ضروري يابنات تردون لي خبر....تكفون

[نوريه الاموره]

السلام عليكم جميعا
....مشكلتي خالتي وبناتها...ظلموني وايد وايد وشهروا فيني كله كذب من الحسد...والله ياما تكلموا عند الناس ويدقون ويدزون مسجات ..بكلام وصخ وانا والله مارديت عليم بأي كلمه...قلت حسبي الله ونعم الوكيل
..ووحده منهم اللي كان حيل لسانها موزين الله فوقها...مااقدر شقول..بس
كل مايجيني كلام منهم اقول حسبي الله ونعم الوكيل..فيهم ..ياربي تاخذ حقي منهم..
ولي قبل كم يوم تضايقت وبالمناسبه انا لي شهر متزوجة ويبون طلاقي بأي طريقه..ورحت بيت اهلي قعدت يومين كنت متضايقه كان في سوء فهم بيني وبين زوجي..
وقاموا يكذبون ويقولون ان زوجي طلقني عند الناس ..والكل قام يدق يسأل صج انتي مطلقه قلت منو قال والله كذب...اسم الله علي مافيني الا العافيه
وخالتي اللي اهي اخت امي ..ودها بطلاقي
فامس كنت وايد منقهرة...وعندها بناتها ظلموني وايد..
ووحده منهم اللي كان ودها باي طريقه تخرب حياتي لدرجة انها دقت ع اهل زوجي عشان تخرب..وكانت تدز لي مسجات سب وقذف
وكل ما اقرا مسجاتها ادعي واقول حسبي الله فيها يارب اشوف فيها يوم...وربي وربي انها ظالمتني ..وانا مارديت عليها بأي مسج..وامي تقول لي خليها في رب يحاسبها..الله موجود وياخذ حقج وينصرج عليها
ولا اله الا الله اليوم الفجر ياني خبر وفاتها

وانا بيني وبين نفسي تضايقت..لاني صج دعيت عليها من الحره والقهر عالكلام اللي تقوله..كله افتراء وتظلمني فيه
..وصراحه انا ماودي اروح العزاء ولا امي ولا اي احد من بيتنا...لانهم ناس مفترين
والله من الغزو ..واهم كل سنه موال..ومشاكل..ومع ذلك نرجع لهم..نقول انا واختي وامي يالله عفى الله عما سلف
يمكن كبرو وعقلو وخلاص...كل زواج لاهلي قعدوا يسوون هالمشاكل..ويتهمون بالشرف وبالاعراض..والمشكله والله كذب واهم اللي غاطين بالمصايب ولا تكلمنا وعايرناهم وكنا نقول انا واختي الله فوقهم يحاسبهم ويعطي كل ذي حق وينصر المظلوم عالظالم...
الحين قولولي ماابي اروح للعزاء هل حرام والا لا
لان مانبي العلاقات ترد...لاننا ملينا مشاكل..منهم وربي قلبي يعورني..من مشاكلهم ماخلوا لنا خط رجعه

شنو اسوي الحين والحل يابنات..
البنت ماتت اليوم تكفوووون حدي متضايقه لاني بكل صلاة ادعي ع من ظلمني واقول الله ينتقم من كل من حرني..
واتهمني ومس شرفي وافترى علي



والله محتاره ومتضايقه

 

[princess89]

لا حول ولا قوة الا بالله ..
ماادري شنوو اقولج بصرااحه
أخااف تروحين العزاا يسوون لج مشااكل وهم اذا ماارحتي ..
أهي الحين تحت الارض ساامحيهاا وأدعي لهاا بالمغفره أدري ا الي سوته موشووي ولا هين بس كاان الله غفورا رحيما

 

[ديناا كوليكشن]

اهم شى حللى اللى ماتت وسامحيها عشان ترتاح فى قبرها وفي المقابل

ان شاءالله يكبر حضج اما العزاء روحي وعزى وطلعى بسرعة ولا تعطين لاى احد مجال يمسك عليج شي

ودايما قولي حسبى الله ونعم الوكيل وراح ياخذلج ربي حقج

 

[.:جرأة خجل:.]

لا إله إلا الله

حبيبتي بغض النظر عن اللي صار لج منهم


وعن الأذى والظلم اللي تعرضتيله


انا اقولج مايصير تقطعين رحمج ..

