ضروري سؤال قبل لاينشف حليبي بليييييييز

[^حبيبة الكل^]

السلام عليكم ورحمة الله وبركاته
بنات بسالكم انا ولدت من 10ايام و اضطر ولدي يدش الحضانه لانه انولد قبل موعده
و ليلحين بعنايه الاطفال الحمدلله كنت اشفط من صدري واعطيه ماقدر اعطيه دايركت من الصدر
سؤالي قاعده احس ان حليبي قاعد يقل هل الشفاطه لها دور في تقليل الحليب هالشي حييييييل مكدرني
البيبي يعطونه سميلاك بعد بس تعرفون قلب ام و ابي اذا طلع احطه علي صدري وارضعه اخاف ينشف حليبي
ناس تقول الشفاطه تنشف سالت السستر و الدكتوره يقولون لا وقالتلي شفاطتج احسن نوع
فيدوني عفيه انطر اجوبتكم

 

[عروسة القطيف]

اذكر ان امي باختي نفس الشي ،، كان حليبها قليل ،، وبعدين انقطع ما اعرف السبب
يمكن لانهم مولودين قبل وقتهم ؟

 

[hneen2]

اي حبيبتي الشفاط تنشف الحليب بس نصيحتي لج اكلي مكسرات خصوصا الكازو واللوز يدر الحليب در وياري يطلع وليدج بصحه وعافيه ويشبع من حليبج ان شالله

 

[Om boosha]

اكلي رهش والله نصيحه

 

[بنت الدوام]

شوفي اكو موقع كاتبين

عشان يزيد حليب الام والبيبي بعيد عنها

تسوي شغلتين عشان يزيد الحليب

الاولى انج تشوفين صورته وانتي تشفطين الحليب او تسجلين له فيديو صوت وصوره احسن بعد

الثانيه انج تتخيلينه واتخيلين ريحته وحركاته

وسبحان الله يقولج العاطفه عند الام لما يزيد بهالشي يزيد تدفق الحليب

وفي طريقه بعد اذا يقدرون يطلعون ولدج من الحضانه حطيه على صدرج وخلي حلجه صوب صدرج خليه يحوش صدرج وبدون ما يشرب

راح يزيد الحليب بصدرج

وكثري من الاستغفار وان شالله ماينشف حليبج

 

[فرح79]

والله يااختى انا ابني رفض صدري بعد ثلاث شهور وصرت اشفطله وصراحه خف الحليب مع الشفاط للاسف

 

[^حبيبة الكل^]

مشكورين جزاكم الله خير و الله هالموضوع حيييييل مضيق خلقي

 

[Om Ghalia]

شفاط ميديلا ،،، لا يكلف الله نفسا إلا وسعها...... أختي النفسية تلعب دور بعد... لا تحاتين ... ولا تفكرين....

 

[حب1985]

الله يقوم البيبي بالسلامة وتمسكينه وترضعينه يارب سئلي الدكتور اذا تقدرين تزيدين الحليب

 

[كل دنيتي امي@]

حبيبتي اشربي حليب طازج مع حلبه مطحونه خلي الحليب حار وحطي بالكاس ملعقتين حلبه مطحونه ونص ملعقه كركم وخليه شوي واشربيه وزيديه حليب حار لازم تشربينه حار عند النوم ضروري وعلى الريق الصباح
وبالليل كل ماصحيتي بتروحين للحمام اشربي حليب بالحلبه
تدر الحليب بشكل كثير

والحلبه والكركم يصفي البشره

دعواتك لي بلزوج الصالح

 

[فرفشه منعنشه]

انا اشفط والحمدالله ما قل السبب كله بالسوااااااااااااااااااااااااااااااااااااااااااااائل طيحي بالسوائل وادعيلي على الاقل لترين ماي يوميا وعصاير
​

 

[^حبيبة الكل^]

مشكورين جزاكم الله الف الف خير بارك الله فيكم

 

[auoma]

صح اشربي سوائل
انا قيصريه وصارلي ماشاءالله فوق الشهرين اشفط

 

[أم شواقه]

اكلي رهش وسمسميه أدر الحليب وااايد

 

[بنتي شبيهتي]

حبيبة الكل ترى كلام بنت الدوام صح مليوووون بالميه وانا مجربته هالشي كان يصب ماشالله تخيلي من ينزل اعرف انه يوعانه بنتي والله العظيم انه اعرفها انها يوعانه بس ينزل من نفسه سبحانه الله وصج لما اعطيها تشربه ومتلهفه عليه وانشالله يااارب يطل بالسلامه وتلمينه بصدرج وتشربينه يارب وشربي عصاير واايد والرهشششششش اهم شي *

 

[um haya]

انا مع بناتي الثنتين جذي ما ييني حليب وايد ويموتون منا ليوع واعطيهم الصناعي وخلاص يخربون يبون الصناعي لانه اسهل بس هالمره بجرب تجارب خواتي الرهش والسوائل والمسكرات وا ن شاءالله خيرر

 

[shabasa]

الشفاطه ماتنشف الحليب انا صارلي شهرين اشفط و الحمدلله ما خف الحليب - بس انا اكل حبوب من الصيدليه الي ادر الحليب و هم اكل رهش و ا شرب ماء وايد