صح الي اسويه ولا لا ؟

[شواخي]

السلام عليكم بنات شخباركم ؟

وحشتوني


ودي بمشورتكم بنات ،،


الحمدلله انا متزوحه من سنتين تقريبا وعندي بنوته ام 10 شهور الحين ماشاء الله عليها بدت تحبي

صارت اذيه لازم اركض وراها و اقعد و اشيل واحط ،،

تنثر كل شي ماتخلي مفرش ولا كلينكس ولا مخده الا عافستها وانا بس اراكض وراها ..


مشكلتي ان واااااايد ضغط في البيت

انا ساكنه في بيت اجار مع زوجي وبنتي وشغاله ..

البيت يبيله تنظيف ،، والغسال والكوي و الطبخ

هالفتره قدمت استقالتي علشان مشاكل بالدوام وقاعده بالبيت ادور وظيفه ادعوا لي ..

المهم ،، والله مو عارفه

لما ايي زوجي كل ششششششي مزهب ومرتب و البنت ارتبها و اوكلها والبس والخ الخ بس عشان لما ايي يلقانا اوكي

بس تعبت !!!!!!

اوكي في ايام تيي مانطبخ من كثر الضغط وجذيه ،،





دايم لما يرد من الدوام عالبيت يلقاه نظيف و الاكل مزهب و جنه كل شي تمام والصراحه هذا ماصار الا بطلعه الروح


وانا واااااايد تعبت ،،


كلمته وصارحته
والحين اقنعته واخيرا بشغاله ثانيه !! لكن صار لي شهرين وانا انتظر !! والله ما اناام من بنتي من الصبح تقوم و لما انادي لها الشغاله عندها شغل يا تكوي يا تنظف يا تغسل ،، وانا ارحمها واغسل وياها وجذيه
حتى اوقات ماكو وقت نطبخ من هالضغط !!

بس انا محتاره ،،


ووايد استحي لما يرد يلقى البيت مو مرتب ،، والله ساعات يرد يلقاني بجلابيه وانا مااااااحب جذيه ،، اروح ابدل على طول ،،

بس موحاله يعني ،،

هل اخلي البيت على حاله عشان يعرف ان هالشغله متعبه ويحس ان انا تعبانه!!

ولا شاسوي !!

والمشكله يقو ل لي حملي !!

شنو احمل وبنتك توها وانا قيصريه و حالتي حاله ويهي اصفر ووزني حده مريض ونازل !!

وادور على وظيفه !!

وهالفتره يزعل لا رد البيت وآنا برا !! انزين ليش !!

والله ماعرفت له !!

متعب !!

والي مضيق خلقي اني انا صايره له نحله ولا اقعد !! وهو مو مهتم حتى هالاسبوع كامل وانا اتحرش فيه ولا كآنه !!

اذا اذ اذا بيقرب بيقرب بس بالويكند اول مايقوم وبسسس!!


ما ادري وش حالتي !!!

 

[iLLuMinaTion]

حبيبتي لازم يكون الحوار هو الفيصل

واصبري شويه يمكن تتعدل الامور

 

[أحلا اثنين]

تناقشي انت وياه
بعدين الله يهديك
كيف بدوري ع وظيفة وانت من غيرها مش خلصانة شغل بيتك وبنتك
كيف بدك تعرفي تدبري حالك؟؟؟
الله يفرجها عليك

 

[شواخي]

الومنيشن ،،

تحاورت و كلمته ،،بس بالله شاقول له ؟

"انت تحب تشوفني معززه وما امسك شي بالبيت ؟ ولا تحب تشوفني اراكض ورا العيال والطبخ والنفخ ؟ "

ماعرفنا حق هالرياييل ،، نخاف نتسدح ونقعد يقول كسلانه و الخ الخ وان طرنا مثل النحل بيقول هاذي مستانسه عالوضع و عاااادي عندها الكراف ومتعوده !!"

هل نصير سنعات ولا دلوعات و لوح !!

