[ صـديقـاتي والقـدر ] روايتي الأولى والواقعيـة[ روآيه مسمُوح بهآ ]

[rayona]

mshkooora galbi 3La iLpaart Oo enshallah Ro2a oo 5aLid Ykonoon Lb3'9 ..

Na6riniiiich ..

 

[m!ss nunu]

mshkooora galbi 3la ilpaart oo enshallah ro2a oo 5alid ykonoon lb3'9 ..

Na6riniiiich ..

العفـــووو حبيبتي :33_1185028183:

 

[ضوء خافت]

كلللووووش زغروده حق النجاااح
وعقبال الزغروده حق زواجكم كلكم
شكلي جكيتج اعترفييييييي
من اسلوبج في الرواية توقعتج لموي

 

[مس شوارفسكي]

كملييييييييهاااااااااا

 

[m!ss nunu]

كلللووووش زغروده حق النجاااح
وعقبال الزغروده حق زواجكم كلكم
شكلي جكيتج اعترفييييييي
من اسلوبج في الرواية توقعتج لموي

هذي الأحداث بين 2005 و 2006 تهقين من حاليا من هالبنات متزوج؟
أمممممم تقدرين تقدرين تقولين اني أخت لمياء .. تهقين مو ممكن يكون في عنصر ناقص بالرواية وما أنذكر
ممكن صح؟ ؛)

 

[m!ss nunu]

كملييييييييهاااااااااا

ان شاء الله حبيبتي .. احتمال الصبح انزل البارت اليديد


متابعة يديدة مس حياج .. منورة

 

[بيـــشو17]

:33_1185028183::wqedqw:وااااااااو البارت ععجيب مبروك حق كل اللي ناجحين
وحياتي مشكوره البارت واااااايد حلوه:balo::e3:

 

[kl al5jal]

قوة حبيبتي أنا توني قريت القصة وماشالله عليج ابداااااااع و اسلوبج ابدع بس يلا كمليها ناطرييين

 

[ام بشبش]

مشكوره ياوخيتي على البارت

وااااااالف ااااالف مبروك نجاح البنااااااااااات

 

[kl al5jal]

قوة حبيبتي أنا توني قريت القصة وماشالله عليج ابداااااااع و اسلوبج ابدع بس يلا كمليها ناطرييين

 

[m!ss nunu]

:33_1185028183::wqedqw:وااااااااو البارت ععجيب مبروك حق كل اللي ناجحين
وحياتي مشكوره البارت واااااايد حلوه:balo::e3:

حبيبتي انتي تسلمين .. والعفوووو :*

 

[m!ss nunu]

قوة حبيبتي أنا توني قريت القصة وماشالله عليج ابداااااااع و اسلوبج ابدع بس يلا كمليها ناطرييين

مشكوووورة حبيبتي .. كلامج ضج يشجع .. وان شاء الله راح أكملها

 

[m!ss nunu]

مشكوره ياوخيتي على البارت

وااااااالف ااااالف مبروك نجاح البنااااااااااات

العفووو أم بشبش .. والله يبارك بحياتج ياعيوني :*

 

[DALLY]

توني قريت البارتات اللي طافتني

تستاهلون التخرج وناطرين احداثكم بعد هالمرحله

ودامج اخت لمياء امممم اتوقع انتي العنصر الناقص لوووول

قهرني فيصل
وخالد يهبل

احس خالد ورؤى هم متزوجين الحين !!!!

 

[so_what]

يسلمووو على البارت

 

[m!ss nunu]

توني قريت البارتات اللي طافتني

تستاهلون التخرج وناطرين احداثكم بعد هالمرحله

ودامج اخت لمياء امممم اتوقع انتي العنصر الناقص لوووول

قهرني فيصل
وخالد يهبل

احس خالد ورؤى هم متزوجين الحين !!!!

تصدقين dalyy فقدتج في الجم بارت الي طافو

امممممم ممكن اكون العنصر الناقص .. ممكن من الاساس يكونون 6 بنات مو 5 وانا استثنيت وحدة وماذكرتها


امممم بخصوص خالد ورؤى .. امممممممممممممممممممممم مااااااااااادري

 

[m!ss nunu]

يسلمووو على البارت

الله يسلمج حبيبتي :*

 

[Miss.blue berry]

رد : [ صـديقـاتي والقـدر ] روايتي الأولى والواقعيـة[ روآيه مسمُوح بهآ ]

