صج تعبت حيييل بس الحمدالله, قصه ولادتى برويال حياه

[sweet.sweet]

حمدالله على سلامتج حبيبتي والله حريتيني ولا الحين مسووين خمسين بالميه خصم على الولاده من رداه مسووين هالعرض

 

[love love]

الله يعوضج خير

واهم شي سلامت البيبي وحمدالله على سلامتج

 

[^^دموع الكويت^^]

وما توقعت المستشفى يكون بهالمستوىىىىى !!!!

 

[SweeTa_4ever]

حسبي اللله علييييهم في مستشفى جذي بوووووق واكل استغفر الله وخدمه ارف وخربطوون الياهل وتعب الولاده لا مومعقوووله كشخه عالفاضيييي مالت عليهم المهم حمدالله على سلامتج حبيبتي

 

[dnyay_mll]

حسبـي الله عليـهم
وااااااااااي
شنو هذيـل
المشكله وايد ناس ماتصدق
اهم شي سلامتج وسلامة البيبي
الحمدلله على السلامه

 

[AL Aristocraticya]

مشكورين يا بنات والله يسلمكم من الشر


بس هذا اللي صار معاي صج صح مستشفى تعباااااااااااااااان والله مهما كتبت ووصفت شقوووول ما ادري حسبي الله ونعم الوكيل فيهم


وعلي فكره سمعت خبر عنه يقولون بحولونه فندق احتمال اذا مانجح كمستشفى هذا اخر خبر سمعته والله اعلم


وحسبي الله عليهم الحراميه

 

[المبدعة]

الله يعينج

و حمدالله عل سلامتج

و مبروك ما يالج

 

[Stylist]

ياقلبي
الحمدلله عالسلامة ومبيروك عالبيبي يتربى بعزكم
وهذول شكثر طلعت عليهم سوالف ماتطمن...
اهم شئ سلامتج

 

[sereen]

الف حمد لله على سلامنج والله عورتى قلبى وااااااااااى صج مو موقف , وبعد رافعين اسعارهم على شنوووووووو ,حسبى الله على ابليسهم ماسكين الكويتين من الايد اللى تعورهم يعطونا الشكل ويدرون هالايام الاستقبال بالطيب يعنى ياجرون عليج مكان وناس اتوزع وهذا ربحهم من المشروع مالهم بس كخدمات صحيه ردااااااااايا اطلعوااااا ,

اشوا انج طلعتى منها والسنع اهو اللى يثبت نفسه بالنهايه لا الشكل ولا الكشاخه خاصه بالهاسوالف مافيها رووح تعال

ماتشووووفين شر ياعمرى

 

[بمبرة]

:klhfl:الحمدلله على سلامتج ومبروك عليكم اللافي
حسبي الله ونعم الوكيل على المستشفلى
آنا لما اروح استقبال في رويال حياة تلوع جبدي والمستشفى مقت

 

[مدام زيزو]

صج الحمدلله على سلامتج

 

[الهما]

لا حول و لا قوة الا باللة
الف الحمدلله على السلامة حبيبتي
و الحمدلله على سلامة البيبي
انا عاد توني والدة في و على النقيض كانو معاي قممممممممممممممممممممه بالعناية و الاهنمام

 

[داريني]

لا حول لله
حمدالله على سلامتج وسلامة ولدج
واهم شي الله عداج الشر
والله كل مستشفيات لها اخطائهااا
ماكو مستشفى كاامل
وانتي حظج معاهم صار جذي
وانشالله الفلوس الي انباقج منج ما يتهنى فيه الي باقهااا
واعتبريها صدقه عنج وعن ولدج

 

[AL Aristocraticya]

