صج لازم اصبغ الصف واشتري زوليه وطاولات و و و و ؟؟

[ورديـــــه]

السلام عليكم


بنات انا تعيين يديد حاطيني فروضه بقراطيسها فاااضيه ومسلميني صف فااااضي وقالولي ااثثه انا والابله المربيه اللي معاي لان الاداره ماتبي تشتري او توفر شي:0bee2e8d89:
انا مابي اقعد بهالروضه ابنقل لانها وايد بعيده عن بيتنا تخيلو اطق درب من الفروانيه للجهرا :eh_s(1):
والابله اللي معاي مره عوده خوش وحده استحي اقولها مابي ااثث ياربي ماصدقت اتوظف اقعد اصرف اول معاش عالروضه هذا بدال لا اتهنى فيه بعدين انا مخططه عالمعاش عندي التزامات وبعدين انا ناقله ناقله اقط على صف مو حقي ؟؟
انا مستعده اجهز واشتري للخبرات مو طاولات وزوليه:krkrkr:

شرايكم شسوي نصحووووني

 

[doweha]

حبيبتى مايقدرون يلزمونج هذاك اول والاول تحول ايامنا احنا خلفالله علينا كلشئ انسويية حبيبتي في قرار من الوزارة انهم اوفرون لج يطلبون من المخازن اوفروون طاولات وركن البيت والعلوم وعلى فكرة في ميزانية تدفع للمشرفة من التوجيية حق وسائلج تشتريين فيها اغراض الفنية وركن البيت من ملابس شخصيات وعرائس لاتدفعيين ولافلس لان مافي قرار يجبرج ويمكن السنة هذى مافية لية شهر 3 وتكونين امسجلة نقلج فنصيحتي عادي صارحي الى وياج والله يكتب لج الى فية خيرة على فكرة انا خبرة11 سنة وياما دفعنا نفس الشئ بس الى اتقلقس تمشى وتاخذ امتياز بسهوله

 

[مســـــافره]

مادري الله يعينج
بس لو انا بدالج ما ادفع

 

[فـلـفـلـهـ]

والله ماأدفع لو يتخنزرون لووووووووووول

ولا فلس حمررررررررررر

 

[ام سكنة]

حبيبتي اختي لها في الروضة 15 سنة
اصبغت وشرت وكل شيي تدفعه من جيبها هذا غير الحطات اذا سار في الروضة فعاليات (بوفيه للضيوف )
وذا جت ناظرة جديدة قالت يالله غيروا كل شي من جديد صبغوا اشتروا زل
ولي تعترض ونقول شي حطوا عليها ووروها نجيمات القايلة

 

[سحابه صيف]

دوام الروضه لابد من انج تقطين نص معااشج عليها والا مااتعجبين :krkrkr:

بس بما انج بتنقلين خلي يكون عند المربيه خبر قوليي لها عشان لاتحس انج مومتعاونه معاها

والله يوفقج ومبروك الوظيفه

ْ~~


:gathering:

 

[miss_lymoona]

من صجكم صج شي يقهر

 

[أم شواقه]

لا انتي مو مجبووووووووووووورة

شوفي انا اصرف على صفي بالاشياء الي احتاجها بدرسي وبعض الاغراض بالاركان

لكم

صج كل ناظرة غيييييير

والصح انها اهيا الي تصرف طبعا مو من جيبها من الميزانيه

ناظرتنا زينه

هالسنه

اصبغت الفصولواللون الي احنا نبيه

شرينا زل للصف وقالتلنا بعطيكم فلوصكم ةواليووم ردت فلوسنا من الميزانيه طبعا

والطاولات والكراسي من الوزارة

والالعاب الي بالاركان اغلبها من الوزارة

 

[عشوشه]

السلام عليكم يالغاليه
شوفي حبيبتي اول شي حلي لسانج كل الناس خلانج يعني قولي اللي تبينه و منتي ملزومه بشي و لكن يعتمد على اسلوبج بالكلام و شكلج جديده و كلامج طيب انشالله و اول شي مثل ما قالو البنات خبري المعلمه اللي معاج بظروف النقل و لا تهقين يتم النقل بالسهوله اللي تتصورينها اذا على قولتج روضه جديده و النقص اكيد موجود و بعدين حتى لو منتي منتقله و مو من خاطرج تقطين فلوس مو لازم هذي ميزانيه والاداره ملزمه تدفع و تسلمج فصل كامل متكامل للعمليه التربويه و بلغي مشرفتج بهالشي بان عندج التزامات و ما تقدرين تدفعين شي اضافي و اذا على انهم يحبونج فاذا اشتغلتي بضمير و شديتي حيلج مع اليهال و خليتيهم شطار انتاجج يدل عليج و الزين يبقى غصب او طيب و تحياتي

 

[dalal art]

الله يعينج
الله يعينج
الله يعينج

 

[:: عائشه بقلبي ::]

شوفي روحى للناظرة دايركت وقوليها

يا ابلة فلانه انت على عينى وراسي

اوكى

خرعيها باسلوب

بس والله فلس حمر ما عندى ابدا

ومعاشى

كله بيد اخوى او امى عندنا ظروف ماليه صعبه

حلو الكلام

وسامحينى طال عمرك

ما اقدر احط فلس عالصف

واهلى مهددينى يروحون المراقبه يكلمونها انا ما نقدر خخخخخخخخخخ جنج براءة يعنى

والله بتخق باهدومها

وراح تاثث صفج


انا اول ما عينونى

كنت كارهه الناظرة والروضه

عطونى صف اقرع

قالت يالله اثثى

رحت كلمتها باسلوب

حلو قلت بطاقتى عند زوجى

ومراح يعطينى فلس لما قلتله قال يا ويلك باجر انا اشتكى عليج انت وناظرتج

وين ميزانيه الوزارة

خخخخخخخخخخخخخخ عاد قلت لنظارة توهقت

وسيدة فجت درجها عطتنى 30 دينار ومن باجر يابت مطبخ والفنيه

والباجى

جمعنا من الفصول وسوينا الصف

تري ممنوع تقطين فلس

خلهم يولون


من صجك


اصلا هالسنه ماكو دوام ولا اطفال

 

[ياسمينا]

لوووووووووووول
خنوسه تعجبيني
انا ما احط ولا فلس على الصف
واذا شريت شي اعطيها الفاتوره وتعطيني فلوسي
خلاص فيه ميزانية للروضة واحنا موقعين على النشرة ماندفع ولا دينار للروضة
فتحي عيونج يا اوخيتي لا يقصون عليج

 

[nero]

خنوس ترا ما يجوز الي تسوينه
الله ما يبارك لج بمعاشج ولا بشغلج دام بدايتها جذب
الكل قاعد يقط
والي ماعندها الرخيص والغالي متوفر تشتري الي يناسب ميزانيتها ولا يتعبها


انا اقول حطي شي بسيط والزل والصبغ على الاداره ومو شرط تصبغون هالسنه بعد
تبقى تناتيش الاركان (واغلبها من الوزاره) ماتاخذ وايد منج ودام ماكو يهال لمدة شهرين عندج معاشين خصصي منهم مبلغ بسيط حق هالسوالف
ولي طلعتي من الروضة اخذيهم معاج ما يضيعون والي معاج اكيد بتحط قسمو الشغل تطلع السالفه هينه لان الكل يمر بهالوضع مو بس انتي

 

[أحلاهم]

عطيهم طاااااااااااااااااااااااااااف..مهما تسوين ما يبين بعينهم...نصيحة ولا فلس اقط عالوزارة التعبانة..خلج حريصة

 

[رضاب]

لا مو صج

الادارة مسؤوله عن التجهيز من ميزانية الروضه

 

[عبااير]

احنا محنا ملزومين ناثث الصفوف ونشتري طاولات ...اجل الوزاره تعطي الناظرات ميزانيه حق شنووو؟؟؟؟؟؟؟؟
ماعليج منها قوليلها انا ماعندي اثث لصف ....وصدقيني ماراح تجبرج اتأثثين الصف لانه مخالف للقوانين ولو تشتكين عليها تروووح فيها ...بس اهي شافتج جديده قالت فرصه اندفعها فلوس لانها جديده وماتعرف شي
انتي ملزمه اتجهزين صف من لوحات خبرات اللي تستعملينها بتدريسج غير هذا ...صبغ واثاث وبردات وطاوولات ...خل اطييييير الناظره قوليلها بالفم المليان ماااااعندي واذا فيها خير اتسوي لج شي ...انتي اول واخر بتنقلين

 

[Om-s3od-2009]

حبيبتي الوزاره توفر كل شي من اثاث للاركان بس انتي وفري الشغلات الصغيره مثل العلميه يبون صخر وقطن وسوالف جذي
والفنيه مستهلكات وكلها من ابو اميه
وين الحين سالفه اثث طاولات وكراسي هذا حجي اول

 

[أوركيد]

اقط على دروسي واركاني ...بس تاثيث الصف لا..

واساساً انتي مو تامه بالروضة ..والصف مو صفج ..

روحي للناظرة وحاجيها وهمن كلمي المعلمة اللي معاج وقولي لها انا بساهم بالاركان ..بس لا صبغ ولا اثاث ..

ونصيحة لا تقط عالأثاث ...لأن الوزارة قاعد يأثثون الرياض كلها ..

 

[*أم*خالد*]

روحي المنطقه وسئلي بدون لا تقولين لهم اسم الروضة او اسمج الشخصي .. قولي جذي وجذي الوضع يصير ولا مايصير

عشان تقولين حق الناظره انا سألت بالمنطقة وقالولي كيت وكيت

مع كلام المدرسات العضوات اللي قالولج شتسوين

نيرو مو زين عليج هالحجي .. خنوسه ماسوت شي غلط ومن له حيله فليحتال

 

[^ليلاس^]

الصبغ عالادارة وحتى الزل وحتى الطاولات واثاث ركن المطبخ

احنا علينا نعبي الاركان واغلب الاركان هم الوزارة توفر اغراضهم

بصراحه ما صادفت ادارة تطلب منا نصبغ او نييب طاولات او زل