انتي الي مفتشله من نفسج انج تطلقتي
مع انه الطلاق ما يزيدج الا كرامه
والمطلقه انسانه عندها كرامه ورفضت الذل والحياة القشره
الناس ما تحتقرج ولا تطالع لج انج مطلقه
لانه ما همهم
كل واحد ببيته ومسكر بابه وناسيج
ولا هميتي احد
اذا تطلقتي محد شايل همج ولا احد راح يزعل عشانج
بالعكس يفرحون بعض الناس
فكيدي العذال
وبكل مناسبه اجتماعيه سواء عرس عزيمه مسيار عيد
واجهي الناس وانتي بكامل كشختج وزينتج واهتمي بصحتج وجسمج ونفسج
خلي الناس ان شافتج تحتار بثوبج ومكياجج وشعرج وكشختج وعطورج
خلج مبتسمه ولا يهمج ولا تسولفين لاحد عن طلاقج وطليقج حتى لو اسالوج
ترا الناس حتى لو درت ماتنفع
تقلب السالفه عليج وتطنز وتمصخر
فلا تعطين مجال لاحد
الانسان هو يصنع قيمته بنفسه مو الزواج والطلاق والارتباط بالرجل هو اللي يصنع القيمه
بشخصيتج بافكارج بادب تفرضين نفسج على اكبر راس
والطلاق مو عذروب
حلال الحمدلله
انتي ما زنيتي اعوذ بالله
انتي تزوجتي على سنة الله ورسوله
وتطلقتي على سنة الله ورسوله مو جريمه ولا عيب
والحين اغلب البيوت بالكويت مطلقات
ومعروفين الحين الشباب قليل اللي صالح
كلها راعين سفرات وقحاب وعقد نفسيه وعفنه وجنون وقلة حيا
حتى طبيعي ماتحصلين ولا يحشمون احد
فلا يهمج ولا تفكرين هالتفكير
الغلقه والقعده بالبيت ماتنفعج
خلي الناس تحبج وتقربي للناس وسوي علاقات طيبه
عشان الناس تذكرج بالخير
ويمكن ربي يعوضج
