صديقتي و بيتها الجديد

[وردة حبيبها]

مساؤكم ورد وفل

بودي يا بنوتات كويتيات تساعدوني في حيرتي ,,

صديقتي توها ساكنه في بيت جديد الله يهينها فيه يارب
وعزمتني هذا الاسبوع على بيتها
وانا من جد حيرانه شنو اقدم لها هديه لبيتها ؟

فكرت في طقم صحون و اكواب او مايكرويف
لكن المشكله ان هي حسب كلامها مأثثه مطبخها بالكامل ولا في شي ناقصه


والحين ابغى مشورتكم

شنو اهديها لبيتها الجديد ؟؟؟

 

[pinkmoon]

شوفي تقدرين تشترين اكسسوارات للبيت مثل الي يحطونهم فوق الطاولات في الوسط /أولوحة تكون حلوة بمنظر طبيعة وحجمها مناسب / أو طاولات تقديم متداخلة

 

[انا كويتية]

شوفي انا مرة نصحت وحدة نازلة بيتها الجديد تحط لسته بكل ماتحتاجه وكل وحدة من رفيجاتها ومقدرتها يعني حطت باللسته كل شي محتاجته حتى جدور سستانليس هههههه وفعلا كل وحدة من رفيجاتنا شرت لها شي حسب ميزانيتها ... اذا تمونين عليها سأليها شنو ناقصها ...

 

[وردة حبيبها]

بينك موون فكرتك حلوه يمكن انفذها

كويتيه

في الحقيقه انا جريتها بالكلام علشان اعرف اللي ناقصها المشكله تقول تقريبا كل شي كامل من الاثاث علشان كذا انا محتاره ,,

 

[زود الغلا]

انا انصحك عطيها فلوس وقدمي الفلوس بطريقة ذربة في صندوق صغير ومع ورود واهيا تشتري الشغلات اللي ف بالها احسن .

 

[Far7ti Naqsa]

انا بعد اقترح تعطينها فلوس تفيدها و تشتري الشي إلي إهيا تبيه

 

[Heaven Light]

أحسن شي تعطينها مبلغ مالي حلووو .. يعني مو أقل من 100 دينار ..



​

 

[girla]

احسن شي الفلوس واهي تشتري على ذوقها اللي محتاجته

 

[عيالي غناتي]

اقترح تهدينها فلوس احسن ..

واذا بخاطرج تهدينها شي رمزي

شوفي لج صواني مع المطاطير لشاي والقهوه في اشكال مميزه وحلوه