صدمة عمري في بداية احتكاكي بالواقع العملي

[OM-LAYAN]

السلام عليكم
أنا مدرسة توني تعيين يديد في أحد مدارس ديرتي الحلوه ...:dddds:
طبعا ماداومت غير اسبوعين واليوم آخر يوم وعطلنه لأني مدرسة ابتدائي ... بس في هالإسبوعين شفت العجب العجاب
طبعا أول ما تعينت كل مدرسة تمدح بالمدرسة و الإدارة و المدرسات \\\\\ (طبعا هذا الظاهر )
بس مع الأيام شفت المدرسة مقسومه قسمين قسم أبلاة (البدو) وقسم أبلاة (الحضر و العيم ) ... هذا واحد
أثنين شفت كل قسم مايواطن الثاني و كان الشيء واضح أشكره مثل الشمس وطبعا إذا شافو بعض صدفه كل وحده بينشق حلجها من الإبتسامه :eh_s(6):بس من ورا بعض حش وقراض
و إلي صدمني أكث الغيرة الغير طبيعيه بينهم و الحسد الله يحمينه منهم م يبعد شرهم عني أنا وزميلتي بعد إهيا توها تعيين يديد مثلي ...
وطبعا أنا مع زميلتي ما قعدنة وايد وابسرعة عطلنه بس حاشنة من طشارهم ما قصروا معانة ...
وقبل لاأذكر المواقف نسيت أذكر قروب ثالث بالمدرسة وهم قسم الأبلاة الأجانب من مصريات وسوريات ... إلخ
و الموقف هو :
الأول يتني وحده من الأبلات المصريات إلي معاي بالقسم وشافتني قاعده بروحي جان تستفرد فيني وتقعد تحش برئيسة القسم مسكينة وتصورها لي بالمختصر على إنها وحش ظالم عنصري وجذبت علي جذب الله يسامحها ... الصراحة أنا خفت على نفسي وحبيت أتأكد فرحت على نياتي لأحد مدرساة القسم وإهيا طبعا تبع القروب الأول ( البدو ) وكنت لي الحين للأسف ماأعرف معدنها عدل ...
وقلت لها وهي لي الحين زينة معاي وتنصحني وقالتلي حرام رئيسة القسم تهبل و من هالحجي ...
وفجأه من باجر تيي رئيسة القسم وتنقز فيني وجدام الأبلات تقول أي شيء ينقال مايتصدق وحجي ثاني...
أنا انصدمت ليش تروح وتقولها والله واعلم شنو بعد زايده :eh_s(14):... بس أنا تقاضيت عن الحجي وماعطيت الموضوع أكبر من حجمه وسكت ...
وباجي الموضوع أكملة بعد شوي

 

[أبلة كويتية]

وااااي الله يعينج يالغالية

راح أقدم لج مجموعة من النصايح تفيدج بحياتج ويتعاملج معاهم

بس إن شاء الله تعالى بعد ما تكملين


لي رجعة للموضوع بإذن الله تعالى

 

[طموحي ما له حدود]

لا إله إلا الله


و هذا تو الشغل ما بدا


الله يعينج


و نصيحة لا تتكلمين على أحد مهما كانت نيتج زينة

و خلي علاقتج في الكل رسمية بحدود الين تعرفين الكل

طبعا مع الوقت راح تعرفين معادنهم


و كل ما يسألونج ( وش رايج بالمدرسة وش رايج بالادارة ...... الخ )

قولي كل شيء زين ما شاء الله

مو تقولين ان كل المدارس الابتدائي عطلوا

أبشرك ألا مدرستنا حاسدتنا

خلتنا نداوووم اليوم

مع ان مدارس متوسطة معطلين


حسبي الله عليها و نعم الوكيل

 

[Om.MeMe]

لوووووووول اي اهما كلا جذيه بلميداني انا شفت بلاوي بعد الله كريم يا معوده :eh_s(6): ​

 

[doooora]

ما أعتقد ان الموضوع أساسه ( بدو وحضر وغير كويتية ) أكيد عندكم من يثير الفتنة ويفرق بين المعلمات يعني فرق تسد ،،،الحمد لله الشيئ هذا مو موجود في مدرستي بالعكس العلاقة بينا أساسها الاحترام بغض النظر عن الفئة أو الجنسية ،،،على العموم كوني حذره في تعاملج مع الجميع واكسبي كل الفئات ترتاحين وتريحين،،،،

 

[mi corazon]