ثيينكيوو حبيبتي على البارتات الحلوه ~~
سووري كل ما اكتبلج رد المنتدى يعلق واااي
يخليله خااالد يونس و حبوب و الله يخيلهم اهوه و رؤى حق بعض
ريما مسكييينه لا من عمر و لا من فيييصيل الجباان الله يعينها
و رواان حبيبتي الله يصبرها لا من مرت ابوها و لا ابوها و لا ريل امها مسكيينه
و علياء الله يوفقها بدراستها و انسالله تظل امتياااز على طووووووول
و امممم بقا لمياااء لووول اهيا اللي مسويه جوو بينهم
يس مممكن سؤاااال صغيروونوه ؟!
miss nunu :EntaY aY w7da Mn al.Bnat Bl.89a

 

[m!ss nunu]

رد: رد : [ صـديقـاتي والقـدر ] روايتي الأولى والواقعيـة[ روآيه مسمُوح بهآ ]

ثيينكيوو حبيبتي على البارتات الحلوه ~~
سووري كل ما اكتبلج رد المنتدى يعلق واااي
يخليله خااالد يونس و حبوب و الله يخيلهم اهوه و رؤى حق بعض
ريما مسكييينه لا من عمر و لا من فيييصيل الجباان الله يعينها
و رواان حبيبتي الله يصبرها لا من مرت ابوها و لا ابوها و لا ريل امها مسكيينه
و علياء الله يوفقها بدراستها و انسالله تظل امتياااز على طووووووول
و امممم بقا لمياااء لووول اهيا اللي مسويه جوو بينهم
يس مممكن سؤاااال صغيروونوه ؟!
miss nunu :EntaY aY w7da Mn al.Bnat Bl.89a

العفو حبيبتي .. :*

وانا مو من بطلات القصة .. انا رفيجتهم حيل .. بس استثنيت نفسي من القصة :icon30:

 

[m!ss nunu]

البارت الحادي عشر







خالد: رؤى

رؤى: هلا؟

خالد: أحبج



.. رؤى قلبها قام يطق بقوة .. مانطقت بولا كلمة .. هي صحيح تحس انها بدت تحب خالد بس ماتبي تقول هالكلمة الا لما تتأكد من مشاعرها أكثر




خالد: رؤى والله أحبج




.. رؤى للحين ساكتة




خالد: رؤى ليش ساكتة ؟ تكفين تكلمي .. انا تعبت وانا كاتم هالشي طول المدة الي طافت .. بس والله ماقدر اتحمل اني اخش هالشي بقلبي أكثر




.. رؤى خانها التعبير ومو عارفة تتكلم وتمت ساكتة




خالد: رؤى انتي ماتحبيني؟ على الاقل ماتحسين بشي ناحيتي؟؟؟؟؟




رؤى: امبلى خالد .. انا وايد مرتاحة لك





خالد: بس مرتاحة لي؟



رؤى: استانس لما اكلمك .. ارتاح لما أشكيلك .. اشتاق لك .. وفيك كل الصفات الي أحبها واتمناها في شريك حياتي



خالد: رؤى انتي للحين ماجاوبتي على سؤالي



رؤى: خالد لا تضغط علي .. عطني وقت أكثر



خالد: خلاص حبيبتي .. لج كل الوقت .. انا اساسا يكفيني انج تحسين بكل هالمشاعر الحلوة ناحيتي .. انا مو طماع



رؤى: (ارتاحت) انزين خالد انا بروح أبشر أهلي .. ولااااا تظن بتنحااااش من هدية النجاح



خالد: هههههههههههههه عيوني لج



رؤى: سالمة عيونك .. يالله باي باي



خالد: في حفظ الله





بعد ماسكرو خالد كان يفكر بعلاقته برؤى .. اهو من الحين مو قادر يصبر على بعادها ويبيها زوجة له اليوم قبل باجر .. ومشكلتها رافضة فكرة الزواج حاليا .. بس اهي تخرجت يمكن تعيد النظر في الموضوع ..لكن اهي للحين ماصارحته بمشاعرها .. الأفكار بعقل خالد كانت توديه وتييبه لكنه بالأخير قررت انه راح ينطر ليما تصارحه عشان يقدر يفتح معاها موضوع الزواج





خالد: يارب صبرني







.. مرت على هالأحداث شهر تقريبا .. والأمور مستقرة في حياة البنات


وفي يوم من الأيام رن موبايل روان الي كانت نايمة وكان الوقت متأخر .. كان رقم من السعودية .. فزت روان من نومها وعرفت على طول من الي داق





