صج طبقو قانون الخدم ؟؟

[srabeel]

بنات من صجكم قانون الخدم اليديد بطبقونه ؟؟؟

السلام عليكم

بنات والله من قهره وميته من الحره وبنفجر صج صج صج فى قانون الحين بطبقونه حق الخدم نظام الساعات يعنى تشتغل 8 ساعات وبعدين عقب ال8 ساعات لازم تاخذ زياده ؟؟؟

يعنى الحين إذا قلتلها أيام المدارس قعدى الساعه 6 فتشتغل لى الساعه 2 مع طلعت اليهال من المدارس والدوامات واللويه التصير مع الييت اليهال فأقعد أنا أكرف بعد شلالفايده من الخدامه لا وبرمضان أقولها حبييتى غنثبرى مكانج لى الساعه 6 المغرب وبعدين تعالى أكرفج يا سلام بس بعرف من الذمى إلى إقترح هالقانون البايخ إلى يبط الجبد؟؟؟؟؟

 

[حبيب قلبي]

مشاركة: بنات من صجكم قانون الخدم اليديد بطبقونه ؟؟؟

تحسين ماكو شغل يعنى الحين بتعمر الديرة على هالقانون والله مساخه هالرياييل قوانينهم على كيفهم لا ولاتنسين لها يوم راحة يعنى تطلع على كيفها احنا جذى وموسالمين هالمرة تطلع موناقص الى يقولون الخادة تطلبينها مع عايلتها لازم مرافق لها .

 

[الغلاااااااكله]

مشاركة: بنات من صجكم قانون الخدم اليديد بطبقونه ؟؟؟

ويييي



الله لايقووووووووله

شنو هالخرابيط ضاقت عليهم المشاكل
مالقوا غير يغيرون الخدم

والله حاله

بس ما اعتقد يطبقونه لان كل الشعب
عنده خدم ومارح يرضووون

وصعبه هالخطوه وجريئه والناس را ح تتذمر

.

 

[أم طخطيخ]

مشاركة: بنات من صجكم قانون الخدم اليديد بطبقونه ؟؟؟

هالقانون طبقوه بالسعوديه على الاندونيسيات و ان لازم يكون عندها ستلايت وتلفزيون فأكيد راح يتطبق بالكويت اذا السعوووديه طبقته شلون عالكويت ... وترى المسأله وجااااهه جدام منظمات حقوق الانسان

 

[fulla]

مشاركة: بنات من صجكم قانون الخدم اليديد بطبقونه ؟؟؟

واااااااااااي هالديره وين رايحين وراكم انزين مايفكرون بالمشاكل عقب جذيه راح يستقويون علينا وكل ساعه والثانيه اتهددنا لا والطلعات مره كل اسبوع حق الخراب عدل احنا جذيه وموملحقين كلساعه وطايحين على خرابيطهم الله يعين لما يطلعون على كيف كيف شراح ايسوون

 

[al7anona]

مشاركة: بنات من صجكم قانون الخدم اليديد بطبقونه ؟؟؟

لااااااااااااااااااااااااا شالقانون البايخ

 

[شهد_الكويت]

مشاركة: بنات من صجكم قانون الخدم اليديد بطبقونه ؟؟؟

يا حبااايبي اهم الريااايييل مرتاحيييييييين والكراف باجر علينا اشعليهم اهم يحطون هالقوانيين واحنا نبتلش بس اذا صج تطبق هالقانون اخلي ريلي يشتغل معاي بالبيت

 

[srabeel]

مشاركة: بنات من صجكم قانون الخدم اليديد بطبقونه ؟؟؟

لالالالالالالالالا يعنى طلع كلامى عدل حسبى الله عليهم جان صج الظاهر يبون يقلدون أمريكا وربعها والله ما أقول إلا مالت على هالقانون البايخ إلى مثل ويهممممممم

 

[مُناي]

مشاركة: بنات من صجكم قانون الخدم اليديد بطبقونه ؟؟؟

حمدالله والشكر


هذيلا كل من طق طبله قال أنا قبله


صارت القرارات لعبه


والشاطر اللي يحط أغرب قرار



ماخلصنا من نوريه الصبيح


طلعوا لنا هذيلا



وي مالت عليهم



أنا أحلى قرار سمعته وفيه رحمه فعلا


هو منع عمل العمال في الطرق والحفر من 12 إلى 4

عشان حرام حر عليهم





يعطيكم العافيه

 

[mona78]

مشاركة: بنات من صجكم قانون الخدم اليديد بطبقونه ؟؟؟

اي و الله صاجة حده قانون بايخ... احنا موملحقين على سوالفهم الخربوطية و اهمه بالبيت الله يعييييينا متزوجة مو متزوجة نفس الشي بلاااوي

 

[طماشه]

مشاركة: بنات من صجكم قانون الخدم اليديد بطبقونه ؟؟؟

اي شفيكم هذي امريكا الي فارضتها على بونه حقوووق الانسااان



لك تنضربوا انتوا وحقوووق الانساان شالسخافه

كل شئ تحكموا فيه

مابقى الا يتحكموون بطريقه نومتنا بعد


لاحول ولا قوه الا بالله محد بخسبقنا الا امريكا وربعها

 

[معلمه متميزه]

مشاركة: بنات من صجكم قانون الخدم اليديد بطبقونه ؟؟؟

اقول خليولون بس خنشوف من بيطبق ماتل عليهم وعلى قراراتهم البايخه ..

