صدري يألمني من الرضاعه بشكل مو طبيعي

[يااسمينه]

السلام عليكم
صار لي من ولدت اسبوع بعمليه وطلعت من المستسفى يوم السبت والى الان و ارضع ولدي طبيعي خايفه اعطيه صناعي ويتأذى من بطنه الحين صار صدري مررره يألمني بسيرضع في البدايه الم مو طبيييعي حتى عيوني تدمع من الالم وبعدين لما يستمر على الرضاعه يخف الالم لكن اذا بطلع صدري من فمه يألمني واذا رضع مره ثانيه يألمني وش اسوي عشان يخف الالم ؟

 

[c a t w o m a n]

الحمدالله على سلامتج

عادي طبيعي الألم راح تلاحظين حلمتج تتقصص يطلع منها دم عندج كريمات من الصيدلية تهنين صدرج فيهم و زيت زيتون

الألم مؤقت يروح مع الوقت و استمري عالطبيعي أفضل

 

[الأميرة جوري]

عادي طبيعي الالم...بس سوي كمادات وحطي علي الحلمه زيت زيتون يرطبها

 

[ملسونه المصونه]

الله يعينك ياقلبي حاسه فيك والله

بس سوي نفس اللي سويته والله لتدعيلي
جيبي فوطه حاااااره ولفيها على صدرك وبعدها بتحسين الحليب ينزل بسرعه جيبي الشفاطه واشفطي وعطي ولدك اللي شفطتيه وارجعي كمدي صدرك
بالفوطه الحاااره تراها ترررريحك ماتتصورين الراحه اللي بتحسينها موطبيعيه ...

وبعدها زيتي الحلمه او حطي القطن اللي بسنتر بوينت اللي فيه ماده زيتيه ترطب الحلمه لك باستمرار....

ونصيحه اليوم هذا لاترضعي ولدك بس اشفطيله الحليب لما تلين الحلمه وصدرك وثاني يوووم ارجعي رضعيه عادي ...

بس كرري الفوطه الحاره اكثر من مررره تراها مريحه نفسيا حتى ..

 

[يااسمينه]

الف شكر والله يعطيكم العافيه
طيب زيت الزيتون اذا حطيته على صدري وبعدين يبي يرضع وفيه اثر زيت مايأثر عليه ؟

 

[f6oma 1991]

ما ادري والله بس حبيت ارفعلج الموضوع



ومنكم نستفيد

 

[أم حورية]

اذا حامتج متشققة حطي كريم ببانثين عجيييب حطيه عقب الرضعة وعقب حق الرضعة اللي وراها غسليها

اما اذذا كلن من الحليب تلمتكدس في الصدر فمثل ماقالت وحدة من الخوات حطي كمادات داافية وراح ترتاحين وحاولي يشرب اول باول عشان لا ينكدس واذا حسيتيه شبعان وبعده صدرج في حليب شفطيه عشان وقت الرضعة اللي بعدها لا يعورج لان اذا كان متروس يزيد العوار*

 

[PinkLulu]

الألم هذا طبيعي...أول دقائق من الرضعة...وبعدين يخف...

وكل ما زاد الوقت بين الرضعات يزيد الألم...لأن يكون في حليب مخزن أكثر

ولاتحاولين تقطعينه...خليه يمص لين بنفسه يترك صدرج...

وهالعوار راح يخف مع الوقت...وراح يختفي بالشهر الثالث


أنا ما حطيت زيوت ولا كريمات...بالحليب نفسه حاولي تدهنين الحلمات...

وحطي كمدات دافية إذا حسيتي صدرج فيه حليب وايد

و لا تشفطين...

الموضوع يبيله صبر شوي على ما يتعود جسمج على وقت رضعات البيبي ويوم عن يوم الرضاعة تصير أسهل​

 

[ملامح بريئة]

كرري الرضاعة وتحملي واهم شي المرطبات وفي حلمة يبيعونها تنحط علي حلمة الصدر من بيجون واهي نفس حلمة رضاعة الجاهل بس عريضة تحطينها علي صدرك و ترضعين الجاهل ويطلع الحليب بسهولة انشاالله تحصلينها بالصيدليات ولا تنسين الشوربة اهم شي لادرار الحليب والله يرزقك بره يارب ولاتنسين القراية قبل الرضاعة

 

[يااسمينه]

الف شكر
انا يطلع مني حليب لكن الحلمه تشققت مررره تألمني واليوم قلت لزوجي يسال الصيدلي وعطاه كريم افالون للتشققات حلمة الصدر وش رايكم فيه ؟

 

[AVE.NJ]

كل ما يزيد الرضاعه يقل الالم
الله ياجرج انشالله

 

[غلآتي]

انا نفسج يعووور واااايــد .. بس انا سمعت تشفطين وتحطين الحليب اذا مايبيه بالثلاجه لمدة 3 ايام عادي سخنيه وشربيه ..

والله انا هاليومين اعطيه صناعي وتحسفت واايد ابيه يتعود ع الطبيعي ..

 

[برايفت]

عن تجربه و الله استخدمي زيت الزيتون و لما يجي يرضع البيبي امسحيه بكلينكس بس
و حطي عليها من حليب الصدر بعد سبحان الله مفعوله عجيب

ابعدي عن كريمات الصيدليه احسن لك

 

[~LiBrA~]

واي ذكرتيني الله يعينج

راح يستمر ههالعوار لي ١٠ ايام تقريبا او زياده جم يوم

بس انا كنت طول الوقت ادهنها بكريم بيبناثين وايد زين للتشققات
انا حتى قام يطلع منها دم وامسك نفسي ابي ابجي من العوار بس اتحمل وارضعها

الله ياجرنا وياجرج يارب

ميخالف تحملي كلها جم يوم واذا كلش كلش شفطي هاليومين بس ديربالج لازم عالاقل مرة او مرتين يرضع من صدرج حتى لو تشفطين عشان ما ينشف حليبج