روان: (بلهفــــــة) ألووووووووووو راااااااشد؟



راشد: ياعيون راشد انتي



روان: حبيبي شلووووووونك ؟ شخبارك. ولهت عليك .. ليش طول هالشهور مادقيت علي كنت احاتيك



راشد: هههههههه شوي شوي علي .. وحدة وحدة



روان: (تبجي) لا تضحك يالكريه



راشد : حياتي انتي لا تبجييييين.. بس والله ماقدرت ادق كلش .. الوضع ماكان يسمح



روان: اهم شي انت بخير؟



راشد: الحمد لله على كل حال .. انتي شلونج؟ خلصتي مدرسة؟



روان: اي حبيبي انا تخرجت



راشد: ألف ألف مبروووووك .. انا ياييج روان خلاص هانت كلها 3 شهوور وان شاء الله يطلعوني



روان: ياشين الوقت بدونك ياراشد .. بطيء ومايمشي بسرعة .. الأيام احسها شهوور والدقايق احسها ساعات



راشد: خلاص حبيبتي .. كل هالكابوس راح ينتهي وماراح نتفارق ان شاء الله



روان: ان شاء الله .. ان شاء الله



راشد: يالله حياتي انا لازم اسكر الحين .. ديري بالج على نفسج وايد



روان: وانت بعد حبيبي



راشد: أحبج موت



روان: وأنا أكثر والله



راشد : مع السلامة



روان: حافظك ربي



.. وسكرووو





روان ارتاحت نسبياً من سمعت صوت راشد .. ع الاقل تطمنت عليه لأنها كانت تحاتيه طول الشهور الي طافت .. كانت تعاني بصمت .. بس هالدقيقة الي كلمته فيها كانت تسوى عندها الدنيا ومافيها



روان: يارب رجع لي راشد سالم غانم ولا تحرمني من وجوده بحياتي يااااارب







.. بعدها بأيام


.. ريما ولمياء يسولفون بالتلفون



ريما: لموي اقولج شي وماتزفيني؟



لمياء: اذا شي يستحق اني ازفج بزفج



ريما: بس مابقول



لمياء: قولي خلصيني لا تتكفخين



ريما: امممممم امممممممم



لمياء: ريمووووو اكيد مسوية شي



ريما: لالا للحين ماسويت



لمياء: شنووو يعني للحين ماسويت؟ يعني ناوية تسوين شي؟



ريما: لمياء عيد ميلاد عمر الليلة



لمياء: (بصوت عالي) نعـــــــــــــــــــــــــــــــــــــــــــــــــــــــــــم؟؟؟؟؟؟؟؟؟؟؟؟؟



ريما: (خافت) خلاص خلاص ولاشي .. ول ول ماينقال لج شي انتي



لمياء: ريمو حبيبتي شتقصدين يعني؟ تبين تكلميه وتقولين له كل سنة وانت طيب مثلا ؟ ها حبيبتي؟ ها حياتي؟؟



ريما: لا مابدق عليه بس بدز له مسج



لمياء: ريما سكري التلفون لا اغلط عليج ونخسر بعض



ريما: لموي بس بدز مسج مابدق .. وبس بكتب له كل عام وانت بخير .. ولاشي زود



لمياء: انتي شكلج لأن أخوج ماذبحج تبين هالمرة تموتين صح؟ انتي ماتتوبين ريما؟ مو كفاية اخوج حابسج بالبيت حتى طلعة مثل الناس ماتطلعين؟ مو كفاية حتى بيوتنا مايخليج اتيين لنا ولا يخليج تطلعين معانا؟ مو كفاية ان احنا صرنا حتى مانيي لج البيت عشان مانسبب لج مشاكل لأنه يظن ان احتكاكج في ربعج اهو الي بيخربج؟ مو كفاية كل هذا؟ مو كفاية انج انحرمتي انج تعيشين حالج حال كل البنات الي بعمرج بسبب غلطة؟.. تبين هالمرة اذا انجكيتي تنذبحين يعني؟





.. ريما ساكتة





لمياء: بتذبحيني من القهر انتي .. انا بسكر يالله



ريما: (بضيج) لموي لا تكلميني جذي



لمياء: (تتنهد) الله يهديج ان شاء الله بس .. فكري عدل .. لا تخسرين اكثر من الي خسرتيه