لان قاطع الرحم مايدخل الجنه بحديث الرسول صلى الله عليه وسلم ( قاطع الرحم لايدخل الجنه )


اذا تبين الجنه دوسي على كرامتج وسامحي

وروحي العزااا

وتذكري الأيه اللي تقول {والله يحب المحسنين }


وتذكري {فمن عفا وأصلح فأجره على الله}

وتذكري {وإن تعفوا وتصفحوا وتغفروا فإن الله غفور رحيم }

وقال الله تعالى {وليعفوا وليصفحوا ألا تحبون أن يغفرالله لكم والله غفور رحيم }


وتأكدي ان مهما سوواا لج فأن الله ماراح يضيع حقج وراح يقتص منهم اذا مو بالدنيا بالاخره

لكن المطلوب منج انج تسامحين لوجهه الله وتعفين وتحتسبين الاجر عند الله ..


وعسى الله يعينج ..

وعسى الله يهديهم ويصلحهم وتكون وفاتها عبره لهم ..

والله يأختي ماراح ناخذ من هذي الدنيا شي

انا سالفتي نفس سالفتج .. خالتي وبناتها تكلموا مو بس فيني انا تكلموا عن خواتي والله قالوا شي ماينقال .. يمكن عدوج مايقوله فيج


ومع هذا والله انا اللي بديت وانا اللي طلبت منهم يسامحون ونرد العلاقه

مو علشانهم .. عشان الله ينظر لي يوم القيامه .. لان قاطع الرحم لاينظر الله له يوم القيامه

وعشان الله يسامحني ويغفرلي لاني سامحتهم لوجهه سبحانه وكلي ثقه

بالله انه راح ياخذلي حقي ..و يكرمني بعفوه ومغفرته ​

 

[فتونة الكويت]

الله يعينج ويصبر قلبج اعلى اللى شفتية ويرحم بنت خالتج خلاص اهى تحت التراب الحين تبى الرحمة والمغفرة حلليها وسامحيها لله مو عشان شى
\ثانى ادرى ان الظلم يعور القلب بس شتسوين اقولج جذى لانى جربت الظلم بكل انواعة وقاعدة اتحسب على اللى ظلمنى والحمدلله على كل حال انا من راى خواتى روحى وخلج الاحسن وانتى البادية بالمغفرة لوجه الله تعالى عسى ربى ينصرج على من عاداجويريح بالج ويهدى سرج مع زوجج وديرى بالج على نفسج

 

[am faisal]

يا اللة اللهم انك تعلم بظلمى يا مجيب الدعاء اقتص لى ممن ظلمنى عندما تحاك عنك الاكاذيب ويبتعد عنك القريب وهنالك من يعرف الحقيقة هو رب العالمين هذا الشىء الوحيد اللذى مسح عن صدرى نار الظلم وخفف عنى جمر الاقاويل التى تاتيك من الخلف وخدر قليلا من قسوة خناجر الغدر فى ظهرى وما اقسى على الشخص ان يدخل بيتا تربى بة ويواجة بنظرات الاتهام من حولة وهو برىء اللهم اعلم اننى اجبرت نفسى على زيارتهم حتى اغضبك اللهم انك تعلم رضيت بما قسمت لى فلا تعينهم على ظلمى وكلى ثقة انك كاشف الضر فاكشفة عنى وكفى باللة شهيدا صبرتنى واعانتنى يااااااااااااااااااااااااا اللة اقتص لى يا ااااااااااااااااااا اللة اقتص لى اللهم اميييييييييييييييييين ادعولى يابنات تضهر براءتى باقرب وقت

 

[مضيعة برقعها]

مهما كان الواجب لازم تقوومين فيه وهذا عزا فيه اجر

 

[أماني عمري]

رد : ضروري يابنات تردون لي خبر....تكفون

ادعي بهالدعاء كل يوم و بكل صلاة رب رد كيد كل من يكيد بي و أهلي إلى نحره و اجعل تدبيره تدميرا عليه و سامحي اللي بالقبر و واصليهم بأضيق الحدود بس عشان لا تتحاسبين عليهم يوم القيامة

 

[عاشقهH]

مهما كانت المشاكل العزاء لازم تحضرينه لانه صلة رحم واحنا برمضان سواء عفيت عنها او لا ...
والله يكون بعونكم..

 

[امبراطورية الزين]

الله يكون بعونكم

 

[حبيبة أهلها]

رد : ضروري يابنات تردون لي خبر....تكفون

هلا حبيبتي روحي واحتسبي الاجر صدقيني ماراح تندمين مافي شئ يضيع عند رب العالميــــن وتذكري قول الله تعالى (وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ )

شوفي هذا الموضوع ان شاء الله تستفيدين منة وانتي ماسألتي الا فيك الخير والطيبة انا متأكدة انك تبين الاجر

http://www.saaid.net/Doat/hamesabadr/126.htm


وهذي محاضرة للشيخ نبيل العوضي عن اللي يسامحون

تكفييييين شوفيها

http://www.youtube.com/watch?v=lZ8ADzhGgT4