صدمتي من مشغل فلانة ....

[مملكة الحزن]

والله قهر 0000000000 بروح واخذ وحده لصلاة العيد00000000 مشكورة

 

[غربــــة اِحساس]

بعض المشاغل استغلتنا حيل مو شوية

وطلقناها للابد

الله يخلي البلوكات والعربيد والكتالوجات : )

 

[بشورة الأمورة]

وااااااي صج قهر يا ويلهم من الله شالربح اللي مافيه بركة

 

[فراوله101]

للأسف الجشع عمى عيون بعض الناس وما قامو يفكرون الا بالربح السريع
الحين اللي تسوي جذي قاعدة تقص على منو!!
اهما ناسين ان الكويت صغيرة وكل مكان نقدر نوصله باقل من ساعة وانها راح تنكشف اول وتالي لأن الله ما يرضى بالغش.
تبي تبيع خل تبيع بالسعر اللي تبيه بس لا تقص على الناس وتألف قصص انها فكرت وصممت ويابت من بره...الخ
المصيبة انهم بجذي مو بس يضرون انفسهم لا هم يضرون معاهم ناس ثانية قاعدة تشتغل وتصمم وتبيع بضمير.
بصراحة انا وحده من هالناس كنت افكر اجرب شغل المشاغل بس الحين لالالالالالالالالالالالالالالالالالالالالايحوشك.

 

[غصون]

مشكورة على التنبية

 

[DKNY]

والله مو زييييين عليهم هالمصممااااات نهب ونصب وياخذون زوووووود على اللي تستحقه القطعه

اعووووووذ بالله خافو ربكم ترى هالزياااادات يعتبر مال حرام مايسسسسوى عليهم ياكلون حرام

 

[فجــر]

قهررررررر الله يعييينج صج ...

 

[خبيرة اعشاب]

هلا

و الله يا بنات انا بالنسبة للخام و التفصال ما عندي وقت اروح افتر على الخام و الكلف .... الخ و ما اعرف لي خياط سنع يضبط الموديلات

مرة شريت لي خام حرير بالشئ الفلاني و يوم وديته للخياط لعب لي فيه لعب مع ان القصة كانت سهلة ... فعشان جذي ابي شي جاهز ..

اما بالنسبة للافكار و الله ان عندي افكار موديلات عجيييبة غريييييييييييييييبة بس ما اعرف ارسم ... و ما عندي وقت اطبق

بالنسبة للعربيد مع احترامي للبنات الي عاجبهم ترى شغله كله خبة ,, بالله بنغالي شيطلع منه ؟؟

افصل بالعربيد اي بس دراريع قطنية حق بر , حق بيت ... اما دراريع كشخة مستحيل ما افكر اصلا ؟؟

عموما انا بالنسبة للمشغل صج احتريت على الفلوس بس المرة ما طقتني على يدي و عليها بالعافية ... بس الي ما عجبني اني مفكرة نفسي مسوية شي مميز و آخر شي القا موديلاتي مكودة ..

انا حتى مصممات ادور لي وحدة توها جديدة عشان اتكون مو معروفة و استايلها مو منتشر ...

و سلامتكم :krkrkr:

 

[دكتــ فكتوريا ــورة]

والله كلامج صج شوفي انا طبعا يسموني اهلي الجهراوية كل ربعي صارو من الجهرا بسس هالموقف شريت عبي من وحدة جايبتهم من قطر والايمارات على قولتها ومرة معاي بنات بالمعهد عبيهم حلو ولا من الجهرا وطيح اهناك بالجهرا اهي عبي وحتى الدراريع والله وحدة بمعرض بغيت اخذ منها دراعة تبيها 60 ولا لما رحت الجهرا 20 ونفسها واللون الي تبينة

 

[Lemon Juice]

هالاوادم نصب عيني عينك

الواحد ما قام يعرف الصج من الجذب

مشكوره اختي

 

[سارونهh_a_z]

امبية صج شي يقهر وحسافة ما ادل الجهرا جان رحت

 

[امــــاني]

بصراحه قهر انا بعد صارلي نفس الموضوع بس انا سويت البدله عند مشغل ب65دك ولما رحت حق سوق دبي لقيت الخام ب 750فلس والله من عقبها معاد اروح حق مشاغل بس إذا رحت اتفرج حفظ المديل واروح اسويه عند الخياط ياليت ياليت الوحده تروح حق العربيد وتشوف المديلة بس تغير شي بسيط وتضيف عليهشغلت بسيطه وتصير دراعه حلووووووووووووو

 

[سرقت النوم]

الله يعوض عليج تعبنا و إحنا ننبه البنات يا بنات ترا صايره الديره نهيبه ...

الله يرضالي عليكم لا تقررون من أول مره ...

و الحريم اللي ينصبون ترا كله زقوووم ببطونكم....

 

[Love \ Hate]

الله يعينج لو انا مااسكت اقول حق صاحبة المشغل !!! شنو بوق اشكره قطيعه

 

[منى الكندري]

السلام عليكم

خواتي اسمحوا لي اول شي ما رح اذكر اسم المشغل لاي كان لان الهدف من هذا الموضوع ليس قطع الارزاق انما توعية البنات ..

اول شي رحت حالي حال الناس لمشغل مدحوه الحريم بموديلاته المتميزة ... و فعلا لقيت عندهم دراريع حلوة و نعومة و خامات ذربة ... و باسعار مناسبة ما تتعدى ال 40 دينار الدراعة الوحدة ..

فصلت لي كذا موديل عندهم على اساس رمضان تكثر فيه الجمعات و الزوارات ... الخ

الاربعاء الي طاف وديت عيالي للروضة و بما ان الوقت كان مبجر قلت ابروح افتر بالسوق شوي و استكشف اسواق الجهراء بما اني توني نازلة بيتي بجنوب الجهراء و ما ادل بالمنطقة ...

فرحت سوق الوافي ,, و افتر ... افتر ...

و الا الاقي محل حق دراريع جاهزة , قلت بدش اشوف الموديلات الي عندهم ( اتعرفون لقافة حريم ) ...

الصدمة :

كل دراريعهم الي عارضينها مو نفس دراريعي ؟؟؟


الا كوبي ..قاعدة مقعدة ... و الدراعة الحرير المطرزة الي ب 50 و عيت المرة لا اتخليها ب 45 و حسبتها لي آخر شي ب 47 دينار ... القاها عندهم ب 20 جاااهزة

و اطلع لي الهندية دراعتين ماما هذا سيم سيم قياس انتي

لاااعت جبدي ... و انغثيييييييت على الصبح ... دافعة لي فوق ال 200 دينار على شي ما يسوى

لا و ازيدكم من الشعر بيت

ادلون مجمع الحمرا مول بالفروانية

السرداب تحت المحل الي بالزاوية الي عنده دراريع و بدل ... يبيعهم على 50 و 70

عجبتني عندهه دراعة على موديل فرعوني و سعرها كان ب 60 او 65 دينار بس ما شريتها ... و القاها بالسوق المركزي الي بمجمع الوافي يمكن على 24 دينار تقريبا نفس القصة نفس الموديل نفس الخااامة

صراحة ما ادري الحين لو بفصل لي دراعة للعيد بمبلغ و قدره يمكن باجر احصلها بسوق الجمعة بعد


الزبدة يا بنات قبل لا تفصلون و توهقون افتروا بالعربيد , بالاوقاف , شوفوا المعروض ... فكروا و بعدين فصلواااا

:gr4uu::gr4uu:

صج قهر:krkrkr::krkrkr:

 

[* شروق*]

المثل يقول كل طراق بتعلومه
الله يعوضج ويعوضنا من اللي شفناه من نصب الحريم صج مايخافون ربهم ولاعندهم ذمة وضمير
المهم احنا نتعلم ومانكرر الخطا لان اغلب المعارض الحين نصب بنصب

 

[ديرتي الغاليه]

وحده شفتها تعرض خواتها بموديلات فساتين سهره ................ولمن شفتهم واحد منهم موديل الفنانه اصاله بالضبط ونسخه حتى اللون ب75 ولاتزل ولا فلس انصدممممممممممممممممت <<<<< باختصار كل موديلاتهم من كتالوجات ومصممين معروفن عالميا ويقلدووووووووووونهم ...........

 

[ديرتي الغاليه]

بس ياليت اللي تشوف الموديلات بمكان ثاني تقول لنا بدال ما نشتري منهم بدبلااااااااااااااااااااات الله يهديهم ...............واكثر شيء يضحكنى طريقة اقناعهم وضغط عليج والقرقه الزايده هههههههههههههههههههههه تحسين نصب عيني عينك

 

[nice-girl]

صججج قهر

 

[؟!هاي شننننوووو!؟]

بس ياليت اللي تشوف الموديلات بمكان ثاني تقول لنا بدال ما نشتري منهم بدبلااااااااااااااااااااات الله يهديهم ...............واكثر شيء يضحكنى طريقة اقناعهم وضغط عليج والقرقه الزايده هههههههههههههههههههههه تحسين نصب عيني عينك

هههههه وبعد اللي يضحكني أكثر هلاقتهم ومكياجهم الاوووووفر والزررررري والبواريك اللي مالها والي ههههههه