ضميري يأنبني على عيالي ... فيه وحده منكم نفسي ..؟؟

[ملامح بريئة]

كلنا اعيالنا مع الخدم مدرسة و الا غيره لكن اتوقع اللي تخصصها نصابه كبير تتعب و ما توفق بين البيت و الدوام فالمدرسة تحتاج خدامه امينه و زينه او 2 عالاقل و تحتاج تدخل اعيالها احسن تاسيس(يعني المعاش رايح رايح)؟؟؟؟؟؟و الله كلنا مرينا بالحالة الصغار يحليلهم بس لما يدشون المدرسة راح تعرفين انك مهملة فيهم و الله لما اجي من الدوام صوتي رايح من التدريس ما فيني حيل ادرسهم و لا طاقة حتى الغياب ما نتهنى فيه وراك مسؤوليات و انتقادات الله يعين

 

[مختلفة]

وانا وش خلنى اقدم استقالتى الاشديد القوى بنتى اهمالتها وزوجى المسكين دايم معصبه عليه بس الحين وش حلاتى البس وكشخ والنفسيه تمام قولوا ماشاء

 

[الفدنه]

الله يكون بعونكم ويحفظ عيالكم
والله يعطيكم العافيه ويصبركم على تدريس عيالنا
انا موموظفه بس حاسه بمعاناتكم

 

[فيونه المزيونه]

حبيبتي اقنعي ريلج انج دخلينهم حضانه عشان لما داومين تقطينهم بالحضانه بالعكس بيتعلم ويفهم احسن من عند الخدامه ولما يردون البيت معاج ينامون معاج ويقعدون نعاج والله يسهل

 

[sondos]

رد : ضميري يأنبني على عيالي ... فيه وحده منكم نفسي ..؟؟

انا اداوم ...ووقتنا نفس الدوام العادى من ال8 لى ال2 ......بس سويتلى نظام اتفقنا عليه انا وابوهم ان بعد الغدا النوم سااعه بس ونطللع العيال عشان نجابلهم ونسولف معاهم

بس انا الحمدالله دخلت اخر وااحد الروضه بعدين اشتغلت ....لان كنت دايما افكر بهالسالفه من كثر ما نسمع بلاوى الخدم ....والحين احاتى الصغيره اللى يت بالوقت الضايع

بس سمالله عليه ولدج سنتين مو صغير بالعكس احلى عمر حق الحضانه يصير اجتماعى ويحب الناس.......انا كنت فى البيت وعيالى كللهم دخلتهم حضانه ....قنعى الابو بالحجه والمنطق ....يشوف اليهال ويستانس احسن من مجابل الخدامه

 

[رفرف]

والله الحل الوحيد انج تقطعين نومة الظهر ..

تعب تعب شتسوين ..

والله حرام دوام واليهال عند الخدم ونرد ندور راحتنا وهم عند الخدم وبالليل بنجابل رياييلنا او بنطلع وهم اهم عند الخدم !! تالي نقول ليش عيالنا تربية خدم ..

انا حالي من حالج مدرسة .. بس بناتي من صغرهم حضانة ولا مجابل الخدم .. يطقونهم يكفخونهم ماندري عنهم وبالساعااات ..
من ارد من الدوام ويهي بويهم ليييين ينامون انومهم مبجر 7 وعقبها اسوي اللي بسويه حتى لو بطلع وبخليهم عند الخدامة ماحاتي لأنهم نايمين واذا تعبانة انام مبجر اصلا بيتنا الساعة 10 ونص خلاص كلنا نايمين شنسوي بعد صرنا دياي ..

عندج عيال لازم تتحملين وتضحين اول تضحية قطعي نومة الظهر وجابليهم ..

 

[نسناس]

مو بس انتي يالغاليه

كلنا نفس الحال سواء مدرسه وإلا غيرها

أهم شي انسي نومة الظهر ؟؟ خبري فيها من شهر العسل

ثاني شي الصغير أنومه متأخر علشاان مايقعد الصبح ياحياتي يقووم الظهر

على مايتريق إلا أنا راجعه من المدرسه

لازم تتنازلين عن شغلااات كثيره لعيوون عيالج

أصلا كل مرضياتي والعرضي والله على شانهم

 

[رحيل المرافيء]

رد : ضميري يأنبني على عيالي ... فيه وحده منكم نفسي ..؟؟

طلعي من شغلج لين يكبرون العيال وتالي ردي اشتغلي
احسن شي
عفية قلب تهدونهم عند الخدم عشان الفلوس

 

[MzMzq8]

رد : ضميري يأنبني على عيالي ... فيه وحده منكم نفسي ..؟؟

شوفي الصراحه اول شي انا ماعندي عيال
بس بنصحج باللي اعرفه

بلو رتبتي وقتج مع وقت عيالج بيكون الوضع اوكي


يعني اول شي دخليهم حضانه فتره الصبح لا يقابلون الخدامه

تطلعين مع طلعتهم تتغدون وتنوميهم معاج ساعتين

وتقعدون ع الخمس او خمس ونص

وبجذي بيكونون معاج اغلب الوقت

ومايكونون اليوم كله مع الخدامه يختلطون بحضانتهم

ويستفيدون

وبالويكند طلعي معاهم وغيري جو

والله يعينج ياقلبي

 