 

[under shadow]

مشاركة: بنات من صجكم قانون الخدم اليديد بطبقونه ؟؟؟

لا مستحيل يكووون هذا القرار صحيح

أكيد في شي غلط ما أصدق

مو كافي الفليبينيات اللي تارسين الشوارع على مصاختهم وقله أدبهم هالدور على خداماتنا
وتعالي شوفي آخر الاسبوع مو باقي اللي البوي فريند يطق على باب بيتنا ويقووول نادولي ميري والا سوما خخخخخخخخخخ

وع والا تتفق اهي وشلتها علشان يبوووقون البيت بعد اهي تدل كل قطعه فيه والا تجيل آخر الاسبوووع من بيتج بالخش والدس
واااااااااااااااااي

لا لا ما أصدق اوووووووووف خلاص قررت أهاجر
كل يوووم يطلعووون لنا قرارات تعسفيه

 

[under shadow]

مشاركة: بنات من صجكم قانون الخدم اليديد بطبقونه ؟؟؟

شرايكم نبي نسوي حمله للتواقيع علشان نرفض هالقانووون

خخخخخخخخخخخخ

 

[أسمى حب]

مشاركة: بنات من صجكم قانون الخدم اليديد بطبقونه ؟؟؟

هالقانون طبقوه بالسعوديه على الاندونيسيات و ان لازم يكون عندها ستلايت وتلفزيون فأكيد راح يتطبق بالكويت اذا السعوووديه طبقته شلون عالكويت ... وترى المسأله وجااااهه جدام منظمات حقوق الانسان

السعوديه رفضت قرارات لجنه حقوق الانسان

ولم يتم التطبيق أختي

من مصادر موثوقه

 

[ظلال القرآن]

مشاركة: بنات من صجكم قانون الخدم اليديد بطبقونه ؟؟؟

خدمنا بروحم صيرين شيخات موبايلات وكشخه بعد
اجازه اسبوعيه و8 ساعات عمل كملو
شدو الحزام يا بنات الديره

 

[Maltesers]

مشاركة: بنات من صجكم قانون الخدم اليديد بطبقونه ؟؟؟

اخ اخ اخ اخ اخ اخ منو طلع هالقانون هذا قولولي بس خل احقد عليه هههههههههههه


لا ايووووون ديرتنا وايد احسن هم ايوووون هم يتشرطون شنو ميتين عليهم احنه .. اصلا اهمه ايوووون يخربطون بديرتنا فلالالا ايووون احسن .. الله يخلي باجي الجنسيات ..

وااااااااااااي استغفر الله على طاري خل يشوفون تلفزيون ذكرتوني بحماتي فقيره كان عندها اندونيسية

ومرة طقت بالريموت الزر اللي يردج حق اخر قناة شفتيها ولالالالالا من هالقنوات الوصخه تقول حماتي قلت اكيد الخدامه لأن حماتي كانت طالعه مع اليهال و الخدامه بالبيت ..

جان تناديها حماتي وقصت عليها قالت لها انه حاطه كاميرا وشفت شنو كنتي تطالعين بالتلفزيون ما قدرت تجذب ..

وزفتها زف اليهد .. اشوه ان الله ستر اليهال مو بالبيت وطبعا هذي مرة وحده جكتها يعني شوفوا جم مرة قاعده تجابل هالقنوات ..


ونخليهم يطالعون تلفزيون بعععععععععععد أملهم ..

 

[أم طخطيخ]

مشاركة: بنات من صجكم قانون الخدم اليديد بطبقونه ؟؟؟

السعوديه رفضت قرارات لجنه حقوق الانسان

ولم يتم التطبيق أختي

من مصادر موثوقه

حبيبتي احنا نعرف ناس بالسعوديه لما ؤبغوا يطلبون اندونيسيه عطاهم راعي المكتب نشره من السفاره الاندونيسيه وفيها سالفة اجازة لها بالاسبوع و لها تلفزيون وستلايت

والمصدر موثوق والسالفه صج ما اخترعتها من عندي جان انتي قصدج على لجنة حقوق بس على شغله ثانيه يمكن تخص جميع الجنسيات بس الخدم الاندونيسيات متاكده منها ميه بالميه لانها من سفارتهم

 

[نفنوف كشكش]

مشاركة: بنات من صجكم قانون الخدم اليديد بطبقونه ؟؟؟

عيل انا عكسكم
انا مع القرار اكو خدم حرام يكرفون كرف اليهد وتييلج المعزبه اذا ماعجبها شي اتطيح فيها طق وتلعن ابو خيرها علا اساس تبي اتحط الحره فيها بالله موحرام هالشي ؟؟؟ يعني الخدم اييون يتغربون من ديرتهم عشان 50 دينار لمه اييون اتصير بيبي ستر طباخه خمامه غساله والله العالم هالخادمه شنو ابديرتها بس الظروف حدتها انها تخدم والله حرام....خل كل وحده فيكم تشتغل شغل خادمتها يوم واحد بس ..
الوحده فينا لي راحت دوامها اتكون قاعده عالمكتب براد وهم انقول ويه كرفنا اشتغلنا ويه يمه عيل اشلون هالفقيره اللي تكرف شتبدي عليه تلحق يهال ولا اتلبسهم هاذا غير لمه يتسلطون عليها ايكفخونها ......اتغسل ولا تطبخ الله يعينهم

ارحم ترحم وارحمو من في الارض يرحمكم من في السماء
يمكن هالقرار ايحد من عدد العماله اللي ايبونها صاراو اكثر منا..
عمومن هاذا رايي واتمنا مايكون زعلكم

 

[Umabdulmohsen]

مشاركة: بنات من صجكم قانون الخدم اليديد بطبقونه ؟؟؟

فى رأيي ان مكاتب الخدم راح يرفضون هذا القرار
لانهم يخافون ان الناس ما تطلب منهم ويطيح سوقهم