همس الروح
New member
- إنضم
- 17 يناير 2005
- المشاركات
- 4,642
- مستوى التفاعل
- 0
- النقاط
- 0
قصيدة أعجبتني اتمني تعجبكم
خساره يالعيون اللي تضيع بزحمة الحلوين
......... تبدل مثل راعيها تكابر و النظر مغرور
كبيره صدمة العاشق يشوف الخلق متساوين
......... ترى هول الذي شافه توسد طعنتك بسرور
وش اللي حدك لقلب ملاه الظن والتخمين
......... انا ما قلت حبيني ولاني للعشق مجبور
رفعت بعزتي قدرك واوطي منزلك هالحين
......... بعيد اصلا على مثلك يشتت عالمي ويجور
اجيب لغربتي حب يهدك قبل لا تنسين
......... واقول ابطيت يا حبي تعال ولملم المنثور
اشرّبك الوله مره وامد كفوفي الثنتين
......... كذا وبدون لا تشعر يرتبك الوله مقهور
تعلمتي مثل غيرك يخون ويعتذر بعدين
......... وانا يا غلطة سنيني وفيت بخاطر مكسور
هذاك الود ياليته تمهل لين ما تمشين
......... ابا اكتب بين طياته ترى بكره عليك الدور
حبيبي والوعد مني ارد لحضرتك هالدين
.......... تخيل كيف انا اقسى ولكن خافقي معذور
انا ما عاد يعنيني شعورك كان ماتدرين
........... واذا كان العذر قلبي ارده ما اخذت الشور
