ضـاهـرة الـمـنـقـبات بـالـعـروس

[Bloom]

يمه من وين ايون يعني

 

[ماركة انثى‘]

انا شفت ها اشكال من فترة بعرس امبي يمكن 3 او 4 بنات يم بعض كلهم نفس بعض عباية و نقاب و كل وحده تخز !؟

امبي يبطون جبدي والله ،، انا والله لمن يصير عندي عرس اسوي شعري و احط مكياج والبس واكشخ جنه عرسي ولا عرس اخوي اما أني اروح ب عباية و نقاب جني عجوز لا والله اقاعد في بيتي احسن لي

و هاذا رايي بصراحة

ومشكورة عالموضوع

 

[غنآآآتي]

بعروسنا من زمان مطبقين (( ممنوع دخول المنقبات )) هذا الحل الوحيد

 

[الهنوف24]

حبيبتي موغصب الحريم يقطون نقابهم هاذي حريه شخصيه واذا انتي ماتبينهم يطالعونج اقعدي ببيتكم
موضوع ت ا ف ه

 

[شلة بنات وبس]

حبيبتي موغصب الحريم يقطون نقابهم هاذي حريه شخصيه واذا انتي ماتبينهم يطالعونج اقعدي ببيتكم
موضوع ت ا ف ه

ماراح ارد الغلط بالغلط لأني متربيه​

 

[شلة بنات وبس]

بعروسنا من زمان مطبقين (( ممنوع دخول المنقبات )) هذا الحل الوحيد

نفسكم هذا اللى اجتمعنا عليه وقررنا نطبقه بكل أعراسنا ومناسباتنا سواء بيتنا او بيت عمامي وخوالي وجماعتنا ومافيها شي يزعل زمنا هذا يخوف الصراحه وتوقعي كل شي:eh_s(7):

 

[ريري1]

هههههههه

هذيل اللي بيوتهم قريبه من الصاله يوسعون صدوهم بطيران
حطوا بطايق

 

[شلة بنات وبس]

المشكله مو بالمنقبه
خوفكم رياجيل داشين
وصراحه ماله داعي النقاب دام المكان كله حريم والنقاب للستر شكو متنقبه عند حريم
ويمكن معذورة المنقبه عندها عذر ماحب ااتحجا عن ناس يمكن معذورين

عدل كلامج العرس كله حريم ليش النقاب والكل عارف ان الكاميرات ماتصور كل العرس لان حتى اهل العروس مرات يبون يرقصون فيرفضون التصوير وحنا من نفسنا عيب علينا نصور الغرب او اللى مايبون تصوير وبكل اعراسنا نخصص نقسم الصاله قسم للى مايبون تصوير يقعدون فيه واللى عادى يقعدون بالقسم الثانى يعنى مالهم حجه او عذر مافيها جرح او اهانه لاطلبنا انها تنزل نقابها بالعرس محد راح يصورها البوابه متروسه مفتشات والكاميرات بالعرس بس لخوات المعرس شله الخوف او الزعل اشوفها جدا عاديه

 

[oshi_q88]

شوفي هي تلبس نقاب وبدون مكياج وتخشخش هاذي موحلوه
اما انها تجي لابسه نقاب وكاشخه هذا عادي
ولا تقولون نصصكن مانخطب بالاعراس لولا الله ثم العراس
الي تكشخون فيها والكل يشوفكم كان محد درى عنكم

 

[أبله شقحه]

شي غريب والله انا اشك انهم عصابه كذا عرس القاهم قطيعه لايكون رياجيل ولاجنوس

 

[91 hellokitty]

السلام عليكم
من وجهة نظري اهيا حريه شخيصه تلبس النقاب ولا لا بس احتراما حق اللي عازمينهم تكشخ يعني
اما سالفة مو معزومه هذي قويه بصراحه وتخز عفوا يعني تبي تتهاوش ولا شنو الموضوع

 

[اطعم الخلق]

الحل انكم تسووون مثلنا نكتب بدعوة الزواج ممنوع دخول المغاتير >>الي هم المنقبات

والمفتشه عند الباب تكرشها اذا ماتبي تكشف .....ولاتقولون حريه شخصيه لان ممكن ولد يلبس
ويدخل مو ماشاء الله هالعيال صايره اجسامهم انوثيه وبالاخير هي بتحضر حفله وليش تتنقب ..موضه والا ايش!!

