صَفْقَة الْمُوٌتْ <<بقلمي انا اصايل الكويت

[miss 3yara]

ـ ملينا من الانتظار
ـ وناطرين الاخير

حبوبه في كاتبات يتأخرون على شهر وشهرين وانا عندي ظروفي بعد :eh_s(6):

 

[toutiiii <3]

رد : صَفْقَة الْمُوٌتْ <<بقلمي انا اصايل الكويت

نبي باارت

 

[miss 3yara]

باجر او اليوم نقول الساعه 5 المغرب راح انزلكم البارت الاخييييييير وتوقعاتكم للنهايه وتتوقعون النهايه بتكون سعيده ولاحزينه وبليز بنات توقعاتكم

 

[cup-cacke]

ليش تختصرين

ماقبووول ماقبوووول

 

[miss 3yara]

ليش تختصرين

ماقبووول ماقبوووول

لول حياتي والله موبيدي وانا مابي اطول عليكم فا راح اختصر عليكم الاحداث وانشالله بيكون البارت طووييل
وتوقعاتج

 

[عاشقة المسك]

حبوبه في كاتبات يتأخرون على شهر وشهرين وانا عندي ظروفي بعد :eh_s(6):

ـ بس والله روايتج الصراحه تستحق الانظار
ـ بس تقريبا تقريبا متى راح تنزلين الاخير؟؟
ـ وناطرينج حبيبتي

 

[miss 3yara]

ـ بس والله روايتج الصراحه تستحق الانظار
ـ بس تقريبا تقريبا متى راح تنزلين الاخير؟؟
ـ وناطرينج حبيبتي

حبيبتي وشنو توقعاتج
مثل ماقلت اليوم الساعه 5 المغرب

 

[rayona]

n6rinich

 

[miss 3yara]

بنات بليز توقعاتكم

 

[سارووونه22]

خلاص يجماعة البنت عندها ظروف ناطرينج حبوبة مع بارت الاخير

 

[Riooma]

waiting waiting

 

[عاشقة المسك]

up
up
up
we are wating

 

[miss 3yara]

