ضحت في حبه وسعادتها معاه عشان ماتجرح زوجته وعياله.. شرايكم بنات؟؟

[دموع تائهه]

رد: رد : ضحت في حبه وسعادتها معاه عشان ماتجرح زوجته وعياله.. شرايكم بنات؟؟

نعم العقل والسنع

 

[@البتووول@]

رد : ضحت في حبه وسعادتها معاه عشان ماتجرح زوجته وعياله.. شرايكم بنات؟؟

بالعكس إهي ماضحت بحبها وسعادتها عشان زوجته وعياله لا ياقلبي إهي فكرت وإحسبتها صح صراحه شاطره قليل تلاقين نفسها لأن لو تشوفين هالريال شنو عيوبه:-
1-متزوج ومعيل
2-أكبر منها ب10 سنين ومغرور <<< من كلامه عن زوجته الاوليه إن إهو دكتور وإهي مدرسه@@
3-جذاب ومراوغ <<< ينخاف منه مامنه أمان
4-أسباب الزواج الثاني عنده سخيفه وماتشجعها إنها تقبل فيه آل إيه ربع الدوانيه <<<مثل النزوه يعني


بس هم إهي غلطت لمن كلته سواء متزوج وإلا عزابي مايجوز تحاجي ريال غريب ومابني على باطل فهو باطل

والله يرزقها نصيب أبرك منه

 

[رحيل المرافيء]

رد : ضحت في حبه وسعادتها معاه عشان ماتجرح زوجته وعياله.. شرايكم بنات؟؟

هي هدته لانه قص عليها مو لعياله وبيته
والزواج الثاني مافيه شي حلال وهي بعد كبيرة عمرها 28 سنة يمكن مايتقدمون لها الا متزوجين
شبتسوي ترفضهم بعد؟؟؟
ووايد كويتيات زوجات ثانيات وثالثات بعد ماله شغل بالاصل والفصل
مدري ليش ماخذين فكرة انه الزوجة الثانية خطافة رياييل ومو بنت حموولة هي ماسوت شي منكر
وتاخذه كويتية احسن من ماباجر يروح برا ويتزوج على مرته جذيه جذيه متزوج على الاقل بنات الديرة اولى

 

[رحيل المرافيء]

رد : ضحت في حبه وسعادتها معاه عشان ماتجرح زوجته وعياله.. شرايكم بنات؟؟

اي حبيبتي اهي حسبتها صح اليوم كلمتها وقلتلها انتي حبيتي نفسج اكثر من حبج له صح؟ قالتلي اي انا استاهل شخص احسن ونفسي مو رخيصة عشان ادش على مرة وابوق زوجها واخذه من عياله. وقلتلها كتبت موضوعج بالمنتدى جان تقولي كتبي نصيحة لكل البنات خل يحبون نفسهم اكثر وهذا مو معناته تكون البنت انانية لأ بس معناته تحط معايير عالية لاختيارها وقراراتهابالحياة مو تقبل بأي انسان لمجرد الزواج بس.

بنااااات مشكورين على التفاعل..
ونسيت اقول شغلة تقول رفيجتي ان الشاب اللطيف كان يمهد لمرته يقولها بتزوج عليج تدرون شنو كانت ترد عليه؟؟؟

كانت تقوله روح شوف منو بترضى فيك متزوج وابو عيال واذا رضت فيك وحده تراها طايحه بجبد نفسها!!!

هي قالت هالكلام عشان تسكته وتقهره
والزواج الثاني مو بوووق
ومافيه شي اسمه طايحة بجبد نفسها هذا رزق من رب العالمين
من جاءكم من ترضون دينه وخلقه فزوجووه ماقال شوفوه متزوج ولاا لااا
يبقى التعدد حلال وشرع الله ومافيه شي

 

[ريمية السعودية]

رد : ضحت في حبه وسعادتها معاه عشان ماتجرح زوجته وعياله.. شرايكم بنات؟؟

أنا بقول رأي وبكل صراحه بالنسبه للرجال لما تزيد فلوسه يتزوج عليها ماأظن أصابع يدك ماهي سوا ممكن يتزوج وحده ثانيه وهو منتف عن طريق زواج المسيار أو وحده عندها فلوس بس تبي رجال هذا أولا..

ثانيا:البنت غلطانه من البدايه شلون تحب رجال متزوج وعنده كوكش عيال المفروض من البدايه ماتعطي عمرها فرصه تحب واحد متزوج مافكرت في مرته الاولى المسكينه ..


ولكم خالص الشكر،،،،

 

[بولندية]

اهي كان المفرووووض انها تقطع علاقتها فيه قبل 4 سنين مو تضيع عمرها مع متزوج !!!


