صدمتي من مشغل فلانة ....

[خبيرة اعشاب]

السلام عليكم

خواتي اسمحوا لي اول شي ما رح اذكر اسم المشغل لاي كان لان الهدف من هذا الموضوع ليس قطع الارزاق انما توعية البنات ..

اول شي رحت حالي حال الناس لمشغل مدحوه الحريم بموديلاته المتميزة ... و فعلا لقيت عندهم دراريع حلوة و نعومة و خامات ذربة ... و باسعار مناسبة ما تتعدى ال 40 دينار الدراعة الوحدة ..

فصلت لي كذا موديل عندهم على اساس رمضان تكثر فيه الجمعات و الزوارات ... الخ

الاربعاء الي طاف وديت عيالي للروضة و بما ان الوقت كان مبجر قلت ابروح افتر بالسوق شوي و استكشف اسواق الجهراء بما اني توني نازلة بيتي بجنوب الجهراء و ما ادل بالمنطقة ...

فرحت سوق الوافي ,, و افتر ... افتر ...

و الا الاقي محل حق دراريع جاهزة , قلت بدش اشوف الموديلات الي عندهم ( اتعرفون لقافة حريم ) ...

الصدمة :

كل دراريعهم الي عارضينها مو نفس دراريعي ؟؟؟


الا كوبي ..قاعدة مقعدة ... و الدراعة الحرير المطرزة الي ب 50 و عيت المرة لا اتخليها ب 45 و حسبتها لي آخر شي ب 47 دينار ... القاها عندهم ب 20 جاااهزة

و اطلع لي الهندية دراعتين ماما هذا سيم سيم قياس انتي

لاااعت جبدي ... و انغثيييييييت على الصبح ... دافعة لي فوق ال 200 دينار على شي ما يسوى

لا و ازيدكم من الشعر بيت

ادلون مجمع الحمرا مول بالفروانية

السرداب تحت المحل الي بالزاوية الي عنده دراريع و بدل ... يبيعهم على 50 و 70

عجبتني عندهه دراعة على موديل فرعوني و سعرها كان ب 60 او 65 دينار بس ما شريتها ... و القاها بالسوق المركزي الي بمجمع الوافي يمكن على 24 دينار تقريبا نفس القصة نفس الموديل نفس الخااامة

صراحة ما ادري الحين لو بفصل لي دراعة للعيد بمبلغ و قدره يمكن باجر احصلها بسوق الجمعة بعد


الزبدة يا بنات قبل لا تفصلون و توهقون افتروا بالعربيد , بالاوقاف , شوفوا المعروض ... فكروا و بعدين فصلواااا

:gr4uu::gr4uu:

 

[ريمـا]

يووووووه والله يحق لك تزعلييييييين ..!
وشيء يقهر فعلا

بس انا مستغربه منكم ليش تفصلوووون مادام الأسواااق فيها اشيااااء خيااااال ...
وخاصه العربيد ..

 

[أم الكتاكيت]

اي والله وانتي صاجة
انا شريت حق بنتي جنطة من وحده تبيع كانت بمعرض باعتها لي 50 و الجنطة صغيروونه بس دشت خاطري والله ان قبل ما ابنيتي تلبسها رحت الفروانية مع بنت خالتي تبي تفصل عبي دخلنا مجمعع مبارك الصبفي قلتلها خل نصعد فوق والا ذاك المحل اللي عارض نفس جنطة ابنيتي وبجم ؟؟؟
الصدمة
ابــ 8 دنانير بس لا جلبت الفلبينيه فيني قالتلي اعطيج اياه ابـــ 5 دنانير
مو قهر

 

[شقرديه]

ميرسي واااايد ياقلبي على التنبيه

 

[أعرف قدر نفسي]

صج حرررررررررررررررررررررررررررررررة

الله يعوضك خير ومشكورة ع النصيحه

 

[أساور]

مشكورة على التنبيه
بس شنو استفدنا .. مو يمكن نروح نفصل عندها واحنا ماندري انها المقصودة!!

 

[غزل بنات]

صجججججججججج قهر

 

[maysaa]

الله يعوضج خير..بس ابصراحه موديل الدراعه اشيبيله..كل وحده المفروض اتقص خامتها واتفصل...انتوا اسمحولي وايد كساله اقط على دراعه عاديه 75 و50 ليش؟؟ الخامات الهنديه ولالقطان عجيبه بالبلوكات..قصه حلوه وجم كلفه راقيه وخلصنا..

