صح الي اسويه ولا لا ؟

[mweegah]

احس الموضوع تنظيم وقت و بس
ترى انا ساكنه بروحي و ما عندي خدامه و بنتي عمرها 7 شهور و الامور عادي
انتي عودي نفسج الشغل اول باول ’ يعني اول ما تقومين من النوم رتبي السرير و بدلي البيبي و لا تنامين بالليل الا كل شي مكانه
و مو كل شي لازم مرتب 100% طول اليوم
سوي جدول و امشي عليه
انا اعتقد مشكلتج الوحيده انه يبي ياهل ثاني
حاوريه و قنعيه ياجل

 

[أحلا اثنين]

حشمه

ساكنه الحمدلله فيلا وفيها حوش و سالفه ،،

خدامتي تقوم من الساعه ٥ ونص ،، تزهب الريوق قبل

عالصبح تغسل الحوش والشجر

وتروح فوق السطح تغسل الملابس

وتنشرهم ،، واخذي الدشاديش البيضه والملابس الملونه

وعالظهر تغسل الحمامات و الصاله و تكنس

بعد مو يوميا هالتنظيف !!

وبالظهر نطبخ ..


وبعدين تغسل المطبخ والمواعين

والعصر تكوي

وبالمغرب تنظف ولا تغسل مواعين الشاي والقهوه او تكوي ،، وساعات تقعد ويا بنتي

واااااااللللله انا هلككككت في هالاوقات اكون مع بنتي ،، اسبحي و اغديها و البسها و اركض وراااااااها ولا انااام ويالله اسبح او استشور شعري مااااتقعد ماشاء الله

وان طلعت اثر هاليوم في شغل البيت !!

ثاني يوم تقول لي البنت مالها بجايم !! تعرفين ياهل يتبد ل مليون مره !!

واخذييني انا انظف الزل من هالاكل المنثر ،، و حطي وشيلي ،، و غسلي المواعين وياها وطبخي لانها ماتعرف تطبخ وسوي القهوه للسي السيد ..

واذا يا من الدوام ما يقعد وياي اراكض ورا البينت !!


بنتي احاول نومها مبجر عال١٠ لان زوجي ينام مبجر هالوقت و ماحب اقعد بروحي بالصاله اخاف ،،واكتآب

ولازم تقوم عالساعه ٧ الصبح

ساعات ودي انام الا اصوت عليها القاها فوق ولا مو فيه !!

والله سااااالفه بيتنا وهذا وانا مرتبه الوضع !!

احكي من الاول بيتك فيلا
خلص هيك لازم خدامة تانية وريحي راسك
انا ماقصدت شي بالنسبة للوظيفة بس انا فكرت انه مش عارفة تدبري حالك فكيف بدك تجمعي بين بيت وزوج ووظيفة وطفلة
شوفي وحدة تانية والله يفرجها عليك:eh_s(17)::eh_s(17)::eh_s(17):

 

[شواخي]

سيلينا وشريت راحتي


شكرا عالتواجد اتوقع انكم عايشين مع بيت حموله او بشقه

انا خدامتي ماتعرف تطبخ !! ولا عمرها اشتغلت في بلد !!حتى عربي مت واانا اعلمها ماتتعلم كل كلامي بالانجلش لها

ووالله عبالكم مسآله تنظيم ،!! شاسوي من ٧ الصبح الين ١٠ الليل !! وانا بالبيت حتى طلعه ماطلع !!
، والله انظم بس المشكله انا ابي وقت لي !! ماكو ،، هالبنت لازقه فيني لزقه وان بغيت اعطيها الشغاله رحمتها
من كثر الكرف

مثلا الحين انا اكتب لكم والبنت ماتقعد ،، لو اعطيها العاب ماتبي تبي واير تبي تلزق بالاب توب تبي تلعب بالعطر ،،

بس هاذي حوستها!!!

اوديها بيت امي يملللللللللللللللون منها ،، انا اممممل منها

الشغاله تمل منها

والله مجابلتها ٢٤ ساعه هالبنت ،، اوكي بالمشايه احطها تدور اي شي لو كبت تبطله ،،

هي وايد نشيطه ماشاء الله ،، اهل زوجي فيهم جينات نشاط !! هالسبب

وتحن وتحن الحين الا اشيلها بالله شاسوي !!

نومتها وقامت يوعانه تبي تاكل ،، اوكي الشغاله تغسل الحمام ،،، يتنجلط لا قلت لها ذلفي سوي اكل !!!

اخاف تحط حرتها فيها ولاحظت كل ما اقولها سوي تسويه بدون نفس ماينوكل للبنت !! وكم مره انبه ماكو فايده

واا نا اوكل البنت ،،

لان هالخدم كذابين وكله ان البنت ماتبي

اروح انا اسوي الاكل والبنت بالعربانه عند باب المطبخ

خلصنا من الاكل توصخت الملابس بدلت لها انا وشوفوا المعركه مع البامبرز الزفت !!!