في شي بعد نسيت اقووله انه انا نمت في غرفه عاديه اللي اهيا ليلي لمده يوم علي ما يفضي الجناح اللي ابيه لانه كان فيه ناس المهم دفعت 100 دينار زياده وحجزت ليلي تقزوره لين يفضي الجناح اللي ابيه ويم فضى الجناح اللي ابيه ولا اتيني وحده من تحت خدمه العملاء عراقيه اسمها رغد غاده شي جذي المهم و انا عندي عمى ابو زوجي و مرت حماي يعني مو ابروحي عندي ناس مهما كان بالغرفه و اتقولي حبيبتي هاي الغرفه اللي تبينها محجوزه لوحده قاعده تولد فوق بالعمليات اول ما تخلص بنزلها فيها !!!!!!!!قلت لها نعم؟؟؟؟ انا من امس ناطره هالغرفه تفضى ودافعه زياده 100 نمت بليلي علشان ابي هذي تفضى مارحت خذيت اي وحده غيرها و الحين اتقولين لين في وحده تولد وتبيها فوق ؟ و انتو اساس قايلين ما حجز كل واحد وحظه الموجود يروح له؟؟ شالحجي؟؟؟؟ وقامت اتقوول اعتذر منج عيني بس هاي الغرفه لوحده فوق مثل ماقللللت لج !!!! ومصره تتكلم بالموضوع و انا اجعم فيها مو راضيه تسكت اتعلي صوتها وانا عندي ناس مرت حماي و عمي يحاجوني و انا تدودهت ارد عليهم و لا اسكت هذي جان اقولها ممكن اتين في وقت ثاني مثل ما انتى شايفه عندي ناس ماني قادره اتكلم و فوق هذا انا تعبانه حديييييييييييييييي مخدررررررره زين منى اشووف اللي جدامي تخيلوو الوضع وهذي تقرق و اتعلي صوتها و اتحن لين صرخت بس عاد مو صراخ عالي بس ابنره اتبين لها انه بس كافي روحااااااي وقلت لها تعالي بعدين لو سمحتى .... امي وزوجي شافوها وحسو فيني ويدرون اني ابي هالغرفه نطروها تطلع من باب الغرفه و يطلعون وراها وهدو الضيوف ويزوفونها زف وقالولها الغرقه اللي تبيها ابتاخذها ابتاخذها اوكي و احنا كلامنا من تحت مو معاج
بعدها كلمنا واحد تحت لبناني و ضبط الموضوع و عطاني الغرفه اللي ابيها ... حلو ؟؟ عدت هالسالفه علي خير
ا
ليوم اشووف ارقام غريبه ابتلفوني اكثر من مره شلته !! ولا الاخت العراقيه هذي داقه ياسلام؟؟!! قمه في الاستعباط داقه اتقوولي انريد ناخذ رايج بالمستشفى لانوو انتىىى ما كتبتييي الفيد باك مالج لما طلعتيييي ((( ليش في احد دري عني يوم طلعت و انا السسترات دازيني علي الوييل جيرر؟؟ محد عبرني من الريسبشن اصلا ليش؟؟ لانه قابضين وخالصين مالهم حاجه لو مو قابضين والله جان ماخلوني اعتب برا الباب .. ولا قالو اصلا تعالي اخذي الاوراق اللي تبينها بلاغ الولاده والمرضيه محد دري عني جنى يايه زايره مو والده عندهم وقاعده اسبوع ... الناس بالمستشفيات اللي برا يومين و ياخذون اوراقهم خالصه انا اسبوع وارواقي ماخلصت ورحت البيت وقعدت اسبوع يالله امس خذاهم زوجي و اشعقبا؟؟ عقب تلفونات وحنا وقلت لهم زوجي ثلاث مرات يروح ويرجع اتردونه اتقولون الاوراق مو جاهزه شنو هذا ؟؟؟ ابي مرضيتي حق الدوام اجازتي خلصت وماوديتها وابي بلاغ الولاده الولد صار عمري 11 يوم وما سجلنا عطوني اسم احد يروح له زوجي وقالولي عند وحده فلبينيه تلقونهم اخيرررررا بعد 12 يوم خذينا اوراقنا و العالم يطلعون من المستشفى يومين اوراقهم جاهزة انا اسبوع عندهم و اسبوع ثاني يالله خذيتهم ......))))