وهذا اول الخير طبعا

آنا نصحتكم بنات توخرون عن التدريس

الله يعين

انتي شوفي لو حسيتي نفسج بالتدريس كملي

لو ماحسيتي نفسج طلعي

 

[OM-LAYAN]

تكملتي للموضوع الحين ..._03BA:
الموقف الثاني صارلي أنا وزميلتي ... الصراحة كان القسم وصخ (سوووووووووووووري على هالكلمة بس مالقيت غير هالوصف )
الوسائل محذفة كل صوب ومقطوطه ماجنه مدرساة المفروض يكونون أهمه أهل السنع والترتيب والتظافة ...
ومافي مكان أو ركن خاص للفطور وحوسه حدة مو مرتب...
أنا الصراحة متعودة المكان إلي أقعد في مرتب ونظيف ومريح علشان أقدر أعطي من عمري ... الحمد لله ... الله رزقني بوحده مثلي وهي زميلتي اليديدة
أنا ما ألوم رئيسة القسم لإن المدرسات إلي عندها ما يساعدون و عرفت هالشيء من طريقة كلامها ...
لإن المدرسات إلي عندها بوقت فراغهم بدال لا يضفون أغراضهم وسنعون القسم ورتبونه كل وقت فراغهم عند قروباتهم وما إيون إلا إذا كان عندهم حصص أو اجتماع مه رئيسة القسم
استأذنا أنا و صديقتي رئيسة القسم إن ترتب القس ونسنع الوسايل ونفرزهم ونضم المكاتب ونسوي مكان للريوق ... ولا تتصورون ردة فعل رئيسة القسم ...
((( طاير من الفرحة طاااااااااااااااااااير ))) ... وتقول الحمدلله إن ربي رزقني مدرساة مثلكم :dddds:
لي هني كل شيء حلوووووووووو ... بس الصدمة مو هني ...
الصدمه لمه بلشنه الشغل أنا وزميلتي نرتب وانسنع رحت لأحد الأقسام كانت قاعده في المدرسة السنيورة إلي أنا مع ويهي عبالي سنعه ورحت أسألها عن المدرسة الأولى بس ياحظي مااطلعت قدها ......ماعلينا عالعموم أكمل
فقلت لها ياأبله إحنه قاعدين نرتب القسم شوفي شنو الوسائل إلي تبعج علشان تاخذينها ...(لإنها تبي تنتقل )
يت معاي وكنت على نيتي أقولها القسم في وسائل وايد حلوه بس حسافه مو مخزنين عدل اخربوا

إهيا ادخلت القسم انصدمت من حالت الإستنفار إلي كانت في واقعدت تشيل وسايله واهيا منفسة وحالتها حاله وعلية :eh_s(14):

وزميلتي الله يهداها وهي تسنع قاعدة وتتحلطم على لغبار والوصاخه والوسايل المشققة إلي مالها داعي ...
وكانت ردة الفعل الغير متوقعة من المدرسة ... وهي تقول:

"إنتوا من متى متوضفين والله داشين بقوه شككتوا الواحد بعمره شنوا هذا :eh_s(14):... إحنا أول ما توضفنا نستحي وما نتكلم وما تجرأنه إلا بعد أربع سنين وانتوا ماتدرون شتسون تبون تغيرون كلشيء والواحد يشتغل وهو ساكت موجذي :eh_s(14):...والحمدلله إني منتقله"
وكانت امعصبة حدها :eh_s(14):

بس إلي استنتجنا أن الغيرة والحسد ماكل قلب الكل لإن شلون أخذنا قلب رئيسة القسم واشلون عطتنا الضوء الأخضر بالقسم ... وإلي أحلى من هذا عقب ماخلصنا الشغل وصار القسم يفتح النفس ... طرشت وحده من القروب تسوي جيك عالوضع وتسوي روحها تسلم يعني واحنا ما شفنا ويها تيي القسم ولا مره بس هالمره حلى بعينها تشوف الوضع وتنقل الصورة العامة للجماعه ههههههههههه ههههههههه هههههههههه:dddds:
والمهم استانست منه رئيسة القسم واتشكرتنا وايد الأهم من جذي إحنا ارتحنا نفسيا من المكان صار شزينه يفتح النفس

و أخيرا اشتنصحوني في علشان أقدر أتعايش مع هالجو التعيس إلي متروس حزازاة وغيرة وحسد

 

[OM-LAYAN]

