صحيح كثرت عمليات الحقن المجهري تضر

[ماي الورد]

بنات مالي غيركم من بعد رب العالمين فيدوني الله لا يحرمكم الذرية الصالحة

عندي وحدة قبل اشوي تسوولف تقول لي كثرت عمليات الحقن المجهري تضر بالجسم من كثر الابر والهرمونات صج هالكلام حدي خفت من كلامها وما ادري شسوي

انا لمن سويتها مرتين وفشلت الشي الوحيد الي تغير علي دورتي ما صارت منتظمة بس غير جذي ما شفت شي بس شككوني بحالي والله

سمعتوا بالهشي او لا ياريت الي عندة فكرة تفيدني

انتظركم

 

[*caramel macchiato*]

لا لا تحاتين حبيبتي....ماكو الا العافية....لو اتضر جااان ماعادوها الدكاترة مرة ومرتين وعشر....وانا سمعت من اكثر من دكتور ان كل ما زادت عدد مرات العملية زادت فرصة نجاح العملية

 

[ماي الورد]

مشكورة حبيبتي ما قصرتي

 

[eng.q8]

ما عندي فكره
بس انا بعد عندي سوال ما تقدم سن الياس؟؟
ان شالله ما في مضره والله يحمينا

 

[Swan]

والله ما عندي فكره
بس ماكو ادوية وابر مالها اثار جانبيه

 

[نيبال الايمان]

ضى الايمان


ياعمرى توكلى على الله وقولى لا اله الا الله 000 منو قالج تضر وتقدم سن الياس 000

صدقينى كلها خرابيط انا شخصيا مسوية تلقيح صناعى 12 مرة وطفل انبوب وحقن مجهرى 13 والحمد لله ما صار فينى شى بس الوحده كل ما كبرت بالعمر تقل فرص حملها 000 مو عشان الادوية ولا العمليات 000 عشان حكم كبر السن بس يعنى اللى عمرها 20 هرموناتها وبويضاتها مو نفس اللى عمرها 40 000

لا تحاتين ولا تخافين ياعمرى وغير اللى كاتبه الله ما يصير 000 عسى الله يرزقج ويفرح قلبج باللى يقر عينج ويفرح قلبج اللهم امين يارب

وعسى الله يرزقنى ويرزق كل محروم ومحرومه منهم اللهم امين يارب

 

[WaChoCha]

اكيد كل علاج وله اثار جانبية ..مافي شي ايجابي 100% لا تنسين هاذي هرمونات ينلعب فيها ..بعدين اتوقع كل ما زاد عدد البويضات اللي تنزل اكيد هذا يجدم سن اليأس

 

[حلم الأمومة]

مااعتقد انها تضر واللي يقولج انها تقدم بالعمر مادري بس في دكتور مره قالي ان كثرة عمليات الحقن ..تقدم سن الياس يعنى بسرعه تنقطع عنج الدوره والله اعلم


بس شنسوي مااالنااا الااا الحقن المجهري يعنى مو بس اطفال انابيب ... والله يعينا سبحااانه

 

[RAIN FALL]

الله يوفقك يا رب لا تحاتين لان الجسم من قدرة الله انة يتعافى و يرد مرة ثانية بعد ما تطلع الهرمونات بس مثل ما قالو لك البنات ان المرأة من تنولد لها مخزون محدد في مبيضها

 

[رووح حبيبي]

انا سمعت انها تنشف المبايض
يعني تخلص بويضات بسرعه
يعني نفس ماقالو البنات يعني نوصل للسن الياس مبجر
الله يعينا وياجرناولا يضيع لنا تعب

 

[أمونة الحلوة]

لا حياتي ماتضر بس يمكن انها تسبب زياده بالوزن شوي لانها ابر همرونات بس هذاالشي الوحيد ولو انها تضر ماقالوا الدكاتره كل مازاده فرصه الحقن وتكرارها زاده فرصه الحمل بس يقولج من الاحسن انه بين كل عمليه حقن مجري والثانيه تريحين شهرين وتردين تعيدينها مره ثانيه
وربي يرزقكم الذريه الصالحه يارب

 

[&رعبوووبه&]

ما عندي فكره بس لا تحاتين ما كو الا العافيه الله يرزق الكل يااااااااااااب