صدق او لا تصدق بس صارت معاي بدبي

[زوجة عزيز]

ما ادري عنهم والله ايردكم بالسلامه

 

[ياحبي له]

عادي صارت معنا
في النهايه طالع حكي فاضي ..
وهذا الكلام بعد صار معنا في دبـــــــي
ناس كاذبين

 

[amoon]

كله جذب يقصون ع الناس لاتسوولهم سالفه يضيعون وقتج ع الفاضي وكله جذب
مره مسكوني والغبيه صدقت قسم بالله كرهت عمري

 

[كول سلو]

اختي ديري بالج لايقصون عليج هذي اغلبها شركات نصب في نصب اخذي الحذر منهم

 

[M!Ss Smart]

لاتصدقينهم جذااااابين

 

[ملك14]

انتبهي منهم حياتي اهلي مجربينهم بجده وطلعو نصاااااااابين هذا غير انهم مدفعين الوالد الشي الفلاني ومااستفادو منها شي طلعت كلااااااااااااااااااام فاضي

 

[بنت ام عبدالله]

حبيبتي هذي شركات نصب تغريج بالكلام الحلو ةالعروض الخياليه بدون سنع

ديري بالج ساعات يخلونكم توقعون علي اوراق تظلون مديونين لهم بميالغ كبيرة

 

[الغاليه ام احمد]

حبيبتي كلها خرابيط حتى عندنا بالكويت يتصلون عليج ويقولون فزتم بجازه وتروحين ويقرقون فوق راسج

عشان تشترين شقه وكل سنه لج 7 ايام وتقدرين تهدينها لاحد من اهلج او تاجرينها

والله تطلع عليج اغلى من بيع السوق

 

[G!RLooNa]

لايبا من صجج مصدقتهم

 

[صمت المرافئ]

قوه بنات
ماراح تصدقون شنو صار معاي اليوم
انا حاليا بدبي ولما كنا نتمشى بسوق نايف وقفنا مصري قال بسالكم سوؤال وأذا جاوبتوا لكم جائزه قلنا اوكي سالنا عطوني 5 اسماء دول عربيه تنتهي بحرف النون عاد جاوبنا بس صراحه انصدمنا بالجائزه صح صج ماتوقعناها ابد ابد
تخيلو معاي قال ربحتو رحله على حساب الشركه كاملة التكاليف من فندق 5 نجوم الى المواصلاات و الاافطار لمدة اسبوع ولكم حرية الااختيار بين 6 دول مصر وتونس والمغرب وماليزيا وتايلند وفلوريدا بس عليكم التكت وهالرحله صالحه للاستعمال خلال سنه و 3 شهور وغير هالهديه لكم هديه فوريه عليها سحب بس اكيد وحده من الهدايا لكم والهدايا هي طقم ذهب او لاب او كاميرا ديجتال او مبلغ نقدي بس لازم تروحون مقر الشركه عاد احنا رحنا واكتشفنا انها ملك لواحد من شيوخ الامارات ومقرهم بفندق سيتي سنتر وهالفندق ملك لصاحل الشركه
عاد قالولنا عن عروضهم صج خيال تخيلو تدفعون 4000 دك او 1500 دك والباقي على اقساط لمدة سنتين بدون فوائد وتحصلين على ملكية شقه متنقله اللي هي اقامه في اي دوله من اختياركم لمدة 7 ايام على حسابهم بفندق 5 نجوم بسويت لمدى الحياه يعني لو كل سنه تسافرون ماعليكم الا تحجزون التكت وتبلغونهم وهم يتكلفون بحجوزاتكم صج شي

شرايكم ??????
اسمها الشركه الوسطيه للاستثمارات السياحيه مركزهم بدبي بمركز ستي سنتر
نسيت اقولكم ان الجائزه مالها شغل بالعرض سواء خذينا عرضهم او لا الرحله لنا
شرايكم باللي صار لنا يتصدق او لاh_s(9:eh_s(16

نصابين يا حلوه
ينطبق عليهم :
ان ابن آدم لا يعطيك نعجته ... إلا ليأخذ منك الثور والجمل
ديري بالج من هالاشكال والله الحافظ
​

 

[خالف تعرف]

لا اصدق ان السالفه مافيها ان
لان هذوله شركات نصب معروفه
يخسرون وايد ومايستفيدون؟

 

[ورد]

صارت لنا قبل ،، بس لما ركزنا وحسبنا وخذينا منهم الكلام وتاكدنا من الاوراق وكل شي طلعت الخسارة علينا في الاخير ،، فخليناهم وخلينا رحلتهم لهم

 

[Miss Chanel]

مادري بس انتبهوه
والله يردكم بالسلامه

 

[عطر الدوحه]

احنا بعد صار لنا مثلج بس الله لايوريج اخذوا من وقتنا خمس ساعات على الطل وربي اندبلت جبدي


وماصدقت رحنا

اما عن التذكره والله مايندرى عنهم مافكرنا نتصل عليهم

 

[نجديه مبسوطه]

نصابيين

 

[انسانة غير]

حبيبتي هذولا كذابين ولصوص يأخذو فلوسك وما في لا ملكية ولا سفرة عندنا في عمان نفس الشركة اسمها الملكية للمنتجعات الدولية لما كنا رايحين انا و زوجي و ولدي سيتي سنتر القرم حلصناهم ونفسة الأسئلة سألونا وبعد عطونا دعوة حضور في الشركة لكن زوجي عرفهم وما راح كانوا يتصلوا لزوجي وايد هذولا شركات نصب واحتيال وهمية بس في ناس كبار بالدولة هم اللي يدعموهم عشان كذا محد يقدر يطالبهم او يعملوا حاجة قانونية لا تصدقي نصيحة مني لك كم من العمانيين متورطين معاهم خذو منهم 3000 ريال عماني وما في ال شقة ولاشي انتبهي عزيزتي زنبهوا بعض يمكن موجود بالكويت

 

[BiiShOoO]

صارت فينا بس طنشنا ما رحنا

 

[حجيه هيونه]

سالفتهم ماتدش المخ والله


بس عليكم بالف عافيه ان كانت صج

 

[روووعة التكوين]

لاتصدقينهم ,,, نصيحه اتبهــي

 

[عيش و مرق]

خرابيط موصج