صور من العاصفة (تم دمج المواضيع)

[صفاءء]

سلام عليكم ​

بنات اليوم يعني عساعه 5 طلعنه مع الاهل عشان نتغده في المطععم واحنه في الطريج وشفنا هالجو جان اصور لكم قبل العاصفه القويه باقل من 5 دقايق​

اول شي جذي ​

​

بعدين شوي صار جذي​

​

جان شوي وينقلب الجو جذي​

​

ولابعدها صار ​

​

شرايكم في تصويري؟:yaaaaaarb:​

 

[سندبادة]

رد: الكويت اليوم ( صور من تصويري الشخصي)

يارب احفظ الكويت واهلها
بسالج شنو كاميرتج؟؟

 

[PO PO22]

رد: الكويت اليوم ( صور من تصويري الشخصي)

الله يحفظنااا

 

[brettey]

رد: الكويت اليوم ( صور من تصويري الشخصي)

واي لو شايفه شصار فينا انا وحماتي كنا بسيتي سنتر السالميه وانا فيني ربو كليتها

 

[بنت ال q8]

رد: الكويت اليوم ( صور من تصويري الشخصي)

لآ حول ولآ قوة الآ بالله
اللهم احفظ بلآدنا وسائر بلآد المسلمين..

 

[0ام الحلا0]

رد: الكويت اليوم ( صور من تصويري الشخصي)

اى والله الله ستر على الكويت مشكورة على الصور وعاشت الكويت
وعاشو اهل الكويت كلهم من الى والى ساكنين بالكويت كلهم

 

[ماك تشيكين]

Re: الكويت اليوم ( صور من تصويري الشخصي)

يعطيج العافيه اللهم احفظنـــا وحفظ ديرتنــا يــــــــــاربـ

 

[قمر وخدودها عسل]

رد: الكويت اليوم ( صور من تصويري الشخصي)

الله يعطيج العافية خوووش تصوير ، وعسى الله يرحمنا برحمته ....

 

[حجيه هيونه]

رد: الكويت اليوم ( صور من تصويري الشخصي)

الله يستر علينا ويرحمنا برحمته صج يوم رعب

 

[! بنت العاشره !]

استغفر الله واتوب اليه صورت لكم العاصفه,,

يارب تنجينا وتغفر لنا يارب

وتحمي الكويت والسعوديه والخليج وجميع المسلمين يا حي ياقيوم ,,



الاولى صورتها اختي في المهبوله من شقتها منظر موطبيعي ,,





والثانيه ,,


من البيوت صورناها ,,





والثاثه كمان ,






واللهم صلي وسلم على سيدنا محمد واله وصحبه اجمعين

واستغفر الله واتوب اليه


رحمتكـ يارب


سبحان الله بلمح البصر قامت القيامه تحسوون

سبحااااااااااااااااااااااانه قادر على كل شئ


,,

يارب تلطف فينا وبس






​

 

[فزهةّ خٌفوق]

رد: الكويت اليوم ( صور من تصويري الشخصي)

يعطيج العافيــه ـ

ربي يحفظنـآأ ،

اللهم إني اسألك خيرها، وخير ما فيها ، وخير ما أرسلت به وأعوذ بك من شرها وشر ما فيها وشر ما أرسلت به

 

[إباء الروح]

رد: الكويت اليوم ( صور من تصويري الشخصي)

الحين وصل الشرقية
يالله لطفك ورحمتك.

 

[غــ Q8 ــزلان]

الحمدالله على كل حال .. مشكورة عالصور ..

 

[قمر الليل]

اللهم انا لا نسألك رد القضاء ولكن نسألك اللطف فيه

 

[نادره في وجودها]

انا كان عندي علم بهالعاصفه لانا اخوي مبلغني ورحت ركض فوق السطح اول شي ما شفت شي وما صدقت اخوي بعدين رجت تحت وشفت خواتي يصارخون ورحت ركض فوق السطح وصورت تقولون فلم رعب والله اني بطله

عندي صور عجيبه غريبه سبحان الله بس ماني عارفه شلون انزلها بالمنتدى

 

[dloo3a.q8]

ياربى ارحمنا

انا كنت بقلب الحدث والله يا بنات كنت رايحه الفروانيه


وتونى ماره عند دريم مول على يمينى والله شفنا العاصفه وماقدرنا نتحرك كلش ولاتشوفون حت اللى يمج

وابى اوصل ماقدرت تخيلو شصار فينى دخلت لفه يمين والا البانزين


اللى بعد دريم مول والا كل السيارات وافقين وموراضين يعبون لنا بانزين

وتخيلو كل الناس داخل سياراتها وطاقين فلشر واقفين

وقعدت من ال5.30 الى الساعه 7.30 داخل البانزين ماقدرت اسوق ولا شى

وبعدين طلعو العمال اترسولى بانزين ورديت بيتانا

والله رحمنى الحمدالله وصلت بالسلامه

سبحان الله والله كانه يوم القيامه خلاص

والله انى بالسياره وخايفه حدى الجو صار يخرع والله سياره تهتز من قلب

لو مو داخلع البانزين الله يستر

 

[إيمي1987]

الحمدلله على كل حال

الله حفظنا

تصوويرج رووعه

 

[غزلان الكويت]

يابنات هذي اية من ايات الله سبحانه وتعالى فلازمم نتوب ونرجع لله تعالى

 

[زين الوصايا]

}ْ~|{ صور ومقاطع من العاصفة الرملية لدولة الكويت }ِْ~{

السلام عليكم ورحمه الله وبركاته

دعاء الريح :

دعاء الريح
- " اللهم إني أسألك خيرها ، وأعوذ بك من شرها ".
- " اللهم إني أسألك خيرها ، وخير ما فيها ، وخير ما أُرسلت به ، وأعوذ بك من شرها وشر ما فيها وشر ما أرسلت به ".

صور العاصفة الرملية :

​

فيديو من العاصفة :

http://www.youtube.com/watch?v=sWMRxIrgXGY&feature=player_embedded

فيديو ثاني :

http://www.youtube.com/watch?v=vZBS-_K3pvI

فيديو اخر :
http://www.youtube.com/watch?v=vpbeXwXSXfc&feature=player_embedded

فيديو بالعاصفة :
http://www.youtube.com/watch?v=NeL0o3D05-Q&feature=related



بنات اذا وحده تبي تنقلة ماااحلل لازم تكتب الكاتب زين الوصايا ومع اسم المنتدى كويتيات النسائي




اهداء للغالين فقط
http://www.00-r.com/do3a/:yaaaaaarb::yaaaaaarb:

 

[بتبوتااا]

سبحان الله عاد كنت توني بطلع ولا بنتي تيني ركض تقول لي شوفي الشمس رحت اطل وقفت تسمرت بمكاني من المنظر

صورته فيديو شي رهيب ويخرع ريلي يقول يمكن حريجه @@!

تذكرت حزتها فلم ويل سميث يوم الاستقلال وفلم مست :/