ريما: ان شاء الله



لمياء: يالله انا اخليج الحين .. مع السلامة



ريما: باي باي







ريما بعد ماسكرت من عند لمياء قعدت تفكر كلام لمياء .. كل الكلام الي قالته صحيح .. بس ماتدري ليش الفضول ذابحها تبي تعرف ردة فعل عمر اذا دزت له المسج ، هذا اذا كان في ردة فعل .. وبنفس الوقت خايفة من المشاكل الي ممكن تنحط فيها من يديد ويمكن تخترب حياتها زود من وراها




ريما: انا شكلي بستخف من التفكير .. اوووووووووف



.. بدار رؤى


.. رؤى كانت قاعدة تكلم خالد الي علاقتها فيه صارت أقوى من قبل بوايد .. وصار عادي انه يدق عليها بأي وقت لأن رؤى كسرت كل الحواجز الي بينهم




رؤى: خلوود



خالد: عيووووونه



رؤى: تحبني؟



خالد: (يتنهد) وهذااا سؤال تسألينه رؤوي



رؤى: انزين شكثر تحبني؟



خالد: مابي اقول شكثر .. لأني كثر ماقلت وايد راح اكون مقصر





رؤى: حبيبي انت




خالد: ( فززز قلبه .. هذي اول مرة تقول له حبيبي ) ها؟




.. رؤى انحرجت وسكتت



خالد: تكفييييييييييين عيديها





رؤى: ( منحرجة) وي خالد بس عاد





خالد: انا حبيبج؟؟؟؟؟





رؤى: (برقة) اي





خالد: رؤى تحبــــــــــــــيني؟؟؟





رؤى: اي خالد





خالد: اي شنو؟؟؟؟؟





رؤى: اي .. الي قلته





خالد: تكفين رؤوي قوليها .. نشف دمي وانا انطر هالكلمة





رؤى: أحبك





خالد: ( بصوت عالي) أخيــــــــــــــــــــــــــــــــــرا





.. رؤى تضحك





خالد: فديت هالضحكة .. والله اني أموووووووووووت فيج رؤى .. ماتتصورين شكثر كنت احترق وانا انطر انج تبادليني هالمشاعر .. والله أحس بهاللحظة إني أسعـــــد انسان بالدنيا





رؤى: عسى السعادة ماتفارق قلبك أبد





خالد: رؤى



رؤى: هلا؟



خالد: تتزوجيني؟





.. رؤى كأن كابين عليها ماي بارد .. سكتت





خالد: رؤى ردي علي .. تتزوجيني؟





رؤى: خالد انا من أول يوم كلمتك فيه قلت لك لا تفتح معاي هالموضوع .. انا حاليا مو مستعدة لهالشي



خالد: رؤى بس انتي تخرجتي





رؤى: ولو خالد .. نفسياً مو متهيئة لهالشي ولمسؤولية كبيرة مثل الزواج .. وقت الي احس اني مستعدة راح أقولك بنفسي تعال اخطبني





خالد: رؤى بس انا من الحين مو قادر اصبر انج بعيدة عني .. يعني لمتى راح اصبر؟



رؤى: ليما أحس اني مستعدة



خالد: ( تضايق )على راحتج





رؤى: خالد بليز لا تزعل .. انت دايما تتفهم وتقدّر



خالد: خلاص رؤوي مو زعلان .. انا الحين بسكره عشان ابدل واطلع .. بكلمج وانا طالع





رؤى: اوكي.. مع السلامة






.. بعد منتصف الليل .. وبالتحديد الساعة 12


.. ريما دزت لعمر مسج كتبت فيه (كل عام وانت بخير) .. ماتوقعت منه رد بس ماتدري ليش حست انها تبي تدز هالمسج



.. وبعد دقايق



رن موبايلها .. وكان عمر الي يدق .. فززز قلبها .. تمت تطالع بشاشة الموبايل مو عارفة اذا ترد او لا .. شهور طويلة ماكلمته .. ماتدري بأي طريقة المفروض انها تكلمه بعد الي سواه فيها وبعد كل هالمدة .. طوّلت ريما بالتفكير ليما انقطع الاتصال



لكنه رجع دق على طول .. وقررت انها ترد





ريما: ألوو؟



عمر: ألووووو؟؟؟ ريماااااا؟؟؟؟؟؟



ريما: اي ريما



عمر : ريماااااااا حبيبتي انتي وييييينك؟؟؟؟ وييييين رحتي؟؟؟ عجزت ادق على جوالك ويطلع لي مقفل .. ليه غيرتي رقمك؟؟؟؟



ريما: ( تضحك بسخرية) هه .. وليش كنت اتدق علي؟؟



عمر: ريما انا كنت ادور عليك .. خفت اني خسرتك .. اناااااااااا اعترف اني غلطان .. انا كنت كلب وحقير اني فرطت بإنسانة زيك .. تكفين ريما لا تتركيني



