صج صج صج صج والله....؟؟؟!!!!

[فجوره99]

انا اقول بدال لا تودي اعيالنا المخفر خل اتحط باصات مكيفه مع مشرفات حق اليهال يوصلونهم البيت وتحل مشكلة التأخير

 

[Dancing^Queen]

لاوالله يعني الياهل يتخرج من الابتدائي رد سجون !!!!!!

عيل نطالب ينحط بالمخافر زحلاقيات ونطاطيات وغرف العاب لليهال
!!!


الف الحمدالله ياربيوالشكر
هذي الوزاره اللي تشرف علي تعليم عيالينا والحرص عليهم بتخليهم يدشون مخافر
فلنفرض يوم الام صارلها حادث وتاخرت علي الياهل
او بالطبيب وتاخرت
تستلممه من المخفر ويوقعونها تعهد؟

في شي اسمه انشطه بعد المدرسه
هذا بمدرسه عيالي بالخاص مادري جان في بالحكومه
حق الناس اللي تدري بظروفها وان يمكن تتاخر علي عيالها
في نشاط ساعه عقب المدرسه اليهال يدش مثل النادي يقعد يستغل هالوقت بدال لايقعد علي كرسي ناطر امه وميت خرعه لايتلونه المخفر
ليش مايتطبق هالشي؟

 

[cute-girl]

عناااااااد بخلي ابوووي يتاخر

 

[رفرف]

صااااااااااجه كوين هذا الفرق بين الخاص ووزارتنا الرشيدة ..

حتى انا بنتي تخلص 12 ونص وانا 1وثلث شلون اخذها ؟
والا بقعد انطر منة فلانة وعلانة وتطلعين والا ما تطلعين وعندج حصة اخيرة او عطيناج احتياط ..
ادخلها النادس اللي عقب الدوام وبنتي قاعدة بالتكييف تلعب مع ربعها ومعاها تيجر وحتى ماتحس اني تأخرت عليها وطبعا بمقابل مادي مو بلاش بس اريح لهم ولنا ..

 

[الحراير]

الخبر صحيح قريته بجريدة الوطن

 

[SO_SO]

من صجهم مخفر !!!!

 

[basema]

بصراحة ما وصلت نشرة للمدارس بس أنا قريته بالجريدة بعد

 

[أم ضارى]

بنات انتو ليش تمشون على كلام الجرايد ترا مو كل اللى ينكتب بالجرايد

الجرايد هاليومين اللهم ياكافى يسوون من الحبه قبه بس يبون يزيدون التوزيع علشان التنافس اللى بينهم

والا تصفية حسابات ....

اليوم الوزيره محوله المدارس اللى وزعت هالقرار حق التحقيق .... مومعقوله اهيه اللى اصدرت القرار وتحولهم التحقيق

 

[السنعة2]

مديرة مدرسة أصدرت الكتاب وسنخضعها للتحقيق
نورية الصبيح تؤكد ما نشرته الوطن: إحالة «المتأخرين» إلى المخفر.. «اجتهاد»








كتب خليل التميمي: اعترفت وزارة التربية بكتاب صدر في احدى مناطقها التعليمية يحذر اولياء الامور من عدم التأخر في اخذ ابنائهم من مدارسهم «واذا تأخروا ساعة عن الموعد المحدد يحالون الى المخفر»، مبررة ان ما صدر «اجتهاد شخصي من مديرة مدرسة، وأحيل الامر الى التحقيق لدى الشؤون القانونية في منطقة الفروانية التعليمية».. وهذا ورد على لسان الوزيرة نورية الصبيح والوكيلة المساعدة بالانابة بدرية الخالدي.

وكانت «الوطن» تفردت بنشر الخبر في حينه.

وذكرت وكيلة وزارة التربية المساعدة للتعليم العام بالانابة بدرية الخالدي ان «هذا التصرف غير التربوي لا يتماشى مع التوجهات العامة لوزارة التربية.. فلدينا لوائح ونظم تربوية تتعامل مع هذه الحالات والطلاب والطالبات امانة في اعناقنا».

