شلونكم بنات...
بقولكم قصة ياليت تكون عبرة لكل وحدة تخاف على زوجها من الزواج الثاني.. وهالقصة عشتها شخصيا لأنها صارت حق رفيجتي وربي فوقي وشاهد على كل حرف بقوله.. والعبرة اخذوها من بين السطور.. نتوكل على الله..
رفيجتي بنت حلوة وذكية وطموحة جدا.. وشخصيتها مستقلة والكل يتمنى يتقرب منها.. هالبنت ماشاء الله وفقها الله وطلعت بعثة وياي وسافرنا حق امريكا بس اهي بولاية وانا بولاية وانشغلنا بالدراسة وكنت اتصل فيها بين فترة والثانية ونتراسل عبر الايميل وهالسوالف.. المهم قالتلي انها تعرفت على شاب كويتي موجود معاها بنفس الجامعة وطالع بعد بعثة وأول ماتعرفت عليه كان عن طريق الدراسة ياخذون محاضرات مع بعض.. وفهمت من كلامه انه على مشاكل دايمه مع زوجته وانها مو مريحته وتزوج زواج تقليدي ومو على مستواه الفكري و...و...و.... والريال صارحها برغبته بالزواج منها بعد مايطلق الاولى اللي هي بنت خاله... طبعا اهو صارحها بالزواج بعد ماحبوا بعض ويابنات لو تشوفونهم تقولون توأم سبحان الله يشبهون بعض بكل شي... حتى تواريخ الميلاد متقاربة!! البنت حبته لانه قالها ان زوجته ماتحبه وانه في احتمال انها تطلب الطلاق..والمسكينة صدقت.. وأيام الدراسة في امريكا كان اهو ساكن بعيد عنها ودايم يقولها ربعي ساكنين معاي بالشقة ومرتي وعيالي بالكويت.. بس كان يجذب واهي على نياتها لان مرته وعياله معاه بأمريكا واكيد بتسألون شلون درت؟ تقولي كنت لما ادق عليه اسمه صوت يهال ورا أو ياهل صغير يبجي ويقوم اهو على طول يسكر الخط! وبعدين يدق بعد مايسكت الصوت.. وتقول لما كنت اسأله كان يقولي لا يتراوالج! وتقول بعد مرة كان يسولف وياها جات وفاتح الكام يراويها شغلة شاريها والا وراه منشر غسيل شارين عليه عباة وملابس يهال.. تقول لما شفت سكت وماتكلمت.. وعرفت ان الريال يجذب... وقالت بسكت لما اشوف اخرتها يمكن في شي مو فاهمته..
وبعدين رجع الريال الكويت يكمل دراسته واهي بقت.. ولما رجع أمريكا اهي ردت الكويت وكانت بينهم بس اتصالات.. أدري بتقولون حرام وليش اهي سمحت حق نفسها ومادري شنو.. بس حبيت اوضح ان كل اللي كان بينهم كانت علاقة احترام وصدق واهما اصلا كبار بالعمر الريال 38 والبنت 28 ومرت الايام وتخرجوا وطول هالفترة الريال مايجيب طاري زوجته أو عياله ولا كأنه متزوج واهي ماكانت تسأله عنهم..
وفعلا وفى الريال بوعده وطلب من البنت يتزوجون.. تتخيلون شنو صار؟ سألته عن زوجته وعياله وشنو وضعه بالضبط؟ تدرون شنو طلعت سالفته؟؟ قالها انا احب زوجتي بس محتاج زوجة ثانية!! البنت انصدمت قالت اشلون خليتني اعيش الحب وياك وانت تحب زوجتك وعيالك؟ قالها وانتي بعد احبج واموت عليج ولايمكن استغني عنج..!! وتكلموا عدل بالموضوع وحطوا النقاط على الحروف وقالتله عطني فترة اشوي افكر وارجعلك اقولك قراري..........والخص لكم المشكلة..
اوهمها بأنه مايحب زوجته وناوي يطلقها اول مايتخرج ويتفرغ..
تحبه ويحبها بشكل مجنون... فوووووووووووووق الخيال...
ميولهم وهواياتهم وطموحاتهم متشابهة..
يشتغلون بنفس المكان... للأسف!!
اهي ماتزوجت من قبل واهو متزوج وعنده 3 بنات وصبي
يحب زوجته الاولى ويبي زوجة ثانية...
اهي رافضة انها تكون زوجة ثانية وبنفس الوقت رافضة تكون سبب بطلاق زوجته الاولي...
استمرت قصة حبهم اكثر من 4 سنوات.. وبهالاربع سنوات كان معيشها في كذبة كبيرة انه بيطلق وانه مايحب زوجته وانه مو سعيد... الخ!
تدرون شنو قررت؟؟؟
بعد تفكير.. قالتله بالحرف الواحد...
بتركك لبيتك وعيالك وأهم شي مرتك.. اهم يحتاجون لك أكثر مني رغم الحب الكبير اللي جمعنا...
طبعا اهو طنقر وعصب والسبب ان كرامته انجرحت شلون بنت ترفضه واهو مزيون ومنصبه زين وشهادته شكبرها وخريج امريكا... وحاول بكل الطرق انه يغير رايها بس هي اصرت تنهي كل شي...وتركته... وصارلها من تركته شهور... واختارت مكان بعيد عن مكان شغله.. ودفنت كل الحب اللي كان بقلبها..
تتوقعون.. هل في بنات بهالزمن مثل هذي؟ تضحي في حبها وتخلي الانسان اللي حبته لأهله وعياله؟؟
مرات تتصل علي تقولي اشتقت.. اقولها فكري انه الحين مستانس بين اهله وعياله.. وتبتسم وتسكت
فعلا بنات.. اللي يحب مايتمنى يشوف اللي يحبه الا واهو سعيد حتى لو كان مع احد ثاني...
العبرة من القصة...
ديروا بالكم على رياييلكم يابنات... ترى الريال اول ماتزيد فلوسه أول شي يسويه يفكر يتزوج
تدرون شنو اعذار هالريال لما سألته ليش تبي تتزوج دام تحب زوجتك؟
قالها...
زوجتي مو صوبي من يابت العيال خلتني وكله مشغوله وياهم...
زوجتي مو نفس مستوى تفكيري انا دكتور واهي مدرسة...
زوجتي كله تفتر بالسوق والا عند اهلها وانا محد يهتم فيني..
زوجتي ماتشاركني ميولي وهواياتي..
والصدمة.... السبب الأخير..... ربعي بالدوانية كل واحد متزوج ثنتين!!!!!
أتمنى بنات اسمع رايكم وخاصة بالنقطة الاخيرة.. ترى الرياييل قاعدين يشيشون بعض بالدواوين شنسوي يابنات؟؟
بقولكم قصة ياليت تكون عبرة لكل وحدة تخاف على زوجها من الزواج الثاني.. وهالقصة عشتها شخصيا لأنها صارت حق رفيجتي وربي فوقي وشاهد على كل حرف بقوله.. والعبرة اخذوها من بين السطور.. نتوكل على الله..
رفيجتي بنت حلوة وذكية وطموحة جدا.. وشخصيتها مستقلة والكل يتمنى يتقرب منها.. هالبنت ماشاء الله وفقها الله وطلعت بعثة وياي وسافرنا حق امريكا بس اهي بولاية وانا بولاية وانشغلنا بالدراسة وكنت اتصل فيها بين فترة والثانية ونتراسل عبر الايميل وهالسوالف.. المهم قالتلي انها تعرفت على شاب كويتي موجود معاها بنفس الجامعة وطالع بعد بعثة وأول ماتعرفت عليه كان عن طريق الدراسة ياخذون محاضرات مع بعض.. وفهمت من كلامه انه على مشاكل دايمه مع زوجته وانها مو مريحته وتزوج زواج تقليدي ومو على مستواه الفكري و...و...و.... والريال صارحها برغبته بالزواج منها بعد مايطلق الاولى اللي هي بنت خاله... طبعا اهو صارحها بالزواج بعد ماحبوا بعض ويابنات لو تشوفونهم تقولون توأم سبحان الله يشبهون بعض بكل شي... حتى تواريخ الميلاد متقاربة!! البنت حبته لانه قالها ان زوجته ماتحبه وانه في احتمال انها تطلب الطلاق..والمسكينة صدقت.. وأيام الدراسة في امريكا كان اهو ساكن بعيد عنها ودايم يقولها ربعي ساكنين معاي بالشقة ومرتي وعيالي بالكويت.. بس كان يجذب واهي على نياتها لان مرته وعياله معاه بأمريكا واكيد بتسألون شلون درت؟ تقولي كنت لما ادق عليه اسمه صوت يهال ورا أو ياهل صغير يبجي ويقوم اهو على طول يسكر الخط! وبعدين يدق بعد مايسكت الصوت.. وتقول لما كنت اسأله كان يقولي لا يتراوالج! وتقول بعد مرة كان يسولف وياها جات وفاتح الكام يراويها شغلة شاريها والا وراه منشر غسيل شارين عليه عباة وملابس يهال.. تقول لما شفت سكت وماتكلمت.. وعرفت ان الريال يجذب... وقالت بسكت لما اشوف اخرتها يمكن في شي مو فاهمته..
