ضروري للي عندها اطفال خدج تساعدني

[~*~الملكة~*~]

السلام عليكم


بنات الي عندها اطفال خدج شنو حليبكم ومتى غيرتوا الحليب


حليب عيالي سيميلاك نيوشور بس عيالي وايد فيهم غازات والحين بنتي فيها مساك

مادري من الحليب مادري من شنو

اغير حليبهم ولا اخليهم عليه

وشنو استخدم اي نوع حليب

بصراحه دكاتره مستشفى الخدج يعلون الجبد جنج اطرين منهم الحجي وكله مستعيلين

 

[ام اغلى الناس]

الله يخليهم لج
ماعندي خبره بالخدج
بس ترى الامساك طبيعي
ولدي فريت فيه كل الدكاتره بسبة الامساك
اخرتها بس يعطوني تحاميل الجلسرين
وخرعوني قالوا ان تعود عليها حتى لو كبر مايخرج من غيرها
وقطعتهم
وصرت اعطيه اعشاب ومرات ماي التمر
تصبين ماي حار على التمر وتخلينه ينقع بعدين صفيه وعطيه تقريبا رقمين باليوم
يريح بطنه
طبعا مع الادويه اللي تطلع غازات البيبي من الصيدليه

 

[مارشميلو..]

انا ولدي كان خديج والحين عمره سنه ونص
الحليب كان سميلاك ونصيحه لاتغيرينه سميلاك نيوشور احسن شي للخدج يعوضهم عن النقص اللي فيهم
والامساك حاولي تعطينه رضعه تمر الصبح على الريق التمر زين يلين البطن
وعطيه عقب كل رضعه 30 مل ماي فاتر زييين له
وعطيه ماي غريب يهدي الغازات
وينسون رضعه باليوم
بس لاتغيرين الحليب

 

[ام اغلى الناس]

هذا موضوعي عن طريقة الاعشاب والادويه
http://www.q8yat.com/t637510.html

وهذا موضوع اسالتي للدكتور
http://www.q8yat.com/t642249.html

 

[noo7a]

انا ولدي كان من الخدج
و كنت اعطيه سيميلاك نيوشور نفسج
بس غازات اخيييه حدها اذته حتى الريحه مو طبيعيه
الدكتور قالي لمن يصير وزنه ٥ كيلو غيريه
و فعلا يوم غيرتله الغازات وايد خفت عن قبل
و الحين اعطيه نان

انتي عطيهم ماي غريب قبل النوم
و رضعه وحده باليوم ماي و تمر
واستمري عليه ليما تحسين ان اشوي صارت فيهم صحه بعدين غيريه

 

[الأمل الأبيض]

لما يكمل ولدج ٣كيلو حوليه علي سيميلاك ادفانس العادي
بس حطي مع ماي المطاره شوي حلبه مع يانسون وكمون نقعيهم بماي حار وضيفي مايهم لماي المطارة
و عليج بماي الغريب للمستوصف و غاز بامبي
والغازات لااازم من حليب الصناعي
ودايم نوميه علي بطنه ومايشوف شر أن شاءالله
وادعي لي ولبناتي الله يشفيهم ويقر عيني فيهم
ويعوضني خير

 

[ازعجهم هدوئي]

في واايد انوع للخدج اذكر تؤمي الخدج كتبلهم الطبيب s26وبعد بيوميل للخدج - وبيبلاك
ووللغازات في دو بالصيدله انا اسميه سحر لونه علبته بيضا باخضر بس مايحضرني اسمه
وشربيه يانسون ممتاز للمغص

 

[~*~الملكة~*~]

ام اغلى الناس مشكووووووره حبيبتي ماقصرتي والحين راح اقرا المواضيع ان شاءالله

مشكووووورين حبيباتي كلكم ماقصرتوا

وان شاءالله راح اعطيهم ماي التمر ويفيدهم ياااارب

 

[أم البطة]

اختي نصيحة لاتغيرين حليب نيوشور وعشان الغازات نقعي 5 وردات بابونج واشخليهم وحطيهم بماي المطارة يريح البطن والصدر وكل شي
هذي نصيحة دكتور سليمان السعد لي لان ولدي خديج والحين سنةو شهر وفعلا ارتاح الحمدلله

 

[باقة ورد]

انا بناتي كانوا خدج من بعد ما اطلعوا من الحضانة كنت اعطيهم ابتاميل رقم 1 بس كان ثقيل و يسوي غازات و غيرته حق نان حسيت فرق معاهم يعني احسن بس هم استمرت الغازات بس وحدة منهم غازاتها وايد قوية و كلة تتلوي من المغض و صراخ والطبيب قال عطيهم دوا اسمه gaz مع كل رضعة و ارتاحوا عليه بس ما اختفت الغازات لا بس احسن من اول...عموما الخدج معرضين لصعوبة الهضم اكثر من الاطفال الطبيعين لازم تصبرين و تتحملين جم شهر و بترتاحين بعدبن بس عن تجربة اذا شفتيهم يتعصرون و يبجون وايد حطيهم بحوض فيه ماي دافي يريحهم وايد ...الله يخليهم لج