واكدت وزيرة التربية وزيرة التعليم العالي نورية الصبيح ان «تحقيقا سيجرى مع مديرة مدرسة الاندلس الابتدائية للبنات لاصدارها الكتاب لاولياء الامور عن تسليم التلميذات الى المخفر اذا تأخروا في نهاية الدوام».وذكرت ان الوزارة بحثت على مدى الايام الاربعة الماضية عن مصدر الرسالة التي وزعت على اولياء امور الطلبة بهذا الخصوص مضيفة «انه تبين للوزارة ان مديرة مدرسة الاندلس الابتدائية للبنات هي التي أصدرت هذه الرسالة بتصرف شخصي منها دون ان تبلغ المنطقة التعليمية التابعة لها بذلك».

وقالت ان ارسال الطلبة الذين يتأخر اولياء امورهم عن تسلمهم من المدرسة في نهاية الدوام المدرسي الى المخافر «مبدأ مرفوض» نظرا لوجود وسائل بديلة مناسبة منها وجود مدرسين مناوبين مسؤولين عن انصراف اخر تلميذ من المدرسة والاتصال بأولياء الامور هاتفيا للاستفسار عن سبب تأخرهم عن تسلم ابنائهم اضافة الى ابلاغ المنطقة التعليمية والمخفر للاستدلال على عنوان ولي الامر واحضاره لتسلم ابنه من المدرسة.

واضافت انه في حالة تأخر اولياء الامور عن تسلم ابنائهم من المدارس في نهاية الدوام المدرسي «فان الطلبة يظلون في المدارس ومن غير الوارد اطلاقا ان يتم اخذهم الى المخافر».



تاريخ النشر 26/09/2008

 

[نجوم الظهر]

:aha:مشكوووررررره السنعه 2 :aha: على التوضيح
وجزاج الله خييير :aha:

آنا أقوووول يااااربي....
هالقرار مو منطقي وماتصدره إلا وحده موووو صااااحيه
استغفر الله​

 

[السنعة2]

تسلمين وياج حبيبتي

ايه والله صج قرار مو منطقي
واذا عرف السبب بطل العجب

 

[أم ضارى]

مشكوره السنعه2 على هالتوضيح

الله يهداهم البنات يعلقون على الموضوع ويذمون من غير مايعرفون حقيقة الموضوع

 

[DBDOB3 DES]

باالله صارلأهل الياهل ظرف بهليوم شيسوون؟؟؟؟

 

[malekatsabaa]

دولتنا ما شاءالله عليها سباقه في امور وايد
بس هذي عاد...فريده من نوعها..

هذي عاد الوزيره طينتها ومادري ليش معطينها ويه...لوعت جبودنا..

 

[● ταʝ ɨʟ ʀοοѕ ●]

ashwa ana madressa 5a9a
maywadooni il ma5far loool
a9lan mafro'9 i****oonha hal wazeera
i7na 3yal 7amayel oo 3awayel san3a 3yal il deera i7na ndsh m5afer !!! hatha a9lan i5ali il yahil ykrah il madressa wil derasa ... 5oosh tashjee3 7ag il yahil 3shan iroo7 il madress

 

[May3a]

ماتوقع صج بيطبقونه بس عشان يخووفون الاهل مايهملون عيالهم ويخلونهم بالمدارس ساعه وساعتين ينطر احد من اهله ياخذه

 

[القلب الحساس]

اي صج واحسن زين يسوون عشان الاهل مايتاخرون على عيالهم يعني هم الابلات المناوبات عندهم عيال وبياخذون عيالهم من المدارس موفاضيين ينطرون عيال الاوادم وبرودهم المفروض الاهل ياخذون عيالهم سيده اول ماينهدون

 

[اكسبلانكا]

حمدلله والشكر هالوزيره ينت وقعدت اذا صج منزله هالقرار استخفت المره

 

[ريحانة_14]

قللللللللللللبي طاح فبطني

قاعده أقول ياربي مو معقولللله توصل لي درجة المخافر عاد

آخرتها عيالنا بالمخافر ؟؟؟؟؟

 

[farawla_q80ia]

الخبر هذا انا قاريتة انه في ناظرة في مدرسة بالفروانية بنات موزعه ورقه حق الطالبات بطلبات المدرسة وكاتبة ملاحظة عن التاخير في اخر الورقه دون لرجوع للمنطقه التعليمية او موافقتهم والوزيرة عرضتها للتحقيق معاها اطمنوا لا تحاتون