 

[حشمه]

اختي حاولي ترتبين امورج مع الخدامه اكثر

استغرب لي قلتي ماكو وقت تغسل

انا بكلمج عن خدامتي تقوم 6 تنظف الشقه وتغسل الهدوم

اليهال مايقومون الا 9 او 10 بهالحزه انا اريقهم

وتسوي غدا لو بغينه تضرب اوتي هالكلام اكلمج حزه

ويك اند لان انا موظفه بس حزه الدوام يختلف الوضع اكيد

بس احط لج وضع وحده قاعده بالبيت وبيبي واحد مع خدامه

بعدين بنتج 10 شهور نظمي نومها تقوم 9 وتنام العصر شووووي

عشان بليل تنام مبجر وهم الخدامه تستفيد من نومه البنت مبجر

لو عندها شغل تخلصه وبعدين تقولين ساكنه بيت دورين يعني

ولا دور ولا شقه كبيره شنو حجم المكان

 

[شواخي]

احلا اثنين

انا كنت اشتغل واخلي بنتي مع امي بالبيت مع الشغاله ولما ارد من الدوام ارد البيت و انظف واطبخ !!



شرايج بالحياه !!

وانا وحده محتاجه وظيفه ما اقعد بالبيت ! عشان خم وكنس فهمتي

 

[حشمه]

ونسيت اقول شغله اختي الوظيفه راح تقلل

اهتمامج بالبيت جذي خدامه وحده ماراح تكفي

لان وحده وانتي معاها مايكفي ويبيج تحملين

كلميه تاجلين فكره الحمال لين يستقر اكثر وضعكم

وتعرفين امورج مع خدامتين ووظيفه مثلا

بعدين البيبي الثاني ان شالله
والله يوفقج

 

[شواخي]

حشمه

ساكنه الحمدلله فيلا وفيها حوش و سالفه ،،

خدامتي تقوم من الساعه ٥ ونص ،، تزهب الريوق قبل

عالصبح تغسل الحوش والشجر

وتروح فوق السطح تغسل الملابس

وتنشرهم ،، واخذي الدشاديش البيضه والملابس الملونه

وعالظهر تغسل الحمامات و الصاله و تكنس

بعد مو يوميا هالتنظيف !!

وبالظهر نطبخ ..


وبعدين تغسل المطبخ والمواعين

والعصر تكوي

وبالمغرب تنظف ولا تغسل مواعين الشاي والقهوه او تكوي ،، وساعات تقعد ويا بنتي

واااااااللللله انا هلككككت في هالاوقات اكون مع بنتي ،، اسبحي و اغديها و البسها و اركض وراااااااها ولا انااام ويالله اسبح او استشور شعري مااااتقعد ماشاء الله

وان طلعت اثر هاليوم في شغل البيت !!

ثاني يوم تقول لي البنت مالها بجايم !! تعرفين ياهل يتبد ل مليون مره !!

واخذييني انا انظف الزل من هالاكل المنثر ،، و حطي وشيلي ،، و غسلي المواعين وياها وطبخي لانها ماتعرف تطبخ وسوي القهوه للسي السيد ..

واذا يا من الدوام ما يقعد وياي اراكض ورا البينت !!


بنتي احاول نومها مبجر عال١٠ لان زوجي ينام مبجر هالوقت و ماحب اقعد بروحي بالصاله اخاف ،،واكتآب

ولازم تقوم عالساعه ٧ الصبح

ساعات ودي انام الا اصوت عليها القاها فوق ولا مو فيه !!

والله سااااالفه بيتنا وهذا وانا مرتبه الوضع !!

 

[غرومه عسوله]

معقوله ليهال ازمه جذي
امي عيل شلون ربتني انا واخواني ...!!!

 

[Aisha..]

يا حبيبتي انا ضد تكدس الخدم بالبيت!!و بعدين ترا الحين تشترين غساله اوتوماتيك تغسل و تنشف ١٠٠٪يعني البجايم و هدوم البيت ما تحتاج غسيل.و الصراحه ما عندج سالفه استقلتي انتي قلتي ما يحس فيج و لا رح يحس لانه يعتبره واجب عليج ،انا شنو مأجره بيت و لا شقه ؟؟؟؟؟؟عيل الناس اللي عندهم بيت كبير و خدامه وحده و مليون شخص بالبيت شلون عايشين..اذا غسالتج من النوع القديم انصحج تغيرينها رح تريحج واااايد انتي بس عليج حطي الهدوم و اهي تغسل و تنشف.

 

[شواخي]

غرومه عسوله شكلج من الطماشه


ايام اول ماكو مخاد و تماثيل وابجورات وسلاسل و طاولات حاده

تلقين مساااااند و دواشق و انقز ،،

اتصف لها ١٢ ولد و شوفي صالاتهم شلون !!!