 

[lo0lo0]

الله يعييييييينج صج صج قهررررر
وبعدين كلامج كللله صح بالجهراا بسوق الوافي او هالمجمعات اللي افتحوها يديده المنار مول والعالميه واوتاد والله بتلقين كل شي موجود بالديره وداخل الكويت والعربيد والسالميه والبلوكات واسعارها خياليه يعني تلقينها بنص السعر او اقل شوي من السعر الاصلي ونفس الشي

عالعمووم الله يعوضج بدال اللي راح منج ونصييحه لا تتسرعون بشي

 

[فديت عيوني]

مشكورة ع التنبية حياتي

 

[الغاليه نونو]

صدق من قال رزق القطاوه عالخاملات ههههههههههههههههههههههههههههههه

انا وحده مثلج انغشيت بكذا شغله مدحوها بالمنتدي ورفعووها السمااااااااا وصيحه ولجه وصوتهم واصل السكه ههههههههههههه ويم خذيتها منهم قلت عليهم بالعافيه رزقهم وياهم وآنأ لوماني خبله جان ماصدقتهم ههههههههه بعضهم موكلهم طبعا


بخصوص الدراريع ليش ماتفترين عالمحلات وتشوفيلج مووديل داش بخاطرج وتصورينه بموبايلج عدل مدل بتقولين اشلون اصوره" اخذى القطعه اللي بخاطرج دشي غرفة القياس وصوريها وبعدين قولي مووومقاسي

وروحي البلوووكات وسوق دبي واخذي احلي خام واحلا هندي يخيط لج الدراعه بربع القيمه وانتي الربحانه"


اعرف وحده تشتري الدراريع من سوق شعبي وتبيعهم علي خمسين وفوووووووق والحريم طقني واطقك علي دراريعها"

لا والمشكله انها مصليه مسميه وتحلف وتتلف انها مكلفتها بشي وشويات الله يهديها بس"

 

[مطـــيــريهـ فـــوشيـــآ]

حبيبتي اخذي بنصيحتي اناا اذا ابي اشتري شي غااالي افكر هل اهوو يستاهل السعر ولاا لا لانه هالشي مووو بس يصيرلج انتي انا ياااااااامه يصير فيني... وبعدهااا حرمت ... يعني والله حرااام مره اشتريت دراعه 70 ديناار تخيلي ولقيتهاا بعد اسبوووع 18!!!! ولاا اهو رفعهااا لي بسمااا وتوهاا نازله وماافي منها الا قطعتين والله قهررر... والله احس مراات اصحاب المحلاات حاطين سحر ولاا شي ... ومن ارجع البيت اقووول انا شلون اشتريت هذااا ...
انا اخذت بطريقة رفيجتي الحين كل مأبي دراعه انا اروح بنفسي ايب الخاام وافصل على ذوقي والله ترااا مايكلفج شي ... انا توني مفصله دراعه الكل سألني عنهاا وما كلفتني الى 30 دينااار تخيلي ... بس احناا نموووت على شي اسمه ربااده ... ونبي الشي الجااهز

 

[الأمورة]

مشكووووورة على التنبيه والله يعوضج خير

 

[Stylist]

الله يعوضج
المشاغل عليهم حركات تنرفز

 

[لعيـــ ترخص أرقاب ـــوني]

والله تحرر ..

 

[.]

الله يعوضج يارب..

مايصير تردينهم؟؟

 

[gi(k.s.a)rl]

الله يعوض عليك

تصدقين كنت ناويه اذا جيت للكويت عشان اجهز

اني افصل عند مشاغل الحريم بس الظاهر هونت اخاف تروح فلوسي على الفاضي

الغاليات ..بغبت اسالكم وين مكانه مجمع الاوقاف؟؟؟؟

وشغله ثانيه اذا جبت موديل من عندي عادي يسوونه لي بالعربيد او بالاوقاف؟؟؟

 

[وتلومني فيك يوم اغليك]

الله يعوضج ويعينج بنفس الوقت انا اللحين عقلي صحى سوي مثلي (( انا اللحين اروح افتر بالمعارض والمشاغل واى شئ يدش ببالي اشوف موديله عدل واحفظه واشوف الخامه والبدله على 150 دينار والله رحت لخياطنا سواها لي مثلها بظبط كوبي كوبي بــ 10 دنانير ))انتو تقدرون تسوون لنفسكم وبأرخص الاسعار انا اللحين بتزوج وحطيت ببالي 20 دراعه كشخه وخاامه وخذيت مثل الشغل اللي على البدل والدراريع والخام وبخيطم عند خياطناا والحمدالله محد يدري وقايلتله لا تطلعهم لحد خيطهم ببيتك والحمدالله والميزانيه حق العرس كافيه وزوود

 

[وتلومني فيك يوم اغليك]

بنت السعوديه ترا في مشاغل كشخه ورخيصه << ومجمع الأوقاااف بمنطقه شرق سؤالج الثاني مادري ممكن العربيد يسويه

 

[no0o0r3]

الله يعينج صج قهر نفس الحالة كنت شارية شنط من معرض 50 ولقيتها بمحل الاكسسوارات 14