صديقتي وزوجها وانا -----( معاناه في الغربه )

[بيــــــــــــب]

السلام عليكم ورحمه الله وبركاته

كيف الحال خواتي ؟ وحشتوني وحشني منتداكم ..
هذا اليوزر ملك لي ولوحده من البنات وصارت مكالمات لين تذكرت اليوزر و الباسورد حضرتها
المهم بنات انا اول مافكرت اكتب بالنت دايركت جيت هنا

اللي مالها خلق تقرأ تطلع بطول شوي :ch12:

انا تخرجت من الثانوي وقبلت في البعثه رحت انا وابوي لين احصل سكن واستقر وبيرجع ابوي لأن مايقدر يقعد ومعاي .
تبهذلنا في البدايه ندور سكن قريب من المعهد لين واحد من الطلبه ( كويتي ) دلني على شقه معاه بنفس البنايه ... ياه يابنات ماتصدقون شلون انسجمت مع عيلته حبيتهم من كل قلبي وطول الوقت انا عندهم واذا مو عندهم اهم عندي او طالعين مع بعض
ومرته صارت اكثر من اخت احبها بكل مافيني ..هم مغتربين من زمان بس نقلوا من مدينه لمدينه وصارت لهم مشاكل كثير فتعطل زوجها عن الدراسه وليما اللحين يدرس معانا بمعهد مع انه لغته توب
زوجها عادي اعامله مثل اخوي اسلم اذا قابلته واذا بغيت شيء استفسر
احاول مااكثر كلام وياه بس اشوفه كثير في المعهد ولا في البنايه او حتى في شقتهم

بعد 3 شهور بدأ يتميلح ويخز ويحاول يستظرف بدمه وفي المعهد كله معاي حتى قدام مرته عادي عنده
انا احاول ابعد كل تفكير شين عن بالي واتعوذ من الشيطان خصوصآ ان له فضل علي
بعدين وضحت مثل الشمس
قعدت افكر طول الليل واجهز كلام له بوقفه عند حده اذا عاد حركاته البايخه بس سبحان الله تغير وصار مايعطيني وجهه يادوب سلام سلام عليكم
واذا كلمته او ناديته بأسمه صار يرد خير شتبين ؟؟ وبصوت عالي بعد
انا استانست قلت زين جت منه بس اكيد في شيء مأثر عليه ماهتميت
في البدايه بقولكم اللي خلاه يسوي هالحركات كله من زوجته
زوجته كل مايطلعون كل مايروحون مكان تناديني معاهم حتى لو راحوا يشترون اغراض البيت
صرت كأني فرد من العيله
اقنعتني اتعلم سواقه على امل انها هي اللي بتدربني وتساعدني
لكن بعد ماجتزت الاختبار النظري صارت تتحجج وتطلب من زوجها يعلمني
فطبيعي زوجها بيميل او على الاقل بيطالع فيني والحمدلله ماطولت عنده الحاله مادري وش اللي هجده
بس انه انقلب علي بشكل مو طبيعي كانه احد محرشه علي... اسلوبه تغير معاي النيه لسى صافيه اذا احتجت شيء مايقصر بس الاسلوب زفتتتتتتتتت
ويدور اي فرصه علشان يطنز علي
مثلآ
مره في المعهد كانوا في طلبه سعودين يكلموني عن ان بيسون حفل لسلامه الملك وكيذا
هو كان مار ويقول هذول ربعك وبنظره استحقار وضحك بصوت عالي

هم مره اسولف معا مرته في المطبخ قاعدين واهو بالصاله
اقولها امي داقه امس تقول لي انخطبتي وانا رفضت واقولها السبب
الا شوي يصصرخ يقول ليه ترفضين منو بياخذك بتعنسين يالغبيه !!!!

