وايد تهمني الصلصة المستخدمة بأي سلطة لان بالنهاية كلها خضروات واللي يميز
سلطة عن غيرها " الصلصات "
اليوم حبيت احط لكم جم نوع واللي عندها نوع يديد ياليت ماتبخل فيه علينا
نبدي بسم الله اولا
قبل كل شي حبيت اعلمكم بطريقتي لحفظ الصلصة بالثلاجة ..
انا استخدم بطول الموكا ملوت ستاربكس
اللي ينباعون بمركز سلطان حجمهم زين والزجاج افضل من البلاستيك لانهم عيزوا يحذرونا من التأكسد
والحافظ الله.
يالله نبلش ....
صلصة بيضاء
المقادير :
فصين من الثوم مفرومين
عصير ليمونه كاملة
قفشتين مايونيزلايت
قفشتين زيت زيتون
قوطي روب خالي الدسم
رشه فلفل و قفشة خل
الطريقة :
تحطين الثوم وعصير الليمونه والخل في ماعون غزير وتخلطينهم بالشوكة مع
المايونيز.. وزيت الزيتون.. و الروب ..والفلفل وينحط بالثلاجة
صلصة فرنسية
المقادير : 2 قفشة مايونيز لايت
قفشة ماسترد
6 قفاش زيت زيتون
عصير ليمونة و شوية ملح وفلفل
الطريقة :
حطي كل المقادير في الخلاطة ليمن يصير لونها مصوفر
وخليها تبرد بالثلاجة وبالعافية
صلصلة البلسميك بالروب
المقادير :
نص قوطي روب خالي الدسم
نص قلاص زيت كانولا
3 قفاش كبار خل البلسميك
نص قفشة كبيرة ماسترد
نص ليمونه معصورة وشوية ملح
الطريقة :
اخلطيهم سوا وبس
يالله راوني صلصاتكم
