ضغطي مو راضي ينزل :( بليييز فيدوني و ادعولي حدي خايفه

[ام سليمان 2008]

حبيبتي نوحا ماتشوفين شر ياقلبي
شربي ماي وايد وحاولي على كثر ماتقدرين ماتفكرين بشي يضايقج وان شاء الله مافيج الا العافية كثري من الاستغفار بعد
الله يرفع عنج وتولدين بالسلامة ويسهل عليج وعلينا ياارب:yaaaaaarb:

 

[@ام يوسف@]

ان شاء الله تولدين بالسلامه ويسلم البيبي

 

[noo7a]

تسلمون بنات عالردود
ماتقصرون
:*

 

[nadoo]

ان شاء الله تولدين بالسلامه بس انتي اشربي مااااي كثير

 

[تبطي عظم!]

ياارب ينزل ضغطج ويطمن قلبج

 

[زين ودلال]

حبيبي ان شاء الله يارب ينزل ضغطج

 

[Hello_kitty]

الله يشافيج ويعافيج وتولدين بوقتج وشهرج بالسلامه انتي والبيبي

اللي اعرفه شراب الكركديه عجيب حق الضغط ومفعوله سريع*

 

[@غشمرية@]

انا كنت ببجري جذي اهم شي بعدي عن الارهاق والتعب ارتاحي عطول بفراشج وسمعي قران وكثري مااااي واكلي التلبينة تنزل الضغط انا نفعتني بس مادري اذا زينة لج

 

[بنت ذآك الأمير!]

الله يعينج نوووحا يارب ينزل ضقطج كثري دعاء واستغفارعواااار الرأس محد يتحمله والله

 

[noo7a]

تسلمون بنات عالدعاوي
باجر اذا دكتورتي موجوده بروح لها
الصباح و مالت الطوارئ بدار الشفا ما فادوني كلش

 

[لعبير]

الله يهون عليج وأنشاءالله ينزل ضغطج وتولدين بسلامه حبيبتي​

 

[انجبر قلبي]

اذا اكلج مافيه املاح يمكن يكون الضغط من التعب والشغل انتي تشتغلين بالبيت وتتحركين وايد ؟ يبيلج راحة لمه ينزل ضغطج انا جذي ارتفع ضغطي وانا اساسا اكلي كلش مو مع الملح قالتلي لا تاكلين ملح كلش وما حطيت بس كنت اشتغل اذكر كرفت بالبيت وياني صداع ومع الحركة والشغل يزيد و طلع ضغطي مرتفع و هم كنت معصبه بهاليوم فـ ديربالج اهم شي الراحة الجسديييييه والنفسيييه

 

[noo7a]

انجر قلبي
والله الكل من عرفو فيني ضغط مداري خاطري عشان لا ازعل او اتضايق من شي
و الشغل يايه بيت ابوي يعني راحه عالاخر ماكو شغل

 

[الاحساس والطيبة]

يارب ينزل ضغطج ويصير طبيعي وتقومين بالسلامه

 

[رشـا العتيبي]

حبيبتي اهم شي الدعاء وصلي ركعين اخر الليل كل يوم
ربي انشاءالله بهون عليج ,, بس بسألج شنو كنتي تاكلين
الشهر السادس والسابع !! اذا اكلج صحي ومافيه املاح
يعني المشكله نفسيه لاتحاتين اهم شي انشاءالله مايكون فيج زلال ,,
والله يسهل عليج ويبعد عنج كل شر ..

 

[La t7atini]

الله يحفظلج البيبي يارب
وتولدين بصحة وعافية

انا مثلج بجرية بس كلا اسمع
عن الكركديه للضغط زيين حيييل
ينشرب بارد
تفوحين ماي وتصبينه عليه وتخلينه يبرد وتشربينه
تغصبيه لان طعمه وع الله يعيينج بس قبل
تاكدي اخااف بعد ياثر ع البيبي لاسمح الله
اسالي العطاار او احد خبرة

وماتشوفين شر

 

[^^yasmina^^]

نوووحا ما تشوفين شرر يالغاليه يارب الله يسهل عليج
وضغطج ينزل وتولدين بالسلامه يااااااارب

حطي بالج قطعي الملح نهاائيا وانصحج ريحي بالبيت اذا ما خلصتي شغلج ان شاءالله ريلج او اهلج ما يقصرووون وابتعدي عن اي شي يوترج او اي شي ممكن اييبلج الضغط

انا من اسباب الي ولدوني قيصرية علي بجري ان كان فيني ضغط
والضغط العالي مو زين وااايد للبيبي

*

 

[احساس السعوديه]

يا رب ينزل ضغطك حبيبتي ومايصير فيك شي لا انتي ولا البيبي
الله يهون عليك بالسلامة

 

[noo7a]

تسلمون بنات


رشا العتيبي
بالسادس كله اكلي كان عادي حتى زدت كيلو واحد بس
و السابع كان رمضان و كان اكلي حداااا قليل و نزل وزني فيه
يمكن من اللبن ! بس كنت اشرب قلاص صغير واحد عالفطور

 

[noo7a]

بنات
الي يذكرون تجاربهم انهم ولدو بالثامن بسبه الضغط
كان معاهم ضغط و زلال ولا ضغط بروحه ؟؟؟؟