ريما: كل هالكلام الي تقوله يه متأخر ياعمر



عمر: تكفين لا تقولين كذا .. ريما اناااااااااااا ندمان وربي ندماااااااان .. ماكنت عارف قيمتك ولا قدّرتك .. تكفين سامحيني



ريما: لو سمحت ابي اسكره



عمر: (بصوت مبحوح وفيه غصة) لا ريمااااااااا تكفين ابوس ايدك ابوس رجلك لا تتركيني .. ريما انا أحبك وربي أحبــــــــــــــــك .. سوي فيني الي تبغين بس لا تتخلين عني



ريما: تخليت عني قبل ما اتخلى عنك ياعمر .. وانا مادري ليش دزيت لك هالمسج اصلا .. يمكن لأني متعودة كل سنة اتذكرك بعيد ميلادك ولا بعمري نسيتك .. فحسيت ان الموضوع مجرد اني تعودت وماحبيت يمر هاليوم وماقولك كل عام وانت بخير .. بس هذا كل شي



عمر : ريما لا تقولين هالكلام .. تكفين لا تذبحيني بإسلوبك هذا





ريما: انت وايد تأخرت عشان تعرف قيمتي .. واااااايد تأخرت





.. وسكرت ريما بويه عمر



عمر ظل يدق ورى بعض بس ريما ماكانت ترد عليه .. كانت تبجي بقهر على نفسها .. كل الجروح الي حاولت انها تداريها ردت انفتحت من يديد





ريما: اناااااا ليش دقيت علييييييييه ليييييييييييش



.. خذت ريما موبايلها ودقت على لمياء



لمياء: ( بصوت مخترع) بسم الله شفيج داقة هالحزة؟



.. ريما ساكتة وبس تبجي



لمياء: (خااافت) ريمووو شفيج؟؟؟؟ شصاير؟؟؟



ريما: (بصوت كله بجي) دزيت لعمر المسج



لمياء: وشصار؟؟ ليش تبجين؟؟



ريما: دق علي



لمياء: وبعدين؟؟ شقالج جليل الحيا؟



ريما : ترجاني ارجع له ويقول انه ندماااان



لمياء: عمــــــــــــــــــــــى بعين العدووووووووو .. صج انه مايستحي على ويهه



ريما: كان صوته مبحوح جنه كان يبجي او راح يبجي



لمياء: وانتي للحين تصدقييييييييييينه؟؟؟؟؟؟؟؟؟ ماعرفتي انه اشطر ممثل واكبر جذاب؟؟؟



ريما: مادري لموي مادري .. قلبي يعورني



لمياء: بسم الله على قلبج .. انا قلت لج لا تدزين المسج انتي عنيدة وماتسمعين الكلام



ريما: انا كلبة ولا افتهم ولا عندي مخ



لمياء: اهو الكلب واهو الي مايفتهم و اهو الي ماعنده مخ .. لا تقولين عن نفسج جذي عشان واحد مايسوى



ريما: (بدت تهدأ) شكنتي تسوين .. خرعتج مو؟



لمياء: اي مالت عليج .. عبالي عندج سالفة ..طلعت سالفتج عن طايح الحظ .. قطيييييييييييعة



ريما: ههههههههههههههههههههه



لمياء: اي ضحكي يبه .. العن أبو الكدر





وتمو لمياء وريما يسولفون .. ليما تأكدت لمياء ان نفسية ريما تعدلت وسكرووو من عند بعض ونامو .. رغم ان النوم كانت معاند ريما لكن التعب غلبها بالأخير ونامت





.. الساعة 2 بالليل وتحديدا بدار رؤى الي كانت على وشك انها تنام



.. رن موبايل رؤى .. وأول ماشافت رؤى الرقم تيبست بمكانها وقلبها قام يطق بقوة .. ابد ماتمنت انها تشوف هالرقم مرة ثانية .. مسحته ومسحت كل شي يخصه .. بس ليش رجع الحين؟ ليييييييييش رجع؟؟؟؟ ماترددت في انها ترد عليه .. بس عشان تعرف ليش داق عليها بعد كل الي صار وبعد كل هالمدة



.. قوّت رؤى قلبها وردت .. بس تمت ساكتة وفي بالها ألف سؤال





فهد: رؤى؟؟؟؟؟؟









ولهني خلص البااااارت



يالله بنات ابي ردود حلوة :*​