ضروري الله يجزاكم خير عن الدراسات العليا

[| تفاصيل |]

لاتروح شكيت بعمري لان متأكده ان البنات ماعندهم خبره
رحت حست بقوقل وطلعت الاسماء
الاولى مع انها خريجة تربيه بس الماستر الي اقبلوها فيه علوم اداريه
ف اكيد مايبون خبرة التربيه
والثانية
متخرجة ٢٠٠٨ وهالكورس تاخذ الماستر
ف اتوقع خذت خبرة سنتين وعقب قدمت

بس وانا احوس لقيت وحدا كانت معانا تربيه واقبلوها اداب لغة عربية

 

[alhnan]

la troo7 اذا ابي اداوم دوام كامل شلون اجازتي شلون عالراتب؟ واهم شي راذا تخرجت وين اتوظف؟ اخدم بالتربيه ٣ سنين؟ بعثتي تكون منهم؟ انا مابي التربية ابي اشتغل بالتطبيقي؟ وشلون علي الدكتوراه ماكو بالكويت؟

 

[alhnan]

تفاصيل انتي متخرجه من وين و شنو تخصصج؟

 

[alhnan]

انا اول سنه تعيين رحت لهم بالخالديه قالو لازم خبره 3 سنين ومشت الايام صارت خبرتي ٥ سنوات وللحين ما قدمت نسيت السالفه لهيت بالتدريس و العيال ودي اكمل احسنلي

 

[alhnan]

يا رب تيسر لنا اكمال الدراسه يارب

 

[alhnan]

la trooo7 شوقتيني كلميني عن الدراسه صعبه حيل او هادي خصوصا للي مثلي عيال و لويه و مسؤلية و شلون علي الدراسه عربي او انقلش و المراجع متوفره والا بصعووبه؟

 

[بنات حواء2]

تفاصيل
راح اسأل و اردلج خبر
ثينكيو لا تروح
خلاص انا راح اروح كلية الدراسات العليا بالخالديه و اسأل
ربي يسهل
بس تتوقعون يفتحون لي تخصص علم نفس انا تربويه و تخصصي اقتصاد منزلي مساند علوم
و هل اقدر اكمل على المساند
ادري هلاسئله مفروض اسألها هناك مو هني
بس ممكن تكون وحده فيكم عندها معلومه تصبرني فيها على ماروح
جهزوا اسئلتكم بسجلها بورقه و بسألهم عن كل شي بخاطرنه

 

[| تفاصيل |]

اول شي مسكوا هذا المجرشيت مال ماستر التربيه
http://www.graduate.edu.kw/arabic/topics/current/index.php?cat_id=100
من قريته وانت حدي متحمسة لان نفس المواد الي كنا ناخذها فالجامعه يعني مقدور عليهم
الحنان انا خريجة تربية جامعة
ثانياً >يعني الحين حدي خبره لوول
ماستر التربيه ماله شغل بشنو كان تخصصج لان انتي بتكملين في مواد التربيه بس

 

[| تفاصيل |]

طلعت سالفة الخبره صجية وانا كنت فاهمه غلط

ف بنات لو صج ان الجامعة المفتوحة بينزلون ماستر تربية
هل التعليم العالي يعطوني بعثة داخليه عشان ادرس او لا !!

 

[LA TROO7]

تفاصيل انا متخرجه من الجامعه ٢٠٠٨ وصرلي سنه ادرس ماستر

بنات بخصوص الدراسه مافي شي على تخصصج انتي تختارين احد البرامج الاربعه واذا بتاخذين تفرغ دراسي يصير راتبج ٥٠٠ طول العام وبعد ماتخلصين ياتردين تخدمين للتربيه السنوات الي تفرغتي فيهم او تكملين دكتوراة طبعا برا الديرة لان مافي دكتوراة هني

والدراسه والله صعبه بس في بعض الدكاترة اهون من غيرهم بس كل واحد لازم بحث وعرض بوربوينت وعرض. كتب وغيرة وغيرة يعني كرف من قلب والبنات كل وحده اشطر من الثانيه تنافس من قلب بس بصراحه الدراسة احلا من الدوام وغثاة

 

[LA TROO7]

la trooo7 شوقتيني كلميني عن الدراسه صعبه حيل او هادي خصوصا للي مثلي عيال و لويه و مسؤلية و شلون علي الدراسه عربي او انقلش و المراجع متوفره والا بصعووبه؟

انا عندي عيال بعد وفي البداية صعبة بس تتيسر والدراسة عربي والمراجع عندج مكتبه الجامعه ومركز البحوث وغيرة وغيرة توكلي على الله وقدمي

 

[بنات حواء2]

لا تروح شوقتيني

 

[معلمة_منكوبة]

وحده داشه عرض ... التطبيقي ماعندهم ماستر ؟؟؟؟؟


وبالنسبه حق الجامعه المفتوحه متاكده انه فيه ماستر على شهر 9؟؟ يعني اعلنوا عن هالشي ؟؟؟


واذا متاكده بس تربيه واللا تخصصات ثانيه .. فرحتيني الصراحه انا ناطررتهم يبطلون .. يبيلج :******

 

[بنات حواء2]

التطبيقي عندهم ماستر و التسجيل عادة يكون من شهر 3 لي 4

 

[alhnan]

la tro7 ميخالف غثيتج بالاسئله بس صج ماعندي غيرج اسأله تعرفين ابلات ما اخذوا تفرغ و يدرسون ماستر والا كلهم ماخذين تفرغ افكر لو باخذه بحاول بدون تفرغ عشان الراتب عندي التزامات احس صعبه ٥٠٠ يعني من خلال ما تشوفين اكثرهم شنو متفرغين او لا خصوصا اني ماده اساسيه بالتدريس يعني بالدوام ما افضي و حتي بالبت اشتغل شوي و ما ارد الا دايخه

 

[alhnan]

بنات حواء شلون التطبيقي عندهم ماااستر ؟ قصدج بعثه لي برا والا ماسنر بالكويييت؟؟؟ واللي يعافيج وضحي ما فهمت عليج و وين اقدمله؟

 

[alhnan]

la tro7 سؤال بخصوص الميجر شيت 39 وحده شلون تقسيمتهم كورس اول 15 كورس ثاني 15 بعدين سنتين اطروحه 9 وحدات والا 15 اول سنه 15 ثاني سنه 9 اخر سنه اطروحه؟ ادري اسئلتي دقيقه وافكر لي بعيد بس عشان يزيد الحماس لانه نام جم سنه و قعد هاااايج هههه

 

[| تفاصيل |]

التطبيقي مايعطون ماستر
خريجة التطبيقي تقدر تاخذ ماستر من جامعة الكويت او اي جامعة ثانيه

بالنسبة ل ماستر الجامعة المفتوحة مادري والله هذا الي سمعته

 

[| تفاصيل |]

بنات الي عندها ارادة وواثقة من قدراتها
تتوكل على الله واتقدم سواء بالتفرغ او مع الدوام
صلوا استخارة وفكروا عدل لان ماكو تسجيل الحين
تسجيل المقيديين يبلش اخر السنه شهر ١٢ في وقت للتفكير

 

[| تفاصيل |]

بنات منو تعرف احد يشتغل في التعليم العالي
نبي يتأكد من ماستر الجامعة المفتوحة
وهل يعطون بعثة داخلية لها او لا ؟