عموما انرد علي موضوع الاخت اللي داقه تاخذ الفيد باك مالي يعني رايي بالمستتشفى ...قلت لها المستشفى تعبان جدا و تعيس وكل شي فيه و انبقت بعد الهاوس كيبنق حراميه جان اتقوول شووفوو الوقاحه!!!! واللهي هذي قصت السرقه عيني ولا مره صايره عدناااااااا قلت لها والله صارت معاي و المبلغ 110 دنانير بالضبط بعد و مالت الهاوس كيبنق ااغراضها مقطوطه بالحمام لا نظفت ولا شي وسالى السسترات !! باقتني وانحاشت وقعدتو ساعه الاربع اتدورنها بالمستشفى مالقيتها اختفت عن الانظار !!! راحت خشت بوقتها وردت .......جان اتقووول ابكل وقاحه عيني انتى كنتى مسويه استقبال يمكن من الزوار اللي اجوووج !!!! قلت لها نعم نعمممممم احترمي نفسج اللي يوووني كلهم اهلي و اصدقائي ماتستحى صج وقحه ... بعدين قلت لها انتى انتى نفسج اللي داقه تاخذين راي بالمستشفى انتى كان لج موقف سيء معاي ولا تبين اذكرج لما يتيني اتعلين صوتج و انا تعبانه و عندي ضيوف اتقولين لي انه الغرفه اللي ابيها تبيها وحده تولد فوق تذكرين ؟؟؟؟؟ جان تنطممممممم وتنجعم

جان اتقولي حبيتي انا بس اريد اقولج انه ودنا انشوفج مره ثانيه بالمستشفى قلت اي انشاءلله خير و انه المستشفى يقدم لج زيارتين مجانيتين حق البيبي لطبيب الاطفال قلت لها مشكوره عندي طبيب اطفال من برا من طرف دكتوري ما ابي الزيارتين المجانيتين ملوتكم جان اتقول ياليت اشوفج و افعد معاج اي خير الحمدالله والشكر مو عارفين شيرقعون علي اللي سووه معاي !!!! زيارات مجانيه بيسكتوني يعني ؟؟

 

[Raveena]

الحمد الله على سلامتج و مبروك ما ياج


الحمدالله اني ما ولدت في هالمستشفى مع ان ريلي كان يبيني اولد فيها ليش انها قريبة من العمارة اللي ساكنين فيها بس قلت له المستشفى جنها فندق و ما يمدحون خدمتهم بس كشكل حلوة

 

[coca^cola]

بعد عمري ربي يعوضج خير و الحمدلله على سلامتج و سلامة البيبي هذا اهم شي و ربي يحرق ايدها حراق اللي باقة فلوسج و خلتج محترة جذي فوضي امرج لله و قولي حسبي الله و نعم الوكيل و ربي ينتقم منهم واحد واحد بس لا تسكتين عن حقج اشتكي عليهم

 

[أوكسجين]

الحمدلله على سلامتج وسلامة البيبي
وايد ناس تذم المستشفى

 

[فنانة تشكيلية]

اشوه كنت ناويه اولد عندهم مشكوره وايد على القصة اختي والف الحمدالله على سلامتج

 

[AL Aristocraticya]

مشكورين بنات علي كلامكم الطيب اللي برد علي قلبي اشوي وواساني باللي صارلي

الله كريم وحسبي الله ونعم الوكيل فيهم يارب

 

[Cacawa]

امبيه شالسالفة

الله يعينج صج حقارة

بنت خالتي ولدت فيه الشهر اللي طاف بس ما اشتكت من شي وماسالتا اذا سوو فيها شي ولا لأ واهيا بعد والدة قيصرية

بعد الحين زاد حسابه محد راح يروح له