صحصحوا يابنات من بعد الحريييييييييق

[بطة رشيقة]

صاجه لا حول ولا قوه الا بالله استغفر الله استغفر الله ..

 

[Miss-vip]

قدر الله وماشاء فعل
يابنات ربي كتب هالشي وصار لا اعتراض على حكم الله
والله وانا اشوف الفيديو مال الحريق الي يصرخون فيه الحريم
تخيلت نار جهنم واصوات الناس فيها ساعتها محد راح يساعد احد ولا احد بيفقد احد لافيه مستشفى ولا ماي ولا شي
ونار هالدنيا فوح بسيط من نار جهنم الله يكفينا حرها وعذابها والله يحسن خاتمتنا
الي قلبها حي بتخاف وبتتعظ وتعمل لاخرتها
والي قلبها ميت عمره ما راح يحيا
اخلتقت الاسباب والموت واحد المحظوظ من قابل ربه بوجه حسن
الدنيا دار فناء اليوم نبجي عليهم باجر راح يجي من يبجي علينا

 

[tmtmt]

اييييي والله صاجه .. الحمدالله انا من اول ما احط هالسوالف

بس ان شاءالله الله يهديني مره وحده وما اروح عشان لا احط مكياج

 

[رحلة شقى]

صــاجــــه


كل بلاء لابد فيه حكمه... ولعل من حكمة هالبلاء صحوة كثير منا وتركنا للمحرمات

استغفر الله العظيم لي ولوالدي ولجميع المسلمين والمسلمات



جزاج الله خير ع النصيحه

 

[عزوتي واااصل]

لااااااااااااااااعدمتك يالغلا
وأضيف عليج بعد أذنج
كم وحده فينا إلا من رحم ربي إذا كان عندها عرس، فصلاه المغرب والعشا طاااااف هذا إذا ما جمعت معهم العصر بحجه عشان الميك آب مايخترب ومتي ما تفرغنا صلينا
فلا حول ولا قوة إلا بالله العظيم
اسأل الله تعالى أن يتجاوز عنا ويقبل توبتنا

 

[الجادل الطرقا]

امبيه انا انتبهت لهالشغله من صورة لمخلفات الحريق في باروكة مبينة مو محترقة مع نعول الحريم

يااااارب تلطف فينا وترحمنا برحمتك

احنا لازم نتعظ ونعتبر من كل شي يصير بهالدنيا سواء خير ولا شر

لازم نجدد إيماننا والحين رمضان داخل علينا

إن شاء الله نقضيه وياكم بالطاعات والصالحات

وعسى الله يغفرلنا ذنوبنا فيه

 

[jawhara.77]

يارب ما تاخذ روحنا الا بستر
والحمد لله ما اروح لعروس
وعسى هالشي يكون تذكير لنا وتنبيه
ونتعض
جزاج الله خير على الموضوع

 

[الغزال الجافل]

اي والله صاجة والله اني خايفة من اللي صار.. خايفة من الموت وشلون اقابل ربي ادعي ربي حسن الخاتمة..
وخاصة يوم شفت النيران اللي التهمت الخيمة باللي فيها .. والله خايفة..

 

[sara-q8]

صاجه اختــي ..,
جزاج الله ..
احنا لاهيه بهالدنيا .. ولازم الكل يتعظ من الي صار ..
الدنيا ممر مو مقر .. ولازم الكل يعمل لاخرته
والله يرحم موتانا وموتا المسلمين

 

[الكرزي]

الحمدالله على كل حال اللي صار مكتوب نسأل الله ان يرحم اموات الجهراء ويتقبلهم شهيدات أمين يارب العالمين
ويهدينا ويصلح ديننا ويجمعنا على الخير ويحسن خاتمتنا آآآآآآآآآآآآآآآمين يارب
الصراحة آنا حايشتني حالة رعب حتى وآنا قاعدة ابغرفتي انط فجأة واخترع واتخيل النار كل مكان حتى وآنا نايمة اتفزز بعد عمري اللي ماتو ماكانو قادرين اسوون شي

يارب ارحم حالنا يارب اغفر لنا واحسن خاتمتنا ​

يزاج الله خير حبيبتي كلامج كله درر وان شاء الله ربي يهدينا آآآآمين​

 

[الأماكن 75]

صاجة والله

جزاك الله خير

 

[Ro00os]

جزاج الله خير

 

[كويتية كشخة]