قبل اسبوع في العيد الوطني النادي مسوي حفل ورحت مع مرته والعيال ولما شافني قال ليه جايه هذا حفل للكويتين انتي شتبين ويتأفف ؟ وراح مع انه عازم ربعه مو كويتين و وحده صينيه لازقه فيه

هههه لو اني في بيته كان قتله مالك شغل او صفطته لكن تفشلت من الناااس كلهم تلفتوا صوته عالي

السالفه مو هنا عادي عندي يعاملني بالاسلوب هذا ماهتميت له بس مرته مسكينه
عيونه زاااااااااااااااااايغه وكل يوم اشوفه مع بنات يقعد يضحك وياهم ويطلع وياهم
وبعض الايام ينام برا ... وهي ساكته
ودايم لا نوا يسهر يجيني يقول اذا ودك تنامين عند مرتي اليوم نامي مراح اجي بدري

ومرات واهو طالع يدق الباب علي يقول روحي اسهري عندها تبيك ولما اروح انصدم انها لا نادتني ولا شيء ارقعها اقول مافيني نوم وجيت اسولف
مايبيها تقعد بروحها بعدين تلومه
عاد عصبت لما جاني وقت الغداء قلت خير بتسهر اليوم وتبيني اروح اسلي مرتك ؟
قال ايييييييه بالضبط ماشاء الله عليك عارفه وضيفتك ----= بأستهزاء
وخلاني
لما رحت لها عصبت منها هي بعد
قلت لها شلون راضيه بهالحياه ؟ هو متغرب يدرس بس انتي متغربه ليه لا تدرسين ولا شيء ارجعي عند امك ابرك قالت عادي مابيقول شي بس حرام من بيطبخ له ويهتم فيه
عاد انا هنا انفجرت فيها
وقلت كلللللللللل شيء شفته عليه مع البنات وانه هو اللي يناديني اسهر وياك علشان تهدين
وقتلها بعد انتي نايمه على اوذانك ههههههه مادري وش طرأ علي

اليوم الثاني جاني معصب ويقول تبين تخربين بيتي
عاملتك مثل اختي واخرتها كذا انتي حقيره وووووووووووو الخ من السب
لا عاد تدخلين بيتنا ولا عاد اشوفك عند مرتي
قتله اوكي ماعاد بجي بيتكم ولا ابي اجي بس اتمنى انك تقعد مع المره المسكينه من جيت انا هنا وانا اشوفك مع البنات اتوقع يكفي شبعت منهم
صرخ يقول مو شغلك اهتمي بنفسك ولا تتدخلين بغيرك وراح

وبعدها سافرت عندي اوراق ابي اكملها بالملحقيه
ماكلمتها ولا هي كلمتني
شرايكم باللي سويته احيانآ احس بالذنب واقول انا كنت مرتاحه وياهم وهم كانوا مرتاحين ليش اتدخل فيهم
واحيانآ اقول لا حرام هي مسكينه لازم تعرف ان زوجها مايستاهل كل هالتضحيه

هي ماتزور اهلها الا بالكريسمس وانا متأكده انها كانت تدري باللي يسويه بس ساكته عنه ومخليته


شرايكم ؟ بكرا برجع وخااااااااايفه حدي ماقدر ادخل شقتي بدون لا اسلم عليها وعلى عيالها
صديقاتي يقولون لي انقلي من عندهم انا مابقا لي كثير بعد ماسجل بالجامعه بنقل اكيد بس كنت ناويه اسجل وياه بنفس الجامعه علشان السكن يكون قريب منهم

لو كنتوا مكاني شبتسون + هل اروح اعتذر لهم ؟

في بعض التفاصيل ماقلتها ​

 

[لاتكابر غلطتي]

بصراحه ماقصروت ورايتهم بيضا
لكن لحد الكرامه اهني stoooooooop
واهو بصراحه مبين انه مستغل طيبتج عشان يسهر ويهيت برا ..
ولو انج افضل ما قلتي عنه شي لمرته ولاتزيدين الطين له .. افرضي انها كانت تدري وساكته مثل ماقلتي .. انتي شيكون وضعج ؟؟؟
بتكرهج زياده وزياده ..

اللي عليج انج تسوينه
بمجرد ماهو طالع تروحين لها وتسلمين عليها وتتحاشين اي سوالف تخص زوجها او علاقتهم مع بعض
لان اساسا انتي مالج شغل لا من قريب ولا من بعيد ولاتقوليلي كاسره خاطري .. لانه ماينفع هالشي ..
وبالنسببه لنقلج
خلج قاعده لحد ماتخلصين امورج وعقب توكلي على الله
وباذن الله بتلقين عايله مثلهم واحسن

بالتوفيق غلاتي

 

[khawla&tito]

امممممممم عارفه ردي ماله شغل
بس اول مره اسمع سعودية مسافره بروحها !