بس الحمدالله انها قطعت علاقتها فيه رفضت زواجها منه


لان اكبر الجذااابين المتزوجين يمكن لو مو متزوج جذبته و صواريخه تكون اهون

 

[الاحساس والطيبة]

رد : ضحت في حبه وسعادتها معاه عشان ماتجرح زوجته وعياله.. شرايكم بنات؟؟

اي حبيبتي اهي حسبتها صح اليوم كلمتها وقلتلها انتي حبيتي نفسج اكثر من حبج له صح؟ قالتلي اي انا استاهل شخص احسن ونفسي مو رخيصة عشان ادش على مرة وابوق زوجها واخذه من عياله. وقلتلها كتبت موضوعج بالمنتدى جان تقولي كتبي نصيحة لكل البنات خل يحبون نفسهم اكثر وهذا مو معناته تكون البنت انانية لأ بس معناته تحط معايير عالية لاختيارها وقراراتهابالحياة مو تقبل بأي انسان لمجرد الزواج بس.

بنااااات مشكورين على التفاعل..
ونسيت اقول شغلة تقول رفيجتي ان الشاب اللطيف كان يمهد لمرته يقولها بتزوج عليج تدرون شنو كانت ترد عليه؟؟؟

كانت تقوله روح شوف منو بترضى فيك متزوج وابو عيال واذا رضت فيك وحده تراها طايحه بجبد نفسها!!!

كلامها عبن العقل

 

[شمس 20]

ماضحت ولا درت عنها ليش تبديها على عمرها خاف صج بس !
شافته يمكن جذاب ويماطل بالسالفه الزواج ماشالله عليها هدته
خلته يولي ،، وبالزمن هذا اللهم نفسي وبس محد يفكر في احد ثاني

 

[انسام الكويت]

رد: رد : ضحت في حبه وسعادتها معاه عشان ماتجرح زوجته وعياله.. شرايكم بنات؟؟

بقول رايييي واختلاف الراي لايفسد للشيسمونه قضيه<٠----- حدي مو صوب الامثال
الصراحه من اول يوم قالها انا متزوج بس مرتي ماتحبني وبتطلب الطلاق ومادري شنو ماتكلمه ولا تلقيييييه ويه بالمره:j013::23_asmilies-com::23_asmilies-com:
لان مو من حقها تكلم ريال متزوح واهي كبيره وفاهمه لو يقول باجر بطلق ماتكلمه وتحبه وتتعمق بقصه حبها الا اذا عرفت ان طلق وخلص لا ويكون ضميرها مرتاح ومطمن ان ماطلق علشانها
وبالنسبه حق تضحيتها عفيه عليها لان حست ان اللي قاعده تسويه غلط تبني حياتها على خراب بيوت الناس واهو بيتزوج وحده ثانيه كيفه مشكلته بس اهي ماتكون السبب
وسلامتج

كلامج عدل مدل :rerrerek: اهي المفروض من عرفت اانه متزوج ومعيل وخرت عنه واقصرت الشر

شحقة تستمر وياها يعني لو كان ناوي يطلق مرته الاولى جان وافقت رفيجتج علطول بس بالاخر هونت لمن عرفت

انه جذب عليها وانه يحب مرته وعيااااله وخلته علطوووول اهي الغلطانه اي حب هاذا اللي ينبني بين مرة وريال متزوج

ماقوول غير الله يهديها ياارب

 

[al-musk]

رد : ضحت في حبه وسعادتها معاه عشان ماتجرح زوجته وعياله.. شرايكم بنات؟؟

ان شاء الله ربي يعوضها خير..

 

[فطووومة]

حبيبتي لا تضحية ولا شي


المفروض منها اول ما عرفت انه متزوج تتركه مو تقعد معاه 4 سنين وبعدين تسوي نفسها كريمة هدته حق مرته وعياله

الصراحة مع احترامي مافيها اي طيبة ولا تضحية والظاهر عرفت انه يلعب معاها وما قدرت تخليه يترك عايلته عشان جذي هدته



من اول ايام عرفت انه متزوج وانه عايلته معاه وتسمع اصوات عياله وشافت ملابسهم وعادي استمررت :eh_s(2):


ولا والمشكلة بعد يسولفون بالكاميرا ؟؟؟


ولا تزعلين

 

[جــــاذبية]

رد : ضحت في حبه وسعادتها معاه عشان ماتجرح زوجته وعياله.. شرايكم بنات؟؟

المفروض موبس تخليه لعياله ومرته المفروض تكرهه لأن كذب عليها وراح يجي يوم ويخليها تمر بالموقف نفسه ويستحسن إنها تشيله من بالها لأنه كــــــــذاب ..
وشنو يعني حب شوفي عنتر وعبلة وروميو وجولييت على كثر الحب إللي بينهم ماخذوا بعض ..
بس زين منها تركته مرته وعياله أولى ..