السلام عليكم
بنات بكتب هالموضوع واتمنى تتقبلونه بصدر رحب ، وارحب بكل النقاشات والاراء .. اهم شي الاسلوب الراقي في الرد مثل ما تعودنا من كويتيات
بنات انا بنت مو متزوجة بس والله مشاكلكم بهالقسم يا متزوجات يا حبوبات .. تخلينا نتعقد .....:eh_s(1):
لاحظت عده اشياء
شدعوة بنات .. صايرين ماتتحملون اي شي وتسوون شي من ولا شي !!
وين الصبر .. وين العقل .. ابسط شي من زوجج او ابسط تصرف من حمولتج شلتي قشج ورحتي بيت اهلج وتيين تنزلين موضوع بنات شسوي .. ؟؟؟ لما تزعلين وتسألين "شسوي" هذا اكبر دليل انج مو عارفة شتسوين ولا تدرين شنو تبين ..
والا هي موضة .. وتحسبين الريال بيركض وراج !!
لا تكبرين المشاكل .... وماتدرين انج على صبرج تاخذين اجر؟؟؟؟؟
عبالكم هالكلمة تكسر ظهر الريال والا تلوي ذراعه ؟؟ والا عبالج الريال "وخصوصا الكويتي :dddds: " بيقولج لا تكفين ماقدر اعيش بدونج <<<<< طبعا هذا اذا عبرج وعطاج ويه ورد عليج وماطنشج
اي بنت يصير لها اي موقف والا اي شي
قامت تشك بريلها ..... انت تكلم ..... انت راعي سوالف .... انت فيك ما فيك ..
يا بنات مو غباء انج ماتنتبهين على التفاصيل ـ بس الغباء ان من اول شي وابسط شي تنكدين عالريال :eh_s(14):
وتتحولين من زوجته الى ضابط تحقيق .... بالداشة والطالعه
بتقولين زوجي ما يهد التلفون .. مايقوم من النت .. ما يوقف واتس اب ....... الخ ايا كان اللي لاهيه عنج
انتي بدورج اهني خلج شاطرة وذكية .... عالاقل لا سوا الشي جدامج احسن من وراج
بدل ماتنحشينه اجذبيه لج بطريقتج .. بسوالفج .. شاركيه اهتماماته لاتصيرين مومياء وتمثال صامت ويلهى باللي معاه وينساج ....
لا تقولين استحي والا اخاف ولا ماعرف
بتستحين بقولج هذا ريلج حلالج .....
تخافين تجربين شي وماتدرين شنو ردة فعله ... انا اقولج جربي و لاتحكمين على شي قبل ماتسوينه
ماتعرفين تعلمي محد انولد من بطن امه عالم
واهم شي لا تدخلين احد بينج وبين زوجج .. تعودي تحلين مشاكلكم بينكم
لا تحكرينه على ابو سنعه مجابلته 24/24 (الحمدالله والشكر بعض البنات حسبالهم ماراح يشوف غيرها لا جابلته 24/24 ... ماتدري ان الريال مايحب احد يقيد حريته لو شنو )
بيسهر مع ربعه خليه يسهر هذا شي متوقع لان الريال ماتعودولا يحب احد يقييده بشي
بدل النجرة والهواش لما يرد البيت ..... خليه يشوف انثى شفقانه عليه ... لا شاف هالشي ظني بيعوف ربعه وبيجابلج
لا تصيرين قرقة ولا تصيرين عالصامت ..... الريال مو مثل المرا يحب يسولف
احنا لو نسولف 24/24 مافي مشكلة بس الريال غير يحب الزبدة وياخذ المفيد وبس
وانتي بشطارتج شوقيه على سوالفج ....
