ضاغط الديباجات

[قمر2009]

بنات نصيحه لكم للديباجات والكفرات عند دايسو يجنن يضغط لج الديباج ويخليه صغيرعلى 600فلس الحبه روعه وعلاق الملافع شي​

 

[ضحكة الدنيا]

وانا احب افيدكم اكثر
واقولكم انى لاقيته بتروفاليو على 500 فلس
واحلى من دايسو لانى مجربه حق دايسو

 

[مغيب الشمس]

وفي بنات يمدحون اللي بطيور الجنة على350 فلس

 

[سعوديه حبيبها كويتي]

ين صاير تروفاليو؟
مشكورين عالمعلومات الحلوه

 

[بنت الكويت العسل]

عند تروفاليو منظم الديباجات روعه الخامه كد ومد وفي منه اشكال للتنظيم وايد

تروفاليو ورا الافنيوزبعد الرياضي

علاق الملافع في طيور الجنه وهم تروفاليو منزلين منه اشكال وايد وهم دايسو

 

[*شمعة وفا*]

اللي بطيور الجنة على 350 فاس هو حجم كيس المخدة
والوسط على 450 والكبير حجم الديباج على 550
حيييل ينفعوووون

 

[.. نواري ..]

مشكوره ياقلبي شيشتوني على تروفاليو وطيور الجنه

 

[بيت التوت]

سبحانك اللهم وبحمدك أشهد أن لا اله الا أنت أستغفرك وأتوب اليك



يابناااااااااااااات فرقوا بين الأصلي والتقليد تري كل صناعه جيده لها تقليد عطورات مكياج جنط حتي الأكل اللي ناكله :eh_s(16):

آنا شايفتهم كلهم ومجربتهم بعد بس مع الأسف أي شي بسرعه اختربو ومن يومين شفتهم بطيور الجنه هم من بوطقه ونص

يعني شوفي هالخمس امية فلس 500 جم مره بتدفعينها

اللي عندي غير صناعه قويه كد ومد وأحجام جبيره صيني بس كولتي درجه أولي خامه متينه وحتي الحلقه الدائريه اللي ينشفط الهوا عن طريقها

متينه وتتحمل كثرة الاستعمال

والجرار مال الجيس مايفرط معاج أو ايطيح متين ويتحمل الصك والفك

أدري بتقولون اتروج بضاعتها ................. بس عن تجربه ليشني استعملهم من زمان وتعبت معاهم أكثر مارتحت

هذي تجربتي


ملاحظه ........... هذا مجرد راي حالي حالكم :icon30:

أي وحده بترد علي ياليت بالخاص ليشني مارد علي الموضوع مرتين :hjy5jewf:

 

[princesa n3oma]

انا مره رحت دايسو راسى قام يعورنى من كثر ما بققت عينى بالاشياء الصغيره ....

صاجه تلاقين عنده اشياء تستفيدين منها مشكوره يا قلبى

 

[بنت الكويت العسل]

برامز بعد ومركز سلطان تلقونهم مرة اخوي حطت فيهم اغراض اليهال وماشاء الله يكفون وزياده

 

[أمي غلاها غير]

ما فهمت بنات شلون يدخل فيه الديباج وشلون ايشيل حلو حق السفر الله ايوفقها اللي اترد على الخاص ياليت

 

[بنت الكويت العسل]

فوووووووووووووووووووووووووووووق

 

[عطراللافندر.]

يسلمووووووووووووووو

 

[اليازيا2007]

هل ضاغط الديباج يعني الكيس الي نحط فيه الديباج ونسحب الهوا الي فيه؟

 

[شوق اليوسف]

للي جربتهم ..

هل أكيد إن اللي من تروفاليوا ما يختربون ..

لأني من كثر ما جربهم .
مليت ..

ابي شي مضمون !؟

 

[جلاديلياس]

تسلميين حبوبه يعطيج العافيه

 

[حروف من ذهب*]

دايسو كل شي فيه حلو

 

[froha83]

ملوت ترافاليو روعة عندي اياهم من 3 سنين تقريبا وكد مد صراحة

 

[قمر2009]

هل ضاغط الديباج يعني الكيس الي نحط فيه الديباج ونسحب الهوا الي فيه؟

هذاهو حبيبتي

 

[*بسبوسه*]

انا عندي مال دايسو ماعجبني لان مافيه فتحت شفط لازم اشفط من طرف فتحة الجيس والحاله صعبه
وبعد جم اسبوع دشه هوى وانتفخ شوي

يقولون في بجمعية القرين نوعيته ممتازه