وبعدين رجع الريال الكويت يكمل دراسته واهي بقت.. ولما رجع أمريكا اهي ردت الكويت وكانت بينهم بس اتصالات.. أدري بتقولون حرام وليش اهي سمحت حق نفسها ومادري شنو.. بس حبيت اوضح ان كل اللي كان بينهم كانت علاقة احترام وصدق واهما اصلا كبار بالعمر الريال 38 والبنت 28 ومرت الايام وتخرجوا وطول هالفترة الريال مايجيب طاري زوجته أو عياله ولا كأنه متزوج واهي ماكانت تسأله عنهم..
وفعلا وفى الريال بوعده وطلب من البنت يتزوجون.. تتخيلون شنو صار؟ سألته عن زوجته وعياله وشنو وضعه بالضبط؟ تدرون شنو طلعت سالفته؟؟ قالها انا احب زوجتي بس محتاج زوجة ثانية!! البنت انصدمت قالت اشلون خليتني اعيش الحب وياك وانت تحب زوجتك وعيالك؟ قالها وانتي بعد احبج واموت عليج ولايمكن استغني عنج..!! وتكلموا عدل بالموضوع وحطوا النقاط على الحروف وقالتله عطني فترة اشوي افكر وارجعلك اقولك قراري..........والخص لكم المشكلة..
اوهمها بأنه مايحب زوجته وناوي يطلقها اول مايتخرج ويتفرغ..
تحبه ويحبها بشكل مجنون... فوووووووووووووق الخيال...
ميولهم وهواياتهم وطموحاتهم متشابهة..
يشتغلون بنفس المكان... للأسف!!
اهي ماتزوجت من قبل واهو متزوج وعنده 3 بنات وصبي
يحب زوجته الاولى ويبي زوجة ثانية...
اهي رافضة انها تكون زوجة ثانية وبنفس الوقت رافضة تكون سبب بطلاق زوجته الاولي...
استمرت قصة حبهم اكثر من 4 سنوات.. وبهالاربع سنوات كان معيشها في كذبة كبيرة انه بيطلق وانه مايحب زوجته وانه مو سعيد... الخ!
تدرون شنو قررت؟؟؟
بعد تفكير.. قالتله بالحرف الواحد...
بتركك لبيتك وعيالك وأهم شي مرتك.. اهم يحتاجون لك أكثر مني رغم الحب الكبير اللي جمعنا...
طبعا اهو طنقر وعصب والسبب ان كرامته انجرحت شلون بنت ترفضه واهو مزيون ومنصبه زين وشهادته شكبرها وخريج امريكا... وحاول بكل الطرق انه يغير رايها بس هي اصرت تنهي كل شي...وتركته... وصارلها من تركته شهور... واختارت مكان بعيد عن مكان شغله.. ودفنت كل الحب اللي كان بقلبها..
تتوقعون.. هل في بنات بهالزمن مثل هذي؟ تضحي في حبها وتخلي الانسان اللي حبته لأهله وعياله؟؟
مرات تتصل علي تقولي اشتقت.. اقولها فكري انه الحين مستانس بين اهله وعياله.. وتبتسم وتسكت
فعلا بنات.. اللي يحب مايتمنى يشوف اللي يحبه الا واهو سعيد حتى لو كان مع احد ثاني...العبرة من القصة...
ديروا بالكم على رياييلكم يابنات... ترى الريال اول ماتزيد فلوسه أول شي يسويه يفكر يتزوج
تدرون شنو اعذار هالريال لما سألته ليش تبي تتزوج دام تحب زوجتك؟
قالها...
زوجتي مو صوبي من يابت العيال خلتني وكله مشغوله وياهم...
زوجتي مو نفس مستوى تفكيري انا دكتور واهي مدرسة...
زوجتي كله تفتر بالسوق والا عند اهلها وانا محد يهتم فيني..
زوجتي ماتشاركني ميولي وهواياتي..
والصدمة.... السبب الأخير..... ربعي بالدوانية كل واحد متزوج ثنتين!!!!!
أتمنى بنات اسمع رايكم وخاصة بالنقطة الاخيرة.. ترى الرياييل قاعدين يشيشون بعض بالدواوين
شنسوي يابنات؟؟