**البارت الاخير**
بدر:امم عيسى نسيت اقولك ترى دودا خطيبتي وبعد جم يوم ملجتنا
شهد خزت بدر
عيسى بنفسيه:الله يوفقكم ...وراح
شهد:متى بتزوجك هاا يمكن بعد سنتين مادري 3 سنين
بدر:شوفي شهود ترى مالي خلقج
ـــــــــــــــــــــــــــــــ
بعد مرور 6 اشهر
تحديدا مخيمات جليعه
ــــ
طلال:فديتها روونتي
روان:طلول جب
شهد:حتى وانتي تحبين دفشه
روان دزتها:اووه شهووود
ضي:والله تمنيت امي تكون ويانا
ـــــ
نسيت اقولكم ام خالد انشلت حتى الكلام ماتقدر تتكلم وشيخه يابت بنت وسمتها غنيمة على اسم امها ولولوه وفهد تزوجو وبوشهد تزوج وحده عمرها 35 سنة واسمها منيرة :d وشيخه تعدلت ويا شهد وتحسفت وتاسفت منها
ــــــــــــــــــــــــــــــــــــــــــ
شهد:منووور غشاااشه
منيرة:لا والله ماغشيت
شهد:انزين روينه تعالي لعبي ويانا
روان:مالي خلقكم
شهد:الله يرحم ايااام قبل
دلال:روان بدامج قاعده عفيه روحي قعدي ويا ضيونه تبي تلعب بالرمل
روان:احلااااااااااااامج
شهد هدت الجنفجفه وقعدت يم روان وتربعت:تعالي بدور مادق
روان:لا بس الي اعرفه بالطريج ايي خايفه على ريلج
شهد:جب خطيبي
روان:وييهج
شهد قامت:اروح ادق عليه ابرك من مجابل ويهج الي ينن
روان:سلييييمة
شهد طلعت من الخيمة ودقت على بدر وكان جهازه مغلق
ام فهد:شهد ماكلمتي بدر
شهد :لا والله يما قاعده ادق عليه مغلق
ام فهد:قلبي ناغزني
شهد:لا خالتي مافيه الا العافيه انشالله
روان:امشي شهود بنروح نأجر بقياات
شهد:لا مابي
روان:يالله عفيه
شهد:انزين لويلو بتيي
روان:خليها مجابله ريلها
لولوه قامت: ريلي فهودي حبيبي راح مخيم ربعه فا احترمو نفسكم واخذوني معاكم
روان:واي يما النسره
لولوه:جب جب ماتنعطين ويه
ضي:انا بعد بروح وياكم
شهد:اممم جم بقي نأجر انا ويا روينه بواحد وضيون ولويلو بواحد اي صح شيوخ تبين
شيخه:لابقعد ويا بنيتي
شهد:خلاص عيل يالله امشو
ــــــــــــــ
وراحو واجرو بقيات
ـــــــــــــــــــــــــــــــــــــــــــــــــــــــ
بعد مرور ساعه
ــ
روان:شهيد جنه فوني يرن
شهد وهي متمسكه بروان:اي اي وقفي
لولوه تصرخ من بعيد:اشفيكم وقفتو
شهد:روينه تلفونها
لولوه:شنوو
شهد:تعالي تعالي
روان:انزين بس جب خل ارد..الو هلا دلول....وااي احنا مأجرينا ساعتين وباقي ساعه.....انزين ليش نرد....أفف خلاص انزين انزين يالله باي
شهد:شنو بنرد المخيم
روان:اي
شهد:لاا ويييع باقي ساعه خوو
روان:اشدراني تقول دلول ردو المخيم بسرعه بسرعه وكان مبين من صوتها قاعده تبجي
لولوه وقفت وراهم :شسالفة
روان:مادري يالله يالله حوولوو عالمخيم
لولوه:لااا باقي ساعه ونرد البقيات
روان:شكله في سالفه صايره فا خل نرد المخيم لان توها دلول داقه ومبين من صوتها قاعده تبجي
لولوه:الله يستر
وداست روان بالبقي ولولوه لحقتها
ــــــــــــــــــــــــــــــــــ
ام فهد تبجي وتصرخ:اااه ياااوليييدي
شيخه:بس خالتي اهدي عبدالله دقيت على فهد
عبدالله:اي دقيت يقول هو بالطريج رايح المستشفى
ام فهد:عبدالله يما ودني المستشفى
عبدالله:انشالله خالتي يالله
شيخه قامت وشالت بنتها:وانا بروح وياكم ودلوله اخذي البنات وياج ...يالله خالتي
دلال بس كانت قاعده وتبجي
ضي:ماما دلال اشفيج
دلال:لا يما مافيني شي
دخلو شهد ولولوة وروان وضي الخيمه
شهد:دلول شصاير اشفيكم
دلال تمسح دموعها:بدر سوى حادث وهو الحين بالمستشفى
شهد شهقت :شنوووووو
روان:انزين شناطرين امشو خنروح المستشفى
ـــــــــــــــــــــــــــــــــــــــــــــ
بالمستشفى
ام فهد تصرخ:ولدي وينه
فهد:يما هدي انشالله مافيه الا العافيه
بوفهد:نوريه الله يهداج قعدي ارتااحي وانشالله بدر مافيه الا العافيه
عبدالله راح لهم:خالتي الحين بدر بالعناية المركزه وانشالله مافيه الا العافيه
شهد وروان ودلال دخلو المستشفى
شهد تصرخ:يما بدر فيه شي
بوفهد:شهوده اهدي وبدر مافيه شي
شهد:ابييي اشووووفه
عبدالله:مااايصير هو الحين بالعناية المركزه
شهد حقرته وراحت عند الدكتور
شهد تبجي:دكتور الله يخليك خلني اشووف بدر
الدكتور:لا ممنوع مايصير
شهد:دكتور بس 5 دقايق والله ما اطووول
الدكتور كسرت خاطره :خلاص اوكي بس ماتطولين ولاتزعجينه
شهد:اوكي
وراحت ولبسوها لبس ودخلت عند بدر وكان شكله يكسر الخاطر حاطين اجهزه عليه ويها اصفر وحالته حاله
شهد راحت صوبه وقعدت تبجي :بدر حبيبي قووم انا شهوود حبيبتك...بدر انت قلت لي مراح اخليييج....بدوري ترى انا بدونك ولاشي....كلهم خلووني وانت بعد تبي تخليني
ــــــــــــــ
روان تبجي ولولوه لامتها تهديها
روان وهي تبجي:والله مراح اتهاوش وياه بعد ولا راح اطفره بس خل يقوووم لي بالسلامه
بوفهد:نوريه اشرايج تردين البيت ترتاحين
ام فهد:لامراح ارد البيت بقعد عند ولدي
شهد طلعت من عند بدر وراحت ولمت خالتها
شهد وهي ميته من البجي:يمااا
ام فهد قعدت تبجي وياها
ـــــــــــــــــ
الساعه 9 الصبح
شهد كانت نايمه بحضن خالتها وام فهد مانامت
شهد قعدت على صوت السسترات والدكاتره
كلهم تيمعو صوب بدر
ام فهد:يما ولدي
روان :يارب مايصير بأخوي شي
بعد مرور نص ساعه
طلع الدكتور من بدر وهو منزل راسه
راح له بوفهد:ها دكتور
الدكتور:احنا حاولنا بسس
بوفهد:بس شنووو
الدكتور:توفى وعظم الله اجركم..وراح
ام فهد:ولدي عاااش صح
بوفهد نزل راسه :الله يرحمه
ام فهد طاحت عليهم
شهد قعدت تصرخ:رواان بدر ماات خلاااص
روان لمت شهد وقعدو يبجوون
روان:بس خلاص بدر راح ماات بس
شهد ساكته بس تبجي
ــــــــــــــــــــــــ
بعد مرور 3 ايام من العزا
ـــــ
خذت من الطاوله الي يمها الحبوب ودخلت الحمام (عزكم الله )
لولوة كانت بتاخذ من غرفة شهد شغله ودخلت
لولوة صرخت:شهددد انتي شتسووووين
شهد تبجي:لوولووه خلييينييي ابي امووت
لولوه لمتها
شهد:لولوه خلييينييي خلييينيي
لولوه:بس شهوده اهدددي
وقعدتها عالقنفه
شهد تطالع صورتها هي ويا بدر يوم كانو بالشاليه
شهد:لولوه انتي تدرين شنو يعني بدر هو حياتي دنيتي كلها
لولوه تطالعها وساكته تبيها تطلع الي فقلبها
شهد تبجي:هو وعدني قالي مرراااح اخلييج حتى كنا بنسمي عيالنا عزوز والزين وروان وريان ..خذت صورته ولمتها وقالت :والله بظل طوول عمري احبك
ــــــــــــــــــــــــــــــــ
بعد مرور شهرين
روان وشهد هملو دراستهم وشهد ليلحين مو قادره تنسى بدر واهملت شكلها وضعفت واايد
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
شهد كان راسها يعورها:روان وين رايحه
روان:انتي موطبيعيه كله دايخه وكله راسج يعورج وكله ومومشتهيه تاكلين وكله تعبانه ومالج خلق شي لازم نشووف اشفييج
شهد غمضت عينها
روان:يالله وصلنا نزلي
ــــــــــــــيتبع.....ــــــــــــــــــــــــــــــــــــ
تتوقعون شهد اشفيها وتكلمة البارت الفير وتوقعاتكم بليز

