صج شجره السدره فيها يني ؟

[وحدة من الناس *]

السلام عليكم ورحمة الله وبركاته

موضوعي اني بسوي درس نموذجي بعد شهر وقاعده اخطط له من الحين

ودرس بيتكلم عن الاشجار بالعالم

وما طرا ببالي الا شجره السدره لانها موجوده في بيت يدي الله يرحمه

المهم سمعت ان هالشييره فيها يني!!! صج هالكلام

وناس تقول اذا صاحب البيت توفى الشييره تموت وياه

فالحين طمنوني صج هالكلام والا خرابيط

وشنو تعرفون عن هالشيييره؟

 

[Mrs_Orchidia]

مادري شلون نعرف الشيرة و لا ادري اذا مات صاحب البيت تموت وياه

بس ادري ان تصير مسكوونة .. و ان مو زين يشيلونها

 

[اوراق جنجفه]

اول مره اسمع بهل كلام
ياليت تقولولنا لان عندى شتله حق شجره السدر ماراح ازرها لين اعرف صج ولا لا
انا وحده وسولسيه بليز عطونا خبر

 

[ليلو جبريت]

والله هالكلام معرووف من زمان

لدرجة ان امي رافضة نزرعها بالبيت

 

[هواجيس الفجر]

اللي اعرفه ان النخله اذا مات صاحبها او راعي البيت تمييييييل بشكل واااضح حزنا عليه

 

[كويتيه=)]

حتى انا بعرف لو قصيت غصن من اغصان هالشيييره يعني فيها يعني تكون مسكونه؟

 

[bisOoOna~]

احنا شلناها من بيتنا من زمان @@ ماشفنا شي

 

[عادت ذكرياتي]

ما أتوقع لأن كان عندنا سدر يدتي الله يرحمها زرعتها وقبل جم سنة شلناها من بيتنا لأن جذورها امتدت لي حديقة ييرانا بس والله كانت عجيبة ونستفيد من أوراقها والكنار ناكله .... ماكو شي كلها وساوس

 

[ســتارز]

بسم الله الرحمن الرحيم انا دايما اسمع جذيه

وان النخل يجيب البركة للبيت عكسها

والله اعلم

 

[^LILY^]

صادقه ليلو ابووووي مصمم يزرعها وامي حالفه مايزرعهاا خخخخخخخخخ ياحلاتهم وهم يداحررررررررون بعض هع هع هع

 

[manoooram]

بين بيتنا وبيت ييرانا كان اكو سدرة بس يارنا شالها لأن صوب ارتداده
واذكر يقولون انها بسم الله الرحمن الرحيم مسكونه وان مو زين تنشال بس ولا همه شالها

 

[الحللللوه]

خخخخخخخ ضحكتووني لا مااهي مسكوونه بس خراافااات ككككككك
وترى النااس تلخبطوو بشجره ثانيه خضراء اشبه بالسدر بس اوراقها اككككبر اسمها<<<<<عشر>>>>بضم العين وفتح الشين
هي طعاااام الجن بسم الله
لاتوسوسووون

 

[الحللللوه]

خخخخخخ بعدين صاحبه الوضوع
انتي ناويه تشرحين الدرس واللا تخرعين البنااات
اصلاا لو مسكوونه كان ماتنطحن ويغتسل فيها عشان ترووح العين من الانساااان
وكمان توخذ اوراقها جاافه زمان وتندق ويتحممون فيها كبديل عن الشااامبوو
اصلا الحين يستخدموونه بالخلطاااات
للبشره بياض
والشعر كثاااافه

 

[الحللللوه]

بس تجفف البشرره حيييييل <<<<قلبتها عنااايه خخخخخخخ

 

[Tulips]

بس تجفف البشرره حيييييل <<<<قلبتها عنااايه خخخخخخخ

لووووول ضحكتيني

 

[الكوويت حره]

وعليكم السلام

السدرة شجرة ممتازه
وقد ذكر الرسول صلى الله عليه وسلم فوائد السدر وله فوائد عظيمه


قبل جم يوم شفت لقاء صباح الخير ياكويت وتكلم عن هالموضوع
وقال الكويتيين في السابق كانوا اذا بيخوفون عيالهم الصغار يقولون شوف وراء السدرة جني أو حمارة القايله ومشت هالمعلومه مع الناس وكبروا وما زالوا يتداولون هذه الخرااافه

ابحثوا عن أحاديث الرسول صلى الله عليه وسلم الذي لا ينطق عن الهوى وستجدون فوائد لهذه الشجره

شيء مؤسف ان اغلبكم مصدق هالخرافه

 

[جوانا2010]

اول مره اسمع هالكلام واكيد خرافات
بالعكس السدر شجره طيبه
ويعالجون فيها اللي فيه سحر ولا عين كيف اجل بيكون فيها جني ؟؟؟؟؟؟؟؟؟؟

 

[أريد حلا]

شكلها صج السالفه شرايكم نجرب في بيت وحده منكم ونعرف اذا صج مسكونه ولا لا

 

[sakura-san]

اذكر نحن كانت عندنا شجرة السدر وفجأة شلها ابوي ومارضى يقول وعقب محاولات معاه قال طفرتني الشجرة وصلت لين البلكونة شوي وبتدخل الغرفة هههه انا تحريت عشان الجن بس لا لان الشجرة كانت وااايد كبيرة وجذورها ماشاءالله شوي وبتطلع من تحت الجدار

 

[دلولي]

مادري سمعت عنها وانتي لازم الله يهديك هالشجره غيريها لاتكونين مدرسه عند بنتي بسم الله عليها وبتجيبين لها هالشجره بحصنها قبل لاتروح ههههههههههههههههههههههههههههههههههههههههههههههههههههههههههههههههههههههههههه