 

[ana 7elwa]

حياتي الباب اللي اييج منه الريح سده واستريح

خليهم يولون ومرته لابغتج تييج وانتي اول ما توصلين سآلي عنها وبعدها اهي اذا تبيج تييج

وثاني شي الغربه ما يبيلها واحد طيب اوكي ساعدج بالبدايه بس مو ليدرجه بعدين يهينج عاادي

لحد الكرامه وستوووب

خليج رسميه معاهم وانسيهم وعيشي حياتج واذا انتي مرتاحه بشقتج لا تنقلين عشانهم لا اهم شي راحتج ونفسج

ودامج مسويه الصح لا تعتذرين مالاداعي واثق الخطا يمشي ملك

 

[**miss-NY**]

رد : صديقتي وزوجها وانا -----( معاناه في الغربه )

غلطانه
طيحتي الميانه مع شخص غريب لا واللي اكبر من جذي انه ريال هذي اكبر غلطه
المفروض من الاول يكون تعاملج رسمي والكلام بينج وبين مرته اهو شكو ترى وايد معطيته ويه انه اييج ويكلمج انج تقعدين عند مرته وخصوصا انه يتطنز بعد اهو غلطان لكن انتي سمحتي ابهالشي وفتحتي له الباب واكبر دليل انه قام يتحرش شوفي انا اقولج زوجته غلطانه لكن انتي جزء من المشكله انج عطيتيه ويه وسمحتيله بالاخذ والعطا حسستيني من اسلوب تعاملكم انكم اخوان او بينكم عشرة عمر انتي غلطتي لانه مهما كان هذا شخص غريب عنج ومومحرم لج المفروض يكون تواصلج مع زوجته وبس واهو تعامل سلام وعليكم السلام ترى محد كامل وكلنا نغلط وساعات نغلط غلطه كبيرة بس المهم انه انعرف اغلاطنه علشان انصلحها وانتي اللحين اعتبري اللي صار درس وتعلمتيه انه مهما كان الريال وخصوصا الغريب عنج ماتطيحين معاه الميانه مهما كان محترم ترى الريايل غير عن الحريم يفهمون الحريم غلط اكثرهم جذي وعن سالفه انج تروحين معاهم لاياحبيبتي انتي مومغصوبه زوجته غبيه انتي اذكى منها لاتطيعينها بموضوع انه تخليج معاه اذا اهيه غبيه انت فاهمه وموضوع زواجها لاتتدخلين انصيحها اذا مانفع معاها بالطقاق كيفها انتي شيلي نفسج عنهم وخلي تعاملج معاها وبس وياحبيبتي حطي بالج اذا حاول انه يغلط عليج او يتحرش قوليله ترى اهلي اذا قلتلهم بتصير مشكله وبتروح فيها هدديه علشان يفهم

 

[H.A.K.W]

جوفي اختي فالبدايه لنا قلتي انه بدا يتحرش ومادري شنو
ما اعتقد انه كان يتحرش فيج بس علي قولتج بحكم ان يجوفج 24 ساعه بالبنايه وبشقته وبالمعهد وحتي بالطلعه معاه فشي اكيد بطيح الميانه وبياخذ راحته بالحجي ، ولما علي قولتج انقلب عليج مره وحده اتلاقينه مل من كثر ما انتي لازقه عندهم <<<< هذا الواقع مو تزعلين !!

اما موضوع انه كان يطق عليج الباب عشان اتسهرين مع مرته ، فإهو اكيد جايف ان مرته حابتج ومرتاحتلج فيقرلج اتقعدين عندها ليش ان مايبيها تقعد بروحها !!

وسالفة انج رحتي قلتي لمرته عن الشغلات اللي جفتيها عليه ، فهذا اكبر غلط
ماكان المفروض اتحشرين روحج بين الريال ومرته ولاتلومينه لي عصب عليج وزفج لانها حياه شخصيه محد له الحق يدخل ، انا ما اقول ان تصرفه صح بس قاع اقولج ان ماينلام بنفس هالموقف !

