صدق او لا تصدق بس صارت معاي بدبي

[الهيــام]

لا تحملي
لا يقصون عليكم
لو من يكون صاحبها
تره هالشركات ماوراهم الا الجذب

 

[فله شمعه منورة]

صارت لنا بالرياض نفس السالفه كنا بمول ولحقنا واحد وجلس يهدر علينا تعالو كسبتوا هدية تعالوا خذوها تعليقه ذهب ومدري ايه
رحت انا وزوجي وولدي والحمد لله زوجي حريص مره ترك المصري يهدر الين شبع واخذ الهدية اللي تفشل قشرة ذهب خسارة الجلسه هاذاك اليوم انكسر ظهري بعد التراويح على طول رحنا لهم ونا طاااار عقلي فرحت قلت بساااافر ههههههههه ,, وحسبها زوجي قدام الرجال قال انا الخسران يالله مع السلامه وطلعنا وفعلا بعد ما طلعنا قال لي زوجي من صدقك انتي ندفع المبلغ ذا على اسبوع بالسنه اروح على حسابي وادفع اقل واقيم على كيفي وبالمكان اللي ابغاه انا وفعلا صدقته ,,, انتبهواااا

 

[LuLiTa]

ما عليج منهم هـ السالفه كلها نصب في نصب ,,, اول شي يحطونج الشمس في ايد و القمر في ايد ,, و لما اتراجعينهم يمشوروونج كذا مرة ,, و عقب هـ التمشور يقولج في رسوم ارسال الجواز للفندق عشان نأكد الحجز و هـ الرسوم طبعا عليج و تطلع تقريبا بـ الميات و شوي ,,, و عقب يطلعون لج انه صار شي بالحجز دفعوله رسووم و لما توصلوون لـ ذيك الديرة الشركة راح يردون لكم الفلوس ,,, و كل شوي عذر لحد ما يسحبون منكم جم الف دينار ,,, هـ الحركات معروفة ,, و دايما يلزقوون عمرهم بـ التجار المعروفين او الوكالات المضمونة عشان يكسبون ثقتج ,,,

 

[ساندريلا]

نفسس الي صارلنا انا وريلي العاام
فزنا وقالولنا تعالوا استلموا الجائزه وقضبنا مسؤول الشركه وقرررقه فوووق راااسنا علشان نسااهم معاهم ماادري شنو من كثر ماقرق مافهمت شي المهم عطانا الجائزه على قولته واهو متضايق لان مااشتركنا معاهم وماادري ليش انا وريلي ماصدقنا الهديه لانهم قالوا بدقون علينا ومادقوا وبعدين كانت واضحه انها دعايه حق شركتهم

 

[نواااال]

موكل شي ينتصدق احس نصابين في احد يقدم شي لوجه الله اكيد لهم ربح كبير من هالسالفه

 

[Čut!e Quèéи]

لااااااا يقصون عليج
يخلونج تدفعين قيمة التذاكر
ويسكنونج بأماكن وانتي بكرامه مزبله بمعنى الكلمه
مكان كله وصخ وريحته خايسه لان رخيييييييييييص
وطبعا الاكل كله عليكم اهما بس يدفعون قيمة الغرفه بدون اكل
تروحون اهناك وتنصدمون وتلعنون الساعه الي سافرتوا فيها

 

[مشتاقة الى الله]

وااااي انا وريلي استولنا نفس الموقف في سيتي سنتر

وفي الاخير قلبنا وجوهنا ورحنا عنهم لانهم بالفعل ما منهم امان

 

[اميره1980]

انا صارت وياي لما كنا بالامارات في مجمع ابن بطوطة
وقفنا هم بعد واحد مصري يمكن قعد يقرق على راسنا نص ساعة او اكثر بعد و نفس الاسلوب اللي قلتيه يدش علينا ابالموضوع انها مسابقة و بالاخير لمن جاوبنا يقول لنا روحي لمقر الشركة علشان تستلمون الجائزة و انا شكيت بالسالفة و قلت له ان شاء الله و كشتنا فيه لانها لعبة محفوظة

 

[aṕriliå]

هالشركات اغلبهم نصب في نصب

 

[كرز مرر]

ماشي منه حتى لو ذكرو اسم الشركة وعشان ما نظلم الشركة سوي بحث عنهم في جوجل

 

[*المها*]

ديروا بالكم
انا وزوجوا نصبوا علينا وخذوا فلوسنا هالسالفة صارت لنا بدبي هالكلام من خمس سنين وكل مره ندق عليهم نبي نسافر عن طريقهم يقولون لنا خلصت الغرف ومافي حجز أو تأخرتوا ماحجزتوا قبل مع ان كنا نحجز قبل بست شهور أو اكثر
لكن ماقول الا حسبي الله ونعم الوكيل فيهم الحرامية

 

[ليدي بجد]

لا ياحلوه انحاااااااااااااااشي..نصب حتى بالسعوديه موجودين بالمولات والمواقف مال اتلسيات يلحقونك ويسالونك سؤال تافه ومبرررررررررررررررروك فزت بقايزه خرافيه وسحب طقم ذهب ورحلات وفنادق كله هذا مره وحده ملك ايدينا نتيجه ذكائنا الخارق ههههههه طبعا في الاجابه عن الؤال التافه.......واخير يقولك يعالي مقر الشركه في جائزه فوريه ولما تروحين تلاقين ما جرين بعماره كبيره مؤقت وكل عايه ما سكهم مصري على طاوله يقنعهم بشراء شاليه ولا زم تسمعين كلامه للاخر اذا تبين الجائزه وتجي الجائزه بالاخير مغلفه عباره عن ابجوره نتفه بعشره ريال.......وانتهى الموضوع اذا برايك الابجوره تسوى روحي يمكن يطلع لكم (مق)على الاقل تستفيدون منه مو مثلنا ههههههههههه

 

[FANTASYA]

عدل عدل

 

[فجر الجنوب]

مدري احسهم يكذبون الله يسترنا

 

[مدام فراوله]

انتبهوا اذا كان الي حصل نفس اللي يحصل في البحرين سووها مع جارتي ودفعوا 4000ر وزميلتها دافعه 15000ر ولا شافوا منهم شي هذولي نصابين ديروا بالكم

 

[بوح القوافي]

يااختي كلها نصب انا صارت لي في البحرين وتراهم نشبة دقدقة علينا كل الوقت غصب تاخذون جازتكم واضحة نصابين
وش الجائزة الي بالغصب

 

[القمزية]

انا اماراتية وهالسوالف نصصصصب

 

[توتــه]

صارت لي بسوق مرشد وقفنا واحد مصري قالنا انتوا ربحتوا معنا هههههه شهالهديه اللي بدون مقابل مشالله
وزوجي زفه قال متأخرين يعني الحمدلله الله فكنا من نصبهم اصلا انا مستحيل اصدق هالاشياء يعني بالله شنو مصلحتهم

 

[توتــه]

http://uaesm.maktoob.com/vb/uae229796/

اقري هالموضوع بيفيدج

 

[غمزه وإبتسامه]

ديري بالج ديري بالج وهذيل مايتصدقون افتتتكي منهم وحذري زووجج خووفج يورطوونكم