وبس وشكرا وفي اشياء وايد بس اكتفي بهالقدر
:cxxxp:
:gathering:
بنات بكتب هالموضوع واتمنى تتقبلونه بصدر رحب ، وارحب بكل النقاشات والاراء .. اهم شي الاسلوب الراقي في الرد مثل ما تعودنا من كويتيات
بنات انا بنت مو متزوجة بس والله مشاكلكم بهالقسم يا متزوجات يا حبوبات .. تخلينا نتعقد .....:eh_s(1):
لاحظت عده اشياء
- 1.في متزوجات مافيهم لا صبر ولا حكمة (يمكن الغالبية بعض المتزوجات حديثا)
شدعوة بنات .. صايرين ماتتحملون اي شي وتسوون شي من ولا شي !!
وين الصبر .. وين العقل .. ابسط شي من زوجج او ابسط تصرف من حمولتج شلتي قشج ورحتي بيت اهلج وتيين تنزلين موضوع بنات شسوي .. ؟؟؟ لما تزعلين وتسألين "شسوي" هذا اكبر دليل انج مو عارفة شتسوين ولا تدرين شنو تبين ..
والا هي موضة .. وتحسبين الريال بيركض وراج !!
لا تكبرين المشاكل .... وماتدرين انج على صبرج تاخذين اجر؟؟؟؟؟
- 2. "ودني بيت اهلي"
عبالكم هالكلمة تكسر ظهر الريال والا تلوي ذراعه ؟؟ والا عبالج الريال "وخصوصا الكويتي :dddds: " بيقولج لا تكفين ماقدر اعيش بدونج <<<<< طبعا هذا اذا عبرج وعطاج ويه ورد عليج وماطنشج
- 3.تهقوون ؟؟؟؟؟
اي بنت يصير لها اي موقف والا اي شي
قامت تشك بريلها ..... انت تكلم ..... انت راعي سوالف .... انت فيك ما فيك ..
يا بنات مو غباء انج ماتنتبهين على التفاصيل ـ بس الغباء ان من اول شي وابسط شي تنكدين عالريال :eh_s(14):
وتتحولين من زوجته الى ضابط تحقيق .... بالداشة والطالعه
بتقولين زوجي ما يهد التلفون .. مايقوم من النت .. ما يوقف واتس اب ....... الخ ايا كان اللي لاهيه عنج
انتي بدورج اهني خلج شاطرة وذكية .... عالاقل لا سوا الشي جدامج احسن من وراج
بدل ماتنحشينه اجذبيه لج بطريقتج .. بسوالفج .. شاركيه اهتماماته لاتصيرين مومياء وتمثال صامت ويلهى باللي معاه وينساج ....
لا تقولين استحي والا اخاف ولا ماعرف
بتستحين بقولج هذا ريلج حلالج .....
تخافين تجربين شي وماتدرين شنو ردة فعله ... انا اقولج جربي و لاتحكمين على شي قبل ماتسوينه
ماتعرفين تعلمي محد انولد من بطن امه عالم
واهم شي لا تدخلين احد بينج وبين زوجج .. تعودي تحلين مشاكلكم بينكم
[*]4.امسكي العصاية من النص
لا تحكرينه على ابو سنعه مجابلته 24/24 (الحمدالله والشكر بعض البنات حسبالهم ماراح يشوف غيرها لا جابلته 24/24 ... ماتدري ان الريال مايحب احد يقيد حريته لو شنو )
بيسهر مع ربعه خليه يسهر هذا شي متوقع لان الريال ماتعودولا يحب احد يقييده بشي
بدل النجرة والهواش لما يرد البيت ..... خليه يشوف انثى شفقانه عليه ... لا شاف هالشي ظني بيعوف ربعه وبيجابلج
لا تصيرين قرقة ولا تصيرين عالصامت ..... الريال مو مثل المرا يحب يسولف
احنا لو نسولف 24/24 مافي مشكلة بس الريال غير يحب الزبدة وياخذ المفيد وبس
وانتي بشطارتج شوقيه على سوالفج ....
وبس وشكرا وفي اشياء وايد بس اكتفي بهالقدر
:cxxxp:
:gathering:
