ضااااايعه ..

[8lm r9a9]

بسم الله الرحمن الرحيم ..
مساء الخير .. بصراحه اول موضوع اكتبه و اللي شدني حق الاشتراك و كتابة موضوعي اهوه روحكم الطيبه و تفاعلكم الجذاب .. حبيت اطرح سالفتي عليكم بختصار و ابي رايكم .. انه بنت كويتيه عمري 18 سنه قبل سنة تقريبا كنت بالجمعيه امي نزلتني اييب شغله .. يت يمي وحده و سلمت علي و قالتلي انه اخوها معجب فيني و انه تبي رقم امي .. و قلتها اني بعدي اصغيره و و هالسنه اتخرج من الثانويه قالتلي باقيلج كورس و مو مشكله و من هالحجي .. عموما خذيت ايميله و كلمته ع النت و كان وايد محترم و طيب و خلوق و كانت هذي اول علاقة حب لي يعني قلبي انفتح ع ايده .. مع مرور الوقت قالي ابي اقولج شغله انه مو كويتي انصدمت قلتله عيل ؟ قالي انه كويتي مع وقف التنفيذ انه بدوون !! .. قعدت مع نفسي و افكر انه من النوع اللي اخذ راي عقلي قبل مشاعري و مستقبلي و مستقبل اعيالي يهمني واايد ..اهوه خوش ريال و امه كويتيه و يدرس بالجامعه و اخلاقه عاليه ما انكر هالشي و محترم و يحبني واايد و امقدرني و يعرف ربه و ملتزمه ابصلاته و رومانسي بس بحدود طبعا لانه مابينه علاقه شرعيه .. علاقتنا محدوده .. المهم قالي عطيني رقمج بتفاهم وياج و مع الحجي دق علي و قالي انه يحبني و شاريني و مستعد يتقدم مره و مرتين و ثلاث و يسوي المستحيل عشان يحصل علي و قعد يبجي و يقولي والله احبج انه شنو ذنبي عشان انحرم منج و قالي اذا ع العيال تولدين بره و ياخذون جنسية الدوله اللي انولدوا فيها .. يقول احنا مظلومين و ان شاء الله يتعدل وضعي .. و اسامينا باللجنه و كان اسم ابوي ابكشف التجنيس اللي طاف يعني مع تعدل القوانين و الحين قاعدين يحلون مشاكلنه ان شاء الله وضعي يتعدل و من هالحجي .. و اليوم امه دقت على امي اتخطبني بس مادري حدي ضايعه .. خايفه من المستقبل .. ابي رايكم بهالموضوع و اشلون اتصرف و انه احبه بس مثل ماقلتلكم راي عقلي اهم من مشاعري بالنسبه لي .. اتمنى انكم اتفيدوني و تعطوني نصايحكم .. و اسفه على الاطاله :eh_s(7):

 

[LADY~O$CAR]

صلي صلاة استخاره
الله يوفقج ان شاء الله

 

[moon including]

والله عورتي قلبي
بس نصيحه .. فكري بالعقل مو بالعاطفه فكري لي خمسين سنه جدام وبعدين توج صغيره نطري اذا تعدل وضعه كان بها
واذا ماتعدل شوفي حياتج... الزمن ماينطر احد

 

[8lm r9a9]

اي حبيباتي انه هذا اللي حاطته ابالي اني توني اصغيره و توني اول سنه جامعه و مابي اتزوج الحين و اهو قاعد يدرس .. اقوله ليش خليت امك اتدق تو النس يقولي اخاف اتطيرين من ايدي و ياخذونج مني .. مادري شسوي .. يقولي انه مابي الحرام قلتله انته توك بالجامعه و انه توني اصغيره خننطر ع ما تتخرج و ان شاء الله يكون وضعك متعدل .. جان يقولي الله كريم .. مادري شسوي :eh_s(11)::eh_s(11):

 

[~LiBrA~]

سلام
في البدايه حسيت في غلط بالموضوع يعني المره الي ياتج بالجمعيه قالتلج ابي رقم
امج ليش وشلون خذيتي الايميل وصارت قصة حب
وهذي اول غلطه
بعدين كلمتيه بالفون وهذي الثانيه
بهالطريقه خليتي مشاعرج وقلبج اهو الي يحكم
وطبعا هالشي مقصود منه
لان يدري ان اذا ياي يخطب عادي ماراح توافقون
عليه لانه بدون