ماتنثبر ،، وخلصنا تبديل جان تبجي تبي اشيلها اارواويها الدريشه تبي ابطل لها الدريشه تشوف الشارع جان ترجع على من هالغبار !!

متعبببببببببه والله ،، وانا يبي لي شغاله ثانيه لان بالويكند عطيها الشغاله وارد انام جان اشوف البنت تبببببببجي بطلت الباب ،، الا الاخت ترتب الكبت والبنت وقفت عالطاوله و افترت وطاحت !!

كم مره انا اقولج خلي الشغل خليه ،،زوجي يقولها خليه مابنهاوشج اذا شفنا البيت وصخ بس قعدي ويا البنت ماكو

امس نبي نطلع اانا وزوجي ،، لبست وخلصت اناديها مايت تمت حول الربع ساعه !!! تقول اوكي اوكي ،، الاخت تغسل المواعين تحت ! انزين يال***** خليهم و تعالي بعدين اشتغلي ،، ماكو فايده فيها هالنحيسه ،،

اوكي ردينا من برا جان اشوفها بعد بالمطبخ والبنت بالغرفه فوق ،، ومشغله السماعات علبو ان بتسوي المميااات و بترد فوق !!


زفها ريلي ززف ادري ماكو فايده منها !!


وبعد انا ما اسوق اروح مع سواق ،، قبل لا اولد كنت اوديها وياي ،، بالعرس عالاقل بالليل تكون وياي احسن ماكون بروحي ولا اذا راده من بيت ربعي بالليل
الحين ماكو اروح بروحي !!

 

[om MaRyooM]

محد ماعنده وقت عيل اذا لقيتي وظيفة شبتسوين!! واذا يبتي عيال شبتسوين


احس ناقصج تنظيم بابوقت وخدامة زيادة وانتي عليج الاشراف وتهتمين بعنرج


لان الريال خوفج يروح لبرة علبو انه مايلاقي وقت معاج ولايشوفج لابستله ومسويتله ولارح يقوول البيت دايم مسنع!

واحس ناقصكم الحوار والتفاهم
لازم تقعدين معاه عشان يعرف ويكون بالصورة

 

[شواخي]

mweegah

انا ابي كل شي بيرفكت
كم مره يدخلون علي اهلي ولا ربعي على غفله ويستغربون ان بيتي وايد نظيف

انا جذيه ترى واااااااايد واايد حريصه ان كل شي نظيف وبمكانه

انا الي ارتب سريري وملابسي الداخليه بروحي اغسلها والبيت ١٠٠٪ مرتب قبل لا انام وانا ابيه ٢٠٠٠٪

لاني احب الرتيب

 

[اميره1980]

اشدعوه اختي ؟؟
الحين عندج خدامة و قاعدة بالبيت من غير وظيفة و قاعدة تشكين؟؟ عيل انا شنو اقول ؟؟؟
انا موظفة و دوامي من 7 و نص الى 2 الا ربع الظهر و ارد البيت و اطبخ حق ريلي و ما نتغدا الا على جريب 4 او 3و نص و لمن اخلص اغسل كومه صحون و جدور و اذا خلصت اكمل باجي شغل البيت
اشرايج ؟؟؟؟؟؟ موظفة و لا عندي خدامة
حمدي الله على النعمة

 

[شواخي]

ام مريومه هلا والله

زوجي مسؤؤل في شركه كبيره عشان جذيه ادري ان في اوقات يكون بزي وما له مزاج حق الاحم احم بس ماعليه انا اتفهم

والحمدلله اتسنع بس اقولج هو بعد معااااناه مع تسنع البيت ،،

الحين الحل انا ادري خدامه ثانيه ..

والوظيفه توني هادتها من اسبوع ،، وتدرين ما صادفتني المشكله الا الحين ،، كنت ارتب البنت بالويكند وماكو حد يوصخ البيت ،، لان بنتي تكون بيت امي ههههههه ...اما الحين قعدت و بدت تعفس البيت ،، وجذيه


من سنتين وانا اشتغل ،، قبل لا اتزوج وانا اشتغل و تزوججت كنت حامل و يبت بنت و انا اشتغل وتنفست وانا اشتغل،، يعني الحمدلله منظمه وقتي و كل شي زين ومرتب ولله الحمد والمنه بس قلت لج من قعدت بالبيت بدى الوقت فالبيت و يستهلك

 

[شواخي]

اميره الله يعينننننننج ،، انا ارد ٤ من الدوام وكانت حياتي اسهل

 

[الهما]

اللي تسويينه غلط بغلط
تدري احنا مشكلتنا بالخليج عبالنا الريال يهتم بالتفاصيل اللي احنا نهتم فيها
يعني تهلكين طوووووول اليوم و تنظفين و ترتبين و حالتج حاله و لمن يرد يلاقيج مهدوووود حيييلج
الريال بيكون عايش بقثه جذيه
اهوا يبي لمن يرد يبي يلاقي بال راااااااايق و وجهه مبتسم
ويارب يسخر لج زوجج

 

[شواخي]

الهما الله يوفقج بس بعد اسويه حق نفسي مابي اقعد فبيت وصخ ! يتنظف كل كم يوم !

