ضميري يأنبني على عيالي ... فيه وحده منكم نفسي ..؟؟

[ام الوردة]

السلام عليكم ورحمة الله وبركاته ..

مدرسات ... موظفات ..

منو فيكم نفسي .........؟؟

ضميري حييييييييييل يأنبني على عيالي ..

وحابسة روحي مااطلع ابي اعوضهم ..

اداوم واخليهم عند الخدامة ... ولمن ارد تعباااااااااانة هلكااااااااااااانة مالي خلق نفسي وابي ارتاح ..

احط راسي واناااااااااام ..

واهم بعد وشي طبيعي عند الخدااامة ..

ولدي احس صاير كلامة نفس الخدامة ..

ومتعلق فيها ..

واهلي يعايروووني ..

اقعد ماااطلع والسبب اني بعوضهم غيابي .. نفسيتي تعبااااااااااانة حيل ..

فكرت اطلع من الوظيفه بسبة هالشي ... بس علي اقساط ..!!

شسوي تكفووووووووون والله اني بحالة مايعلم فيها الا الله بسبة هالشي .........؟؟

والله ارد من الدوام عقب الكرف والتعب وتعرفون التدريس مايحتاج اقولكم ..بس ابي انام ارتااااح

لاتقولولي هذي ضريبة التدريس ..

فكرت ادور وظيفة ثانية وقاعده ادور بس ماعندي وااسطة تنقلني ..

شسوووووووووووووي ..؟؟ ومنو نفس حالتي ..؟؟

انا عيالي صغار ..؟؟

تهقون يتغير الوضع لمن يكبرون شوي ....؟؟​

 

[منال القلب]

رد : ضميري يأنبني على عيالي ... فيه وحده منكم نفسي ..؟؟

أكيد راح يتغير الوضع لما يكبرون
وما ألومج لي خفتي..... انزين ليش ما تودينهم عند أمج؟ أو ام ريلج؟

 

[ام الوردة]

امي بعيييييييييده

وانا ساكنة مع حمولتي ..

وتعرفين محد له شغل

 

[جوري الكويت]

رد : ضميري يأنبني على عيالي ... فيه وحده منكم نفسي ..؟؟

الله يعينج و يفكج من التدريس

 

[ام الوردة]

حياتي الله كريم ياجوري

 

[Turquoiseya]

اذا كبروا بيزيد الهم
لان يبيلهم تدريس واهتمام
وانتي راح اتكونين رادة من الدوام مستنزفة ونفسيتج زيرو
واذا ولدج مافهم بسرعة 00 غسلتي شراعه لان ماعاد فيج لاطاقة ولا صبر ولاتحمل


الله يعينا وبس

 

[ام الوردة]

وااااااااااااااااااااااااااااي تركواااازية لالالالالالاتقولين

ضروووووووووري ضرووووووووووووري اطلع من التدريس والتربية بكبرهاااااااا

 

[ام الوردة]

اب اب اب

 

[فـــخـــر]

ياو الله يعينكم يالمدرسات !!

 

[ام الوردة]

فخـــــــــــــر

اي والله

 

[قفشـه]

رد : ضميري يأنبني على عيالي ... فيه وحده منكم نفسي ..؟؟

والله انا يوم كنت انطر التعيين مافرق معاي قاعده العب ولدي شوي وازهق ويزهق مني لووووول

يوم داومت حسيت بنشاط اقطة الصبح عند يدته تلاعبه ويلعب مع عيال عمه وياكل ويستانس

الحين افكر ادخله حضانه ابيه يصير اجتماعي ويغير جو عن البيت

فالمشكله مو بالوظيفه المشكله بحسن ادارتج وتصرفج

 

[انا حبه للابد]

رد : ضميري يأنبني على عيالي ... فيه وحده منكم نفسي ..؟؟

الله يكون في عونج ويسهل امورج اقول هونيها وتهون وكبريها وبتكبر والله كريم

 

[ام حنااين]

رد : ضميري يأنبني على عيالي ... فيه وحده منكم نفسي ..؟؟

اختى اللي تسال كلنا ببداية حياتنا تعبنا خاصة كلام الناس ورايهم انج مهملة عيالج وتدخلهم بحياتج


لكن شنو الحل ؟؟؟ ماعندج الا ترتبين وقتج وتدعين ربنا انه يعطيج قوة تحمل للشغل والبيت




(((والله ماتنلام تركوازية شحلاتنا مع بنات الناس نعيد الشرح الف مرة وعيالنا لو مافهم حذفنا الكتاب بويهه وزفيناه))))



:bbbiu::bbbiu::bbbiu::bbbiu:

 

[ام الوردة]

لا والله من الوظيفه ..!!