شوفي حبيبتي
اختيار الزوج صعب ومو شي هين وانتي فاهمه وقلتي انج تفكرين
بمستقبلج مع عيالج
وفي احتمال ان ماكو مستقبل مع هالشخص
وانتي شايفه شصاير بالديرة بسبب هالسالفه

انصحج بشدة تفكرين بعقلج وشيلي الحب من راسج
وقت الاختيار
لان بعدين هالحب ماراح يوكل خبز اذا احتجتي شي
وبالتوفيج

 

[ام شووووق]

والله ماادري شقولج

استخيري

 

[8lm r9a9]

انزين حبيبتي انه ودي انهي الموضوع بس اشلون ؟؟!! .. شقووله ؟! شنو الاسلوب اللي ممكن اطرحه عشان انخلص من هالموضوع .. خصوصا انه مايرصى يزعلني و عمره ماسوه شي يزعلني .. و اهو من النوع اللي ابسرعه يتعب .. شسوي اشلون انهي الموضووع ؟!!

 

[كتكوته ورديه]

استخيري واعملي بما تقول لج استخاره احسن وقت صلاة الاستخاره من راي بعد صلاة الفجر
بعدين اذا اهو ابوه بملف التجنيس يمكن يتجنس اصبري بس اهم شي لا تشبكين حياتج معاه انطري اشوي اعرف بنات كويتيات اخذو بدون وتجنسوا بعدين وصاروا الكويتين بس مو معناة تاخذينه علي لاطول لا بس حبيت اعلمج اصبري اشوي

 

[Creamy Girl]

انا اقول نطري اذا تعدل وضعه وتجنس كان بها
بس اذا والله تم مثل ماهو مانصحج
واهو ماتخذ هالطريقه الا عشان اييلج من ناحية العاطفه
اتوقع لان حاط بباله اذا تقدملج مثل اي شخص اكييد بينرفض
رايي تنطرين علي الاقل لما سنه جدام او لما يتخرج وبهالوقت لا يكون بينكم مكالمات او شي عشان ماتتعلقين فيه زياده
ومتي ماتعدل وضعهم يتقدملج غير جذي شوفي مستقبلج مع غيره

 

[معلمة شيسمونه]

انا اقولج باختصار

استخيري ربج وبعدين

شوفي نفسج تقدرين تتحملين الوضع معاه
تقدرين تستغنين عن حبه علشان مستقبلج
من غير ما تندمين بعدين طبعاااااااااااااااا

فكري براحتج فكري بكل شي شنو يقدر يوفر لج
واذا بدون
ترى يقدر يوفر لج وايد شغلات

واذا في أمل انه يتجنس و اموره تمام ليش لا هم فكري عدل

وربي يوفقج

 

[8lm r9a9]

حبيباتي ع طاري الاستخاره .. سويتها اول ماعرفت فيه الموضوع و اطلعت زينه .. بس خوفي من مستقبلي .. و وايد بنات قالولي نطري و ان شاء الله يتعدل وضعه .. جد حبيته و اللي شدني فيه اخلاقه و قيمه .. الله يقدم اللي فيه الخير .. و انه دايما اقول حق بنت خالتي انه ماراح يأثر علي ابشي شهادتي موجوده و معاشي بيدي ماراح احتاجه بس خايفه ع اعيالي و ع مستقبلهم مابيهم يعضيعون او يحسون بالنقص ..

 

[حلااي]

صلي صلاة الاستخارة وباذن الله راح يسيرج ربي للطريق الصحيح لا تحاتين الله اعلم بالمستقبل شدراج يمكن يتصلح وضعه مع الزمن وممكن يصير مستقبله ممتاز

فعشان جذي لا تستعجلين استخيرييييييييييييييييييييييييي وما خاب من استخار الخالق

 

[G!RLooNa]

والله مشكله البدون جم سنه صارلها معلقه و جم يقولون خلاص بتنحل و لا انحلت

حرام تيبين عيال و تظلمينهم و انهم ياخذون جناسي الدير اللي انولدوا فيها مو حل

و اقل شي فكري انه بقارنون بينهم و بين عيال خوالهم و خالاتهم بالمستوى

بعدين اللي يتلج بالجمعيه قالت تبي رقم امج شياب السالفه حق ايميلات ؟!!

انا مكانج ما اوافق و شلون تنهين قوليله اللي نسويه غلط و اذا بيتقدم خل يتقدم و احتمال كبير اهلج بيرفضونه صح !! بس تخلص السالفه

الا اذا انتي مستعده تيبين عيال مستقبلهم مجهول و حقوقهم مجهوله و عقب تبجين على حظج و مثل اللي نسمعهم يدقدقون عالاذاعه و التلفزيون يتشكون احنا كويتيات و عيالنا مالهم حقوق

الله يفرج عليهم و اللي له حق انشالله ياخذه و كلنا عبيد الله لكن ليش اقط بيدي للتهلكه و اييب عيال موعارفه مستقبلهم و انا بيدي أأمن لهم احسن مستقبل ؟؟؟؟*

 

[الحياة جوهره]

شاوري عقلج ماتدرين يمكن يتجنس او لا وشوفى تقدرين تعيشين بالظروف الله يفرجلهم واعرف شكثر بدون عدل وضعهم واخذو جناسي وعاشو برا الكويت ؟؟؟؟؟؟

 

[قــل مـا تـشـاء]

والله حيييره لكن ماحار من استخار ولا ندم من استشار
استخيري و شوفي أمج وأبوج شنو يقولون بعد مايسألون عنه وتناقشي معاهم بالموضوع

 

[كنوشة 2009]

سلام
في البدايه حسيت في غلط بالموضوع يعني المره الي ياتج بالجمعيه قالتلج ابي رقم
امج ليش وشلون خذيتي الايميل وصارت قصة حب
وهذي اول غلطه
بعدين كلمتيه بالفون وهذي الثانيه
بهالطريقه خليتي مشاعرج وقلبج اهو الي يحكم
وطبعا هالشي مقصود منه
لان يدري ان اذا ياي يخطب عادي ماراح توافقون
عليه لانه بدون

شوفي حبيبتي
اختيار الزوج صعب ومو شي هين وانتي فاهمه وقلتي انج تفكرين
بمستقبلج مع عيالج
وفي احتمال ان ماكو مستقبل مع هالشخص
وانتي شايفه شصاير بالديرة بسبب هالسالفه

انصحج بشدة تفكرين بعقلج وشيلي الحب من راسج
وقت الاختيار
لان بعدين هالحب ماراح يوكل خبز اذا احتجتي شي
وبالتوفيج

انا معاها
:rerrerek::rerrerek:

 

[dectora 7elwa]

بعدج صغيره
ما عليج قا صر
ليش تربطين نفسج بواحد مبين حياتج معاه بتكون كلها معاناه
اتوقع بتعانين من لما يخطبج واهلج بيعارضون وبتحاربين عشلن تاخذينه وهلم جرا
شلون عالمستوى المادي والاجتماعي والبيت والسكن ووووو
اتمنا لج النصيب الاحسن من جذي
يمكن تعانين الحين من الفراق فتره بسيطه لكن ما تعانين طول حياتج انتي وعيالج
نصيحتي نصيحه اخت كبيره

 

[حقوقيه زوغه]

انا اقووولج من راايي لا لا لا لا لالااااااااااااااااااااااااااا

قوليله مافي بينه نصيب والله وياك

حبيبتي مااينفع كلش ياماما وين قاعدين انتي من صجج !! مو نقصا فيه ولا باهله بس الواقع غير غير وتوج صغيره جابلي دراستج ابرك

 

[8lm r9a9]

ثنكس عزيزاتي ع التفاعل وياي و الله يسهل ان شاء الله و دعواتكم .. اللهم صلي على محمد و ال محمد

 

[دنيابدونج خساره]

نصيحه توج صغيره والعمر جدامج انا رفيجتي كانت معاي بالثانويه متفوقة وتخرجت منها بمتياز بس الجامعه رفضتها لانها بدون وقبلولها التربيه الاساسيه وفكري عدل حبوبه​