ضروووري ضرووري باااشماميييل

[mal0oka]

السلام عليكم

بناااات طباخات عفيه ضروري ساعدوني
ابي طريقة الباشاميل ابي الطريقه والمكونات بالضبط ؟؟؟​

 

[قطوه شريره]

انا بقولج طريقتي لانه سهله وماتعب
اللحم طبعا تحمسينه وتحطين بهاراتج مع معجون الطمام
والمعكرونه تفوحينها ولما تخلص تطلعينها وتتخلينها من غير ماي (حطيها بمشخال)
والصلصه في ماجي عنده خلطة بشمل لذيذه وسهله
بس تضيفين عليها لتر حليب وتخلينها على نار هاديه لما تثخن
وتيبين البايركس وتحطين طبقة معكرونه وبعدين لحم وبعدين طقبة معكرونه وصبي اخيرا الصلصه
ودخليها الفرن
وسلامتج

 

[جارة القمر]

تفضلي طلبج


http://q8yat.net/showthread.php?t=386580&highlight=%C8%C7%D4%E3%ED%E1

http://q8yat.net/showthread.php?t=312117&highlight=%C8%C7%D4%E3%ED%E1


http://q8yat.net/showthread.php?t=233303&highlight=%C8%C7%D4%E3%ED%E1

 

[butterscotch]

انا هذي طريقتي
3/4 قالب زبدة
2 ملعقة كبيرة طحين
2 ملعقة كبيرة نشا
1 مكعب ماجي
3 اكواب حليب
اول شي تذوبين الزبدة.
وبعدين تفتتين الماجي وتخلطينه مع الزبدة.
وبعدين تحطين النشا والطحين وتخلطينه بشوكة او مضرب شبك عشان ما يتكتل.
تخلينه ثواني على النار وبعدين تضيفين الحليب ولازم تظلين تحوسينه ولما تحسين ان صار متماسك طفي النار. وآخر شي رشة فلفل أبيض.
وبالعافية*

 

[مس يو]

حبيبتي اذا انتي مبتدئة بالطبخ فهذي الطريقة راح تنفعلج لانها حدهااااا سهلة

لتر حليب + 5 قفشات كبار طحين + جبن موتزريلا حسب الرغبة + جبن قلاص كرفت جم قفشة (حسب رغبتج) ورشة ملح وفلفل ونص مكعب ماجي للنكهة + شوية زيت او زبدة قفشة كبيره

وخلطيهم عدل بالخلاط على البارد بعدين صبي المزيج بجدر على النار وقعدي قلبي فيه عالخفيف لما يثقل المزيج ويصير بين قوام اللبن الخاثر والروب<< اقرب وصف لووووووول..بس بعدين طفيه وصبيه على صينية الاكل اللي مجهزتها وشوية جبن موتزريلا على الوية ودخليها الفرن تتحمر شوي من فوق