يسخر لج زوجج يارب الف تحيه

 

[ام فواازي]

غريبه صراحه انا 3 جهال ركلهم تحت الخمس وساكنه في بيت دورين وحوشين وحديقه يبيلها سقايه ماي و انا موظفه وهمن قاعده اكمل دراسه وعندي خدامه وحده بس وامورنا ماشيه في شي غلط بنظامج انت بنت وحده حطيها بالدراجه تففتر فيها و
خالتي قسيمه 3دور وعيالها 6 مدارس يعني عفيسه بس همن ماشيه امورها مع خدامه وحده

 

[dectora 7elwa]

نظمي وقتج وكل امورج تتعدل الغسيل مو لازم كل يوم مرتين بالاسبوع
غرفه البيبي رتبيهاىبس ومسحي الارضيه عالخفيف
الاوتي خليه بالليل لما يخف الشغل شوي
غيرج يدامون والياهل عند الخادمه وتقدر تخلص معضم الشغل

 

[جرووح غالية]

والله أنتي أللي فيج البلا بزر واحد وعندج خدامه بعد ومسويه كل هلويه والضجه شكلج متعودتي ع حمل المسؤوليه حريم الدجه حريم أخر زمن أجل بكره لصار عندج أعبال زود شت سوين بتحطين لكل جاهل خدامه تركي عنج التجنوي وصيري مره نظمي وقتج ترا أذا مافيه تنظيم للشغل متا يبدي ومتا يخلص تقعدين نهارج كله ما خلصتي شغلج ولازم يكون لنوم وقت منظم بتتعبين بلاول وبعدين بصير أستايل حياتج منظم أسفه لقسوتي عليج بس صج ما عندج سالفه "يعني رقعتها"وقبل لا تنامين سبحي وهللي وكبري 33 تعينج ع التحمل وتيسر أمورج بأذن الله تقبلي صراحتيه أختيه

 

[ام زهقانه]

اذا اشتقلتي حطي توووووووو الله يعينك

 

[امل يائس]

بنت و حده و خدامة و مو متحمله هالمسؤولية؟؟؟ حبيبتي ريلج طفش منج لانه شافج مو قدها مو كفو بيت و زوج و عيال و لا تبين بدال الخدامة 2؟؟؟؟ كبري بعين زوجج و بيني له انج قدها و قدود بيني له انج قوية و راعية بيت و هبت ريح مو دلوعه و ما لها خلق تخدم بيتها و زوجها

عيل لو تشوفيني شتقولين ما عندي خدامة و عندي بنت نفسج بالضبط بس شغل بيتي و زوجي و بنتي مثل عسل على قلبي هذيل هم دنيتي و حياتي و عمري اكيد بضحي لعيونهم قعدي مع نفسج و فكري ما عندج مشكله انتي يسوي لج جدول و تمعتي بحياتج و ربي بنتج و داري زوجج و لا تخلين سلة غسيل و الا اشوية ماعين تخرب حياتج

وعلى فكره الريال ما تزوج عشان يعيش مع كودة خدم لا تزوج عشان يكون اسره باجر يعايرج و يحس انه مو بحاجه لج لانه الي قامين فيه خدم الريال لا شاف لقمته و لبسته فيها ريحتج راح يتعلق فيج يقوم ما يستغني عنج و عن دلالج له
و انتي تقولين اهو الحين هاج منج و ديري بالج لا بدال الخدامة الثانية يجيب عروسه ثانيه تكون قد مسؤولية زواج و بيت

 

[gmar al-kuwait]

الله يعينج

 

[*ريما*]

الغلط منك انتي الا مومنظمة شغلك
غريبة بيبي واحد وخدامة اظن فية وقت طويل
اجل لو جبتي ثاني ولا ثالث كل واحد لة خدامة
نظمي وقتك وبتمشي امورك

 

[ندى العبير]

الله يكون بعونج

 

[ShaGRa NoiSya]

سجلي البنت بحضانه !

وديها من الصبح الحضانه لي الظهر

واستغلي فترة الصبح انها موموجوده خلصي شغل البيت بسرعه وبس سهالات

 

[NODA 2]

حتي لو بيتج كبير مو مقعوله مافي وقت حق نفسج
شوفي انا اشتغل وادرس وعندي 4 يهال والهدوم تارسه الدنيا لا ان عندي يهال يعني اخذيها تنظيف 24 ساعه في البيت
بس ترا هم عندي وقت فراغ اهتم فيه بنفسي واطلع و اوجب الناس و اروح سوقه وصالون ما ادري حبوبه انتي عندج شي غلط او جدولج يبيله تعديل والله يساعدج و ترا بنتج صغيرونه للحين يعني ما شفتي المسؤليه عدل حاولي تشوفين شنو الغلط عندج وصلحيه وإن شاء الله ريلج راح يقدرج ويحس فيج بس انتي شرحيله التعب و ان تو الناس علي الحمال