شوفي الوظايف الثانية محد نفس مشاااكلنا ..

حضانة ابوه مو راضي

 

[ام الوردة]

ام حناااااااااين مشكووورة ياقلبي

انا حبه ماقصرتي

 

[ام عفاف الكويت]

انا نفسج
قمت شلت بنتي من عمر سنتين وديتها حضانه والحين ولدي عند الخدامه طول الصبح احاتي
وان شاء الله بوديه حضانه
بجذي ارتاح لو بالقليل

 

[ام الوردة]

ام عفااااااااااااااااف حضانة ابوه موراضي يقولي بعده صغير

مو صغير عمره سنتين وشوي يعني يفهم وبعمر تعلم

 

[Turquoiseya]

والله العظيم ما ابالغ بالكلام اللي كتبته
انا ماعرفت ان التدريس اهمال بشكل مخيف الا لما دخل ولدي الروضة
طول حياته بالحضانة يلعب ويرد ومامعاه كتب
بالروضة يكتبونه ويدرسونه ويعطونه واجبات
لعنت خيره بس عشان يمسك القلم صح
واذا ماردد وراي ولا تلفت يمين ويسار حصل له كفخة اتصحصحه
لاني مرهقة وتعبانة وماعاد فيني صبر كلش
اخرتها خليته يروح ودفاتره موحال الواجب اللي فيه
لاني مو مستعدة اكفخ ولدي بزيادة عشان واجب

استلمته شوي بالعطلة وكنت هادية معاه وكان اهو مستانس00 بس ردت الدوامات وردت معاها سكنيتي
مرة غبت يومين هالكورس00 واشحلات نفسيتي وانا ادرس ولدي واعلمه
والحين يداوم ودفتره كله استفهامات 00 بصراحة مو قادرة اتحمل تدريسه
ولهالسبب قررت اني اهد وزارة التربية لو يطيح نص معاشي
لاني ابي اشتري راحتي عشان اقابل بيتي وعيالي

ترى حتى اختي صار شعرها ابيض واهي ادرس ولدها اللي بصف ثالث
وقررت معاي انها تهد التدريس لان ولدها صاير ضعيف حيل بالمواد الاساسية

صج لي قالوا باب النجار مخلوع
طالباتنا شطار وعيالنا كسالى

وصج تذكرت : بنتي اللي بتصك 3 سنين
كلامها امكسر وماتنطق عدل ومتاثرة حيل بخدامتها
اذا شافتني قايمة من النوم وتوني طالعة من الغرفة تقول لي: ماما كلاس نوم، روهي كسل انتي وزه
الترجمة: ماما نمتي خلاص، روحي غسلي وجهج

 

[رضاهم جنه]

كلنا نفس حالتج لعيالنا

دخليه حضانه واقنعي الابو سنتين صغير !! الناس تودي عيالها حضانه من 6 شهور خوف من الخدامه

ولدي الصغير ارد من الدوام شبعان نوم ويبيني العب معاه وانا مالي خلق نفسي وكنت احس بتانيب الضمير بس شسوي

والله مارتحت الا لما دخلته حضانه يرد معاي البيت وهو دايخ مثلي يبي ينام ننام ساعه ونقعد مع بعض واذا طلعت لو مشوار صغير اخذهم معاي

 

[شمعة ليل]

رد : ضميري يأنبني على عيالي ... فيه وحده منكم نفسي ..؟؟

ماقول الا الله المستعان نفس حالتى بس ابو الشباب مايبينى لا رديت انام:krkrkr::krkrkr::krkrkr::krkrkr:
وانا مستحييييييييييييييييييييييييبل مانام :krkrkr:وعيالى اشوه اكبرو بس الله رزقنى الحمد الله بخدامه امينه ومره عندها ومره عند امى كنت اخليهم وبس مشت الحياه حبه حبه