 

[الزورق222]

مادري بس عن عروسنا لازم بطايق شخصية و محد يدخل غير المعزوم

و بعدين ترا مافيها شي اذا فصخوا النقاب

عن نفسي اخاف يطلعون رياييل مو اكثر استغفر الله كل شي يصير

اسمحولي انا مو ضد النقاب بالعكس زين و ستر بس شنو المشكله تطلع وجهها اذا القاعه كلها حريم

هههههههههههههههههههههههههههههههههههههههه يبان الرجال من مشيته ودفاشته اتوقع لو لبس عباية يمشى ويطيح تتوقعون الرجال لو ادخلواا العروس متخفين متشهدين قبل مايدخلون هههههههههههه ركزوا يابنات باللى يدخلون الزواجات ماتدرون حلو تتعلمين تصوبين الهدف من قرب ومن بعد بالكعب العالى هههههههههههههههه

 

[شلة بنات وبس]

الحمدلله إن الأغلبيه ضد دخول المنقبات بالعرس

 

[شلة بنات وبس]

الحل انكم تسووون مثلنا نكتب بدعوة الزواج ممنوع دخول المغاتير >>الي هم المنقبات

والمفتشه عند الباب تكرشها اذا ماتبي تكشف .....ولاتقولون حريه شخصيه لان ممكن ولد يلبس
ويدخل مو ماشاء الله هالعيال صايره اجسامهم انوثيه وبالاخير هي بتحضر حفله وليش تتنقب ..موضه والا ايش!!

تصدقين يااختى لوتبتقولين هالكلام محد بيصدقج الا لما يمرون بموقف مشابه والجنوس اقسم بالله اجسامهم ماتنصاد جنهم بنات وحف بالليزر ويربون اشعورهم وهالتقصع والعلج بالحلج ماتفرقين بينهم وبين البنت العاديه وشي يقهر داشين جنهم عصابه وكلهم قاعدين مكان واحد وبس خز شسالفه العرس كله حريم ليش ماتنزل النقاب ترى شي مايدش العقل :080402ask_prv::080402ask_prv::080402ask_prv:

 

[جوك احلى جو]

انا اللي اعرفه ان الناس تدش ببطايق مو دعوه عامه ..............ز

 

[هامش الطيف]

آممم مآدري مآ آشوفهآ مشكله

يعني دآم آنتوا مو حآطين العرس فبطاقات شخصيه
خلآص خل آلنآس تستآنس مآرآح تنقصون شي بآلعكس
ونآسه تنترس آلصآله حضور


بعدين صفوا آلنيه
يمكن جآيه تشوف آلكوشه وشغلكم
آو تسمع شغل آلطقآقه
آو تخطب
آو من زمان مو حاظره عروس
وعندهم عرس بتشوف شنو موضه آلنفانيف
وآلمكيآج وآلتساريح عادي


ذيج المره بشوف شغل آلفيصل دقت علي
مندوبتهم قالت تعالي الصاله الفلانيه شوفي الكوشه
يديده .. رحت بنقاب عادي يعني مافيها شي

 

[shmo3h]

انتي قلتيها عرسسسس يعني وناسسسه
يعني حشرن مع الناااااس عييييد

ابج الخز بكل مكان ماوقفت ع العرسسس
وترا كل الناس تسوي عروسسس ويجونها ناسسس
من شتى الفئات يعني ماله داعي تكبير الامور
ممكن عجبها شي فيج وخزتج وممكن مشبهه عليج
وممكن جايه تخطب وممكن عندهم عرسس وجايه تاخذ
فكره يعني الممكنات واجد فافليهاااا وخلي عنتسسس التحسحس خخخخ

و ع فكره الناس الي صدرها وسيع وتحب الناس
تستانس بالي يجيها سواء تعرفه او لا
يكفي ان صالتكم تسكرت من كثر الناس
وعرسسس بلا ناسسسس ماينداسسس

افرحي بعرسكم وخلي العالم تفرح

واذا صج خايفه من احد معين حطي ان محد يدششش
اذا ماعنده بطاقه وخلااااص
شحقه هالغلقه

ودمتم سالمييييين

 

[شلة بنات وبس]

اول شي نورتي صفحتى ياشموووووع , ثان شي بقولج ياقلبي انتى شفتى اللى متنكر بنقاب وصادوه آخر شي طلع مصور كذا عرس ويبيعهم على الشباب شلون الواحد مايخاف ويحاتى ياقلبي

 

[بوغاتي88]

الدنيا صارت حيل تخوف / بصراحه يعني تخيلو 10 حريم قاعدين بزاوية العرس ولابسين نقابات وعبي شكلهم مريب ومخيف صراحه لحظتها مليون وسواس شنو فايدة البطاقات اذا كل من هب ودب بدش الصاله ؟؟؟