وبعدين مرات اتكون المظاهر خادعه يعني مو كل شي اتجوفينه جدامج اتفسرينه علي ما اهو عليه !!
نفس ما فسرتي "" انه يتحرش فيج"" .
عشان جذي لا تحطين بذمتج شي .
وهذي حياتهم اهم كيفهم يحلونها بروحهم ماكان المفروض تدخلين بينهم

 

[H.A.K.W]

جوفي اختي فالبدايه لنا قلتي انه بدا يتحرش ومادري شنو
ما اعتقد انه كان يتحرش فيج بس علي قولتج بحكم ان يجوفج 24 ساعه بالبنايه وبشقته وبالمعهد وحتي بالطلعه معاه فشي اكيد بطيح الميانه وبياخذ راحته بالحجي ، ولما علي قولتج انقلب عليج مره وحده اتلاقينه مل من كثر ما انتي لازقه عندهم <<<< هذا الواقع مو تزعلين !!

اما موضوع انه كان يطق عليج الباب عشان اتسهرين مع مرته ، فإهو اكيد جايف ان مرته حابتج ومرتاحتلج فيقرلج اتقعدين عندها ليش ان مايبيها تقعد بروحها !!

وسالفة انج رحتي قلتي لمرته عن الشغلات اللي جفتيها عليه ، فهذا اكبر غلط
ماكان المفروض اتحشرين روحج بين الريال ومرته ولاتلومينه لي عصب عليج وزفج لانها حياه شخصيه محد له الحق يدخل ، انا ما اقول ان تصرفه صح بس قاع اقولج ان ماينلام بنفس هالموقف !

وبعدين مرات اتكون المظاهر خادعه يعني مو كل شي اتجوفينه جدامج اتفسرينه علي ما اهو عليه !!
نفس ما فسرتي "" انه يتحرش فيج"" .
عشان جذي لا تحطين بذمتج شي .
وهذي حياتهم اهم كيفهم يحلونها بروحهم ماكان المفروض تدخلين بينهم

 

[بيــــــــــــب]

هلا بنات مشكورين على الردود فديتكم


khawla&tito لا عادي السعوديه تسافر بروحها بتصريح
بس اللحين طالعين لنا اذا اكتشفوا مبتعثه ومرافقها مو موجود في البلد يصكونها بـ هولد :/

امثال + انا حلوه

مادري ليه مايطري على بالي انه يهيني او مستغلني

بس جد انا مو مهتمه في كل اللي يسويه
مو مزعلني الا مرته انتوا تقولون ماعليك منها
شلون ماعلي منها قلبي تعلق فيهاااااااااااا
وابي لها الخير والله واحزززززن عليها هي جميله وسنعه وذوقها رااااااقي كامله ماتستاهل كل هذا
احسها مصابه بالتبلد وماقلت بعتذر الا علشان ارجع لها مابي اخليها كذا

مس نيويورك ادري غلطانه بس انا جيت هنا متخوفه من العالم اللي بروح له ومن كثر مااهلي يوصوني
ماصدقت احصلهم حسيتهم هلي وصحيح انا ميانه بزياده وياه في البدايه لكن بعدين بديت استوعب اني مزودتها حتى لما صار يهاوش ويطنز اسكت ولا ارد لاني ادري لو رديت بيزيد
وابد ماني خايفه منه واعيد واكرر اني مابي اتركها ماقدرررررررررررررر اتمنى ارجع القاهم نقلوا
ابيهم اهم يتركوني بس انا ماقدر من جيت هنا والله ماحسيت بالغربه بسببهم


H.A.K.W

لا متأكده مو غلطانه ولا فسرته غلط واضح يختي
وبخصوص اني 24 س وياهم اهي تبيني اهي استانست ان لقت احد يطلع وياها
انا لاحظت زوجها لما يطلع وياها او يوديها اي مكان يروح عنها ويخليها ومتى ماخلصت تتصل عليه
حتى بالمستشفى كذا فجأه يختفي فصارت تناديني اطلع وياهم وهو مايقول لا لو انه متضايق مني
كان قالها لا تنادينها وماانكر اني لزقت فيهم اللحين اذكر كيف كنت عندهم طول الوقققققت ماسوي شيء بدونهم بس على نياتي ماصدقت القى احد مابي اقعد لحالي اللحين اهون انشغلت مع البنات
انا كم مره قتلها اذا بتطلعين مع زوجك او تروحون مع بعض تسهرون جيبي العيال عندي... تقول لو اطلع معاه بروحي بتجيني حاله نفسيه شتقصد الله اعلم .