وااااي الله يعينج يالغالية

راح أقدم لج مجموعة من النصايح تفيدج بحياتج ويتعاملج معاهم

بس إن شاء الله تعالى بعد ما تكملين


لي رجعة للموضوع بإذن الله تعالى

حبيبتي على إيدج ناطره نصايحج

 

[OM-LAYAN]

لا إله إلا الله


و هذا تو الشغل ما بدا


الله يعينج


و نصيحة لا تتكلمين على أحد مهما كانت نيتج زينة

و خلي علاقتج في الكل رسمية بحدود الين تعرفين الكل

طبعا مع الوقت راح تعرفين معادنهم


و كل ما يسألونج ( وش رايج بالمدرسة وش رايج بالادارة ...... الخ )

قولي كل شيء زين ما شاء الله

مو تقولين ان كل المدارس الابتدائي عطلوا

أبشرك ألا مدرستنا حاسدتنا

خلتنا نداوووم اليوم

مع ان مدارس متوسطة معطلين


حسبي الله عليها و نعم الوكيل

مشكوووووووووووووووره على النصايح ياقلبي وشكله هذا إلي بصير_03ba:

 

[OM-LAYAN]

لوووووووول اي اهما كلا جذيه بلميداني انا شفت بلاوي بعد الله كريم يا معوده :eh_s(6): ​

أم مي مي الميداني يهون على هالمدرسة الله يبعدني ويحميني من حسدهم وحجيهم إنشاء الله

 

[OM-LAYAN]

ما أعتقد ان الموضوع أساسه ( بدو وحضر وغير كويتية ) أكيد عندكم من يثير الفتنة ويفرق بين المعلمات يعني فرق تسد ،،،الحمد لله الشيئ هذا مو موجود في مدرستي بالعكس العلاقة بينا أساسها الاحترام بغض النظر عن الفئة أو الجنسية ،،،على العموم كوني حذره في تعاملج مع الجميع واكسبي كل الفئات ترتاحين وتريحين،،،،

حبيبتي القروبات إلي عندنا كلهم متفقين إن الإدارة تهبل بس المشكله بالأبلات نفسهم الحمد لله و الشكر

 

[OM-LAYAN]

وهذا اول الخير طبعا

آنا نصحتكم بنات توخرون عن التدريس

الله يعين

انتي شوفي لو حسيتي نفسج بالتدريس كملي

لو ماحسيتي نفسج طلعي

التدريس غير والحجي والقراض والحسد غير
أنا أحب التدريس بس المشكله بالمجتمع نفسة

 

[أبلة كويتية]

البنات ماشاء الله ماقصروا معاج سبقوني بالنصايح الحلوة_03BA:

شوفي أهم شي رئيسة القسم والناظرة والوكيلة

دوري رضاهم بس بما يرضي رب العالمين لأن هم إللي بيدهم كل شي

ولاتمسكين حجي لأي أحد وأي أحد يسألج كله قولي الحمدلله ومرتاحة

إذا عندج شكوي ديري بالج لاتشتكين جدام أي وحدة ولا تثقين بكل وحدة

ليما تسوين شغل لا تقولين للكل أنج سويتي وسويتي عشان ما يبطلون عيونهم عليج

خلي شغلج بإخلاص وبصمت أحسن مع هالأشكال

خليج واثقة من نفسج لا تبينين لهم إنج مو عارفة شي لانج تعيين يديد

خليج قوية :eh_s(14): :eh_s(14): تهزين جبال

إذا عندج أي إستفسار لا تسألينهم ..روحي لرئيسة القسم هي إللي تفيدج

مساعدج قدميها للي يستاهل مو لكل وحدة

وأهم شي إذا يغيتي تسولفين خلي سوالفج عامة لا تمسين أي أحد بالكلام خليج حذرة جداجدا

أخيرا إذا دخلتي للقسم أو شفتي الأبلات سلمي على الكل لا تحقدين على أي أحد

وخلي الإبتسامة لا تفارق ويهج

موفقة يالغالية والله يسخرلج القسم ورئيسة القسم

 

[OM-LAYAN]

البنات ماشاء الله ماقصروا معاج سبقوني بالنصايح الحلوة_03ba:

شوفي أهم شي رئيسة القسم والناظرة والوكيلة

دوري رضاهم بس بما يرضي رب العالمين لأن هم إللي بيدهم كل شي

ولاتمسكين حجي لأي أحد وأي أحد يسألج كله قولي الحمدلله ومرتاحة

إذا عندج شكوي ديري بالج لاتشتكين جدام أي وحدة ولا تثقين بكل وحدة

ليما تسوين شغل لا تقولين للكل أنج سويتي وسويتي عشان ما يبطلون عيونهم عليج

خلي شغلج بإخلاص وبصمت أحسن مع هالأشكال

خليج واثقة من نفسج لا تبينين لهم إنج مو عارفة شي لانج تعيين يديد

خليج قوية :eh_s(14): :eh_s(14): تهزين جبال

إذا عندج أي إستفسار لا تسألينهم ..روحي لرئيسة القسم هي إللي تفيدج

مساعدج قدميها للي يستاهل مو لكل وحدة

وأهم شي إذا يغيتي تسولفين خلي سوالفج عامة لا تمسين أي أحد بالكلام خليج حذرة جداجدا

أخيرا إذا دخلتي للقسم أو شفتي الأبلات سلمي على الكل لا تحقدين على أي أحد

وخلي الإبتسامة لا تفارق ويهج

موفقة يالغالية والله يسخرلج القسم ورئيسة القسم

بعد عمري يا أبلة كويتية وتسلمين على هالنصايح الحلوه

 

[dalal art]

الله يعينج قلبي وعطله سعيده للجميع يا رب

 

[قوطي نيدو]

الله يعينج

 

[فطووومة]

عادي حبيبتي كل مكان فيه الزين وفيه الشين انتي عامليهم بأدب واخلاق ولا تخصين وحدة بسر او سالفة عن احد عشان تفتكين من القيل والقال

ودائما خلي سوالفج عامة ورسمية لا تطيحين الميانة حيل

والله يوفقج :ggdw:

 

[ملاك العرب]

هههههههههههههههههههههههههه

حبيبتي دامج بوزارة التربية راح تشوفين عجب العجااب..وبيصير فيج القولون العصبي والضغط من القهر والظلم بهالوزاارة...

نصيحتي لج مالج شغل بأحد وكل مايطلبون منج شي قولي ماعرف!!! وسوي نفسج هبله!! ترا اذا صرتي شقرديه داسوا على راسج وكدشووووج بالشغل..واذا قلتي بس تعبت ..قالولج انتي غير متعاونه والعبوا بتقريرج..

نصيحتي الكبيره لج..انتقلي من الوزارة وروحي مكان ثاني ابركلج...

والله يوفقج

 

[زيـטּ عَبْس]

خلج

طنش تعش تنتعش

مالج شغل فيهم

والله يعينج ويعيننا

 

[^ حـلـــــوى و رهـــــش ^]

حبيبتـي ..
توج ما شفتي شي ..

بس للامانـه ..
تـرى كل مجتمـع حريمـي في هالشي ..
الغيـره .. والحش .. والنميمــه . وسوالف الحريم اللي مالها فايده ...في كل مدرسه مو بس مدرستج ..
بس طبعا في نسبه وتناسب ..


بس شوفي حياتي ..
نصيحـه .. يمكـن لانكم توكم فرش .. ومستعدين للشغل ..
بس حطي في بالج .. لا تبادريـن دايم .. جدام رئيسـه القسـم والمعلمـات ترى ما يصدقوون ..
نصيحـه اخـت لـ اخـت ..
تـرى راح تخليكم تشيلوون الشغل كلـه وتركز عليكم طوول السنـه ...:ggdw:




بعديـن .
حطي في بالج .. ترى انتم جاييـن المدرسـه على اخر الدوام ..
يعني لا تلوميـن الابلات أو القسم حووسـه .. ترى تعب السنـه كله طلع فيهم والله ..
وحطي في بالج .. قليل ما يصير القسم مرتـب ..
انتي باجـر راح تداوميـن ان شاء الله وتشتغليـن .. وتبلشيـن بالحصص وتعرفيـن الحووسـه صج ..
والله انا اعترف اني ما رتبـت مكتبي الا اخر يوووم اللي هو اليوووم ..
وشلت وسايلي .. وسنعت شغلي ..
هي مو سالفه اني عاجبني الوضع .. بس احنا مكرووفيـن طول السنه .. وعقبها امتحانات وتصحيح وكنتروول ..
يعني الشغله مو شغله ما فيني سنع بس شغله ما في وقـت ..


ومعلش حتى لو النفسيـه مش ولا بد ..
انا ما ادافـع عن المعلمـات .. بس صج نفسياتنـا تتعـب على اخر السنـه وتعب السنه كله يطلـع ..


ان شاء الله باجـر راح تشووفيـن بـ نفسـج ..:eh_s(6):


وموفقه حياتي ..:ggdw: