صديقتي وزوجها

[ام^تبوله]

صج الخاله غلطانه بس هي بعد غلطت مافي احد يرضي علي امه حتي لو يدري ان امه غلطانه وتدعي عليها اشكره جدامه
اللي عليها انها تعتذر له ولا كانا صار شي واذا الخاله غلطت مره ثانيه تحاول تكلم الزوج بهداوه والله يهدي النفووووس

 

[ملواكي]

والله انه رجال !!
مهما كان ترى هذي اميمته ،،
الجنة تحت اقدام الامهات مو الزوجات !
وماقولك ام الزوج معها حق ،، بس عادي اتحلطم عند اهلها بينها وبين نفسها !!
مو قدام ولدها !!
الحين مع انها غلطانة بس خل تزعل ،، عشان ايده ماتاخذ عالضرب !!
لاترضى بسرعة يستسهل السالفة ،،
واذا كلمها خل تناقشة ، انها ماقصدت كذا كانت تقصد كذا ،،
بالمختصر خل تلف السالفة عليه وتطلع نفسها ماغلطت !!
والا راحت من صيد امس !​

معاها:eh_s(15):

 

[MiiMoo]

رد : صديقتي وزوجها

صح اهيه غلطت يوم دعت على امه اكيد ما راح يرضى عليها لو شنو كانت مسويه بس هم اهو ماله حق يمد ايده على زوجته لان هم امه غلطانه جان من الاول زعلت وراحت بيت اهلها يوم درت ان خالتها تلقن بنتها حجي يضايقها وتكلمه وما يحاجي امه الله يهديهم بس هذي اذا خالتها من الحين تسوي جذي معناته مو حابه جنتها *

 

[Miss Cherry]

مادري اهي غلطت مهما يكون امه حتى لو غلطانه المفروض تحسب الكلمة قبل ماتصير ضدها

 

[nora al]

رد : صديقتي وزوجها

بصراحه وبدون زعل رفيجتج غلط وزين يسوي فيها من طق الباب لقى الجواب


بسالج بامانه لو الموقف صار مع اخوج ومرته ومرته دعت على امج بكون ردج جذي ؟ بترضين ؟؟

حتى لو امج غلطانه ترضين جنتها اللي اهيه خطبتها وعزتها وعطتهاا قطعة منها تقوم تدعي عليهاا !!!!


نصيحه لا توقفين مع رفيجتج وقوليلها انها غلطانه ومفروض تعتذر منه ومن امه بعد وتغير معاملتها وتخاف الله ورايج ترا بتتحاسبين عليه باااجر وتراا الدنيا دواااره فلا توقفين معاها حطي امج مكان خالتها وقرري


سوري لاتزعلين مني بس انتي طلبتيي رايناا

 

[زوجة عزيز]

رد : صديقتي وزوجها

خل تعتذر منه واتقول له انها كانت لحظة غضب

 

[++صدفة++]

سوري لا تزعلين بس رفيجتج فوق شينها قوات عينها ..
داعية عالمرا و تبي ولدها يصفق لها مثلاً ؟؟ و يقول آمين مثلاً ؟؟؟

حتى لو خالتها غلطت ما توصل إنها تدعي عالمرا .. أبسط شي خل تقول الله يسامحها عشان تكبر بعين ريلها مو تهين أمه
و المشكلة إن الريال يدق عليها و إهي الزعلانة
قوليلها بلعي العافية زين منه ما قطج ببيت أهلج أنتي و بنتج و تعذري من الريال