لا بغت تشيل عنه المخده اسدحتها وشالت دلتها وافتكت!

 

[شواخي]

عايشه ،،


لا غسالتي اوتوماتيك والله ،، بس هي كل ماروح لها فوق تقول لي انظف واتآكد انها تنظف وتغسل !!

 

[روحي زوجي]

في شي غلط حتى لو ساكنه بعماره كلها لج مستحيل مايخلص الشغل انتي بيبي واحد والله يخليها لج ١٠ اشهر وموقادره ترتبين مع الخدامه ترا اغلب الناس وهم عوايل عندهم خدامه وحده وماشيين وحتى الخدامه لها وقت راحه غريب امركم في شي غلط يمكن الخدامه بارده وانتي ساكته عنها مو لهدرجه ماتلحق ؟

 

[حشمه]

الله يعينج بيت كبير لازم خدامتين هذا اول شي

وثاني شي هقيت دور مو بيت الحين اول شي

خدامه ثانيه وثاني شغله حاولي تاجلين فكره

الحمل لين تتوظفين وترتاحين بالوظيفه

فكري بالحمل لان الحمل ممكن ياجل

فكره الوظيفه لي سنه جدام او سنتين

كلمي ريلج بفكرتج وشوفي معاه الموضوع

 

[Aisha..]

ويييي توني اقرا فيلا ..اذا بيتج كبير الصراحه الله يعينج و لازم تجيبين خدامه ثانيه عشان تساعدج انا حسبتج قاعده بشقه من جذي ستغربت..

 

[شواخي]

حشمه ثانكس والله

روحي زوجي

اي انا ساكته عنها لانه عيوز و تمسك بنتي مابي اكرفها وتطلع الحره عرفتي

 

[سارووه الاموره]

لووول حتى لو قصر ليش جذي .. احس في شي غلط ..


بعدين اهتمي بشكلج وخلي البيت يولي لوووووووووول اهم شي انتي تكونين نظيفه ومرتبه وحلوه وكشخه لول




البنات ان شاء الله يفيدونج

 

[Adorable]

اذا بيت كبير اكيد يبيلج خدامتين
الله يعينج

 

[سيلينا]

انتي حيل مازمه الموضوع

الحوش مو كل يوم ينغسل .. اهم شي الصاله الي تقعدون فيها لانها اهي الي تتوصخ دايما
وغرف النوم والحمامات الي تستخدمونها لانج انتي وزوجج والبنت صح هذيل ما ياخذزن ساعه ونص

غسيل الملابس يوم وترك اليوم الي ماتغسل فيه تضرب اوتي

وبنتج اشتري لها حواجز يعني مثلا بغرفه حطي لها العاب وشيلي كل شي حاد او تحاتين انها تطيح منه
او يعورها وترسيه العاب لها وبس او كورنر بغرفة القعده امليها العاب واشياء تونسها وبنفس الوقت تعطيج وقت لنفسج

والغدا شنو يبيله اشدعوه ايام ما تطبخين لو صينيه دجاج بالفرن وومشخول نظمي وقتج اكثر طلما انج تقعدين من السبع
وتنامين مبجر انتي سوي ريوق لبنتج وغسليها وبدليها وحطيها بالكورنر لو يبي لها تبدليل ما اقل من ساعتين ثلاث تقدرين تحطين شي بالمطبخ يعني تجهزين الغدا وتردين تريحين وتقعدين على راحتج وبنتج تلعب مو 24 ساعه تعودينها انج شايلتها وتحوسين وراها
كلش كلش الخدامه لا تسوي اوتي الصبح خليها تسويه المغرب يعني عقب ما تخلص الريوق تنظف البيت مو كله الاشياء الي المفروض تتنظف والغرف الثانيه الي يبي لها تنظيف يومي ومكرمه الحمامات والصالات كل 3 ايام مره وتدخل المطبخ تسوي الغدا

وفترة الظهر تسوي اوتي اشوووي وتريح بعد مسكينه من 5 ونص قاعده

والمغرب تسوي قهوه وشاي وتمسك بنتج عنج ساعتين ثلاث

بس فكرة الحمال شيليها من بالج الحين لين اشوي بنتج تكبر او تطلبين خحدامه ثانيه

 

[(المباركيه)]

سيلينا قالت كل الي بقوله لش
بالظبط المساله مسالة تنظيم فقط لاغير