صور من تلفوناتكم الجزء (2)

[سبائك]

زهرة اللوتس العفو وفعلا تونس حق الصبيان:eh_s(15):

لوكريسيا الله يعافيج وصار لي ماخذتها حروة شهر تقريبا

زلابيا زييييييييين اشوه حصلتي الارانب وشحلوهم ماشاءالله خااااااصه الابيض:eh_s(15):

الزوليه خذيتها بخمس دنانير ايام التنزيلات

كيكه خوش صور ماشاءالله......شنو هذا الجهاز سلو كوكر؟؟؟؟؟؟؟؟؟

 

[Pink GirL]

زلابيا > بالعافية

سبوج > حلوة الزولية عليهم بالعافية عيالج شكلي بروح اخذ حق ولد اختي غرامة سوالف سيايير وشوارع

كيكه > ماكو صور موطالعين لي

 

[سبائك]

بنك اي اخذيها لان اذا يحب السيايير راح يستانس عليها ان شاءالله

وهذي صور غداي امس يم يم

سلطة بيديان وبطاط بصلصة الروب ومن جميع الزوايا










وهذا نجتس خضار عجييييييييييب:eh_s(15):





وطبعا احلى شي شويهه سنجينه عقب هالغدا :eh_s(20):


​

 

[srabeel]

مشاء الله صور البلعه بكل مكان بس عليكم بالعافيه كللللللللللللللللللكم صوركم تهبل

 

[زهرة اللوتس]

يعطيكم العافية عالصور اللي يوعتني زيادة ههههههه

سبكبك شنو نوع النجت اللي شاريته

 

[زلابيا]

سبوج .. اي والله سالفتي سالفه مع الارانب بس خايفه منهم لأنهم كبار .. الله يعدي باجر على خير .. ادعولي ان الله يسير اموري ويعجبهم الدرس ان شاءالله والله لا يخسر تعبي ومجهودي آميييين

هذي صورة السلطه السباجيه الخطيره امبيييييييييييييييه تره حدها عجيبه يعطيج العافيه على الصلصه اللي امي خلتني اسويها اليوم حق السلطه العاديه ههههههه

بنك .. الله يعافيج

 

[سبائك]

سرابيل الله يعافيج

زهرة اللوتس النجتس ساديا لا يطوفج

زلابيا موفقه ياااااااااااااااارب عسى الله يسهل عليج

وشحلات صورة السلطه السباجيه ماشاءالله بالف عااااااااااااافيه ان شاءالله

بس شكلج انتي موزود مع البيديان ميمعته كله على كتر صح هههههه

عاد شدعوه روحي ارتزي بالموضوع وسجلي اعجابج الشديد فيها هناك خخخخخخخخخ

كاهو يبته لج علشان لا تتعنين

http://www.q8yat.net/showthread.php?t=60416

وترى الصلصه مثل ماقلتي تصلح حق كل انواع السلطه

حتى انا امس سويتها حق سلطة البيديان والبطاط بس ضفت لها هرده<<<غرامي

 

[keeka]

اي زلابيا هذا الفرع الازرق بمشرف وسباجه هالجهاز الله اسلمج انا مسميته الجهاز العجيب وصج عجيب يطبخ على الفخار وكودي كل شي فيه وتعاليله عقب جم ساعه شي خيااااااااااااال كل شي ذايب شفتي الصوره اللي حاطتها ترا فيها لحم وبطاط ومشروم وجزر وسلاري مع ماجي وبهاراتج يم يم اشغل الجهاز وانا طالعه للدوام ارد القاه مخلص عشان جذيه اسمونه سلو كوكر لانه يطبخ على روااء

 

[زلابيا]

هلا سبوج .. مشكوره حبيبتي عالدعوه الحلوه

اموووت على شي اسمه بيديان غرامي بس امي حاطته على كتر ماكانت بتحط حق ابوي وايد بيديان خبرج الرياييل مو ذاك الزود معاه يقولون حار عليهم

تبيني اقولج شي ::: تره توني مسويتلي بعد سلطه :eh_s(22): لا والله اختي ماذاقتها وقالتلي اسويلها :eh_s(3):

 

[Pink GirL]

سبووج > عليكم بالعافية شكل السلطة حده يشوق ,, وعجبني قلاص الجاي شحلاته مشاء الله من وين ماخذته يونس

زلابيا > بالعافية السلطة

 

[سبائك]

والله خوووووووووش اختراع يا كيكه

يبيله سلوكوكر من وين؟؟؟؟؟؟

زلابيا والله هذي الساعه المباركه الي عجبتكم السلطه بعد قلبي

بنك القلاصات الله يسلمج من مركز سلطان

 

[ساره ستايل]

قوة بنااااااااااااااااااااااات
من زمان مادشيت وحطيت اصور

لأن قاعده اصور اكل الدايت كير وانزله ابقسم السمنه والنحافه ابموضوعين اهناك

وبحط لكم هالصور

البوكس


الريوق : ابل كريب


الغدا :بقشة من عجينه خفيفة وداخلها عيش مع بزاليا ولحم مفروم
اسمه اوزي


الحلو


العشا

 

[@ دهن العود @]

عواااااااااااااافى على قلبج يا سويره والله يثبتج على الرجييييييييييييييييم

 

[Pink GirL]

بالعافية ساره بس ماكو صور موطالعين لي

 

[srabeel]

إسويره ترى الصور مو طالعه

 

[srabeel]

هذا الله يسلمكم شكر غلفته بشرايط عندي وهم القند كان عندي فقلت خل أسوي حتى لو تلاحظون القند إلي عندي مو مغلف بس هم يفي بالغرض لأنه الأشرطه شفافه وما حبيت تبين الكتبه يصير مو حلو
طبعاص هذا من زمان من رمضان بس توني احطلكم الصور



وهنيه يعني حركه تمقلوا عدللللللل هذي بزاويه ثانيه( بس لا تشوفني جاي حليب وسوبرماركت بطلعون الأخطاء السبعه )



وهذا بالشكر الابيض بس حسافه مو واضحه الصوره



وهذا بالشكر الأسمر



وهني بزاويه ثانيه



وهذي صوره جماعيه بس جنه مو واضحه ظلمه



هذي الصوره اوضح ( جني مو شايفه خير على الصور بس الموضوع يبي جذيه )



ونطروني بحط لكم مفكاكتي العزيزههههههههههه

 

[srabeel]

هذي صورة مفكاكتي العزيييييييييييزه مالت البيبسي ماخذتها من سيريلنكاااااا وإهي جذيه حليه أقصد ذهبيه هاند ميد





رجاءً تري ما أرضي وحده تعيب على مفكاتي الزيييييييييييينه تري أنا زاعولييييييييييييه .

 

[b6o6a]

ساره الصور مو طالعه حسافه


سرابيل خوش مفكاكه ههههههه تونس

 

[زلابيا]

بنك .. الله يعافيج

سبوج .. الله يسلمج

سارونه .. صورج مو طالعه

سرابيل .. شحلات القن واهو مصور صوره جماعيه خخخخ شحلات شغلج ماشاءالله .. اما المفكاكه حدهاااا عجيييييييييييبه شكلها غريب وحلو والله عبالي تكرمون كعب صجي اول مره لووول

 

[@ دهن العود @]

سرابيل روووووووووووووعه صور الشكر والله طلعتى ام الابداع ههههههه

اما المفكاكه خخخخ اتهبل