صكت هووووشه ابيييت اهل ريلي !!!

[Queenleo]

بيتموون اخوان
ساليني
نتكافخ مع خواتي ووتصير افلام هنديه
ووتالي يرد الوووضع طبيعي
والمعصب يخربط بكلام ماله معني
طاف

 

[دلولي]

لاحول ولاقوه الا بالله الله يهديهم

 

[ام اريج 22]

ههههههههههههههههههه الموضوع قلب عليج

 

[مناير ...!]

اخوان تهاوشوا
شصار بالدنيا
لاحظتج لو يكح ريلج حطيتي موضوع
هذا غلط
مو كل شي بحياتج اتحجين وتسولفين عنه
حشميه وحفظي سره

 

[moo-0-oon_14]

الله يهديهم
والبيوت اسرار حبيبتي مو كل شي ينقال بالمنتدى

 

[Flower20]

ايه
الله يهدي سرهم

 

[LoLaTi]

عفوا بس اخوان وتهاوشو انتي شكوو؟؟؟؟ لاوبتدقين على الشرطه بعد نعم خير شكو متدخله بين الاخوان بتفرقين بينهم غصب انتي وبتسوين بينهم عداوة ؟ عيب عليج
وبعدين شكو كاتبه القصه بالتفاصيل والاسامي بعد ترا لكويت صغيره حيل والكل يدخل هالمنتدى خصوصا هالقسم ماله داعي تفضحين الاوادم ولاتتدخلين بين الاخوان عادي تصير بكل بيت ان الاخوان يتهاوشون ويتراضون ترا لي تدخلتي بينهم بسمونج سوسه ومحد يشتهيج بعدين وخالتج ماراح تواطنج لانج فرقتي عيالها مو اي شي يصير تروحين تكتبينه بالمنتدى فيه شي اسمه اسرار بيوت وخصوصيات

 

[moon including]

عاادي المشاكل تصير بكل بيت

 

[miss_jamsheer]

حبيبتي كل بيت وفيه هواش واسرار الله يهداج حطيتي السالفه بالتفصيل الممل اخوان وتهاوشوا عاااااااااااادي

 

[كويتيه مـزيونه]

واي الله يهديهم يا رب ويصلحهم

 

[شندوخه]

كاتبه الاعمار والاسامي ترى بتنعرفين وتطيح السالفه براسج

 

[سكوتي بذوقي]

الله يهديهم ويشفي ام زوجك

 

[عيش و مرق]

فضحتيهم الله يهداج ماعليج امر عدلى الموضوع وشيلى الاسامى خليهم احرف س ص

 

[Tulips]

حبوبة اول شي هذي سوالف بين الاهل اتصير وايد و الاحسن انج ما اطلعينها بره ..عيب البيوت اسرار ..و يا ليتج مو حاطة اسامي و اعمار .. الديرة صغيرة ... و دام السالفة بين اخوان و مو صوبج انتي و ريلج فـ لا تتدخلين بينهم و لا اطلعين سوالفهم ...يتهاوشون و تتصافى القلوب عقب بس تطلعين انتي بالشينة لانج تحجيتي ...

صح ..

ومادري ليش حاسه انج بس بتفضحينهم !

عموما الله يعطيج على قد نيتج !

وطلبي من المشرفه تحذف موضوعج لا يطيحون عليه اهل ريلج وتدخلين نفسج بمشاكل لانه ماكو هدف منه غير الحش !

 

[غلاتي غلا]

انا بس بعرف شالحكمه من هالموضوع؟؟
ماتوقع ترضين احد يكتب عن عايلتج ومشاكلكم

 

[أحبج يمه]

الله يهدي سرهم
بس نصيحة اذا خايفة على عمرج طلبي من المشرفات يحذفون الموضوع لأ باجر لو احد من اهل ريلج وصلهم خبر عن الموضوع بتنقلب السالفة عليج وإنتي اللي بتاكلينها والله يعينج ويقومج بالسلامة

 

[اللهم الجنة]

يعني ابيت اهلج عمرة ما صارت هوشه
مايجوز التشهير استري عليهم
رب العالمين يستر علي عبيدة

 

[آتعــبني غـلآآك]

عادي تصير بكل بيت

 

[اخر صمتي انين]

الله يهدي النفوس

 

[∫ ∫ ∫ ∫ جــوان ∫ ∫ ∫ ∫]

كلش ماله داعى تكتبين الى صار هذى اسرار عائليه لو احد منهم يدش ويقرا راح يعرف على طول وقتها شو بيكون موقفج

عالاقل جان دعيتى لهم بالهدايه بدال هالموضوع