صرت حقودة فجأة

[WaChoCha]

البنات ما قصرو بالردود
هاذي وساويس شيطان ... حب لاخيك ما تحب لنفسك........ خلي قلبج نظيف علشان ربي يرزقج باحس منها الغيرة شي طبيعي بس لا تخلين الشيطان يغلبج

 

[أنوار البحرين]

هلا بج اختي عاشقة الزهراء
تسلمين اختي على الرد والله يجبر بخاطري وخاطريج وخاطر بنات المنتدى وبرزقنا بالذرية الصالحة

 

[أنوار البحرين]

يا اختي محبة العدالة
لا تستغربين من كلامي ىنه لو مو حاسة انكم اتعينون وتعاونون وتبردون على قلبي جان ما قلت لكم الللي بخاطري وطلبنت نصايحكم لانه ىنه نفسي متضايقة من نفسي
وراح أعمل بنصيحتج (و كل ما تشوفيها ادعي ربك و قولي :" رب لا تذرني فردا و انت خير الوارثين")
ربي يرزقنا جميعا بالذرية الصالحة امين ياااااااااااااا رب
ما اقد افاتحها بأي موضوع اخاف اسمع كلمة تعور قلبي خلني من بعديد لي بعيد احسن

وتسلم أيدح على الرد وعلى النصيحة

 

[أنوار البحرين]

اختي الفرفورة
كلامج عين العقل وكل اللي قلتيه حقيقة ما فيها نقاش
تسلم يدج على الرد

 

[أنوار البحرين]

هلا اختي eemee
( حبيبتي انتي ما اعترفتي الا لانج طيبه ومو راضيه باللي تسوينه وحاسته غلط ) بالضبط هاذي شعوري
(وانا بقولج ولا تزعلين علي ترا اذا ضليتي تفكرين بهالطريقه الله ماراح يوفقج لان الحقد مو زين واهو شي بيدج لا تقولين مو بيدج بس يبيله مجتهدة نفس وتضغطين على عمرج وحرام عليج المرا حامل بدال لا تدعين لها ولج تحقدين عليها تعوذي من ابليس ولا يقص عليج الشيطان وترا اذا انتي حاقده حتى اهل ريلج بيدرون لان يبين فديري بالج وتذكري ربج فوقج يدري شقاعد يدور في قلبج واستغفري الله وانشالله الله يرزقج بالذريه الصالحه) يارب يا اختي الله يرزقني ويرزق بنات المنتدى وياي بالذرية الصالحة
وراح اعمل بنصيحتج عزيزة وغالية اختي ابد ما زعلت منج كفاية انج كنتي صريحة وياي

 

[أنوار البحرين]

amory يا أختي

بالعكس اتوقع انج قاعده اتحسين ابشعور ثاني انتي مو عارفه توصفينه اتوقع فيج ضيقه واشمئزاز من الوضع اللي انتي فيه.( بالعكس اختي الحمد لله على كل حال الله العظيم اني راضية بقسمي وادري اذا الله بيرزقني بالذرية سبحانة راح يرزقني بالوقت المناسب )

والشيطان والعياذ بالله منه دايما يحاول يوسوس حق الانسان ويبني العداوات بين الناس واخت زوجج ممكن كانت علاقتج فيها مو ذاك الزود وفيها اشياء مو عاجبتج علشان جذي انتي متضايقه لما اتشوفينها حامل و تصرفاتها مو عاجبتج واتضايقج.( والله يا اختي كلامج فية بعض الصحة انه اخته آنه ما استلطفها من قبل لانه بوعدتنا بعده وعود وما وفت بشي منها هاذي أولا ثانيا نها افتحت لي باب انه اللي ايجوفني وايجوفها ايحسسني جني سنين م حملت ولا جنها 10 شهور فتحت لي باب اتضتيقة منه يعني حزته تحمل اللحين بس بعد اقول في خاطري يمكن اهيه فاتحه خير ويمكن الله يكتب لي واحمل عقبها ، والله ايسر لما فية الخير )

انا ساعات الشيطان يوسوسلي واتعوذ منه ساعات لما اشوف وحده بالسوق متبرجه ومو متستره وحامل استغفر الله تنبط جبدي اقول هاذي حامل بعدين ارجع استغفر اقول الله ما أخر حملي الا اكيد هالشي فيه خير لي والا هالدنيه احنا اشماخذين منها وممكن يكونون العيال ابتلاء وأذيه حق اهلهم وشقى. ( صاجة يا اختي )

حاولي تحاورين نفسج وتقنعينها ان هذا رزق من الله والحمدلله و فلانه وعلانه اللي يابو واحملو الله سبحانه اهو اللي رزقهم واللي ما حملو الله اللي قسم لهم هالشي واهم شي الرضاء فيما كتب الله سبحانه وتعالى وكلما رضيتي راح ترتاحين نفسيا و ربج بيجازيج خير.(إنشاء الله يا اختي راح اعمل بنصيحتج )

الله يرزقج عاجل غير آجل اللهم آمين. (اللهم آمين)
الله يبرد على قلبج مثل ما بردتي على قلبيويرزقني ويرزقج ويرزق بنات المنتدى بالذرية الصاحة يارب

__________________

 

[أنوار البحرين]

اختي الريشة

اختي إحساس عروس

تسلمون على الرد

والله يبرد على قلبك كلامكم ونصايحكم على راسي واللله يستجيب دوعائكم

 

[أنوار البحرين]

كويتية مذهلة 87
سمعي اخت زوجج مالها ذنب علشان تحقدين عليها وماتقعدين معاها هالشي كتبه الله

الله كتبلها ان تحمل وكلنا الله بيرزقنا الذريه الصالحه لين ايي الوقت المناااسب

والله يرزقج ياارب ’’’’ اللهم آمين
كلامج صح يا اختي بس كلام كلة عن وساوس ابليس اللي اتييني
ويزاج الله كل خير على الرد

 

[أنوار البحرين]

love my self
يا اختي
دايما ادعي وانفسي ولغيري ويارب تشيل هالافكار من راسي
تسلمين على الرد

 

[أنوار البحرين]

wachocha
كلامج صح الصح
لا زم اغلب الشيطان وما اخلية يغلبني
تسلمين يا اختي

 

[oum^zozo]

تدرين انوار انا حاسه فيج ما الومج لأن قبل لا احمل كنت نفسج بس ماكنت احقد على اي احد كنت احقد عاللي تعايرني و ايهي حامل و تقط علي كلام ! بس بقلبي اقوول مثل ما الله رزقها راح يرزقني احسن منهه
و انا ترى ٣ سنيين ماحملت و الحمد الله ماتدرين الرزق متى اييلج

المره ترى مالهه ذنب و ماسوت شي و ترى الحمال تعب و معاناة جان ماصارت الجنه تحت اقدام الأمهات

انتي الحين ادعيلهه الله يقومها بالسلامه و صدقيني ايهي راح تدعيلج دعوه حلوه بالمثل

و انشاء الله يارب تبشرينه اب حمالج كثري من الاستغفار و الله بيرزقج نفس مارزق غيرج و احسن

اي و نسيت اقولج ترى باجر لا حملتي ابتضحكين على روحج بتقولين انا كنت افكر جذي؟ هههههههه و الله انشاء الله يارب تحملين قريب و تذكرين كلامي :eh_s(6):

 

[أنوار البحرين]

oum^zozo
تسلمين حبيبتي
كاني والله احاول استغفر كثر ما اقدر وابعد افكار الشيطان عني
الله يتمم حمل كل حامل ويبلغها لي تمامة ،، ويرزق كل محرومة مثلي يااااااااااااااااااااااارب

 

[bint_al8omar]

استغفري ربج ولا تفكرين وايد وحطي ببالج اللي رزقها بيرزقج ان شالله وانتي توج عروس الله يرزقج يارب ويرزق كل محرووومه الضنا يارب

 

[ترووفه]

ياااااااقلبي

عااادي

انا مره صار معاي جذي يوم حملت حماتي

انصدمت

والله

يعني مااجذب عليج حسيت اني ضايقت

بس امر الله

الله اللي يعطي والله اللي يااااااخذ

وعسىى الله لايحرمنا انا وانتي وكل البنااااااااات

لاتحطين في بالج هالامر

صدقيني تراه من الشيطان

يعني انا حماتي جذي والله احبها واعزهاا بس ماادري يعني يوم دريت انهااا حااااااامل ماادري

كنت اتمنى اني انا اللي حااامل واشوووف فرحت اهلها واقووول ياليتني انااا


بس هذا امر ربي واحنا مانقدر نعترض

الله اللي بيده الرزق واله يزرقناااااا ياااااااااااااارب

 

[أنوار البحرين]

تسلمين تروفة
وما قصرتي الله يهون علي وعليج
ويرزقنا بالحمل ياااااااااارب

 

[أنوار البحرين]

تسلمين بنوتة
ويارب الله يستجيب دعوتج

 

[انثى استثناء]

و الله يا ختي انتي الي تحسينه احنا حاسين فيج و ما رين بهشي مثلج بس ما يعني ان نحقد على احد


بس تدرين ان الحلو انج حاسه بنفسج و ان هالشي غلط


و الله شتقولين علي انا ازوجت بنفس اليووم مع حماي ومرته احملت و حماي الثاني ازوج وراي بسنتين و حملت مرته بسرعه

بس اهي القوه من الله صدقيني حطي في بالج الله قاسملج ان في يوم اهو كاتبه راح يرزقج

و انا عندي جمله دايما اقولها


ان الله يوءجل احلامنا لكن لا ينساها


و اكيد الله راح يجيب اليوم الي يملي احشاءج بجنين

و اتمنى لج التصالح مع نفسج

و صفاء روحج

 

[أم لطووف]

حبيبتي كسرتي خاطري ساعات الواحد يحس باشياء مو عاجبته بس غصبن عنه
حاولي تتعوذين من ابليس وتشيلين افكار ابليس من راسج
وان شاءالله ربي بيرزقج وتصيرين انتي معاها ربع اكثر وتصير سوالفكم متشابهه
اهي بس مسالة وقت واستغلي هالشهر الفضيل بالدعاء وادعيلها اهي بعد لان الله
سبحانه راح يعطيج مثلها وزود وحبي لغيرج الخير وربي بيعطيج على قد نيتج

كلامج صحيح وعين العقل وأنه أتفق معاج يابعد عمري ربي يرزقنا وياج قادر ياكريم...

 

[وحش سعود]

كثريي الإستغفار وتعوذي من إبليس

 

[نكهةالبرتقال]

مو غلط و لا عيب إن تحسين بهالشعور غصبن عليج ، لكن الغلط و العيب إنك تسوين تصرف بناءا على هذا الشعور

و انت توك عروسه صبري جم شهر و بتصيرين مثلهل ان شاالله

و دايما قولي اللهم بارك لها ، و هذا سنة عن النبي صلى الله عليه و سلم صدقيني راح يروح اللي في قلبك و في ملك يرد بظهر الغيب يقول و لك مثله