض احظنتها حيييل وطبعا جاسم يطالع من بعييد وما عجبه الوضع عقب احظنت بدر اهني جاسم اطلعت عيوونه شلووووووووووووون تحظن الريال .. طبعا اهوا يدري انه من اهلها بس مايدري انه هذا بدر ولد اختها ..

تنرفز حيييييييل وعصب ..

فاطمه : بديير شوف عاد مو تزعل سلوم ..

بدر : هي انتي شنو سلوم واحد من الربع اسمها سلمى

فطوم: سلوم غصبن عليك انزين .. كيفي ..

بدر: والله لو انج مو خالتي جان عرفت شلون اتصرف معاج ..

وفجأه شافووها عيال جاسم وراحوا يركضون لها نفس ما توقعت ..

اليهال: خالتي فطوم خالتي فطوم ..

فاطمه بارتباك هلا بحبايبي الحلوين ..

طبعا الانظار كلها اتجهت حق فاطمه تستفسر عن الوضع ..

فاطمه اضحكت ببرود وارتباك هذول عيال رفيجتي هذي سلوى وهذي دلال وهذا علاوي .. حبايبي وين ماما..

سلوى: احنا يايين مع بابا كاهو هناااااااااااك تبين اناديه ..

فاطمه: لا حبيبتي لا تنادينه ..

سلوى: خالتي فاطمه بقولج سر..

فاطمه : قولي حبيبتي ..

همست سلوى بأذون فاطمه : ابوي يحبج وااااايد كبر البحر ..

فاطمه حيييييييييييييييييييييل انحرجت وويها قام يعطي الوان وما عرفت شتقول سلمى حست انه الوضع متوتر ,,

سلمى: يله فطوم قولي حق البنوتات الحلوين بااي عشان نبي نروح ..

فطوم : أي ان شاء الله يله حبايبي انا لازم اروحمع صديقتي اشوفكم بعدين ..

دلال: ماتبين تسلمين على ابوي؟؟

فاطمه : امبله بسلم عليه بس بعدين حبيبتي . يلاا بااااي ...

راحوا اليهال حق ابوهم وفاطمه حست انه اللي صار حلم وحمدت ربها انه الموقف عدى على خير ..

بس بدر شك بالموضوع وحس انه فيه انه ..

فاطمه: سلوم تعالي ابيج شوي ..

بدر: وين على الله ..


فاطمه : ابيها بكلمه راس ..

بدر: لا انا اللي ابيج بكلمه راس ..

فاطمه : بدور مو فاضيه لك بكلم سلمو شوي وراجعه خو انت بتقعد معاها العمر كله ...

بدر: انزيين خلصي بسرعه ابيج ..

راحت سلمى مع فاطمه بعيييد شوي عن اهلهم ..

فاطمه: مشكوووره انقذتي الموقف ..

سلمى: اشدعوى ماسويت شي بس هذا ليش ياي..

فاطمه : شسوي بعد حنج على راسي الا بيي ..

سلمى: وانتي لي متى شخصيتج جذي ضعيفه جدامه ..

فاطمه: سكتي بس انتي اشدراج الحب ياختج الحب .. خلج مني قوليلي اشوييتوا امس ..

سلمى: ولا شي ..

فاطمه: اقووووول مو علي هالحجي يعني مستحيه ويا ويهج ..

سلمى: والله وغلاتج ولا شي ..

فاطمه : ولا شي ولا شييييي؟؟

سلمى: أي والله ولا شي ..

فاطمه : لييش؟؟

سلمى : مادري ..

فاطمه: في شي صار اللي خلاه يقلب انا يوم كنت عندكم كان شكله ملهوف عليج .. اخاف قلتيله شي ...

سلمى: والله يافطوم ما قلت له شي كل اللي صار انه ياله مسج بالbbm وعقبه اعتفس وسمعته يتكلم بالحمام من وراي بهمس وقال(...............................................)

وقالت لها كل شي ...

فاطمه : ماعليج انا بعرف شالسالفه الحين ..

وخلتها وراحت تكلم بدر ..

بدر: سشالفه اليهال..

فاطمه : أي يهال..

بدر: عن الاستعباط اليهال اللي يو قبل شوي ..

فاطمه: اشفيهم ..

بدر: اقوول ترى اذا السالفه مشت عليهم ما مشت علي..

فاطمه: اشفيييك قلت لك عيال رفيجتي الله يسلمك هذي رفيجتي تطلقت واليهال الحين بحظانه الابوو واهما يعرفوني من قبل لا ينفصلون امهم وابوهم عرفت ..

بدر : اها ...

فطووم : اقووول لا تقعد تحقق وياي اهوو عطني فونك بشوف .. وخمطته من ايده ..

بدر: هيي يالملقوفه يبييييه ..

فاطمه بعصبيه : بدر شنو هذاااا؟؟

بدر: شنوو شنوو يالملقوفه شكو تاخذين موبايلي..

فاطمه : بدر قتلك شنو هذا ؟؟؟ صوره منو هذي ؟؟

بدر: واهوا يتلفت يشوف سلمى يمهم او لا .. فطوم لا تفهمين غلط ..

فاطمه : لا افهم غلط هااا هذي سوالف طلعت والله الشرهه مو عليك علي انا اللي سعست ورى هالزواجه ومحد تدبس غير هالمسكينه ..

بدر: فطووم تكفين لا تخربين زواجي تكفيين لا تقولين حق سلمى شي ..


فاطمه عطته ظهرها ومشت ..

ياترى شبيتسوي فاطمه .. بتقول حق سلمى عن صوره البنيه اللي شافتها بفون بدر .. ولا بتسكت وشراح يصير بعدين بين فاطمه وجاسم ؟؟؟

تابعوني فالبارت الياي وبتعرفووون

 

[*მէօ0օომ ~❥]

اكيد فطيم راح تقول حق سلوم (سلمى) وماراح تسكت لان فطيم جريئه

 

[اكابر]

امبييه انتوا كلش كلش ماتساعدووني ولا تشجعوني .. مابي مابي اكتب خلاص

 

[qashang_girl]

روعــــــــه ......
كملي بليز اندمجت وبعدين تقولين ماراح اكمل ...
بليز كملي​

 

[أم محمد وريحانة]

رواية اتحمس بالتوفيق حبيبتي

 

[qashang_girl]

وينج .....
متى تكملين​

 

[اكابر]

دام قاعده اشوف ردود بكمل بس بليز لا تكسرون فيني شجعوني عشان اتحمس..