صدمني حييييييييل من موقف تافه يصير جذي؟؟؟؟؟؟؟؟؟

[قمـر بين البشـر]

صبااااااااااااحو عسولااااات شلووووونكم

تصدقون ماتخيلت اني راح اكتب مشكلتي كنت افكر اكتب موضوع عااام
لكن الصدمه اهي اللي خلتني اكتب
بناااااااااااااات انا متزوجه صارلي 3سنين وعندي بنتين الله يخليهم لي زوجي عيبه الوحيد الاعصاب اما باجي الصفات ايجابية وحنون ورومانسي ويقدر ويسفر ويودي وييب
المهم اللي صار ان
يبيلي اخذله قرض عشان يسدد قصد عنده وبيدفع دفعه اولى حق السياره (سيارته القديمه لاعت جبدي وجبده من كثر مايصلحها وتخترب) عشان جذي قرر يشتري سياره يديد
​

المهم انا لوشنو ماراح ارضى مو خساره فيه ولا جعاصه بس احس كلمة قرض كبيره المهم مني مناك رفضت جان ينفس ويعصب ويطنقر وانا اساحل وريج حلو بس يوم شفت ماكو فايده قلت بالطقااااق عاملته بالمثل قمت انفس المهم رحت اتغدى في بيت ابوي يوم اليمعه ولم صار العصر رحت وديت بناتي وعيال اخوي الجمعيه جيكووو الجمعيه ها مو مسافره انا جان اشوف خالتي (امه) وتبوس البنات وتطلع عاد قالتله على حسن نيه ياحلوهم شفتهم بالجمعيه ويدق يابنات علي وانتي شلون تطلعين من غير شوري وتعرفين طبعي (طبعا لولا سالفة القرض جان طوف او جان انا دقيت استئذنت) ويصكره وادزله مسج بليل متى تمرنا جان يدزلي قعدي في بيت ابوج ليم تعدلين تصرفاتج ذيج الساعه امرج!!!!!!!!!!!!!!!!!!!!!!!!!!!!!
طبعا حددددي انصدمت امبيييييييييه مو متخيله ريلي الي احبه واموت عليه واهو طاير فيني يقولي هالكلمه امبيه بط جبدي احس كرهته
بنااااااااااات قولووووولي انا غلطت بشي؟؟؟؟؟؟؟؟؟؟؟؟؟؟؟؟؟؟؟؟؟؟؟
​

 

[الـوايـلـيـة]

خليه حبيبتي على راحته ...

مدام معصب وجذي باجر تهدي اعصابه وبيتحسف وبيرجع,,,

بس اذا طالت السالفه قولي لامه كيت وكيت السالفه وانا مو بخلا فيه بس صعبه وما اقدر ومن هالحجي الطيب...

الله يهديه ويسخره لج ... اللهم آمين..

 

[catwiti]

مادري بس ان شاء الله البنات يفيدونج بس بصراحه انا لو مكانج اسوي مثلج القررض يخووف وياماا يااما ناس ابتلشو فيه
بس انتي قعدي وفكري بشي بدال القرض حاولي تهدينه وتقنعينه حاولي تفكرين انتي وامج بشي ينسدد اقصاده بدال القرض
الله يعيينج

 

[cat^q8]

الفلوس دايما مسأله حساسه بين الزوجين

واهوه الظاهر منحرج لان طلب منج فلوس وانتي رفضتي

بس شوفي زين سويتي دربالج تاخذين قرض

انتي دزيله مسج وقوليله انا مستعده ادش جمعيه علشانك واول شهر انتي تستلمينه علشان تساعدينه اذا اهوه مو قادر

يدش الجمعيه

وجذي تكونين ارضيتي ضميرج وبنفس الوقت راضيتيه

الله يكون بعونج

 

[موجةاحزان]

رد : صدمني حييييييييل من موقف تافه يصير جذي؟؟؟؟؟؟؟؟؟

الله يعينك حبيبتي بس هم لاتخلينه زعلان عليك دزيله رسايل اعتذار راضيه ساحليه مني مناك لين يرضى
بعدها تفاهمو على طريقه تقدرون تسددون الديون من غير قرض
والله يعينك

 

[مغتربة 2006]

احسن حل دخلي جمعيه مثل ما قالوا
الدين عماة عين

 

[cat^q8]

اي ونسيت لا اقوللج

شيلي قشج و ردي بيتج حتى لو اهوه مو راضي

ترى هالحركة تطخخ الريال 180 درجة

واذا قال ليش يايه

قوليله انا مو الفلوس اللي تغيرني و تطلعني من بيتي

اذا انت مغيرتك الفلوس وماتبيني روح نام بالصاله انا ماطلع من بيتي

واذا قاللج ان سبب الزعله انج رحتي الجمعية بدون علمه قوليله لا مو هذي السالفه انا ادري وانته تدري واحنا كبار مو يهال

ومو امس متزوجين يعني خبز ايدي




وبس

 

[احلام روحي]

عادي ردي بيتج طبيعي لانه معصب فلا تخلينها بقلبه

وقولي مثل ماقالو البنات انج تبين تدشين جمعيه وساحليه

 

[أ.س.م.ا.ء]

الله يصلح ما بينكم ان شاء الله
حبيبتي صج الموقف الي زعل وعصب منه ما يسوى بس انتي تدرين ان الي مزعله شي ثاني
ردي بيتج وكلمي ريلج وقوليله انج مستعدة اذا خذا سيارة تدفعين نص القسط او كله حسب ظروفكم
ولا تقولين كرامتي ... حبيبتي كرامتج من كرامة ريلج وانت بنفسج قلتي ان خوش ريال الله يخليه لج
لا تخربين بيتج بايدج وتخلين الشيطان يدخل بينكم وباجر تتحسفين
فهميه ان السالفة موسالفة فلوس ولا بخل بدليل انج مستعدة تساعدينه بالاقساط
وخليج وراه لين يطيح الحطب
صغري السالفة لاتكبرينها ... ولا تنسين الدعاااااااااااااااااء
الله يهديه ويسخره لج ان شاء الله

 

[الشهد كله]

اي ونسيت لا اقوللج

شيلي قشج و ردي بيتج حتى لو اهوه مو راضي

ترى هالحركة تطخخ الريال 180 درجة

واذا قال ليش يايه

قوليله انا مو الفلوس اللي تغيرني و تطلعني من بيتي

اذا انت مغيرتك الفلوس وماتبيني روح نام بالصاله انا ماطلع من بيتي

واذا قاللج ان سبب الزعله انج رحتي الجمعية بدون علمه قوليله لا مو هذي السالفه انا ادري وانته تدري واحنا كبار مو يهال

ومو امس متزوجين يعني خبز ايدي




وبس

:icon30::icon30::icon30::icon30::icon30:

 

[dectora 7elwa]

نطري يومين بعدين كلميه بس ركزي على طلعه الجمعيه بس لا تحسسينه انج فاهمه اهو ليش متوتر
وزيدي جيله الاعتذار والدلال حبتين

 

[Sweetq8]

كات q8 يسلللللم منطووقج

معاها ٪٪٪٪٪٪

 

[أم حمادين]

مثل ماقالوا البنات الجمعيه احسن حل القرض لا لا لا ديري بالج
رضى على الجمعيه كان بها واذا مارضى كيفه مايشوف شر

 

[شـو shoo]

رد : صدمني حييييييييل من موقف تافه يصير جذي؟؟؟؟؟؟؟؟؟

ديري باااالج تاخذين قرض والله تحسفين قد شعر راااسج

وردي بيييييتج حتى لو موو رااضي

 

[wafa82]

رد : صدمني حييييييييل من موقف تافه يصير جذي؟؟؟؟؟؟؟؟؟

ديربالج هو بيلوي ذرااااعج خليه يهدا وتالي كلميه

 

[fe7awya]

مساء الخير ...
اللله يهديه
يااارب
صج القرض اعور القلب و يتعب
بس انا اقولج مثل ما قالولج البنات
تعوذي من ابليس و ردي البيت و فكرة الجمعية وااااااايد حلوه


الله يحقق مناج يارب

 

[احلى ـآ وحده]

مرده لج لا تحاتين واذا على قرض للسياره خليه يسجلها باسمج .. ^^

 

[شقرديـه عالطل]

حبيبتي
اللي سواه طبيعي لان سالفه القرض طازجه وتوها مابردت ومتضايق منها بس يهوون ويطخ يتحسف ويرد عادي
وانتي بعد سوي نفس ماقالولج البنات وردي بيتج

 

[om reem 86]

الله يهديه انشالله

 

[DốǾốDї]

اي ونسيت لا اقوللج

شيلي قشج و ردي بيتج حتى لو اهوه مو راضي

ترى هالحركة تطخخ الريال 180 درجة

واذا قال ليش يايه

قوليله انا مو الفلوس اللي تغيرني و تطلعني من بيتي

اذا انت مغيرتك الفلوس وماتبيني روح نام بالصاله انا ماطلع من بيتي

واذا قاللج ان سبب الزعله انج رحتي الجمعية بدون علمه قوليله لا مو هذي السالفه انا ادري وانته تدري واحنا كبار مو يهال

ومو امس متزوجين يعني خبز ايدي




وبس

معاها :rerrerek: