صديقتي متعقده وشايفه نفسها

[مــ ن ــااايـر~]

انتي مبين عليج حيل طيبه بس هالأشكال ماتنفع معاهم الطيبه
لاتسكتين لها قوليها والله انج مو كفو ودامج ماتبينها
وبتعطينها وحده فقيره جيبي الهديه ومره ثانيه لاتعطينها هدايا موووو كفوووو​

 

[ام حمد 85]

حمدالله و الشكر من الحره اللي اب قلبها لانها انسانه حقوده شالاشكال انصحج سويلها دليت من حياتج هذي مو كفو اتعدينها صديقه

 

[أحلى البشر]

عندنا وعندج خير
ذكرتيني بوحده معاي بالدوام كل ماشافتني لابسه شي قالت شفت خدامه والا فلبينيه لابسه نفسج معن لبسي كله من الافنيوز و360 وهالمحلات اخر شي شريت جنطه ماركه من الصالحيه قالت لي شفت نفسها تقليد بالمباركيه!! ياربيييييي شتبيييين ومره بالغلط رحت وياها محل اويشو قاعده اطالع بجامات وعجبتني وحده يوم باخذها جان تقول خدامتي تحب البجامات اللي جمهم طويل مادري اخذ لها ! مادري شسالفتها بس بالنهايه اكتشفت انها تغار هالاشكال مرض نفسي الله يشفيهم

 

[آلـغـنـدَ ،]

حبي أنتي قلتي صديقتج
يعني بكيفج اذا بتكملين معآهآ ولا لآ

انتي مآ عجبج تصرفهآ .. عطيهآ أكبر طآف
نآس مثل جذي ما تستحي
خلي بينكم بس سلآم

صج الي استحو ماتو

 

[Hand]

امبيه في ناس شذي

لو انا منج اخلي علاقتي فيها رسميه وايد

يعني اذا شفتها اسلم عليها غير شذي لاء

حطي حد بينتش وبينها

 

[^_^ الراقيه]

ما عندها اخلاق كللللللش

 

[منورة الكويتية]

الله يهديها كلش ماعندها ذوق
انزين هذي رفيجتج من قبل هذا اسلوبها دايما!!!!
مدام شفتيها مو كفو مفروض ما اهديتيها

 

[رجفة وهم]

قطييييييعه وش تحس فيه

تحمد ربها أنوه فكرتي فيها وعطيتيها هدية لو أنا منك كان أقولها أحمدي ربك أني فكرت أجيك وأعطيك هدية وأضحك

بعدها هههههه يعني يقالي أمزح هع

 

[ما اريد غيرك]

اخييي الله يعينج
مادري شاللي حادج ترافجينها ..
خلاص قطعي علاقتج فيها هاي مو ويه ناس تقدرها وتحشمها

 

[sherazia-x]

هذي ما تستحق الهديه ولا انج ترافجينهاا

 

[شاه ربان]

طنش
تعش
تنتعش

 

[ليـن الـِورد]

اييييي ششششي 
في ناس جذي!!
هاااذي جججد ما تسستحي @@
قدامج وجذي تتكلم!!
صصررراحه انا لوو مكانج اررد عليها
مسستححيل اصصبرر انفجر
خلاص مو مجبووورره تهدينها

 

[الداعية بأخلاقي]

ماشاء الله عليك رايتك بيضا

ليت عندي صديقه مثلك تقدر

 

[ماكو اسم #3]

انا اشوف انج يمكن انتي من النوع اذا قالت جذيه المره الثانيه اتييبين اغلى من الأول . فاذا هي مسويتها من قبل ويبتي اغلى من الأول خلاص هذي طريقتها معاج

 

[SHoSHoWa.PiNKYa]

اهم شي ..! :/
هذي تلقينها من النوع الي تكون اقل منج و تبين انها واو و مو مستواي  مروا علي جذي وللحين اعاني من هالسالفه بس خلاص صارت فيني مناعه و عرفتلها ...
هذي والله تلقينها اول ما طلعتي قعدت تطالع بالساعه و تقايس الملابس على ولدها 
لا تحطين ببالج ....

 

[قمر كويتي]

ماتعرف السنع هذي واعتقد انها محتره منج الله يعينها على روحها

 

[عـواشـه]

الحمدلله والششكر معقوله لي الحين في نااس جذي .!!!؟ هذا بدال ماتشكرج تقعد تقول جذي ..!!؟
صصراحه شايفه عمرها الله يهديها