[usgirl]

رد : ضميري يأنبني على عيالي ... فيه وحده منكم نفسي ..؟؟

اقول يا سهل الكلام والله انا استقلت لان اعيالي غيرت اكثر من 7 خدامات كلهم طايحن بالصغير طق والكبير غش على الخفيف
غير ان ابو الشباب ما ادري عنه وكله مشغوله او تعبانه حدي:cxxxp:

استقلت والحمدلله

الحين احسن اشوي من قبل فرق النفسيه وقعدت مع اعيالي اشوفهم واطلعهم

بيتي اولا فيني بصراحه التدريس مو طبيعي
اللي يقولون قيلي ساعه
مستحيل اردهلكانه من 6 الصبح وانا ادابج واخرتها ساعتين بصراحه كنت احط المنبه 5 بس ما احس الا قاعده 8 بالليل

 

[ثقافتها فرنسية]

رد : ضميري يأنبني على عيالي ... فيه وحده منكم نفسي ..؟؟

ياحلوج ياورده يا ام الورده منووووووره الموضوع
على قولت اللبناني الدنيا هيك
بس اقول الله يعطيج الصحه والعافيه وطولت البااااااااااااااااااااااااااااااااااال على التربيه

 

[tmtmt]

عشان جذي قدم استقالتي الحمدالله
والله يعينا على تربيتهم التربيه الصحيحه

 

[ام الوردة]

ماتقصرون كللللللللللكم فديتكم ..

الله يعييييييينا بس

 

[نسمه بارده]

انا نفسج
قمت شلت بنتي من عمر سنتين وديتها حضانه والحين ولدي عند الخدامه طول الصبح احاتي
وان شاء الله بوديه حضانه
بجذي ارتاح لو بالقليل

يابعد قلبي عسى ربي يشافي فعد ويطمن قلبج عليه ماتشوفون شر يارب وابشري بدعائي لج بصلاه اليل احبج في الله يالغاليه واتمني لج كل خير

 

[نسمه بارده]

يابعد قلبي والله عيالنا ينظلمون معانا والله مالي بال ولاخلق ادرس والتعب الي اتعبه في الشغل يخليني مافيني اتكلم بالتدريس بعد نهائي في البيت
عسى ربي يسامحنا صراحه فعلا مقصرين بحق عيالنا
مرات احس بالذنب ابوسهم واهم نايمين بس والله مو بايدي ابدا

 

[ام فله]

حبيبتي وديهم الحضانه
الحمدلله انا ارتحت من كل المشاكل وبلاوي الخدم
ارد انام معاهم نقعد مع بعض الكل مرتاح
كنت تعاني مثلج واردى
واللي جرب المعاش صعب يهد الوضيفه
وتنظيم الوقت هم بعد مهم
تحياتي :ioljnmlk:

 

[LigueSekid]

Smallest Spy Camera

Hello everyone please visit my site: Smallest Spy Camera

 

[um_yoyo]

رد : ضميري يأنبني على عيالي ... فيه وحده منكم نفسي ..؟؟

http://q8yat.net/showthread.php?t=622858

شوفي الموضوع راح تحسين انج بنعيم

 

[&&**الجادل**&&]

رد : ضميري يأنبني على عيالي ... فيه وحده منكم نفسي ..؟؟

السلام عليكم

والله اخواتي ما قصرواا بمقترحاتهم

وانا اقولج الموضوع على حسب في ناس تكووون مخلصه بعملها زيااااااااااااده عن اللزوم لدرجه انها تنسى بيتها وعيالها

وانا من هالناس صرراحه يعني ما كنت احب احد يصيد علي شي لدرجة اني خليتي وقتي كله للتدريس والله من كثر ما كنت مشغوووله فيه كل ما قعدت مع خواتي او اخواني بس اسئله ما تنتهي عن الانشطه والتصاميم الجديده والتجارب خصوصا لاني علوووم

وسوالفي مع زوجي كلها عن الدوام هذي سوت وهذي ما عجبها مني شي ومن هالكلام

تصدقين نسيت الكشخه ونسيت الطلعات ونسيت حتى التواصل مع الاهل وقبلها نسيت زوجي وعيالي

عشان جذي اقولج اذا انتي كنتي من هالنوعيه هذي بصراحه بيتج وعيالج اولى فيج

اما اذا كنتي تقدرين توفقين بين تدريسج وبيتج وعيالج فمثل ما قالو البنات دخليهم حضانه وارتاحي

عالاقل تكون مرتاحه نفسيا شوي ما تحاتين

يعني الحل بيدج انتي قرري

 

[شيخة الهاجري]

الله يعينك

حاولي تنامين بدري بالليل عشان اذا جيتي تجلسين معهم شوي او تاخذين بس قيلوله بسيطه ماتطولين وتخلينهم