صورة خدي وحسبنا الله ونعم الوكيل ** اللي عندها حل تساعدني عسى الله يوفقها

[nani88]

حبيبتي الله يشفيج بس اثار الحبوب ماتروح الا بالتقشير الكيميائي عند دكتور
وفيه التقشير الكريستال بس ما اظن انه بينفعج لان اثار الحبوب فيج واضحه
موفقه ان شاء الله

 

[Lilly - KSA]

مرحبا ياجميلتي
بقولك شي قريته بموقع اجنبي وسهل ومريح مرا
لمن تخلصين من التروش والحمام بخار لسه ,,دخلي معك زيت زيتون شوي وسكر اسمر
تغمسين اطراف اصابعك بالزيت وتدلكين وجهك شوي بعدين بالسكر الاسمر تدلكينه بشوووويش مو تحكين وجهك لان باين بشرتك حساسه
بعدها غسليه بمويه دافيه بدون صابون ..بتحسين وجهك صار منعنش
انا لمن امر على د.كيف اخذ السكر حقهم لانه ناعم واستعمله
واستعملي برضو الوصفه اللي كتبتها وحده من البنات نسيت اسمها الله يوفقها
تخلطين خميرة وزبادي وعسل وتحطين منه كل يوم لمدة ساعه وتغسلين بموية دافيه بدون صابون
انا يوم جربتها صراحه لاحظت ان الحبوب خف التهابها كثيرررر وبدت تصغر وتختفي
طبعا بعدها كنت احط فسودين الكريم ع الحبوب عشان تروح بسرعه بعد
و بس

 

[سكر الكون]

رد : صورة خدي وحسبنا الله ونعم الوكيل ** اللي عندها حل تساعدني عسى الله يوفقها

فديتك والله يابنت بلدي
البنات فيهم الخير مقصرو
بس عندي سؤال أنتي كنتي تستخدمين كريمات اوخلطات وقفت بدون تكون بتدريج وحدة من صديقتي كانت تستخدم كريمات وبعدين راحت حي ثانية وهاالحي في جبال ودائما وقت الحر تتعب بشرتها وصار نفسك حبوب نقط حمرا وهي بسرتها بياض مشاءالله بس رجعت للكريمات وفي كريم هو السبب في دمار بشرتها ربي يشفيك ويشفي صديقتي فديتك

 

[رنوه 22]

رد : صورة خدي وحسبنا الله ونعم الوكيل ** اللي عندها حل تساعدني عسى الله يوفقها


اسماء بقولك على طريقيتين تسوينها لمدة شهر وتواضبين عليها بس بذمتك لو سويتيها تكتبين النتائج هنا للبنات بس واظبي شهر

بعد شهر باذن الله بتتحسنين بنسبه 80 بالميه وبعدها ممكن تفكرين بالليزر الفراكشنل اذا تبين ميه بالميه باذن الله لان في اثر لحبوب الاخير ما يروح لا تتعبين بالخلطات والكريمات غير الليزر انا بقولك النصيحه لله


اول شئ جيبي بابونج واغليه مقدار بسيط وحطي معها مره بعد ما تغلي وذوبيها فيها وحطي الكميه بالثلاجه مره واحده بس وكل يوم امسحي وجهك فيها اقل شئ ثلاث مرات


الخطوه الثانيه بعطيكي مقشر طبي لا تستخدمي غيره اذا استخدمتيه وطلع وجهك احمر يوم بعد يوم انتي تتحكمين بالحمار الي يجي اذا شفتيه وقفي اليوم الثاني خف حطيه واذا ما صار حمار استمري بكتبلك اسم المقشر

piGmanorm 30 g تلاقينه في الصيدليات الجلديه الكبيره ولا صيدليه ديرما بالرياض اتوقع فيه

جربي وتوكلي على الله شهر بتشوفين النتائج انا بقولك عن تجربه لاختي عن طريق استشاري في جده بس بعد شهر لازم كم جلسه فراكشنل المطور

ويارب تتعافين طبعا مع التحصين وذكر الله مافي شئ صعب

 

[black_arno0oBa]

مادري والله انا عندي مأساه مع الحبوب سنين وانا اعالج مابقى عياده مارحت لها مافادني الصراحه الا حبوب الروكاتين عند دكتور مشعل الغريب حتى الحين ويهي الحمدالله صافي مافي حبوب بس خلاص البشره عليها السلام تحفرت وانا رحت عيادات ببرطانيا وامريكا قالوا لي الحفر ماترووووووح لو شنو ديري بالج تستخدمين شيء تفثير على الحبه لان اهوا الي يطلع الحفر لما تروووح الحبه الاثر اهوا الي يستخدمون له تقشيير ونصيحيتي لج اكلي الرووكاتين لان وايد زينه وينصحون فيها بكل مكان اهي قويه بس اذا التزمتي فيها وتشربين ماي وايد ماعليج الا العافيه والله يريح بالج ويروحون الي بويهج يارب

 

[رنوه 22]

رد : صورة خدي وحسبنا الله ونعم الوكيل ** اللي عندها حل تساعدني عسى الله يوفقها

black_arno0oBa

كلامك صح لو فيها حبوب كثير لكن هي تقول اثر الحبوب والحمار واضح في حبوب اثرها اسود

لان هاا الحبوب ما تانفع الا الي عندها حبوب وتهيج بالبشره ودهون يعني حب الشباب فعلا علاج فعال وتخلص منها

حتى الطبيب ما يصرف ها الحبوب الي عندها اثار بس

والله اعلم

 

[حبيبته]