وبخصوص تدخلي بينهم صح والله ندممممممممت مره لان واضح انها كانت تدري وراضيه
بس مادري شلون اللحين شسوي مستحيه اقابلها ؟زوجها هين اصلن كرهني خلاص بس هي

 

[H.A.K.W]

حبيبتي
تري اهي تدري وساكته ماتبي مشاكل اكيد عشان عيالها صابره
والدليل انها ماتبي تطلع معاه بروحها ، وتلاقين لما قلتي لها هالحجي اتضايقت اكثر وسوت مشكله مع زوجها لانها حست انه حياتي مكشوفه والكل يدري عن مشاكلها مع زوجها وماكو مره ترضي ولا تحب ان حياتها تكون كتاب مكشوف جدام الكل .

انتي للي عليج اتسوينه انج تاخذين لها بوكيه ورد حلو وتروحين لها وتتعذرين لها وقوليلها انج ماسويتي جذي بقصد التحريض ولا المشاكل انتي كانت نيتج شريفه قلبج كان محترق عليها وتبيج تتصرفين ما تظلين علي حالج هذا و وعديها انج عمرج ماراح اتحاولين تدخلين ابحياتها مره ثانيه وهذي اسرار بيوت انتي مالج علاقه فيها ، و زوجها كان من المغروض من البدايه ان علاقتج معاه تكون رسميه سلام وانتهي الموضوع

 

[**miss-NY**]

رد : رد: صديقتي وزوجها وانا -----( معاناه في الغربه )

هلا بنات مشكورين على الردود فديتكم


مس نيويورك ادري غلطانه بس انا جيت هنا متخوفه من العالم اللي بروح له ومن كثر مااهلي يوصوني
ماصدقت احصلهم حسيتهم هلي وصحيح انا ميانه بزياده وياه في البدايه لكن بعدين بديت استوعب اني مزودتها حتى لما صار يهاوش ويطنز اسكت ولا ارد لاني ادري لو رديت بيزيد
وابد ماني خايفه منه واعيد واكرر اني مابي اتركها ماقدرررررررررررررر اتمنى ارجع القاهم نقلوا
ابيهم اهم يتركوني بس انا ماقدر من جيت هنا والله ماحسيت بالغربه بسببهم


H.A.K.W

QUOTE]

ياقلبي حاسه فيج بس قاعده اقولج انتي اللحين بالوضع افهم واحسن منهم اهمه الاثنين لانج مستوعبه اسلوبه ومستوعبه تصرفاتها الله يعينج ماكو حل الا انج تخلين علاقتج بزوجته وبس وضحي لها انه ماتبين يكون بينج وبينه كلام او اي شي وخلاص احسن او حاولي انه تلقين بنات نفسج سواء سعوديات او غير سعوديات احسن :yaaaaaarb:الله يوفقج ان شاءالله وتخلصين الدراسه وتخرجين بامتياز وتفتكين حبي لاتخافين كوني قويه

 

[ڕۆۆحــي ڣــڍااگ]

واللهً ماً ادريً اللهً يعينً

 

[مجنونة حبه]

الله شوقولج
الله يعينها قااهرني ريلها وقاهرتني اهي بعد
بالعكس اهو يطلع ويشوف خلق الله وياي علشان مستقبله
واهي قاعده تكرف وتنظف وتفكر فيه ومنحكره بالبيت بين اربع طوف وتجابل اليهال
الله يهديه يمكن متعوده عليه وعلى اسلوبه شذي ماتبي اتخليه لحاله بامريكا ومتصبره
الله يعينها

 

[خُزام]

