صج تم الغاء امتحان الحاسوب والبدنيه؟؟

[الدلال]

السلام عليكم

قريت امس بالانباء واليوم بالقبس عن الغاء اختبار البدنيه والحاسوب النظري

ويطبق هالقرار من هالسنه..

الحين انا باجر ولدي اللي بسادس عليه امتحان بدنيه نظري 3 فصول وياكرهه من امتحان

الكتاب الله خير ما ينفتح بالمدرسه , وحزة الامتحان يكودون على هالطلبه معلومات ماندري اولها من اخرها ..

الحين ودي اسأل معلمات البدنيه اللي معانا صج هالقرار؟؟؟ يعني اخليه يدرس حق باجر؟؟

ومشكورين..

 

[ترف بابا]

والله ياقلبي للحين ماوصل شي رسمي

 

[الدلال]

انا ريلي دق على وكيل مدرسة ولدي من شوي وقاله صح تم الغاء الامتحانات النظريه للبدنيه والحاسوب

اشوه افتكينا على الاقل يستفيد من الوقت حق المواد الثانيه الاساسيه

 

[كــلــ أمــل ــي]

جاان زين يلغوونه والله مليناا من الامتحانات عملي ونظري صج تعب

بس حبيبتي بالنسبة للحاسوب للحين ماقالوو شي رسمي يعني بس حجي جرايد ان شالله بااجر يبين كل شي ..

وبالنسبة لمادتناا وااايد سهل دراسة الامتحاان بس يدرس التقويم الصف السادس عندهم تقريبا 6 تقاويم كل صح وخطا واختاري والفراغات والله يوفقه

 

[الأميرة جوري]

ياريت يكون صج...ويغيرون المناهج كلها نفس اول .

 

[عنووود]

الوزير امس بتوتر اكد هالشي

 

[الدلال]

الخبر اكيد بنات خلاص

ادارة مدرسة ولدي طرشوا مسج على موبايل زوجي بلغوه بالغاء الامتحانات النظريه للحاسوب والبدنيه

ودقيت على جم ام عيالهم بمدرسة ولدي اعرفهم واكدوا هالشي

اول الغيث قطره وانشالله يخفف كمية المناهج اللي راح يمتحنون فيها نهاية السنه, ماله داعي يدرسون كتاب كامل واهم بالاساس ممتحنين نصه

الله كريم

 

[PuPa^^SWeeT]

حتى لو وصل شي رسمي

ماراح يتطبق هالسنة

انا معلمة اقولج درسيه

الاختبارات انطبعت و خلصت

اكييد بيختبر

 

[الدلال]

حتى لو وصل شي رسمي

ماراح يتطبق هالسنة

انا معلمة اقولج درسيه

الاختبارات انطبعت و خلصت

اكييد بيختبر

بس القرار يشمل الفتره الرابعه لسنة2010-2011

وادارة مدرسة ولدي طرشت لاولياء الامور تعطيهم خبر بالالغاء!!

ولزيادة التأكيد اتصلنا على المدير المساعد للمدرسه وبلغنا بهالشي

يعني السالفه مو سالفة كلام جرايد, السالفه قرار وخلاص تعمم

 

[فروحه المملوحه]

صج والله يعني خلاص الغوهم

 

[فراشة ورديه]

يعني ندرس ولا ما ندرس تعقت من كلام المدرسات ادرس بناتي ولا لا.

 

[الدلال]

والله انا مادرست ولدي

دخلت موقع مدرسته بالنت الا كاتبين لغوا الامتحان النظري

وتوهم بعد بتلفزيون الكويت حاطين الخبر بالشريط الاخباري

 

[توتي فروتـي]

...


الخوف يكون في اختبارات باجر لبعض المدارس.,
ف خل يدرسون احتياطاً ..

 

[فراشة ورديه]

انا بالنسبة لي بطبع القرار. وعطية بناتي اي مدرسة تعطي الامتحان اخليها تقرا القرار. واذا خالفت القرار نخلي الوزير يتصرف معاهم 

 

[طير الحب]

مدرسة ولدي طرشوا مسج بالغاء الامتحانات النظريه للحاسوب والبدنيه

 

[الدلال]

الحين منى اللوغاني على قناة العداله

واكدت خبر الالغاء

الحمدالله

 

[مكشكش مدندش]

الله يبشركم بالخير هذا اول الخير الله يارب يبارك لنا بهالوزير يارب
يارب تبارك لنا بوزيرنا المليفي وتخليه لنا يارب اخيرا الله استجاب دعواتنا
وفكنا من النسرات ورحم حالنا حشو حشو حشو معلومات وكتب على غير سنع

 

[طير الحب]

الله يبشركم بالخير هذا اول الخير الله يارب يبارك لنا بهالوزير يارب
يارب تبارك لنا بوزيرنا المليفي وتخليه لنا يارب اخيرا الله استجاب دعواتنا
وفكنا من النسرات ورحم حالنا حشو حشو حشو معلومات وكتب على غير سنع

صاجه والله الله يبارك له بعمره وعياله

ما قصر والخير بقبال

خل تسنع هالوزاره التعبانه

 

[بنوتة كول]

لا خلاااااااااااااااااااااااص ما في امتحانات احسن فكة

 

[جيتك تعال]

بعد تاكيد خبر الالغااء

اى مدرسة تستهبل مالكم الا الوزير والاذااعة

والله اختبارات مالها معنى وفيها ضياع وقت المفرووض يخلوونه للمواد الاسااسية الصعبة