صج خبر الزياده

[أم كادي]

هاي بنات سمعت خبر يقولون بيعطونا زياده 80 دينار اعمال شاقه صج والا لا ؟؟
اللي عندها الخبر صحيح وموثوق تعطينا المصدر بليز _03ba:

 

[math2020]

ما سمعت ؟؟؟؟؟؟؟؟؟

 

[ryo_oma]

انا سمعت عن ان اقبلونا كأعمال شاقة
بس ماصار شي اكيد
ومادري جم الزيادة
الله يسمع منج

 

[رايقة1980]

ryo_oma


صج اقبولنا؟؟؟؟؟؟؟؟؟؟؟؟


الله كريم ويزيدوننا 200 دينااار هههه >>>>>نستاهل والله

 

[راويه]

الله يسمع منج

 

[CrystalQ8]

ماسمعت ....

 

[اخت رجال]

الصراحه للحين ما سمعت شئ بس الله يقدم اللي فيه خير

 

[أبلة كويتية]

والله ما سمعت ليما ألحين
وأول مرة أسمع
بس الله يسمع منج

 

[دو^ري^مي^]

انا قريت بالجريده من مده ان نوريه الصبيح تفكر او قررت ماذكر انها تصرف مكافاة 4معاشات حق المدرسات اللي كملوا 5سنوات وفوق بس شرط ان اخر سنتين دراسيتين يكون التقدير امتياز

 

[um_baskoota]

الله يسمع منكم

و الله نستاهل

 

[ضحـاوي]

ما سمعت بعد

بس ان شالله

 

[الجــادل]

ما سمعت ولا اظن صراحه

 

[^SwEeTa^]

انا قريت بالجريده من مده ان نوريه الصبيح تفكر او قررت ماذكر انها تصرف مكافاة 4معاشات حق المدرسات اللي كملوا 5سنوات وفوق بس شرط ان اخر سنتين دراسيتين يكون التقدير امتياز

ما صارت 5 سنوات!!!!!!!!!!!!!

طيب و اللي تعيينهم أقل من 5 سنوات؟؟

قاعدين نشوف المكافآت تتحاذف يمين و يسار و احنا نطالع!!!

ليش ماكو عدل؟؟؟؟؟؟؟؟

عليهم بالعافية .. و هم احنا ترى من حقنا!!

ولو ان الـ200 دينار المكافأة لا تسمن و لا تغني من جوع .. الحمدلله على النعمة .. بس كافي التقدير المعنوي على الاقل

 

[ryo_oma]

ryo_oma


صج اقبولنا؟؟؟؟؟؟؟؟؟؟؟؟


الله كريم ويزيدوننا 200 دينااار هههه >>>>>نستاهل والله

والله حبيبتي هذا اللي انا سمعته ,, بس ماشفت بعيني بالجرايد
انا ماراح اصدق الا لما اشوووف

 

[الفنانه79]

ان شااااااااااااااااااااء الله يارب

الله يسمع منج

 

[بحر الرمال]

اشاعه

 

[ريفيل]

ونااااااااااااااااااااسة
انا حبيت نورية ههههههههههههه وحدة رخيصة

 

[طاسه حنا]

انا اول مره اسمع عن هالزياده ,بس ان شاالله تتم ويصير صج

 

[(كويتيه عسل)]

أنا شفت هذيك المره بالاخبار كانو حاطين مجلس الوزراء

والمراسل كلم نوره الصبيح

و قالت احنا قاعدين ندرس بنخلي مهنة التدريس مهنه شاقه لان المعلمين وايد يتعبون

بس ما يابو سيرة جم بيزيدون المعاش

اتوقع اكثر من 80 دينار


الخبر
7
7


ستبحث جعل التعليم مهنة شاقة 2\9\2009م
انهت اللجنة التعليمية وقال رئيس اللجنة النائب د. فيصل المسلم
عقب اجتماع اللجنة امس انها اجتمعت بكامل اعضائها
ان اللجنة انجزت عددا كبيرا من الموضوعات دون اغفال اولوياتها الاعتيادية.
واكد ان اللجنة ستبدأ بحث قانون جعل التعليم مهنة شاقة مشيرا
الى اننا طلبنا من اللجنة المالية انجاز تقريرها بشأنه
وسنرفع رسالة الى المجلس لطلب تشكيل لجنة مشتركة من اللجنة المالية واللجنة التعليمية
لبحث هذا الموضوع لما له من اهمية ودعم كبير للمعلمين.


المصدرhttp://www.moe.edu.kw/main/الرئيسية/أخبارالوزارة/tabid/93/Default.aspx

 

[james546613]

يستاهون معلماتنا الجنود المجهولة