حبيبتي اذا فيج حبوب استخدمي الراوكتان
بس لازم يشوفج الدكتور ويسويلج تحليل
بس دام ماعندج فقط اثار
انصحج باستخدام كريم ريتن أ مع كريم الديكوين 4٪
وانا استخدمهم لي الحين وسعره مو غالي
وكريم طبي 100٪
تاخذين منهم شوي بيدج وتخلطينه باصبعج
وتحطينه بوجهج ماعدا حاولين العين والشفايف
بالليل فقط
وان شالله الاثار تروووح
وادعييلييي
انل نفسج بشتري تهبل وجتني عيييين وقب وجهي حب
وعلا الله وعلا هالعلاج والحمدلله مستمره بس قطعت الحبوب
وعساى الله يشافيج حبيبتي

 

[المتلثمه بعلم الكويت]

زيت اللوز المر رووووووووووووووووووووعه للاثر والبقع جربي وادعيلي

 

[لعبة ايام]

رد : صورة خدي وحسبنا الله ونعم الوكيل ** اللي عندها حل تساعدني عسى الله يوفقها

طيب عيوني ماتشوفي شر واجر وعافية ان شالله

روحي لشيخ معروف يقرء عليكي ويعطيكي علاج ان شالله يفيد

 

[dodo mo0on]

رد : صورة خدي وحسبنا الله ونعم الوكيل ** اللي عندها حل تساعدني عسى الله يوفقها

حبيبتي انا من خلال قرائتي وخبرتي البسيطه بأمور البشره علاجج هو التقشير وكريم تفتيج وإزاله الاثار
نصيحه مني لوجهه الله اخذي ماي مقري عليه وغسلي فيه وجهج واقري أدعيه ودهنيه بزيت زيتون مقري عليه بعدين ابدي العلاج
وأسأل الله العلي العظيم الشفاء لج عاجل غير آجل

 

[احلى من القمر]

سلامتج ياقلبي بس اتوقع الحل هنيه اهوا التقشير .....

 

[nadooya]

ما تشوفين شر يا حبيبتي أنا رايي تروحين عند دكتور جلدية أحسن لج من تجربة شي يمكن يوالم غيرج بس ما يوالمج وعليج بجانب العلاج قراءة القرأن والنفث على وجهج وجسمج وبشرينا عنج.

 

[اسماء العتيبي]

رد : صورة خدي وحسبنا الله ونعم الوكيل ** اللي عندها حل تساعدني عسى الله يوفقها

nani88 هذا اللي بسويه شكله تقشير كيميائي بس انا خوااافه ..


Lilly - KSA مرحبتين ياجميلتنا .. والله انا كنت استخدم فوسدين بس حمدالله راااااحت الحبوب كلش


سكر الكون فديت ترابك الله يعين ويعين صديقتك ويرجع بشراتنا نفس اول

رنوه 22 ياعمري مو هالطريقه للي عندهم حبوب ؟؟ انا ماعندي حبوب

حبيبته استخدمت الرواكتين فترة سنه ونص ... بس الحبوب راحت شعري تساقط اظافري تكسرت بشرتي جفت

لكن بقي الاثر ..

المتلثمه بعلم الكويت اخاف يطلع حب وبثر يالغاليه
البدوور يالغاليه الله يجزاك خير
dodo mo0on والله عندي زيت زيتون مقري فيه والامل بالله كبير


الله يوفقكم وماتشوفون سؤ يالغاليات

​

 

[احلى دبه]

حبيبتي

مالك اللى بذرة القاطونه روعه روعه روعه للحبوب

اخذي ملعقه منها صغيره وطي عليها ماي نسبه اللي يغطيها بس مو تكثرين واتركيها على جنب ربع ساعه وارجعيلها بتلقينها تحول الى جل

هذا الجل حطيه على وجهك بس خليك حذره على منطقه حول العين
وخليه اطول وقت تقدرين بس مايقل عن ساعتين لان اصلن مايبين
واستمري سبوعين ورديلي خبر بتشوفين نتيجه حللللللللللللوه ان شاء الله
وسوي عنه سيرج اذا حابه تتاكدين

وماعليك اللى العافيه

 

[ديمـه]

حبيبتي نصيحة مجربه


حطي ماي المره بس وبالاستمرار راح تدعيلي

 

[الحوراء_بنت نجد]

الحاااال من بعضووو أنا كانت فيني حبوب تروووووع بشكل مو طبيعي وكبار
بس عالجت الحمدالله الحبوب خفت بس بقت آثار مارضت تروح زي التتطفحات الجلدية بقع حمراء وبيضاء وجالسة استخدم مقشر الحين
وإن شاء الله تختفي وبقى أملي الوحيد بعد الله الليزر وإن شاء الله ينفع مع انو قالي الدكتور راح يخف الليزر من مشكلتك بنسبة 30 أو 40%
بس وش نسوي العوض ولا القطيعة
وإن شاء الله مع المقشر تحتفي الآثار بشكل نهائي متفائلة خير بإذن الله

والله يشفيني ويشفيك ويشفي جميع بنات المسلمين ياربـ
\

/

 

[سـراب]

رد : صورة خدي وحسبنا الله ونعم الوكيل ** اللي عندها حل تساعدني عسى الله يوفقها

اب
اب
اب
لعيووووووووووووووووونج يالغالية

 

[NANAZ]

حبيبتي اخلطي رتن a مع كريم الدوكين4 حيل زين للاثار الحمره استمري فيه كل يوم بالليل لمده شهر وان شاء الله يروووح

 

[دلــــع البنــــات]

رد : صورة خدي وحسبنا الله ونعم الوكيل ** اللي عندها حل تساعدني عسى الله يوفقها

رووووووووووووووحي لدكتور جلدية احسن

والله يساعدج يا قلبي

 

[NANAZ]

ياابنات المره حلوه للحبووب بس مو للاثار