اي والله تنبيه اي من هالتفصخ اللي على هالحريم
شدعوا على هالتفصخ بعد لبسو نفنوف عادي اسمج رحتي العرس و باركتي للعروس
اهو القيام بواجب مو رقص وحالة
استغفر الله

تسلمين حبيبتي على النصيحة

 

[فرااااولة]

انا شايفة ان كل تركيزكم صاير عالعروس..لحظة شوي..الوحدة لما تروح العرس وتكشخ ما اذنبت..وايد بنات كشيخة بس بحدود المعقول..والاغرب اللي كتبت ان يمكن من اللي توفوا كانت مركبة رموش او مادري شنو..وشنو يعني اذا ركبت رموش..خو مو حاطتهم جدام الرياييل ..بينها وبين الحريم اللي معاها..استغفر الله تكلموا بعقل..خلوا اللي بالعروس شوفوا هاللي برا..كل وحدة تتفصخ وتلبس هالضيج وحاطة هالمكياج جدام الرياييل..هذي اللي المفروض نتكلم عنها..هذي اللي المفروض تخاف ربها وتتعظ وتحاسب نفسها مرة وحدة
ما تدري شنو بصير فيها عقب ثانية!!!
الله يرحم اللي ماتوا من الحرق..والله سمعت ان وحدة كانت صايمة افطرت على تمرة وراحت العرس..الدنيا لي الحين بخير بس يبيلها اللي تتعظ
على فكرة انا ما اقصد ان الحريم ما يفسفسون بالعرس ..بس مو معناه ان الكل فيهم هالفسق
يعني وحدة تروح العرس وتكون مصلية المغرب والعشا ولبست نفنوفها اللي على قدها وحطت هالمكياج ولبست البوشية عشان الرياييل لا يشوفونها وراحت العرس هذي ما فيها شي...بس العرس لا يكون فيه اغاني هذا اهم شي لانه ذنب كبير

 

[صغيرة على الحب]

اي والله احس هالكارثة هزة مو للكويت بس للعالم كله

يا رب سترك

 

[lara_action]

صح السانج بكل كلمه كتبتيها
جزاج الله خير

 

[CUTE ENGINEER]

الحمد لله آنا وحدة روحاتي حق العروس محدووووودة ما أحضر إلا عروس أهلي
وآخر عرس حضرته عرس أخوي قبل سنة يعني مومن النوع اللي
مايخلي عرس مايروحه

 

[وردة بيتنا]

لازم كل وحدة فينا تكون مستعدة

محد يدري متى يموت

 

[ماريسول]

انا شايفة ان كل تركيزكم صاير عالعروس..لحظة شوي..الوحدة لما تروح العرس وتكشخ ما اذنبت..وايد بنات كشيخة بس بحدود المعقول..والاغرب اللي كتبت ان يمكن من اللي توفوا كانت مركبة رموش او مادري شنو..وشنو يعني اذا ركبت رموش..خو مو حاطتهم جدام الرياييل ..بينها وبين الحريم اللي معاها..استغفر الله تكلموا بعقل..خلوا اللي بالعروس شوفوا هاللي برا..كل وحدة تتفصخ وتلبس هالضيج وحاطة هالمكياج جدام الرياييل..هذي اللي المفروض نتكلم عنها..هذي اللي المفروض تخاف ربها وتتعظ وتحاسب نفسها مرة وحدة
ما تدري شنو بصير فيها عقب ثانية!!!
الله يرحم اللي ماتوا من الحرق..والله سمعت ان وحدة كانت صايمة افطرت على تمرة وراحت العرس..الدنيا لي الحين بخير بس يبيلها اللي تتعظ
على فكرة انا ما اقصد ان الحريم ما يفسفسون بالعرس ..بس مو معناه ان الكل فيهم هالفسق
يعني وحدة تروح العرس وتكون مصلية المغرب والعشا ولبست نفنوفها اللي على قدها وحطت هالمكياج ولبست البوشية عشان الرياييل لا يشوفونها وراحت العرس هذي ما فيها شي...بس العرس لا يكون فيه اغاني هذا اهم شي لانه ذنب كبير

انا اايدج في السالفة ​

 

[Om eL-3a9aGeeL]

اي والله والمشكلة مو هني

المشكلة انه اغلب اللي يوصلون اذا مو كلهم يدرون انه حرام وعارفين هالحديث !
ولي نصحتيهم

قالتلج شسوي شعري وايد خفيف يعني شسوي حق العرس ؟!

عذر اقبح من الذنب

الله يهدي الجميع ويغفر لهم