حبيبتي شلج بالمشاكل باين عليه مغازلجي وقليل أدب
بس مع هذا انتي الغلطانة مو اهو
غلطانه انج طيحتي الميانة و سمحتيله يتمادى معاج ويكلمج باستهزاء واستخفاف
شلون تخلينه يكلمج بهالأسلوب ، بتعنسين ويالغبية وشتبين ويتأفف بعد :bbbiu:
المفروض توقفينه عند حده من البداية ما فرضتي احترامج عليه
وغلطانه انج قلتي حق مرته سوالفه لأنه أكيد هي عارفه وحاسه بسوالفه
بس يمكن ما تبي المشاكل هو ومرته ينيازون بكيفهم
حتى لو كاسره خاطرج ما كان لازم تتدخلين بينهم الله يهداج
هو طنشييييييييييييه تماما لا تعتذرين منه ولا حتى تسلمين عليه
وهي جسي النبض عندها
روحي سلمي عليها ولو كانت متضايقة وماخذه بخاطرها اعتذري منها عاللي صار
ولو رحبت فيج واستانست خلج معاها بس لا تذكرين طاري الموضوع ولا زوجها
ولو شفتيها متضايقة منج وما تبي
خلاص خلي علاقتج سطحية فيها بس سلام وخلاص

 

[!الجادل الصعب!]

آهاا يعني آنتي سعوديه وهذي عآيله كويتيه الي اندمجتي معآهم ؟!
آنا اقول خلي العلآقآت رسميه .. هذا الانسآن وقح ومتعب وافتكي منه ..!
موفقه ..!

 

[Dr.Nouf]

ريلها قليل ادب ..

خلصي المعهد

وسجلي جامعة بعيدة وزينة



ابعد عن الشر ..

 

[al-musk]

اكيد نقلي من العمارة وريحي راسج وهالخيط قطعيه واانتي رايحه تكتشفين حياة جديدة وتبنين نفسج وحياتج ومستقبلج بعيد عن المشاكل والغثا والغربة استغليها افضل استغلال واستفيدي منها ولا تضيعينها على اشيا تافهه وماتسوا

 

[اسيل الصمت]

رد : صديقتي وزوجها وانا -----( معاناه في الغربه )

الله يعينج بس نقلي من العماره وافتكي

 

[FeShinGoOo]

حبوبه اهي اكيد عارفه ريلها اكثر منج ..!!
وكافي انها خلته اهو يدربج وعادي عندها الوضع ..!!!
انا صديقات عمري ماخليه يترززون جدام زوجي ولا يعرف اشكالهم ..!!!!
اشلون وانتي غريبه ومطيحه وياها وويا زوجها واهي عادي اكيد اهي متعوده عليه وعلى سوالفه من جذي كانت مرخيه معاج وماهمها شيصير بينكم ..
وانتي يمكن احرجتيها لان المره ماتحب مشاكلها وخصوصا عيوب زوجها تطلع حق الناس الغرب واكيد مافي مره اتحب الناس يدرون ان زوجها يشوف غيرها وانها مو تارسه عينه ..!!

 

[kunkush]

انا اقول انتي الىل يايبه المشكله حق نفسج مادري كلامج مو مريحني في شي من صوبح غلط ولا جان ماعطا حق نفسه الضوء الاخضر انه يهينج شوفي تصرفاتج او طريقتج اللى خلته ينتبه لج احس انه في حركات يعني اهو يغار من موقفج وانتي واقفه مع اصدقاء لج على قولتج وانتي بعد محتره من الصينية اللى لازقه فيه بعدين مو ملاحظه انج وايد امتابعته؟؟؟؟؟ صدقيني فى مؤشرات خفيه منج له بس ماتبين اتقولين عشان لانلومج وانتي ارتضيتي على نفسج تركبين معاه سياره رغم انج تدرين ان كل اثنين ثالهم شيطان وثبتت علميا ودينيا فشلون اقدمتي عليه؟؟ لاتقولين انه مرته اجبرتج لاياعمري انتي قويه دامج قدرتي تروحين تدرسين بره بدون اهلج فانتي قوية وقراراتج كلها بايدج عن العيارة )) .... انا اقول افضل شي ابتعدي عنهم لاانتي وصية عليهم ولا شي عايشين وياج وبلياج فابتعدي وايد احسن والافضل انج تطلبين من احد اهلج يطلع معاج كمحرم مادري احس انج وايد ماخذه راحتج فاذا تحسين انج ضعيفه اخذي معاج محرم يكون احسن عشان لاتطبين مطب البنات اللى طاحوا بمشاكل الغربه بسبب الحريه .... ابتعدي وخليهم بحالج انتي رايحه تدرسين مو رايحه اتراقبين الاسر... وفلان شنو قال وفلان شنو سوا التهي بدراستج وايد أفضل