صديقتي انقلبت علي وصارت تسبني لاني رفضت اخذ اخوها

[nour el denya]

قولي الحمدلله أن الله فكج منها عرفتيها على حقيقتها و عرفتي تربيتها
و إن شاءلله الله يرزقج بالي أحسن منه يارب
و أقري الأذكار و المعوذات و لاترفضين كل واحد يتقدملج
الله يرزقج بالزوج الصالح

 

[المرتاحة]

خيره

عرفتيها على حقيقتها قبل ما تصير حماتج

عسى الله يرزقج بالزوج الصالح اللي تتمنينه يااارب

 

[ḟẩἡṫảṤῩ ῶỗṝḽḑ]

ماعليج منها
غيري رقمج وافتكي منها
وعليج بقراءة سورة البقرة والاستغفار لانها تغير حال انسان
وتعرفي ع ربيعات من الاهل ولا مكان الدراسهة ......

 

[Nanoosa]

شدعوه شدعوه
هذا قسمة و نصيب شكو تسوي جذي!

و انتي شحقة توقفين نصيبج علشان غثتج و كرهتج بالزواج؟

ما عليج منها خليها تولي

 

[ألايانفس......]

حبيبتي الزواج قسمة ونصيب !

وآهم ماعليج راحتج النفسية ,, ومآكو شي غصب

وآخته الله يكملها بعقلهآ , حقريها الحقران يقطع المصران !*

 

[((shoOoshoOo))]

حدها اي شي

قوليلها نصيب ياماما

 

[لآلئ وردية]

السـلام عليكـم

حبوبـه

هاذي حسنـات تييج ببـلاش

لا تردين عليهها أكبـر طاف

غيري رقمج

أو اول ما تجيـج مسـج منهَـا امسحيهها بدون لا تقريـن

و مو صح تعممين و تاخذيـن نظره عكسيـه عن الـزواج

لا تـوقفيـن نصيبـج حبيبتـي

و الله يوفقـج لكـل خيـر

و يرزقج باللي احسن مننه

و نصيـب أفضـل

^_^

 

[معزوفة عشق&]

حبيبتي ولا يهمك تروح وحده يجي بدالها عششر ..وهذا هي ظهر معدنها

وبعدين دامك انتي مقتنعه ومرتاحه بالللي سويتيه ماعليك من كلام الناس ..
وثقي تماما ان ربي كاتب لك الخير بس يبيلك صبر واستعانه بالله وحده
وياجبل مايهزك ريح ي ححلوهــ

 

[جروح الشوق]

ماعليك منها وطنشي لاتعطينها اكبر من حجمها الله ماردك عن اخوها الا لأنه بيعوضك باللي احسن منه بأذن الله

 

[نرجسيهـ]

الحمدالله ان ربي كشفها قبل لاتتزوجيين اخوها و تتدخل بحياتك
اهم شي ارتحتي وافتكيتي منها ومن اخوها و انتي اللي كسبتي
سوي لها دليت
والله يوفقج ​

 

[سفييره الكويت]

يمكن فعلا اخوها حز بخاطره بس ماقلتي شنو السبب الرفض عموما فتره وتنسى اهي محتره يمكن على اخوها شافت رده فعله

ترا مو سهله واحد يبي وحده وتقوله بعدين مابيك يحز بخاطره وتهز رجولته..

عموما يمكن انتي تشوفين شي احنا مانشوفه ولا اخته هذي حياتج..

بس كان هناك ربما حل افضل مثلا لا تخلين الريال يتأمل فيج وفجأه

تكسرين فيه المفروض تقولين لاخته انها فتره الخطوبه تعارف مو شرط فيه توالم بيني وبينه ..

 

[بدوره اهلها]

الله يرزق بواحد افضل منه ان شاء الله ولا تندمي علي شى هو كتابه الله لك ولا تلومين صديقتك هو وقت غضب وزعل علي اخوها وبيروح مع الايام لان يمكن الرجال حبك وانتي صدمتيه وما تحمل واكيد نفسيته تعبانه زيك الله يوفقك الجميع لما يحبه ويرضاه *

 

[حلم ميت]

بعد عمري يابنات ماقصرتوا الله يسعدكم
لمحت لها قبل ماافسخ الخطوبة ان يمكن مايكون فيه نصيب وقلت لها بنضل صديقات قالت لي اكيد بنكون صديقات وانا ارتحت لج وكسبت معرفتج وفجأة بعد الرفض تغيرت كليا ونست كل الكلام الي قالته لي والله للحين مصدومة منها الله يهديها:eh_s(2):

ادري انها متحمسة حتى سوت لي زفة بأسمي بس شسوي والله ماارتحت وماقدرت ارتاح وكلما صليت صلاة استخارة حسيت بنفور قوي تجاههم لو اخذته والله بظلمه وبظلم نفسي وبظلم اهلي
الله يعوضني بشخص ارتاح له

 

[cat-girlq8]

الحمدالله انه الله فكج ومالج شغل فيها اهم شي راحة بالج
وخلي كل شي وراج

 

[جمآنه]

خلهآ تولي زين..دآم رفيجتج..سحبي عليهآآ..الله يفرج لي ولج

عيل شقولج آنآ قريبتي عقرررب رممممل

حسبي الله عليهآ عسى حوبتي مآتعدآآهآآ