 

[Miss.blue berry]

رد : صَفْقَة الْمُوٌتْ <<بقلمي انا اصايل الكويت

مشكووره على البارت ~~
و الله يستر يمكن شهد ماخذه حبوب مخدر او شي
امممم و اتوقع راح تتزوج عيسى~~
وااي ليش موتي بدر اهئ اهئ اهئ حراام مسكيين ~~
ناطرين البارت الياي ~~

 

[miss 3yara]

رد: رد : صَفْقَة الْمُوٌتْ <<بقلمي انا اصايل الكويت

مشكووره على البارت ~~
و الله يستر يمكن شهد ماخذه حبوب مخدر او شي
امممم و اتوقع راح تتزوج عيسى~~
وااي ليش موتي بدر اهئ اهئ اهئ حراام مسكيين ~~
ناطرين البارت الياي ~~

العفو
لا موماخذه حبوب ولا شي انشالله مافيها شي
يمكن
تكلمة البارت الفير وهذا البارت الاخير

 

[rayona]

a5iiiiih allah yr7mah oo y9br shahoda 3La fragaah ..
Oo a3tged shahad mre'9a ow madri shfeha b'9b6 .. bs y3ni lw ehya o bdr mtzwjen chan glt 7amel .. bs bema2enhom mu mtzawjen fa mm ymkin mare'9a .. OO mshkora galbi 3La iLpart oo na6ren el part el a5er :wqedqw:

 

[miss disaster]

امبيه الله يرحمه

وما ادري بس احس فيها canserd الله يكافينا الشر

يسلمو ناطرين الباجي

 

[miss 3yara]

a5iiiiih allah yr7mah oo y9br shahoda 3la fragaah ..
Oo a3tged shahad mre'9a ow madri shfeha b'9b6 .. Bs y3ni lw ehya o bdr mtzwjen chan glt 7amel .. Bs bema2enhom mu mtzawjen fa mm ymkin mare'9a .. Oo mshkora galbi 3la ilpart oo na6ren el part el a5er :wqedqw:

والله مايندرا اشفيها بس انشالله مافيها شي
العفو حبيبتي

 

[miss 3yara]

امبيه الله يرحمه

وما ادري بس احس فيها canserd الله يكافينا الشر

يسلمو ناطرين الباجي

والله مايندرا
يسلمج وانشالله بنزل التكلمه 2 او 3 الفير

 

[FoFwa]

رد : صَفْقَة الْمُوٌتْ <<بقلمي انا اصايل الكويت

يوووما قلبي مااات ليش ياربي

والله قلبي قام يعوورني

والله ما تنلام شهد الله يصبر قلبها

اتوقع راح تتزوج عيسى